قصائد حسينية مكتوبه

استشهاد امير المؤمنين ع


                   يروحـي اتحمِّليهـا اتلـث لـيالي
                   وبعدهن رايحه اتشوفين غالي
               فزت ورب الكعبه_راح التقي الاحبه
                            ياروحي ياروحي
==================================١
               يـروحــي تحمليهــا ايــام معــدوده
               فرح يعقوب اجاج ابملكه مفكــوده
               بعد مـا تلبسين اهـدومـچ الـســوده
               مـاي الـزهره تحيي الي ذبل عــوده

                شجــره يـابسـه وفاطمـه الـفــلاح
                امن اشمن ريحهه يطگ بيه سباح
            ترجع ايام الصحبه_راح الـتقي الاحبـه
                        يروحي يروحي
==================================٢
               انتضرت الموت مثل الـصام لهلالــه
               ابغيـر العيـد ابـد مـا من شغل بالــه
               الـمفارگلـه غـالـي ادمـوعــه همالــه
               الـدفنـوه يـم حبيبــه هــذا هنيالــه

                  الـمن ظـال وآنـه دافــن اعـزاز
                  كون انه امشي بيج ليوم جناز
              يَندفن گلبي وگلبه_راح الـتقي الاحبـه
                          يروحي يروحي
==================================٣
              السم ابراسي نازل نـده اعله الـورده
              يضل مفتوح جرحي بوجهه ماسده
              السيف الظرب راسي جرحه ماشده
              ابشاره انطيه روحي وخالي مــارده

               اليلاگيني بحبيبي شنهي انطيه
               اظل مـديون اله ومايوم اوفيه
            اله انطي اليطلبه_راح التقي الاحبه
                         يروحي يروحي
==================================٤
            حظرولي الچفن ودموعي ترس العين
            دمـوع الـفرحـه هاي الفارگتني اسنين
            لبسـونـي الـچفـن زفـونـي لـم احسين
            هلي شلـون ابتسـم مـن الحزن ناسين

                  يگـولـون ابتسم هايـه غـريبـه
                 قبل جفنـه نشوفـه بلون شيبـه
             مايون يم  العتبه_راح التقي الاحبه
                          يروحي يروحي
==================================٥
             ميــت مـن زمـن بـس مـا گلـت للـغير
             الـدافلـه عـزيـزه اشلـون حـاله ايصير
             ابكل مغـرب دليلـه يظل يحط ويطير
             الگلب عشه الولف ويحنله مثل الطير

               احن كل مغربيه ودمعتي اتسيل
               الـهدمـوا عشـه ويـن اينام باليل
         ساعاته كلش صعبه_راح الـتقـي الاحبــه
                          يروحي يروحي
==================================٦
             متانـي يـوم مـوتـي وچَنـت انتظـره
             ودري بگلبـي يـوگف راح مـن صبـره
             مـو كل حفره ضلمه وتنحسب حفره
             الـگبر جَنــه يصيـر بشـوفـة الـزهــره

                اشـوفنهـا وتردلـي ذيـچ الايـام
                البيها عيوني ابلا دمعتي اتنـام
            دمعي بعد ماصبه_راح التقي الاحبه
                          يروحي يروحي
==========================
‌✍️⁩حيدر الشغانبي


https://telegram.me/aabas78
قصائد لكل ايام محرم اشترك بالقناة

(تجليبه)

ألـلـه ايعين زينب شاهدت حيدر
مـايـگـدر يشيل اجدامه مايـگـدر

*-----------------------*--------------------*

تشوف المرتضى ومخظب ابدمه
والـوادم أجـت وأبـآبــه مـلـتـمّـه
مـايحـمـل گلبهه ويـسعـر ابهـمـه

مطروح الصميده ايعذب المنظر

*----------------------*-------------------*

مطروح الولـي ومعصّب الـهـامـه
ومايكدر ابوهه ايـحـرك اجـدامه
ألـلـيلـه العقيله بـروح محـتـامـه

