#قصائد_شهادة_موسى _ الكاضم_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"؟😭السلام على حَلِيفِ السَّجْدَةِ
الطَّوِيلَةِ وَالدُّمُوعِ الغَزِيرَةِ
‌‏ــــــــــــــــــــــــــــــــ😭
على طور (كوم ارويهه)لملا باسم لشهادة الكاظم عليه السلام..

شكد ابجينه شكد ابجينه
كلف اغيابه شكد ابجينه
يلعُمرَه اليكضِيه بظَلمه
يلشَحَّت لانفاسه النَسمه
........
سجن وطبع السجن الظلمه
وحشه وشوك اعله الحيطان
يِعصُر حتى انفاس الرِّضَّع
وما تمشي لحظه من زِمان
لو تحبس ورده انته تشاهد
مايبقه بهل الورد الوان
وان جان المحبوس الدنيه
الكاظم دنيه واغله انسان

ذيج تلالي ذيج تلالي
دمعة هضمه ذيج تلالي
كل الكون الياخذ مِنَّه
اليم سجنه يروح ويتعَّنه
.........
ابطن الكاع وبطن الظلمه
حتى شَمس الله مَتفُوف
كالو يبقه لآخر يومه
وما يطلع الا بتابوت
ما عرفو دنيانه التخلص
بس شمس الكاظم متموت
رغم الكِيد وثِكلَه وضِيمه
حَفَّر كل جسمه ومَنحُوت

ماهز شعره ماهز شعره
بكلب الكاظم ماهز شعره
رغم تمر ايام ثكيله
وبحساب الساعات اطويله
..........
وَصَّل كيد السجن عظامه
سجن السندي الكله آلآم
لاهيه نهار ولا ليله
ولا عين البلدمع تنام
شَم النسمه بفتحه ازغيره
شسوت بالكاظم الايام
يضربه السندي بهاي ايرجعه
والكُفر بكلبه اشكد ضَام

من يُوصَّلَّه من يوصله
ابهذا امجانه من يوصله
مو صارت مَحسوبه انفاسه
كومه سنين امفارك ناسه
...........
يوم الجمعه جان الموعد
تتلاكه اعله الجسر احباب
جتي الشيعه اهناك بلهفه
صار اهواي اعليهه اغياب
تتمنى لو مره اتشوفه
تشتم إلِّي ايدوسه اتراب
بعده الشيعه ايتام اكضتهه
بكلب الفاكد مِيت اصواب

وين الغايب وين الغايب
جِسر وجُمعه وين الغايب
موعدهه وتِنطُر مَوعدهه
تتنطر ساعه التِسعِدهه
............
تابوت ويمشي ايشلونه
حماميل التكرب عالناس
موعد لاجن يوصل ميت
ولا ظَلَّه بهالدنيه انفاس
ذاك اليلطم فوك ادموعه
وهذا اليلطم فوك الراس
جن صدر الواحد من ضيمه
مِيَّت حافر بيه الداس

مات الكاظم مات الكاظم
سَمَّه السِندي مات الكاظم
مات وجرحه ايعيش ويانه
كل عام انزوره ويلكانه
...............
ابو مريم الاسدي..
17/1/2025 ..



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA