2.مؤسسة منبريون لنشر القصائد🧿


Channel's geo and language: Iran, Persian
Category: not specified


1. قناة اليوتيوب الرسمية رابط👇الاشترك بالقناة
https://www.youtube.com/channel/UChi9JQ-VKyzhEWL4E0144JQ
2.كروب الالحان(1)
https://t.me/joinchat/Dw92Dj9pmspR5uHfACGjlA
3.كروب الالحان(2)
https://t.me/joinchat/Dw92DkJZ4tvb4YIzJWBWrg

Related channels  |  Similar channels

Channel's geo and language
Iran, Persian
Category
not specified
Statistics
Posts filter




#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
وداع زينــــــــــــب وي ابوها اليله
شافها العــــــــــــباس ونهد حيله

شاف اخيــــته وزاد عباس الحزن
تكابل  وياها ســوه بحسره ويون
يكلها عنه شــــــلون حيدر يندفن

شاف دم دمــــــــوع اخيته تسيله

تكابلو بنــــــــــوح عل صار وجره
تكله جرحه مچيــــــد موهين تره
بعد ابوي الروح تبــــــــقه مرمره

والگلب من الــــــــــــحزن ياويله

شافو شلون الــــــــــحزن بعيونها
كعدو الخــــــــــوان  ويصبرونها
منها رايح ياعــــــــــــلي يعذرونها

تريد حــــــيدر عل جره وتشكيله

تشكي لو ظلت وحيده بهل زمان
ومــــــــنها راح يروح وياه الحنان
وين تلكه خــــــلاف ابوها ويامان

بســــــــــــــلامه بيا گلب تدعيله

زودو همــــــها اليتامه ومن لفو
بلبجي علــــــه الباب هيج تكابلو
راح حيدر صــــرخو بحسره وبجو

وكلها تبــــــجي بهل مسيه العيله


ابو سلام الجابري




ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

أنا  الباســــــــــط أنا الرازق
  كتابُ الخــــــــــالق  الناطق
  انه المافـــــــــوكي بس طه
  علي ومثل الشــمس واضح

  الفـــــلك بـــــــــيدي اديرنه
  قســــــيمُ النـــــــارِ  والجنه
  بَمر مـــــــن الله أدير الكون
  وعله متـــوني النجم طايح

  علي انه علي ياهــــــو يوصل القدري
  علي انه علي بيدي كلشي ضل يجري
علي انه علي  فــــــــــي العسرِ واليسرِ

علي ولي الله علي ولي الله

ــــــــــــــــــــــــــــــــــــــــــــــــــــــــــــ

  انا الكـــــــاســــــــر  انا الجابر
  ولامــــــــره بحـــــــرب خاسر
  اذا كــــــــــض سيفي بالميدان
  الخــــــــــيول عله الزلم تركب

  اذا  اشـــــــــتد الوطيس اشتد
  عليُ الـــــــــفـــــــارسُ الأوحد
  انا بكــــــــل الجـــــــهات اطلع
  منــــــــي ولا يصـــــــح مهرب

علي انه علي  ســــــــــر الباري بعيوني
علي انه علي عالي ومايــــــــــلوحوني
  علي انه علي  هنــــــــــيال اليحبوني


علي ولي الله   علي ولي الله
ــــــــــــــــــــــــــــــــــــــــــــــــــــــــــــ

  انا  امرجع  الشــــــــــمس بيدي
  نــــــــــزل مـــــــــن الله تأييدي
  علي انــــــــــه حبـــــــــيب الله
  الدنيه  ابكـــــــيفي امشـــــــيها
  
   انا الكلــــــشي خـــــضع لسمي
   مـــــــن  رب الســـــــمه عزمي
   انا الـــــــذل العــــــــده بسيفه
   وانـــــــا الخاســــــف اراضيها
 
   علي انه علي  ياجــــــــف يكدر الجفي
   علي انه علي  كلشي تحــــــير بوصفي
   علي انه علي  متــــــجي للسمه جتفي

  علي ولي الله   علي ولي الله

ــــــــــــــــــــــــــــــــــــــــــــــــــــــــــــ
وليد الكــــــــعبه انـــــــا حَيدر
وانا القــــــــلع حــــــصن خَيبر
الزلم تشــــــــهدلي بالخــــندق
  جهــــنم سيــــفي من يغضب

  قبائي الاصــــــــفر  امن البس
  الهوه بالكـــــــــوه يتــــــنفس
  وخلي الخــــيل تـــــردم خيل
  ماكو اكبالي شـــــــــي يصعب


علي انه علي  لمـــــحد يشبه ارسومه
  علي انه علي لو كض سيفي بالحومه
  علي انه علي  ذاكه يــــــنزع اهدومه


  علي ولي الله   علي ولي الله

ــــــــــــــــــــــــــــــــــــــــــــــــــــــــــــ

  انا خلـــــــــفي الوحي يصلي
  الملائك  كلها تســــــــــجدلي
  علي انـــــــه كـــــــفو الزهراء
  على اللـــــوح اسمي مسجل
  
  أمــــــــــرها الدنيه بجفوفي
  سلام الله عله احـــــــروفي
  جـــــــــبير الساده انا حيدر
  أعدل  الماهــــــــــي تتعدل

علي انه علي  بحــــــروفي البحر يغرك
علي انه علي   ميزان العــــــدل والحك
علي انه علي  موت احــــــمر اذا ازهك

  علي ولي الله   علي ولي الله

ــــــــــــــــــــــــــــــــــــــــــــــــــــــــــــ

انــــــــــا الغالب  انـــــــا الراهب
عليُ ابــــــــــن أبــــــــــي طالب
انــــــــا الباطن انــــــــــا الضاهر
انــــــــــا ليث الحـــــــرب حيدر

  الهــــــــوه والــــــــماي والانهار
  تمــــشي بكيــــــــفي انا الكرار
  عليٌ صــــــــاحــــــــــبُ النشرِ
  انــــــــا الساقـــــي عله الكوثر


  علي انه علي  ماصح مثلي ابد حاكم
  علي انه علي  خيري مغــــرگ الوادم
علي انه علي   ماضــــــيع تعب خادم