تـكـابـر للمصاب وگـوه تـتـصبـر

*----------------------*--------------------*

تـكابـر للمصاب وبـيـهـه مابـيـهـه
والحال الوصي كثرت بواچـيـهـه
اشلون ابمصابه الدمعه تـخـفيـهـه

مكسور الـگـلب للوالي مايـجـبَـر

*------------------------*------------------*

مـايجبر كسرهـه وحملت الكسره
ونـيـران الـعـقـيلـه تـلـهب وكَـبره
تشاهد للصميده وشيبته الحمـره

وبساع الدهر دولابـه مـن يـفـتـر

*------------------------*-------------------*

دولاب الـدهـر مايرحم ابطـبـعـه
زينب مارحمـهـه ونَـزّل الـدمـعـه
خـلاهـه تــنــوح وللأبـو تــنــعـه

مايضمد جرحهه وبالحزن يسعر

*-----------------------*-----------------------*

مايضمد جرحهه وغـابـت الـفـرحـه
مـنـجرحـه تضل للموت مـنجـرحـه
ومصاب الـجـره ياشاعر ايـشـرحـه

بـدمـوع الـعـقـيلـه ألـلـيلـه يتفسر

*-------------------------*--------------------*

خادم أمير المؤمنين ع
✍الشاعر رعد الجريخي


https://telegram.me/aabas78
قصائد لكل ايام محرم اشترك بالقناة

نزلة نجفية للأمام علي ابن أبي طالب عليه السلام
/////////////////////////
من رحت كرار عن هذا الزمن
مصيبة حلت ياعلي يم الحسن
وزينب الهل يوم شبكتها المحن
بالأسر بوية علي جازوها
/////////////////////////
اتنوح نسماة الهوة وسط النجف
عالترك أرض الغري اودمة نزف
وسلم الراية الحسنة ابكل شرف
صاح عالدنيا العفا خبروها
/////////////////////////
اهتزت اركان السما ابهذا المسا
نزل جبريل ابغضب يرثي أبأسا
الكوفة عجت بالزلم وية النسا
الهامة الكرار من طبروها
/////////////////////////
اتعطل التاريخ لحظات ابوجل
من رحل عنة علي خير العمل
والفرح جال الفرح لم الجمل
سجدت الربها ابفرح شافوها
/////////////////////////
ليلة التاسع عشر ليلة صبر
رسم صورة من الحزن لم الخدر
ودعت ليث الوغى بسيف الغدر
والعدى هاي الفتن زرعوها
/////////////////////////
طلعت الأيتام تصرخ يا علي
مسجد الكوفة يحن هل مبتلي
وين حماي الحما اوين الولي
هاي عترة بكل حقد عادوها
/////////////////////////
كوم عجل سيدي يبن الرسول
أمة المختار منتظرة الحلول
شوف مقدسنا ابتلى بثلة فلول
والخيانة ابكل أسف بذروها
/////////////////////////
الخادم ابو علاء العزاوي


https://telegram.me/aabas78
قصائد لكل ايام محرم اشترك بالقناة

ودعته عمري بالدمع
يابويه  گلبي ينفجع

رمضان اجاني وجايب اخبار
ابمجرابه  طايح حامي الجار

آه....يحيدر
**
چان الحديث اعله الشمل
ونسولف احنه عله الهزل
والميته من طاري الهجر
فرگاك اموتن مو سهل

تدري بزماني ولوعته
خلاني اعيش بحسرته
والفاگده كل الاهل
يذبحني حيل ابطيحته

بعدك ينهدم حيلي
اگعد بويه وحچيلي
زينب ظلت بحيره
خلص بالدمع ليلي

انطر    تعود   ابلهفتي
نار المصيبه ابمهجتي

بالحسره  كلبي  يشتعل  نار
ابمحرابه طايح حامي الجار
***
متعوده ابجروح الگلب
طاري اليتم جدا صعب
وبكسرت خاطر بعد
بالمگبره دمعي يصب

