Dr. Ahmed Abdelghany Khalifa

لو فيه رسالة نفسك توجهها لصديق معين في كلية الطب أو معاك في السكن ..تقوله اي :

إضافة لكلام الدكتور:

محدش هيكمل طريقك أنت هتكمله لوحدك، نفسك لا تقرنها بغيرها، لك قدرة والآخر له قدرة، لو حطيت نفسك في مقارنة هتخسر، مفيش مانع إن لو شايف نفسي مقصر وأبص لأصحاب الدرجات العالية والملتزمين بالحضور وأحاول أكون زيهم.

الوقت الفاضي كنز سواء مواصلات، سير في الطريق وغيره....، ممكن تستغله في سماع بودكاست معين تقرأ فيه قرآن تراجع فيه الحفظ كدا، الفكرة إنك تستغله صح.


مهامك تكتبها من بالليل، سِر بمنهجية، اترك العشوائية تهلك صاحبها.


متبصش على نتيجة الترم اللي فات بجلد ذات لك، بص عليها بأنها نقطة هتخليك ناجح وتتعلم من الأخطاء وتطلع بها بأفكار هتساعدك.


وبس كدا أتمنى لك حياة طيبة يا إنسان. 🤍


#نصائح

لو هقدملك نصيحة واحدة في بداية الترم تطبيقها وتجيب معاك نتيجة سريعة ملموسة من أول يوم
هي أنك تختار صاحبك واللي حواليك
محدش هينفعك إلا صاحبك المخلص المجتهد اللي شايف اللي وراه دا هيخاف على وقتك زي وقته
أي حد بيضيع وقتك ويحبطك ويقعد يصيح ويصدرلك أن كل حاجة سلبية دا سيبه وأنت الكسبان
شوف مصلحتك ولا يضرك أنك تكون لوحدك بس لو كنت مع حد مش شايف اللي وراه وكمان بيضيعلك وقتك هتخسر كتير أوي

صباحُ الخير❤️

كُلُّ الصعابِ بلطفِ الله هينةٌ
طمّن فؤادكَ لا حزنٌ ولا قلقُ

نقولُ ياربِّ قُلناها على ثقةٍ
وهل يخيبُ الذي في ربهِ يثقُ!؟


بداية ترم جديد للمعظم، فابدأها صح ومن الأول متفوتش أي حاجة وخليك منظم وارمي حمولك على ربك وتوكل عليه
اللهم وفقنا وسددنا❤️

جو تلللج 🥶🥶🥶 محتاج لحاف فايبر وبودكاست رايق أو إنمي محترم أو فيلم home alone مع شوية فشار ولب وسوداني ...ولا عزاء للأوائل اللي قاعدين عالكتاب بيبكو بعين ويذاكروا بالتانية 😌❤️

بتعملوا اي فالليلة البرد دي

#من_أخطاء_الامتياز 😬😬😬


كالعادة واحدة جاية الاستقبال وعندها

supracondylar fracture

والكلمة المشهورة لما تقول لنايب العظام مش حتديله بنج أو مهدئ !؟

يقولك يا ابني ده كلام كتب وأنا بقالي سنتن في النيابة وشغال و عملتها وما حصلش حاجة كأن اللي كاتب كده في الكتاب حمار او بيهرج او بيدلع العيان 😏😏😏

يلا بينا شد معايا يبني وفجأة العيانة بدأت تصرخ جامد صراخ هستيري ..و فجاة arrest قعدنا نفوق فيها مفيش فايدة🥶🥶

العيانة ماتت يجماعة ..والله ماتت من
neurogenic shock 🤦🤦

وكان سنها صغير مش سن كبير ...

افتكرت كلام د. علي حسيب الله يمسيه بالخير لما قال وهو بيشرح ال ortho :

انت هيخس عليك اي لما تاخد العيان في غرفة العمليات جمبك في الطوارئ وبأمبول مخدر تردله الخلع وتحترمه ومتخليهوش يتألم..انت ممكن تموت العيان بحركة زي دي ..اعتبرها اختك او والدتك ! 😕😕

الله يمسيه بالخير هو وكل أساتذتنا الكبار

#نستفيد :

🚨🚨 متشاركش في ممارسات غلط النواب بيعملوها خصوصا لو كنت قارئ وفاهم ومتأكد من المعلومة لأنك هتشيل ذنب وهيبقي عليك إثم كبير ومسؤولية قانونية.

🚨🚨 المريض في مستشفيات الجامعة أينعم غالبا بيكون فقير أو ظروفه المادية مش أحسن حاجة، لكن ده إنسان ليه كرامة وإحساس وخاطر 🙆🙆 ، وسيادتك أو كتير مننا بيكسر بخاطرهم ويعاملهم بطريقة جافية وحادة في مستشفيات الجامعة وكتير من المرضي بيصعب عليه نفسه وبيسيبوا مستشفي الجامعة ويمشو وهم في أمس الحاجة للخدمة الطبية. .😡😡

🚨🚨 انت مش بتتفضل على العيان يا صديقي، زي ما انت بتقدم خدمة للمريض ببلاش ، انت برده بتتعلم منه حاجات صعب تتعلمها بره لو كنت في مستشفي صحة أو مستشفي غير مجهزة، ولو هتقول خلاص اول سنة اتعلمت كل حاجة فكل فترة هيجي حالة rare أو complicated ويمكن عمرك ما تشوفها فحياتك وتتفاخر وسط زمايلك إنك كشفت عليها وعالجتها بفضل المرضي الغلابة دول ...ده غير ابحاثك وماسترك والدكتوراه اللي بتحتاج فيهم للمرضي دول علشان تترقي ، 😃😃

فاحمد ربنا إن فيه مرضي وريت عالي تتعلم منه ...واتقي الله في الناس وفي علمك وفي عملك ❤️

هو انا لازم أبقي ذكي علشان أكون من الأوائل في الكلية أو حتى في شغلي؟

ج/ ناس كتير بتلخبط الذكاء بالنجاح*.