علي ولي الله   علي ولي الله


ــــــــــــــــــــــــــــــــــــــــــــــــــــــــــــ


حسين عبد الزهرة الدراجي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ


بويه عالباب أنتضر    ساعـــــة قدومك
أذن آذآن الفجـــــــر    وأشلون أصومك
ويلي من جمرة عذابك
كلبي مــا يحمل غيابك
يا علي
..................................................
نبض كلبي يا علي بها وينه يبده
كمت أركض أفتـح الباب أوأسده
ماي عينـــي الجيتك ينتضر بعده
هوه كلبي يا علي شجم علي عنده
ويلــي نيران الهجر   جوتني ويلي
أصبر وحتى الصبر   هدملي حيلي
شوفي مشبوح أعله بابك
والله موتنــــــــــي غيابك
يا علي
............................................
أنحنه شوفي وعلــى أدروبك يتاني
وشوكي لحضانك بده يحسب ثواني
يا علـــــــي زينب يبو زينب تراني
خضًر الشيب ودمـــع عيني جواني
وحشة داري ومضلمة    لو جان تسمع
أعليك أمشــــي فاطمة    يا بويه ترجع
كمت أتفكد ثيابــــــك
كلبي ما يحمل غيابك
يا علي
.......................................................
هيــــه لحضات وبديت أسمع مناحه
علـــــــي ما تمم صيامه ولا صباحه
سيف أبن ملجم شطر راسه ورواحه
وي سجوده ودمه يا ويلــــي أستباحه
طبر هامه والدمه    بمحرابه صله   
وجان حسن الخاتمه     وتسبيحه قبله    
بلهفه أتنطر جوابــك
كلبي ما يحمل غيابك
يا علي
.........................................................
من شفت خواني جابوك أعله بيتك
جيتك أركض حافيـــه يا بويه أجيتك
يا علي بيا حاله لــــــــو تدري لكيتك
ويلــــــــــــي بويه ويابس الدم بلحيتك
بدمعي أغسلك حاولت    وأشلون أغسلك
وأنت من فيض الدمه     مصبوغ كلك
وأشعمل بيه مصابك
كلبي ما يحمل غيابك
يا علي
........................................................
آخر أنفاسك وأسمعك تحجـــي بيه
تمسح براسي وتــــــــرد تلزم أديه
أعليك أمشي فاطمه الزهرة الزجيه
بويه فك عينك يبويه وحــــــن عليه
التضل بــــــلا أبو   عازتها حازه
يثكل أعليها الحمل     مثل الجنازه
حتى لو أنضر سرابك
كلبي ما يحمل غيابك
ياعلي
........................................................
بويه من شالوك شالـــوا نعشي جنهم
وياكم أخذوني هلـــي ويخواني أكلهم
شفت أخوتي أعله الكبر طاحوا شفتهم
بويه ما دفنوك جــــــــــن دفنوا نعشهم
أوويلي من هالو ترابك
كلبي ما يحمل غيابك
يا علي
.....................................................
خادم خدمة الحسين
الشاعر
محمد الموالي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

نريد نعرف هالحقد وأسبابه
ليش ينزف حيدر  بمحرابه
.....................................
صايم  برمضان و بليلة قدر
و النواعق نعقت بدربه شكثر
أتعنه حيدر للصلاه وكت الفجر
ويقره آيات الذكر بكتابه
..................................
ليش أمام الشيعه وبسيف الحقد
راسه مفتوح وعلى لسانه الحمد
تشوف حيدر توصل الناس وترد
شكبر جرحه شكد غميج أصوابه
....................................
خل يكول اليعرف أسباب البغض
ليش طبرو نافله  بأول فرض
تشهد لحيدر سماها و الأرض
من  يسل  فقّاره من  كرابه
....................................
هذا  ياسيف الطبر نور الشمس
مايطفّي النور كل حقد الرجس
ياعلي يختلف باجر عن أمس
من الحقد نار الخيم  لهّابه
...................................
ياجريمه أبشع من اللي جره
ظلت أحلام اليتامه مطشره
جرح أبو اليمه كلف والسم سره
ضماد ما ينفع ولا عصّابه
..................................
أبن عمك يالنبي وحامي الحمه
أنصبغت مصلايته بفيض الدمه
بجت كل أهل الأرض وأهل السمه
ولبست أثياب الحزن بمصابه
.................................
تبجي وتنوح اليتامه وي الحسن
على الكل عمره ولا عابد وثن
شما تدور الدنيا و يدور الزمن
الثار حيدر كل وكت طلابه
..................................
حسين يبجي بلوعه وآهات وألم
من يروح  الوالد  البيت  أنهدم
رادك بطف كربله تطفي الخيم
وتدفن أحقاد الشمر وأصحابه
...................................
حيدر مطر العبادي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

القائد ... علي علي
الزاهد ... علي علي
العابد  ... علي علي .... سيف الله
............(((((((((((((((()))))))))))))))))))

؛١
لو دورينه الدنيه كلهه مثله ما نلكَـه
بس واحد وأسمه علي حيدرنه النعشكَـه

خِسَر // كلمن بغض حيدر علي
خِسَر // من بايع الغيره ولي
خِسَر // واخرته نيران العلي 
خِسَر // وبهمه باجر يبتلي

بس واحد .... علي علي
الزاهد ... علي علي
العابد ... علي علي ... سيفُ الله
......(((((((((((((((((((())))))))))))))))

؛؛٢
ذكره عباده ويا عباده أل الله رايدهه
الماعدهه حيدر هايه أُمه كلشي ماعدهه

علي // هو الأساس الكل عمل
علي // أفعاله ما تنعد جُمل
علي // السابع سمه صيته وصل
علي  // ما يحجي اذا قال فعل

الشاهد ... علي علي
الزاهد ... علي علي
العابد ... علي علي ... سيفُ الله
......(((((((((((((((((((())))))))))))))))))))

؛؛؛؛٤....
صايم نهاره وليله قائم خلص ايامه
وعيونه ماتغمض لحد ما تغمض ايتامه

منو //  مثله علي مثله منو 
منو // التاريخه حافل بالكفو
منو // البرد اليتامه اصبح دفو
منو // بكَـده أخذ دور الأبو

الوالد  ... علي علي
الزاهد ... علي علي
العابد ... علي علي ... سيفُ الله
........((((((((((((((((((()))))))))))))))))))

؛؛؛؛؛٥.....
فارس عظيم وبي تسولف ظلت الوادم
وكت المعارك ماكو غَيره ينطي امر حاسم

زلم //  خالسهه جان بخزرته
زلم // ما كَـدرت اترد سطرته
زلم  // موتهه كلهه بصولته
زلم // عاشت رعب من هيبته

الرائد .... علي علي
الزاهد ... علي علي
العابد ... علي علي ... سيفُ الله
  ....(((((((((((((((((((((())))))))))))))))))

؛؛؛؛؛؛٦......

تاريخه حافل بنتصاره ومدد يا حيدر
صفين تشهدله وبدر والخندق وخيبر

شِطَر // نصين ابن ود ابفخر
شِطَر  // جم مرحب وبابه كِسَر
شِطَر // تاريخ المزيف ظهر
شِطَر // كل جاهيله وانتصر

الخالد ... علي علي
الزاهد ... علي علي
العابد ... علي علي ... سيفُ الله
.......(((((((((((((((((____))))))))))))))))))))))

✍️🏻 كلمات موسى الخادم


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
شهادة امير المؤمنين
.
.
.