سهران يابويه النظر
رمضان حسيت الخطر
افطر دموع بحسرتي
عذبني شو حيل الدهر

احسب نوحي وهمومي
تسهر بعدك انجومي
اسمع لو اجه العباس
زينب ودعي گومي

یاروحي متعذبه اشكثر
ما  نسمع   اذان  الفجر

موحش يبويه اخلافك الدار
ابمحرابه طايح حامي الجار
**
دورتك بروحي اشكثر
مليت من طاري الهجر
منتظره بس ترجع ألي
يتمني بالسجده الفجر

صليت أذان الدمع
حسيت چن كسر الظلع
يابويه تدري عالهضم
وناتي باچر تنسمع

گلي اشعوگك عني
ظليت بطرگ حزني
ما نمت ابد عيني
دهري والله يفجعني

انظر     مجرات   السمه
مخطوطه دمعة فاطمه

تبجي   يحيدر هاي  الأنظار
ابمحرابه طايح حامي الجار
***
چم حسره بعيوني شفت
بالدار بويه هم طحت
ومعصب ابراسك جرح
من طبرتك چنك نمت

مرسوم شو صار الحزن
كلبي اشبعد يمك يون
وجهك ذبل وانت علي
يمكن على الزهره تحن

ظلت زينب ببحيره
وندهه وين ابو الغيره
راح الغالي من عندي
ظلت بس تصاويره

ظليت اعاين  عالجرح
لاتمشي يتمني الصبح

يحسين گلي الوالد اشصار
ابمحرابه طايح حامي الجار
***
اگعد وسولفلك صور
بعيوني راسمهه الدهر
بالهامه دمك ما جمد
ناوي رحيلك عالهجر

يا بويه تدري المسأله
تحچيلي عن طف كربله
صار السبي رحلة عمر
تذبحني نبلة حرمله

شوغات الدهر بيه
باچر امشي مسبيه
عودني الحزن والنوح
روحي تقره لطميه

محترگه خيمة بت علي
ما   واحد   اليفرع  الي

والشام يصبح باجر   احجار
ابمحرابه طايح حامي الجار
***
تمت بعون الله تعالى
الشاعر___يوسف_الفتلاوي

https://telegram.me/aabas78
قصائد لكل ايام محرم اشترك بالقناة

نزله للامام علي (عليه السلام)

رفعت راس يا حيد المــيادين
ورفعت راس يا حيد الميادين
ــــــــــــــــــــــــــــــــــــــــــــــــــ
يا فارس مضر يا حامي الدخيل
يمرجف الزلم ومرجف الــــخيل
ليث المــــرجله  وتـــرد اليـ ـعيل


يمشيّم العرب ومـــشيّم الدين
ورفعت راس يا حيد الميادين

(حار وسيفه نار وتلهب)
ـــــــــــــــــــــــــــــــــــــــــــــــــ

يسحگ عالزلم وبكيفه يختار
يدوّر بالنزال الـــروس الكبار
كلمن گابلاه ابـروحه يـــحتار

يشهد خيبره وتشهدله صفّـين
ورفعت راس يا حيد الميادين

(يشهد يومه صگّار الحد)
ــــــــــــــــــــــــــــــــــــــــــــــــــ
صگّــار الزلم ولقـــائد العــام
هيبه وبالمـــعارك دوم جدام
ميزان العدل ومهدّم الاصنام

لجله الشمس ردّآها الله مرتين
ورفعت راس يا حيد الميادين 

(يوم اصياره بيت الله انشگ)
ــــــــــــــــــــــــــــــــــــــــــــــــــ
شريان الرسـاله ونبض الايمان
ومنهج للبـــــــلاغة وانته قرآن
للحگ ولســوالف تبــقى عنوان