النجاح مش للاذكي.. النجاح بيجي للي عنده صبر و قوه تحمل و مثابرة و القابلية علي التغيير و التعديل و التعلم من الغلطات. و الأهم، القدرة إنك تسمح لنفسك إنك تغلط عشان تتعلم ومتبالغش في جلد ذاتك .

مش لازم تكون أذكي واحد، بس لازم يكون عندك القدرة علي سعي و لازم يكون عندك صبر.

افتكر الكلام ده أو اطبعه و حطه قدامك:

- الظروف المثالية مش هتيجي
- ⁠عمرك ما هتبقي جاهز ١٠٠٪؜
- ⁠محدش هيجي ينقذك
- ⁠انت مش ضحية
- ⁠الحاجة مش هتطلع صح من اول مرة
- ⁠مفيش حاجة اسمها حظ
- ⁠المجهود الي هتحطه هيجيلك قده او اكتر منه
- ⁠الهروب من الافكار مش هيحلها
- ⁠ظروف الحياة صعبه علي الكل
- ⁠الضغط النفسي كبير علي الكل برده بس بأشكال مختلفة
- ⁠اللي حواليك يا هيطلعوك فوق يا هينزلوك تحت
- ⁠المشوار صعب و فيه وِحده كبيرة
- ⁠ماتستناش حد يسقفلك 👏🏽
- ⁠متقارنش نفسك بحد غير نفسك
- ⁠لو حد تاني عملها، انت كمان تقدر تعملها 💪🏾

مازن حسن

#الطب_سؤال_وجواب

انت مستني بداية الترم التاني بكرة ان شاء
لكن انا مستني بداية فاينل الترم الاول بكرة ان شاء
We are not the same

فلو تدعولنا ان ربنا يوفقنا ويهدي الدكاترة اكون شاكر جدا ليكم

ماذا أفعل إن شعرت بالكآبة طوال الوقت لدرجة أنه أصبح من الصعب النهوض في الصباح للهرب من الواقع والتركيز في الدراسة؟

الكونترلوك من عائلة دوائية تعرف باسم مثبطات المضخة البروتونية (بالإنجليزية: Proton Pump Inhibitor)، والتي تعمل على التقليل من كمية الأحماض التي يتم إنتاجها في المعدة. بمعني دواء بيتاخد لتقليل حموضة المعدة والمساعدة في تخفيف الآم المعدة بسبب الحموضة وبنستخدمه في علاج ارتجاع المرئ وقرح المعدة

بس في المقابل في بعض الاحيان من ضمن الاعراض الجانبية انه ممكن يعمل التهاب في القولون Microscopic colitis وبالتالي ممكن يعمل آلام في البطن abdominal pain

وده بيحصل بسبب نقص الحموضة في المعدة وبالتالي بيحصل لخبطة في انواع البكتريا اللي موجودة في القولون والامعاء والنتيجة وجع في البطن
‏abdominal pain

يعني يادكتور الدوا ده المفروض اخده عشان اريح المعدة بس ممكن يعملي وجع في بطني، هقولك آه بس ده مابيحصلش لكل الناس لانه ده عرض جانبي ممكن يحصل وممكن لا

في ممارسة الطب في ادوية كتير ممكن تعمل رد فعل عكسي" غير اللي أليه العمل اللي مفروض تشتغل بيها ، دوا مثلا ذي ال الهيبارين Heparin للسيولة، دوا بيتاخد في امراض محتاجين سيولة زيادة في الدم ذي الذبحه الصدرية وجلطات القلب، بس ساعات مع بعض المرضي بيحصل تفاعل معين ويعمل جلطات التفاعل ده بيسمي Heparin-induced thrombocyopenia والمريض بدل مايبقي عنده سيولة يحصل "تجلط" يعني الهيبارين بتاع السيولة ممكن يعمل تجلط !!!

والكونترلوك بتاع الحموضة وعلاج وجع البطن ممن يعمل التهاب في القولون ويؤدي الي وجع في البطن والمريض هيشتكي من معدته عادي (المريض في احيان كتير بيقول معدتي تعبانه وميعرفش يفرق بين المعدة والقولون)

والله ده مش تنظير علي الدكتور اللي انا متاكد انه دكتور محترم بس احنا المفروض نتعلم يعني ايه طب ونقرا كويس، وده ABC طب ولو احنا مش عارفين مش عيب خالص كلنا بنتعلم، بس عيب اوي ان شكوي اي مريض تبقي مادة للسخرية علي السوشيال ميديا

حوالي ٤٠٠٠ الاف شير وضحك علي البوست معظمهم بيتريق علي شكوي المريض ومعظمهم دكاترة بس للاسف مش عارفين يعني ايه طب !!!!