ابچي براحتچ يم راس ابو حسين
باچـــر بالســـبي ممــنوع تبـــچين
السوط بدمـع العيون
اهناك ايطـَيح امتون
يزينب
--------

خيمــة جاهچ انــهدمـت .. الهدمها سيف ابن ملجم
ونزل دمعچ على خدودچ  .. مــن گد الخجل محرم
صـحـــتي ياعلــــي بــويه .. عگـــبك بيـــتنه مظلم
يـــأســـلام الله واليـــنعـاك .. بـــس البصدگ مسلم
 
ودعي حيدره اشگد ماتگدرين
باچر مــن على الناگه تودعين
اوداع الاهل ميــهون
اهناك ايـطيح امتون
يزينب
---------

احچي براحتـــچ وياه .. وهلي اشما گدرتي ادموع
الرايحلچ چبير الشـــان .. مـــو هين تره الموضوع
الله يلوم اليلومچ .. البچي الراعي البخت مشروع
بـس اهــناك يازينـــب .. بالطـــف البـــچي ممنوع
 
فوگ الگاع اخوتچ من تشوفين
مامسموحلـــچ بالطـــف تـونين
وتره حداي الضــعون
اهناك ايطــيح امتون
يزينب
--------

البيت ابلا نفس حيــدر .. بيـــت ابـلايه حنيه
حگچ فـــاگده امـــعدل .. ابچي ونوحي ليليه
الرايح مو شخـص عادي .. ابو الساده يعلويه
ولــــو باچــــر يعـــلويه .. يصيحولچ يمسبيه
 
التـــتنخين بـيه راسه عالرماح
منو اليفزعلچ وحاديــــچ ذباح
الحچي اشما كان ويكون
اهناك ايطيــــح امتـــون
يزينب
----------

اليفـگد والــده الوادم .. لمــن تهــمل عيــونه
الذي بگلوبهم رحـــمه .. يصــبرونه ويـسلونه
بس بالسبي يازينــب .. اليهل دمعه يظربونه
مو بس الخيم تـُسلب .. الدمع ايضا يسلبونه
 
يتـبده الحچــــي وتلـــمه الـــسياط
وازغر جرح بالطـــف ما اله اخياط
اليحرگ واليسلبون
اهناك اتطيح امتون
----------

علي وياه اخذ حــيلـچ .. من ايــدچ علي مـن راح
البيت ايطيح من كيفه .. عمود البيت بس لو طاح
تـــعـزي بــــعــــزاء الله .. حسين بدمعته من صاح
باچر خويه من تبــچين .. بالســـوط الـمتـن ينلاح
 
احسبي احسابچ الهاي المصيبه
تـــره باچــــر تصــيرين الغريبه
ولليســــبيچ قانــون
اهناك ايطيح امتون
يزينب
-------
حيدر تركي الكربلائي
 
.ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
 


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
في آخر لحظات مولاي علي وهو على فراش الموت كأني به يأخذه الحنين إلى تلك المدينه و بيت مولاتي الزهراء ع ويقول


كل ذكياتي ابذاك الامجان
أشبعد المدينه وگلبي عطشان
امن اسنين فاگدلي وطن
روحي اشتهت بيت ام حسن
يامن يردني..... يامن يردني
...........................................
آنه اليريد ايضم ونينه
وأبيت فاطم يسد عينه
الشوگ أكلني اعله المدينه... مو بديه

تمنيت ارد اردود ليها
الدافن اعيوني وگلبي بيها
رايد تجبلوني عليها....وعالزجيه

حن گلبي اعله ذاك الدار واتمنيت هاليومين
اشوف أجنازتي تطلع من يم حجرة ام احسين

ماهمني راسي شلون مطبور
آنه الكسرني گلبي مكسور
وجم ذكره بعيوني التقن
روحي اشتهت بيت ام حسن
يامن يردني....... يامن يردني
..............................................
ابعز الهوى ومخنوگه ريتي
معذوره گتلها انسبيتي
جا غير ضگتي اعذيبي بيتي... الماكو منه

دارج ودار اهلج بعيده
للنجف شيجيبه الاريده
حسبالي اموت ولازم ايده....بين أهلنه

الما عايفها كل عمري جا اعوفنها من تالي
كون بسدها گبري ايصير صبحها وليلها اگبالي


افراگ الزجيه  يتعبك اهواي
وايخلي عندك أزمه بالراي
َواعيونك يصيرن مزن
روحي اشتهت بيت ام حسن
يامن يردني...... يامن يردني
...........................................
اندگت الباب وگلت هيه
ثاري الطبيب الجاي إليه
جايب دوه وما يدري بيه....
منتظرها

وبحسره گتله الهامه خلّها
وضم الاضماد الما يحلها
مضيومه روحي اتريد اهلها.. بس تمرها

ومن جاس الگلب بيده الطبيب الجايني أتحسر
الله يساعدك گلي اعله گدما گلبك اموذر

واعذرني ضل ايصيح مولاي
باللبن شله الفارگ الماي
ودموعي عالخد سبگّن
روحي اشتهت بيت ام حسن
يامن يردني....... يامن يردني
.............................................
موقف اجه ابالي وسباني
مره إطلبت مني بزماني
أدوّر عله الفقره بمجاني....جن حمامه

اعليها الدمع يجوي أمن اطلعه
هندس الدنيا وهيه شمعه
تاخذ عشه احسين وتوزعه....اعله اليتامه

لبيت ام زينب اخذوني وكلشي ابخير ساعتها
اعله ريحتها أطيب اهناك بس اشتم عبايتها

وبدارها ما ابقى معلول
بس شرط كون الباب مشيول
وجروحي هم مثلي بجن
روحي اشتهت بيت ام حسن
يامن يردني...... يامن يردني
.............................................
ام داري وين اوين داري
عافيتي جن فيي الصحاري
تعبان واعليها انكساري.. وگرب موتي

مرسال اريد اكتب وأودي
بس حرت من يا لجمه أبدي
گدما بجيت انحفر خدي....ومات صوتي

اضل بالنجف راد الله لجن أدريه يعوضني
يلاگيني اويه ام حسين بالجنه ويطيبني

ياهله بكلشي أمن الله مكتوب
ما دام هوه اعرف بالگلوب
بس ذكرياتي سولفن
روحي اشتهت بيت ام حسن
يامن يردني..... يامن يردني
..............................................