يا شيخ المضايف والدواويــن
ورفعت راس يا حيد الميادين

(بيّه نتباها عنوان الحگ)
ــــــــــــــــــــــــــــــــــــــــــــــــــ
يا كهف اليتامى ومنبع الخير
يا كاسي الفقير وشابع الطير
يمعزب الضيّوف وتاكل شعير

ممدوده ســـفرتك للمــساكين
ورفعت راس يا حيد الميادين

(بلسم مايك وزادك طب)

ــــــــــــــــــــــــــــــــــــــــــــــــــ
يا سر الوجـــود وعلم الاسرار
وايات النجاة ونــــــور الانـوار 
سيف الله و قسيم الجنه والنار

يا سُبل الهدى وكنـــز الموالين
ورفعت راس يا حيد الميادين

(وكت الضيجه حيدر يحضر)


✍️علي كاظم المنصوري
اهدي ثواب القصيده الى روح والدتي رحمها الله


https://telegram.me/aabas78

غميجه الطبره بالهامه



اُبـونــه طبـرتــه كلفــه
يخوتي و ما إظن يشفه

غميجه الطبره بالهامه
يـون و لـيـلـه ما نـامـه
يخوتي و ما إظن يشفه



يزينب نادى ابونه و لن رحت يمه
يريد ابكربله ايوصي و أبو اليمه
نسه الطبره وإلمها وكل نزِف دمه
لأن حسين و الطف هِـنَّ كـل هَمه

و آنـه امحيـره ابجرحـه
بِدَه الموقف الي يشرحه

عـن حـسين و أيتامه
يـون و ليلـه مـا نـامه
يخوتي و ما إظن يشفه



يوصيني بحسن بالدمعـه لبخـده
من بعدي اخـوچ اتسممـه جعده
تشوفين ابعيونچ بالطشت چبده
و يمنعون الدفن يا بنتي يم جده

و تملي اسهامهم نعشـه
يـرموهـن عليـه حـرشـه

آ يـا نعشـه و سهـامـه
يـون و ليلـه مـا نـامه
يخوتي و ما إظن يشفه



علـى صبـر البلايـه والـدي وَصَّـه
اخذت امنالوصايه انه هم حصه
على يسري حچالي وبالگلب غصه
و عن لسياط يحچي وتعرگ الگصه

بسكنــه وَصَّـه و رقيـه
و إحس چن طبرته بيـه

و شد الفرگته حزامـه
يـون و ليلـه مـا نـامه
يخوتي و ما إظن يشفه



الطبره ابهامته يخواني متوسعه
احس يمرد دليلي صوابه ويشلعه
من دمه النِزَف چنه ختلف وضعه
شمعه التضوي لينه ذابت الشمعه

نِــزَّف كــل دم البجسمـه
مـن راسـه لحَــد جـدمـه

يخوتـي گربت ايـامـه
يـون و ليلـه مـا نـامه
يخوتي و ما إظن يشفه



صفت هالليله يخواني عَلَي شدَّه
الچنـه ابكـل شددنه نوگف بسده
هسه علينه يبچي و دمعته بخده
لإن حانت منيته عن هله و بُعـده

