قصيدة مولاي القاسم ص


جسام _ عريس الحرب
جسام _ دخلهم رعب



بالخيمة ولن يسمع صوت
ياهو الدوني ايرد الموت
واني حسين تعرفوني
هلهل سيفة بئيدة وكام
ياعم صاح انه الصرغام
خل الناس ايشوفوني

غير انت العم المهيوب
ماخذ من الناس كلوب
والعاقل هم جنيتة
مثلك ماكو بهاي الناس
بس انت وعمي العباس
نفسك صار وحبيتة

ردت عون _ يبو الكون _ فزعت لنخوتك
شبل حيد _ ولا هيد _ خذت من شمرتك
الآبو كال _ لهل حال _ يجاسم ساعتك
شني تريد _ يصنديد _ أسير بيمنتك

جسام _ عريس الحرب
جسام _ دخلهم رعب



ضل يتبختر بين الناس
ماخذ شمرة من العباس
حيرة شلون ايردونة
صاح انه القاسم من صال
ركب خيل اعله الخيال
تكتل خزرات عيونة

عسكر يصدم عسكر كام
من صهلت مهرة جسام
موت وخيم عالوادم
من مهرة ايجر الخيال
هاشم وآدم كلهه اثكال
من تنوي تسل الصارم

نزل موت _ بلا صوت _ حصد نص الزلم
الحلم راد _ نصر عاد _ صريع ابلا حلم
ولا هاب _ شهم طاب _ شهم وابن الشهم
يلم ناس _ يطش ناس _ ولا بيهم يهم

جسام _ عريس الحرب
جسام _ دخلهم رعب



كاسر ظهر الشكرة الحيد
من زغرة معلم صنديد
كاروكة ارجاب الشكرة
من ظهور الخيل ايجر ناس
جاسم يطبك راس براس
بجة الفارس والمهرة

كلهم عندي وياكم ثار
من يوم الدستوهه الدار
وضلوع امي مكسريهه
مية ابدال المحسن كون
واحدهم هو الممنون
موتة بعز ايسميهه

بعمر شاب _ ولا هاب _ اكو باله درس
الوفة دين _ للحسين _ ولا همه العرس
اليحبون _ يضحون _ فدة لحبهم نفس
العشك ناس _ بالحساس _ صدك بالحب يحس

جسام _ عريس الحرب
جسام _ دخلهم رعب



يا نجل الما رد خطار
سيفك مثل ادلالك حار
ينكط دم اعله جفوفك
محدب سيفك بس نيشان
مثل الدلة ويه الفنجان
ياهو الينكر معروفك

تجمر من روس الشجعان
موكد صاير كل خوان
ياشيخ بعمرك صاير
اليجهب سيفك تجرم بي
راسة ايرد ايلولح بي
هيبة وما تكسر خاطر
فله بله حرمله مرجله اله

يخلاس _ للنفاس _ عزم زودك كمر
التلاكيه _ تخليه _ حطب صار لسقر
سرة نحور _ رحة ادور _ ولا عابر نحر
امر بي _ اليلاكي _ يعجلولة القدر

جسام _ عريس الحرب
جسام _ دخلهم رعب


خادم خدام زينب صلوات الله وسلامه عليها
حميد كاظم الشمري