أحمد ماجد الكلابيــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
باب وحزام .. ونوح والام 
ابليلة القدر وعلي مصيوب عالهام 
@@@
ليله صعبه للفجر .. بيها احداث اشكثر 
وكل حدث جرحه ابد وابلا نهايه
بعد طه وغيلته .. وباب فاطم دفرته
اتكمل ابحيدر حزن افجع روايه

حزام حيدر من لزم بابه وعلگ
الاوز بنياحة المولى شهگ
والفجر من غصة اطلوعه شرگ 
ولو لحگ جبريل چا حيدر شبگ

وزينب اهناك .. الله وياك
ودعت بوها وداع ايفت لعظام
@@@
ماحزن بينه انوصف  .. وحيدره هامه نزف
والمصيبه طفت الدنيه شمعها
بالفلك نسمع آذان .. طاح صمام الامان   
وعيني من نعي الوحي صبت دمعها

بالسمه وحي الله صوته معتلي 
آه بالمحراب مطروح الولي
وعلى لوعة مهجته ودم يغتلي 
لطم راسه وصاح وا حيدر علي  


ناده جبريل .. آخ وا ويل
مهدمه اركان الهدى في دين لسلام 
@@@
كون حيدر ينطبر .. يعني دنيانه گبر 
يروح عنه صاحب اللمسه العطوفه 
وتالي نصبح عاليتم .. ابكل زوايه ننظلم 
راح حامينه اليبارينه ابچفوفه 

ابليل لظلم ينفگد ضي الگمر 
وغصه من بعد الولي اتغص البشر 
وبالظلم كل ثانيه انعدها ابشهر 
والعدل بيته من الامه انهجر

ابحبه انذوب .. ومنه منتوب 
ولجل حبه اتمر على الاشواك ليام 
@@@ 
امن الهدى ركنه انهدم .. وشيعته اتضوگ الالم 
وللفرج يبگه الفرج يصعب عليها 
من على راسه انطبر .. وظهر كل شيعي انكسر
وصارت ادگ بالحزن راحة اديها

وصي طه من لعد رب الجلال 
مصيبته اتهد السمه فوگ الجبال
ويعلن اعلينه الكفر حرب وقتال 
واحنه نصرخ ياعلي إلنه تعال

بوّنه ونياح .. الابو راح 
وحزن بالكوفه صفه واعياد بالشام 
@@@
شوفوا من بعده اشصبح .. چم حِجِر عدنه انذبح
وبس يذبحونه لان حيدر ولينه 
على حب مير النحل .. حتى صلبونه ابنخل 
واشكثر چن ميثم گطعوا ادينه 

بس لانه انوالي مولى بالنجف
مسلسل التذبيح ماضي واگف 

وما تحسفنه ولا گلنه وسف 
فدوه منحرنه لبوزينب نزف 

بيد لشرار .. اكبار وصغار 
ذبحوهم عزل اوسحگوها لعظام 
@@@
 ارواح منه مألمه .. ترست افاق السمه 
لان بس حب الوصي ساكن گلبنه 
الا هل من يتعض .. روت ادمانه الارض
لان حب المرتضى صاير ذنبنه 

بليلة الطبره على الشيعه انقدر 
المر عليها بهاي دنيانه أمَر 
لهذا بس توصل الى حز النحر 
انصيح ياحيدر فدالك هالبشر

انصيح بالصوت .. حبنه للموت
وعن مصارعنه تعب تعبير لقلام 
@@@
علي أحمد الحمود 
١٤-٣-٢٠٢٥
شهادة الأمير ع 
الضربه 
 

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

ساعد الله الليله گلب أُم البنين
          رايحه تودّع أمير المؤمنين  
***
الليله من دار الوصي صوت النّحيب
ارتفــــــع بالأحزان وي وكت المغيب  
من كشف هامه وصفگ چفّه الطّبيب 
وصاح ياعدل الله والحق المُبين
***
اعهد بعهدك او وصّي وصيّتك
ياعلي طـــــــبرة ممات بهامتك
چنها يابو حسين حانت سفرتك
البارِئك هالليله ياحبله المَتين
سمعته أم عباس والمدمع جرّت 
ونارها ابّين الضّلوع توجّــــرت  
عنها حيدر هالمســه رايح درت
العاشت وياه بعُمرها أحله السّنين
***
كون تفــــــــده بعمري ياحيدر قليل 
بروحي چنت أفديك ياحامي الدّخيل
علي يالبالكــــــــــون ما مثلك خليل 
بدال هامك ريت هامي مصوّبين
***
عله فراش الموت أشوفك يالگضيت
بالجـــــــهاد ســـــــنينك وماقَصّريت 
مســــهّر الليل ويه عينك ماغُفيت
ترعه بالفُقره ويتامى المُسلِمين 
***
باب باب ادگ بديك الفاضـــــلات
وتطعم بچفّك بطــــــون الجائعات
وانته شهر صيامك بجوعك تبات 
من گبلهُم ياعلي ماتغفه عين
***

الشّاعر
أبو سجّاد الجعفري
9 رمضان 1446هـ

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

              وداعاً ياأمـــيرَ المؤمنينْ                 
              وداعاً ياشهيدَ السّاجدينْ
     وداعاً ردّدَ الرّوحُ الأمينْ    وداعاً ياعلي
                       **
        يامن ابدور العـــــــباده أفنيت عمرك
        من الولاده لشّـــــــهاده عالي قــدرك
        علي يالكل الوجـــــــود ابطوع أمـرك 
        الزّائريك اليوم أصبح كعــــــبه گبرك 
          فيكَ كم ْهامتْ وكمْ حارتْ عقولْ
          بسْ هوَ الخالقُ أدرى والرّسولْ
   مَنْ عساني فيكَ قولاً اذ أقولْ   وداعاً ياعلي 
                       *


        ياولـــــيّ الله او ياوالــــــــي اليتامه
        للأجـــــل هالليلــــه بانت چم علامه
        موعــدك مسجد صــلاتك والخـتامه  
        ذاك ابن مُلجم الك جــــرّد حســـامه
            لكَ الآذانُ ينــــعى والسّـــوادْ
            كسى وجهَ الثّرى في كُلِّ وادْ    
     بحُزنٍ والأسى عمَّ العبادْ   وداعاً ياعلي
                       *       
        اشدد احـزامك علي للموت قـــــولك   
        او لاجــــــــزع ناديك موتك وأمتثلك
        للأجـــل مدّيت باعــــــك من شبحلك          
        والسّجود الجبهتك مشـــــتاگ مثلك


              فيا شـوقاً خلا فيهِ الخليلْ
              فلا يرضى بمعشوقٍ بديلْ
     نداهُ قدْ دنا منكَ الرّحيل    وداعاً ياعلي
                       *
        ياعلي بدارك طــيور الوز صــوايح
        اترفرف بجنحـينها ابوجهك  نوايح
        ماتريد اللــــــــيله عن دارك تبارح   
        لنها تدري بطلعتك من عـدها رايح 
            فما حالُ الّتي تنظُـر خُطاكْ
            وما في الكونِ كُلٌّ قدْ بكاكْ
      نداها ياأبي نفسي فداكْ   وداعاً ياعلي  
                       *


        بعد جــــــــرح أمّي ينزف دم منيّه 
        وســـط صـدري وأحس نيرانه بيّه
        مَحنّتها العـزيزه المــــــــــاكو هيّه
        أشـــــوفن بيك ياحامي الحــــــميّه
             فواحزني على أُمّي البتولْ
             بقلــــبي لوعةً لا لنْ تزولْ
      بعينِ اللهِ يافحلَ الفحولْ   وداعاً ياعلي
                       * 
        أودعك هالمســــــــــيّه أوداع غالي
        يبويه او غــــيرك بهـــــالدّنيا مالي
        صــــدگ دار المحنّه ايصــير خالي 
        او تروح او ياك طـــيبات اللــــيالي
              