يطيــح اشمـــا اتچيلـــه
هـــدَّت طبــرتــه حيلـــه

ما يوگف على جدامه
يـون و ليلـه مـا نـامه
يخوتي و ما إظن يشفه



كريم الحاج فليح
٩ ــ ٣ ــ ٢٠٢٥


https://telegram.me/aabas78

لوفاة ابوطالب رضوان الله عليه

عالي شانك يابوطالب.   يلنلت اعلى المراتب
خابوا اليردونه. 
دورك يهمشونه
يلنلت اعلى المراتب
★★★★★
مؤمن بدين النبي قول وجوارح
ماتبدل منهجك.  . بين الجوانح
السيرتك قصدوا يغيرون الملامح
حمله عدوانيه بيها الحقد واضح
استعملوا كل الوسائل. گالوا ابدينك تجامل
افكارهم محدوده. 
الدين انته وزوده
يلنلت اعلى المراتب
★★★★★
افتراءات وچذب مابيه براءه
المقصد يوجهون الك اكبر أساءه
يلنصرت الهادي وملبي نداءه
وحيدر ابنك بالحرب رافع لواءه
رادوا يصغرونه شانك.
انته يلعالي مكانك
المؤمن ايعرفونه.  كافر ايسمونه
يلنلت اعلى المراتب
★★★★★
ذاك عام الحزن يشهد يابوطالب
بآخر انفاسك چنت بالدين ذايب
توصي حيدر بالنبي لجله. يحارب
نصرت المختار عنها تگول واجب
بآخر انفاسك تنادي.
نصرتي للنبي الهادي
احقادهم مدفونه. فضلك ينكرونه
يلنلت اعلى المراتب
★★★★★
الجده اسماعيل من فكره وبيانه
علشرك گالوا گضه عمره وزمانه
وكلمة التوحيد بس لفضه بلسانه
ناتج ومقصود يسعون الهوانه
وهاي الاحقاد اللئيمه    من زمن سالف قديمه
اسبابها المعروفه. 
اصبحت مكشوفه
يلنلت اعلى المراتب
★★★★★
والمصادر كثره. ايمانك تذكره
منهو يگدر. يا ابوطالب ينكره
من الاصلاب الطاهره ومن خير شجره
يلعليك المصطفى مكسور ظهره
غيبتك نار ومواجع.    أشد من كل الفواجع
مهجته محزونه. 
والدمع بعيونه
يلنلت اعلى المراتب

الشاعر حسن لعيبي الحريشاوي


https://telegram.me/aabas78
قصائد لكل ايام محرم اشترك بالقناة

ذكرىٰ وفاه عم الرسول ص ((أبو طالب عليه السلام))

7رمضان ع روايه

نزله 

والد علي.        دين النبي إيمانه
والد علي.        دين النبي إيمانه 
..............................................................

هذه أبو طالب يناكر  هذه فـخر الشيعه 
انته ياالناكر صفاته  واجب انته اتطيعه 
ماهو كافر يامنافق واســمع انته البيـعه 
من قبــل ذيـج الرساله مــؤمن بتشيـيعه 

والد علي.       ماسجد الوثــانـه 
والد علي...     دين  النبي إيـمانه 

أرد أوضح بالحقيقة واكتب عليه الشعر
وأرد أكولن أبو طالب مؤمن بطول العمر 
 إبنه حيدر.بالشجاعه طابر جيوش الكفر 
ذاكة اليرهب حسامه لوعله صوت الزجر

والد علي....    والسبب عدوانه
والد علي.        دين  النبي إيمانه 

أكتب وعـن الحقيقه  ياله اكتب ياقـلم 
أشرح بسيرة حياته الغي أحداث لوهـم 
 هــذه والد حـيدره الماركع يوم الصنــم 
هذه أبو طالب  يهيبه والبعد كلــهم عدم 

والد علي...      وعالي حيل مجانه 
والد علي        ديــن النــبي إيمانه 

سيد البطحاء هذه.أسمه عالي بكل زمن 
مايهمنه الحجه عنــه وكثر أوراق الـفتن
مؤمن بدينه وكتابه وماعبــد يوم الوثن
أبو طالب كل صفاته سوالفن بيه وحجن

والد علي..     .والفخـر عنوانه 
والد علي ..... دين النبي إيمانه 

وحده تكفي من صـفاته كافل بعمره نبي 
والدليل الثاني عندي والد الهيــبه علـــي 
 بالدليـل الثالث أسكت واسمع انته مايلي 
من قبل ذيج الدنيـٔه الله خالق هل وصـي 