  
             بدارِ النّوحِ أبقـى والعزاءْ
             فلا يقضي ليومِ الانقضاءْ
     فمالي يا أبي غـيرَ البكاءْ   وداعاً ياعلي
                       * 
     
                



                                       الشّاعر
                                            أبو سجّاد الجعفري


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

خلصت ذيج ايام الفركه
وبدموع الفرحه اتلكيتك
لازم باب الجنه المحسن
اتفضل يا ابو حسين ابيتك
انسى ادموعي.....بخير اضلوعي
....................................
اتفضل وانسى ايام الونه....بأسمي واسمك هاي الجنه..وادري اتحب الكعده وياي
هاي الليله اوداع لهمي ...مشتاكتلك تفطر يمي....وتشرب من اجفوفي الماي

كلما اشوفك انساهن علي ادموعي
مايدرون بعيونك دوه اضلوعي

انته اضمادي وانه اضمادك
وبس احساسي يعرف احساسك
ضلعي ايطيب بشوفت طولك
وشوفت طولي اطيب راسك
فدوه امتوني.....انته اعيوني
اتفضل يا ابو حسين ابيتك
..................................................
خلي احجيلك عن البيه
افراگك جان اهواي اعليه... وكتلتني العيشه ابلياك
جم ليل المر وما نمته.... وحشه الجنه الما بيها انته... اتعطلت اهواي اهناك

من كدما يحبك الله ويثق بيك
قسيم النار والجنه علي امخليك

اتفضل يا مولاي ابدارك
كلشي اوياي الليله اتغير
هذا اول رمضان ويانه
نلتم واعله اعيونك نفطر
محلى ارسومك... وعطر اهدومك
اتفضل يبو احسين ابيتك
...................................................
كبَرّت المحسن بغيابك......
لا تهتم عالصار ابابك....ماگتله اشسوه البسمار
يا محلاة ابني اتگول انته......عن كل شوغه هنا عوضته.....وشوگه لجيتك صاير نار

هله بجيتك علي أمن الگاع لهنانه
هله بگدما المحسن روحه عطشانه

بكلشي اعليك اوليدك طالع
بس اشگد يتمنه ايشوفك
أنسى الباب وذيج العصره
من گدامي ايبوس اجفوفك
شوف اوليدك... واخذه بأيدك
اتفضل يا ابو حسين ابيتك
.................................................
ناقص لمتنه بهالحظه.....ياحيدر بس ولدي وفضه.....وترجع ضحكتنه البلدار
الما شبعوا من هاي الجلمه....من يابويه ومن يا يمه......عفت البيت وهمه ازغار

آخر مره يمكن بيها ملتمين
جان استوه اذكر يمشي ابني احسين

يعيوني ويابعد عيوني
شگد مشتاگه لحجيه الدافي
يوجعني أكثر من اضلوعي
بشر بله اشلونه اخلافي
عاش بروحي......اغلى اجروحي
اتفضل يا ابو حسين ابيتك
..................................................
وجمعتنه ايضل يرادلها
اثنين انحبهم محتاجلها....طيبين يرفعون الراس
ما أذكر عافونه بشده.....ماينعبرون بهالگعده......عباس وأم العباس

كالولي وحيده ابلا اخت عشتي
حگهم ما دروا بأم البنين اختي

هاي التذكرني ابكل ليله
ودارت بيتي ودارت ولدي
بلجنه وكل گلبي اعليها
غير ام عباس آنه شعندي
ياطيبتها..... وحنيتها
اتفضل يا ابو حسين ابيتك
..................................................
ولو أبجيّك اهواي اعذرني....
بس اتضل زينب توجعني.... باجر هيمه وماكو افياي

باجر ضيم الطف اهوايه
ولا كافل يمها ولا رايه... واخت الماي اتدور ماي

اشمكلفها وعباية الله تترب
وبعد ذاك الدلال الحره تتغرب

باجر ياهو ايگلها ارتاحي
وياهو يضل ما يشمت بيها
باجر عالشام اني وانته
نلطم يا ابو حسين اعليها
اتهل دمعتها...ابدون اخوتها
اتفضل يا ابو حسين ابيتك


احمد ماجد الكلابي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
كلساعه يطلب واحد امن اخواني
وآنه الوحيده أدخله ما خلاني
ما ادري ابوي شعنده
طايح أحسه بشده
وكلساعه يطلب واحد امن اخواني
//////////////////////////////////////

ابوي شمعنى كتّرني وآخر وحده خلاني
شفت كلمن يطب يمه يطلع شو شخص ثاني
گلّت شوّفهم الطبره وصفره اوجوه خواني

والكاتلني امن ايطلعون
شما احاجيهم ما يحجون
غير آنه العلّمت البير
جا ليش اعليه ايضمون

ومن القلق صبّرت گلبي وگتله
من بعد أخوتي ان شاء الله وندخلّه
وآه انتظاري شبعده
طايح احسه بشده
كلساعه يطلب واحد امن اخواني
//////////////////////////////////////

على راعي الهله وّده وثگل سكته الهوى وجدمي
گلت عدهم أضن خطار وأبرد ضاله بدمي
ومن گدما حسن مكسور طلع يشبه ضلع امي

ما ادري شعنده امن اخبار
بس الظاهر مو خطار
وگلت اتوقع جوّه يجوز
فتحو موضوع البسمار

من والدي يبجي طلع متحير
واهواي حسيت الحسن متغير
شصار بهذيج الكعده
طايح احسه بشده
كلساعه يطلب واحد امن اخواني
/////////////////////////////////////

وبعدها طب هرش گلبي وبدت عيني مناحه اتضم
تعطّل جوّه ابو سجاد وطلع بس من طلع يلطم
واول مره اشوف حسين لهاي المرحله يهضم

الما تجّرأ يمه الريح
خطوه ايگوم وخطوه ايطيح
بطارف عينه اهواي ادموع
ومحتاج السجاد ايصيح

ذاك القوي ما ادري شنهو امتعبه
من گتله گلي شيوجعك گض گلبه
وگدامي كله اتبده
طايح احسه بشده
وكلساعه يطلب واحد امن اخواني
//////////////////////////////////////

ودخل عين امي واعيوني وبديت اتنخه بالحيطان
ساگي البيت ماي الماي طلع من والدي عطشان
گلتله شراد داحي الباب وصفگ ايده گمر عدنان


ضل يتعذر مني اهواي
الماقصر لو لحظه وياي
مدري شصاير جوّه اوياه
اسمعته ايلوم الفيي والماي

واستغربت من ما قبل يحجيلي
گاضيها ليش امدنگ ويدعيلي
باب القلق شيسده
طايح احسه بشده
كلساعه يطلب واحد امن اخواني
//////////////////////////////////////

وأخيراً صاح وين ام عون أريد بنفسي احاجيها
دخيلج يا اميرتنه عليه لا تحسبيها
أطلبت من هاشم احجايه ومحد گدر يحجيها

ما ردتج تدرين شضام
حدر اضلوعي اهواي اسهام
شفت الجلمه بثگل الباب
آخ الشام الشام الشام

سوّلفت لأم ايمن الشام شبيها
ويمها تفاصيل السبي تلگيها
بالضيم گلبي شيهده
طايح احسه بشده

أحمد ماجد الكلابي

تمت بعون بقية الله مولاي صاحب الزمان عج

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
وين فاتحته علي مسوينهه
گبال زينب زينب الله يعينهه
**
گبا
ل زينب نصبو الجادر حــزن
وليتامه گــــــــبالهه تنوح وتون
تصيح كلهه شلون حيدر يندفن
الدنيه ماتسوه بعد بسنينهه
وين فاتحته علي مسوينهه
**
ايت
ام نصبو جادر وطبــــخو ثواب
والبسو اسود للحزن وبهل مصاب
خلاف حيدر صاحو نظل للعذاب
وريت گبله رواحنه مقدمينهه
وين فاتحته علي مســوينهه
**
عل
جنازه تــــگابلو صاحو سوه
ياهو اليــــــمرنه بعد راح الظوه
گلب زينب هــــــــس بنار نجوه
والجنازه گبالهه مودعينهه
وين فاتحته علي مسوينهه
***
منگ
ب العــــــــباس ودموعه تصب
وعله زيــــنب گام بس يطلع يطب
يشوف اخيته شلون مفجوعه گلب
شلون زينب والعده مبجينهه
وين فاتحته علي مسوينههك
***
شاف زينب تبجــي وحتار الكفيل
يفرك بجفــــــه ابن حامي الدخيل
شلون وزينب كــــــدر واحد يعيل
وعده امانه وزينب مخليهه
وين فاتحته علي مسوينهه
***

ا
بو سلام الجابري



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
قرّر ايعوض علي اعظم خساره
وحاول إيقدم البسمار اعتذاره
اتعلّق بالمأزر
وعالماضي أتحسّر
وحاول إيقدم البسمار اعتذاره
///////////////////////////////////////

من بعد ما جان كافر    كل هالسنين
قرّر البسمار فجأه      يدخل الدين
والأمس ما لاَن گلبه   رايد ايلين
ونيته خلاها سليمه   بظهر ابو حسين

رايد يكفّر على اذنوبه الثكيله
مانعَم بالخير من فتره طويله
برمضان اتغيير
وعالماضي أتحسّر
وحاول إيقدم البسمار اعتذاره

///////////////////////////////////////
أتعوّذ امن اخوان يوسف    قبل الادموع
وأجه يريد أبيت حيدر    يشعل اشموع
المرتكب أكبر جريمه   بحق الاضلوع
دارت الدنيا بغروره   وگاعد ايلوع


من سمع بالدار حيدر ينعه روحه
بجَه العصره وأعلن التوبه النصوحه
وبدموعه أتحيّر
وعالماضي أتحسّر
وحاول إيقدم البسمار اعتذاره

///////////////////////////////////////

الرايه من راي الشماته    غيّر الحال
أتعاون اويه ( الوز) يأخره   يم العيال
الوگف يتحده الطفوله    وبالمهد عال
تالي ما تالي اعله نفسه   دوّن أقوال

راد يتباره الذمم ويه العشيره
يدري بس المأزر الفرصه الاخيره
اتمناه يتأخر
وعالماضي اتحسّر
وحاول إيقدم البسمار اعتذاره

///////////////////////////////////////
الأيده بيد الحطب جانت   عارض النار
امن الغدر جرّد طموحه   ومؤتمن صار
العيّش المرتضى ابغربه   هسه محتار  
ايخاف عالكرار يطلع    خارج الدار 

وبده ايلوم بروحه ويحس بالأذيه
وين هذا الخوف جان اعله الزجيه
بالذكره اتعثر
وعالماضي أتحسّر
وحاول إيقدم البسمار اعتذاره

///////////////////////////////////////

صد على البسمار حيدر    عتّبه اهواي
يلمشيب باب گلبي      شتوگف اوياي
الجان عافيتي تهمّك    رجّع ادواي
تسأل شعطشني وانته    ماخذ الماي


ياسبب كل دمعه مرفوض اعتذارك
موتتني وجايني امغير قرارك
يوّن خلاه حيدر
وعالماضي اتحسّر
وحاول إيقدم البسمار اعتذاره

///////////////////////////////////////
وبعد ما بالفشل بائت     كل الأحلام
أنتهى البسمار عمره     أبشد اللثام
خَسَر وأتحمل خسارة     ذيج الايام وماانطاه شرعيه حيدر  بين الأقلام


راد بألمازر يجي ايحل  القضيه
لجن ما ساوم علي بضلع الزجيه
وقرر يطبّر
وعالماضي اتحسّر
وحاول إيقدم البسمار اعتذاره
///////////////////////////////////////
رجع من محرابه ناحل    كلّه لجمات
وانترس بيت النبوه      ادموع وآهات
بين ولده سيّد الطب    بالوجع بات
كابر وكابر وكابر       لحدما مات


ياهضيمه علي ماگام بسلامه
وصارو الأيتام من بعده يتامه
غمّض واتعذر
وعالماضي اتحسّر
وحاول إيقدم البسمار اعتذاره

أحمد ماجد الكلابي

تمت بعون وبركة والطاف مولاي بقية الله صاحب الزمان صلوات الله عليه..

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
أرد احجي اوياك وخجلانه
أجبر گلبي الضل مجروح
وصي احسين ايسجل اسمي
وللطف ياخذني أمن ايروح
وشيحسبني..... خل يحسبني
أجبر كلبي الضل مجروح
.........................................
.....................................
حلمت للطف ما اخذني  وبيه ما ادري شلجمني
شفته بلنسوان يحسب أوصل يمي وما حسبني
اتعمدت اوگف اگباله بجه ودار عيونه عني

وما شافني يمكن گلت حاسبني اضن بحسابه
َوعديت روحي وي الضعن وبجفوفي شلت اثيابه

ألمن ضلتي وگلبي امسافر
وما ضلت بالدار أنفاس
وگدت اسكينه وحسبالي امشي
وضل يبجي احسين وعباس
ادري يحبني.......خل يحسبني
اجبر كلبي الضل مجروح
.................................................
خلها زينب يا ابو زينب امدلله بس وصي بيه
وينها أوين الصحاري العاشت أبيت الزجيه
كلشي هين الا زينب بدالها خلني سبيه