والد علي.      ياعَـظـم إحســانه
والد علي.      دين النبي إيمانه 


كلمات 
الخادم مرتضى مكطوف الموالي


https://telegram.me/aabas78
قصائد لكل ايام محرم اشترك بالقناة

السلام عليكم ورحمه الله وبركاته
نبارك لكم ذكرى ولادات الأطهار عليهم السلام في شهر شعبان عن رسول الله (صلى الله عليه وآله): "شعبان شهري، ورمضان شهر الله عزَّ وجلَّ، فمن صام يوماً من شهري كنت شفيعه يوم القيامة".. سائلين المولى عزّ وجل ان يمن عليكم بالخير واليمن والبركات

https://t.me/joinchat/AAAAAEFVSMd2pvMFlLPXYg

تم نشر مواليد وهوسات جديد
اشترك👆👆👆👆 بالقناة يصلك كل ماهو جديد وحصري

يادمع بالونه زيد)

نعشه موسى عله الجسر يرمـونه
ويـن شــيعة حـيـدره يـشـيعـونه

يادمـــع بالــونه زيد
ميت وبيده الـحديد

ويـن شــيعة حـيدره يـشـيــعـونه
____
مرمي نعشه ع الجسر وبلا أهل
يمه طير الحزن واكف بالخجل
ويلي وبسـم الـعدو ويلي نجتل
حقي لودمـعي عله الكاظم همل


حكي من أنحـب وصيح.
ويلي شو نعـشك طريح


لاكــــرابــه ولا أهــل يـــلفـــونــه
ويـن شــيعة حـيدره يـشـيــعـونه
____
لاكـرابه ولا أهـل وكـت الـــظـهر
أجنازة الكاظم يويلي ع الجسـر
وينه ويـنه اليلـطم عليه الـصـدر
ويلي والكاظم غـده بسـم الكـفر


نصـرخ بدمعـه وأنيـن
مـيت اليوم السـجيـن

شــنهــو ذنبـه الكـاظم يســمـونه
ويـن شــيعة حـيدره يـشـيـعـونه
____؟
شنهو ذنـبـه ويـنـسم بســم لـعين
حكي مـن الطم بديه اعله الجبين
حكي من اصرخ وأنادي بهل ونين
واســـجيــاً. واأمـــامــاً واســجين


نكـصد بدمــعـه ونروح.
بحظرته تشفه الجروح

المهدي حاظر بالمشي يواسونه
ويـن شــيعة حـيدره يـشـيـعـونه
__؟
المهدي ناده جدي ياجدي.بحزن
خلــص أسنينه وحـياته بالـسجـن
راح اصـيح بعـبرتي يذوب الجفن
ويلـي ياويلـي عــله الكــاظم أون

ألبس بدمــعه السـواد
وعــلن اليــوم الحـداد

المهدي صبت دمعته من اعيــونه
ويـن شـــيعة حـيدره يـشـيـعـونه
____؟


كلمات الخادم
مرتضى مكطوف الموالي


https://telegram.me/aabas78
قصائد لكل ايام محرم اشترك بالقناة

اليوم بيبان السجن مفتوحه
طلع لكن گبله طلعت روحه
..........................................................
سنين والكاظم يعيش الانتظار
بسجن ما ينعرف ليله من النهار
وصارت الطامورة للمظلوم دار
دار ممنوع العذيبي ايلوحه
.........................................................
معاشر الحيطان ومفارگ هله
وسلوته صارت ادموعه الهامله
لا خبر لا واحد اليوصل إله
هاي امور الابد ما مسموحة
.......................................................
ظلوا اينقلونه من سجن لسجن
طاح بيد القاسي گلبه وما يحن
والغريب ترافگ وياه الحزن
وعينه لـ الله ورحمته مشبوحه
........................................................
وفتحوا الباب النسدت من سنين
وقرروا يطلع المظلوم السجين
لچن ما فرحت گلوب المؤمنين
وظلت لهذا الوكت مجروحه
........................................................
الناس تنتظره يجي ويستقبلوه
ولنّه جثة على الجسر نايم لگوه
وانعرف مسموم لمّن گلّبوه
وبقت جثته على الجسر مطروحه
........................................................
موسى ابن جعفر امدد عالجسر
وظال يتفرج عَلي كل اليمر
بعد ذيچ الغربة وسنين الاسر
وذاكه صبره ودمعته المسفوحه
.......................................................