آنه أولى منها بالتعب وهيه أولى مني بالدار
قنع اوليدك ياعلي بمجانها آنه اطفي النار

هنيالي أبين الخيل أركض
وبزغار احسينك احتار
شمحلاها لزينب من ارجع
وجفوفي مجوايه بنار
بس ساعدني.....خل يحسبني
..................................................
ياما انه وياه گعدنه وجانت اسوالفنه عنك
ياعلي بروح الزجيه رايده هالطلبه منك
انته حلال الشدايد حلها خلياخذني ابنك

عودت كلبي اعله العطش بلكت أحصل امرادي
أمشي واشوفه بكربله واكف ابنص اولادي

وابقى اتباوع بس لطوله
وماترمش جدامه العين
وأسمع عباس ايكله ابشر
عد عينك مولاي احسين
هم مثل ابني.....خل يحسبني
..................................................
باجر اعله الفيي يدور الأغلى من ولدي وحياتي
وفصلتها أعله كد طوله حتى أفيله بعباتي
خلصت عمري اندعيله الشاهد اجفوفي وصلاتي

هاي آنه اعوفه بيا وكت العايش بنص روحي اسنين
لا مو هوى اتنفس حجي اشمحلاها يمه أمن احسين

صح بدويه وصح متعلمه
يوميه آنه وأهلي افراگ
بس ياعاده أضل واوليدك
خلاني بكل لحظه اشتاگ
اعليه كل حزني...خل يحسبني
..................................................
العنده مثلج يشكر الله ونعم يم عباس منج
بهذا حجيج طاب راسي احسين ابن الزهره وابنج
لخاطري مسحي دمعتج امقدر الگلتي وحزنج

سمحيلي اگلج واعتذر بالدار اريدج تبقين
وما أريد كلبج ينكسر ياغالية ام احسين

ضلتج يم عباس الحكمه
وبسج تبجين ابلا صوت
يموت احسينج هاي انسيها
هوه المثل احسين ايموت؟؟؟
شكد هاضمني.....خل يحسبني
اجبر كلبي الضل مجروح

أحمد ماجد الكلابي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
شور///

يقولون في آخر لحظات مولاي علي ع كان جالس في حجرته وكان لديه جمع من الناس منهم العباس ع فعندما أراد أن يوصي فقال فاليخرج كل من ليس ابن فاطمه فبقي الحسنان وزينب ع  وخرج الجميع وقام العباس لكي يخرج فقال مولانا علي :


أرجع عباس...... رايح لاوين
يبني أنسميك....اعيون ام احسين

جبير القسم بعيونك
الحجي ما يكمل بدونك
شلون المثلك ايروح..... يعباس

يظهر احسين يابختي
شوصي وانته سالفتي
ودوه اتطيح اعله الاجروح.....يعباس

الهوى يطلع وانته اتضل والديوان ديوانك
يتارس عيني وين تريد محد يترس امجانك
هاي الكعده مثل الطف تصد اعليك من كل صوب
وصيتي ابعازتك عباس ضواي انته وضوه اخوانك

گمر فاطم...... ابا الفضل
گمر فاطم.....ابا الفضل
.............................................
كلشي ابلياك..... تاليته اينوح
يلبيك أنفاس.... ترد بينه الروح

جنت عايش اويه الزهره
مثل تسبيحة الزهره
حجيها بكل وكت بيك..... يعباس

من كسرو ضلع منها
لگيت احروفك بونها
ويمكن صاحت اعليك..... يعباس

شمسوي بگلب فاطم وياما أتمنت اتشمك
وكلما جبنه طاري الطف لازم ينذكر اسمك
وانته بظهري تدعيلك وضمتلك قميص احسين
گالت أخذه للعباس وگله أمن الزجيه امك

گمر فاطم..... ابا الفضل
گمر فاطم..... ابا الفضل
...........................................
بوصّيتي اخيام.... المثلك مريود
انته العباس...... ولازم موجود

يكلشي بكربله باجر
ويخلص يمك العاشر
يا كل ناس الحسين..... يعباس


ورغم ما معتبرها أمك
امانه اختك تضل يمك
تعبتلك تره اسنين..... يعباس

مد جفك لجف زينب وعيش لخاطر الحره
وياعمود بيت احسين يلعيونك سند ظهره
بالطف كلشي يبقى ابخير إذا ضليت انته ابخير
مايذبل غصن هاشم وعمايمكم تضل خضره

گمر فاطم........ ابا الفضل
گمر فاطم....... ابا الفضل
..........................................
...........................................
آخر لحظات...... ليه انه وياك
يلكلك نور...... ضلمه ابلياك

اويه الحسن غسلني
اويه احسين جفني
وهل فوگاي الاتراب..... يعباس

ويبني آخر سوالفنه
مجانك يمي بالجنه
عزيز انته اعله ابو تراب... يعباس

إذا عالطبره اگول اتهون الوجعني شلون اودعنك
أقبل رايد اجفوفك وبعيونك اشمنك
سلامي لموقفك بالطف وسلامي لعطش گلبك ذاك
وسلامي الشمرتك للماي وللجربه العلى متنك

گمر فاطم....... ابا الفضل
گمر فاطم...... ابا الفضل
..................................


احمد ماجد الكلابي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

عن لسان احد المصلين الذي كان يصلي خلف مولانا علي عليه السلام
حيث كان شاهداً على تلك الحادثه بأكملها:
...........................................
كل ذاك الفجر جارح
من السكته للصايح
آنه المُصلَي الگلبه مفجوع
واول شخص دگ اعله الاضلوع
...........................................
ذاك اول فجر يخنگ
صَبّح گلبي گوه يدگ
حرت وبروحي گمت احرگ.. وادعي لحياته

مشيت لداره انتظره
وتعطل جوّه ابو الفقره
احس شي كاعد يأخره... يمكن بناته


منهن طلع مختلف حيل الكرار
وبنته الامجلبه بظهره مدري البسمار
من بيته حد المسجد اهواي اندار

مدري شعايف ابيته
وگضت بالدرب عافيته
حسيت رب الدوه معلول
وتاهن أمن ايدي كل الاحلول
واهنا بقه دلالي مشلوع
...........................................
ضل يتلفت بحيره
وبيه ضاگت الديره
شعنده المرتضى خيره!! ....گلبي وجعني

بيمن گاعد يفكر
وعله يا شارع يدور
أحسه اهواي متحير...ومدري شذبحني

واتعذبت من شفته فك الثامه
ثاريّ يعاين على ابيوت ايتامه
بنظرات أبو عايش اخير ايامه

انحنه واستغربت لونه
ثگيل الحجي البعيونه
مافرزنت مولاي شيريد
واتوقعت مشغول بالعيد
والقلق ضل بصدري  مطبوع
...........................................
دخل للمسجد بحسره
ولف اعمامته الخضره
وطلع سبحة الزهره... وضل بيها يشتم

عنده اويه العرش موعد
گعّد وادم المسجد
اواحد مارضه يگعد.... ولا جنه مهتم

والسبّب احراج لأمير الكوفه
ياما اموكله المرتضى امن اجفوفه
ومستحه امن الكرار گلنه انعوفه

أتخوّف كل تفاصيله
وعلي وصّانه ندعيله
الله شگد طيب ابو حسين
رغم المقابل جان مو زين
وخلصن اعيوني دموع بدموع
.........................................
...........................................
فرش سجادته وكبّر
وآنه هنا بديت أكبر
وبده الدم بالگلب يعثر... وضليت اكابر


قره الحمدُ وأحس طوّل
وخفت مولاي يتعطل
شما جاله الهوى يثگل.. ويكسرلي خاطر

بالركعه الأولى ومدري من عندي شطاح
بس جنت احس بروحي محتاج اصفاح
قانت بظهره بس لجن كلي اصياح

سجد هوه أوگف گلبي
ومن گام أشكرت ربي
وضليت ادعي ابداخلي الضاع
السجده الاخرى تخلص ابساع
جي كلي عله الكرار موجوع
...........................................
  بقيت امن القلق أنزف
شبيها اجفوفي بس ترجف
وليش اهواي عيني إِترف....وطاحت دمعتي

أصبّر ضال بأنفاسي
أعله گد الضجه البراسي
أوهم گمت بأحساسي... وحابس حسرتي

ومن خله حيدر راسه عالسجاده
فتحت عيني عله اصياح الساده
وشفت الاعمامه حمره بيد أولاده

عمت عيني اشكثر يهضم
يم راسه بقيت الطم
والمنه خايف يا وسف صار
المفروض أعطله اهواي بالدار
جا هسه ما مطبور وايلوع

أحمد ماجد الكلابي

تمت بعون وبركات مولاي صاحب الزمان عج
اللهم عجل لوليك الفرج

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

يا شيخ السلف بحماك
زينب هالمســه تنعاك
رايـــح بويه الله أوياك
بويه يا علي بويه
...................................
زينب يا علــــــي بحماك عاشت بويه مهيوبه
ولحضانك يمرني الشوك وأتنفس هوه أدروبه
يا سباح كلبـــــــــي ويا سلوتي البيك مجهوبه
يا جوجب بخت والناس بالشده تدك بوبــــــــه
يا حرز النبــي سليمان
ويا شيخ الأنس والجان
بابك للكرم عنـــــــوان
بويه يا علي بويه
................................................
المحرابك علــــــي أتعنيت وبعينك جنت أقرة
معراج الوحي وتنزيل هجرك وأمعن النضرة
ما جنك علي اللي جان من يمشي على الفطرة
يحضني ويسد الباب وبثيابي أشـــــــــم عطره
بوضعك يا علي أحترايت
وحشــــــه هالمسه حسيت
سالم ترجـــــــــــع أتمنيت
بويه يا علي بويه
.................................................
طر فجر الضحــى والكون أضلم وانغبر صبحه
وطش دمعي أعله باب البيت بويه طشت السبحه
جن أسمــــــــع صريخ ونوح وادم باكت الفرحه
والناطر حبيبه أيعود شمات ألهــــــــــــلا أتذبحه
وينك يا علـي بجفاك
مر بيه الجفه وأنخاك
زينب تنتضر ملكــاك
بويه يا علي بويه
....................................................
مر بيه الجزع واللوم واالكـون أفزعت ناسه
كلها أتصيح حامي الجار حيدر صوبوا راسه
وين أولاده خــــل تحضر تشيله أبآخر أنفاسه
سيف الطبر هامه حيـل صابه وبالعرج جاسه
طــــاح بوسطة المحراب 
أصوابه ما مثيله أصواب
ويلي بويه داحـــي الباب
بويه يا علي بويه
......................................................
من شفت الحسن وحسين والعباس ألك فزعوا
أتوزرت أبعباتي وجيت يـــــم الباب من هدوا
جابوك وشفت يا ويل راسك بويه من وصلـوا
سابح بالدمه وبدماك يا حيدر علـــــي أتوضوا
طحت وصحت يا عباس
هلبت باقــــــي بيه أنفاس
دنانــــي وحضنت الراس
بويه يا علي بويه
....................................................
بدموع الحزن ضليت أمسح يا علـــــــــــــي دمك
وأتوجه أعله حيلي وكون وسط اضلوعي أضمنك
ما صدك تروح أبعيد عنـــــــــــــــي وأنحرم منك
لا أم لا أبـــــــــــــــــــو ضليت تدري بيه ما جنك
حاجيني ولـــو نضرات
تعيش المن لابوها مات
بعدك يا علـــــي هيهات
بويه يا علي بويه
................................................
خادم خدمة الحسين
الشاعر
محمد الموالي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA


#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
تجليبه لأمير المؤمنين ع




يراعي البيت بيــتك هالبقه خالي
ودمع ام البنيـن اخــلافـك ايلالي

------

علي ومنين اسولف بيك يارجواي
يبو بيتـي العــفو لا اســف مـولاي
كلمــة خادمه ابيتــك عليــه هواي
اعذرنــي اتجرءت ويـــاك يالغالي

-------

العبد من يحچي وي مولا يدنگ الراس
هــيج اويــاك انـــه يـــا اعـــز الـــناس
حتـــى ايشـــوفنــــي ويتـعلم العـباس
ويســــوي ياعلـــــي البــــالك وبــــالي

---------

يزين وعلمتني شلون اســوي الزين
وگتلي الراد يكبر صــيته بالـــدارين
خلي ايعوف كلشي وينتمي لحسين
وصيتـــك ضامتــها بــوســط دلالي

---------

ولــــدك اربعتهـــم والســبع تنعام
خام وعلى ايدي فــصلت هالخام
الزينــب ناذرتهم ياعلـــي خـــدام
وحتى ايضل خدرها بكربله عالي

---------

شو غــافي يبــو حچايات مملوحه
الماشماك  نسـمـــه تخـــتنگ روحه
الـشاف ام البنــين يگـول مذبوحه
ساكــــت ياعــلـــي لا اول وتـــالي

--------

يـــذاك المحد ايدانيـــك ياصــنديد
يابو الغوث يابو الحمله ويـن اتريد
يعيد الله وتريد اتعــوفنــه ياعــيد
بعد بـــس مصابي وحزني يــبرالي

---------

الدنيه اخلاف عينك موحشه وضلمه
ينعمه ومـن اديــــنه انباگـــت النعمه
علي وحقه العليك امـن البچـي يعمه
مكانك من يضــل يابالحســـن خـالي

--------

مكانك من يضل خالي يصيب اگلوب
وگلب ام البنين ابسـاعه تدري يذوب
يالتمر بيه كله اغــروب اجـه الغروب
وتدريبــه شيســــوي الفاگــد بحــاله
--------
حيدر تركي الكربلائي
 
 ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

20 last posts shown.