الشاعر سماح الجنابي


https://telegram.me/aabas78
قصائد لكل ايام محرم اشترك بالقناة

اليوم موسى الكاظم اندگ بابه
انريد مهدينه يجي امن اغيابه
ــــــــــــــــــــــــــــــــــــــ
عدنه يم باب الحوائج غايه
انريد يظهر قائد المشايه
ايجهز الجيش ويشيل الرايه
الدنيه غابه وهوه سبع الغابه
ــــــــــــــــــــــــــــــــــــــ
گالو الدگ باب موسى الكاظم
مايرد فشلان يفرح لازم
رايدين احنه ظهور القائم
انصير خدامه ونبوس اترابه
ــــــــــــــــــــــــــــــــــــــ
چم علي بن سويد بينه ايتاني
ايصيح ياربي الصبر چواني
وين البوجهه ضوه رباني
المهدي مامعقوله ينسه احبابه
ــــــــــــــــــــــــــــــــــــــ
اليوم يم باب الامام الرافضه
اتصيح سهلنه الامر يابوالرضه
يللي ساگك بالحديد امرضرضه
ويومك ايفت الفؤاد امصابه
ــــــــــــــــــــــــــــــــــــــ
انريد الابشاره تعبنه امن السؤال
سيدي ولا تنطي للشامت مجال
ندعي من الله العظيم الـمتعال
ايعجلنه بالفرج واسبابه
ــــــــــــــــــــــــــــــــــــــ
الدنيه ظلمه وبس ابوصالح ضوه
خل يمر عالمختنگ نسمة هوه
واستقرت وين بالمهدي النوه
المثله ماجابت ابد جيابه
ــــــــــــــــــــــــــــــــــــــ
ناس گالو بدعويه قصته
وناسه سموهه خرافه غيبته
وين ابوصـالح يبين حوبته
ابسطرة ايده ويخرس الجذابه


محمد الجماسي

#اللهم_عجل_لوليك_الفرج


https://telegram.me/aabas78
قصائد لكل ايام محرم اشترك بالقناة

شوط كربلائي لإستشهاد الإمام الكاظم ع

****


لاصارت ولادارت ::: بطاموره إنسجن قرآن

مصيبة سابع أهل البيت ::: عجيبه تشيب الرضعان

****

تكرم عن بني العباس !!!! ورثو آل أميه أحقاد

أحفاد الذي گادو !!!! بالطف العلي السجاد

اللقب بس يختلف هُمّه !!!! نفس الگوم والأصفاد

الذرية النبي ظلمو

سلبو ذبحو وسمو

وگبور إشكثر هدمو

السقيفه الأسست هالجور ::: من چتل أم حسن للآن

****

سجنه ضَيِّگوه إعليه !!!! وحتى إِزيارته ممنوع

النهار يخلصه مثل الليل !!!! إِبظلمه وبالعطش والجوع

ساگه رَضَّه ثقل الگيد !!!! وغده عظم وجلد وضلوع

نَحَّل جسمه كِثرِ الهم

چبده يفور حار السم

إنمرد وإِتگَطَّع إِتخَذَّم

تِگَلَّب والأَجَل وافاه !!!! فگده فَطَّر الحيطان

****

خليفة جعفر الصادق !!!! سلام الله على موسى

الگمر والشمس والجنه !!!! تشم إِبّابه وتبوسه

وتشوف الدول كلها !!!! زوار الصحن هوسه

إِعتنينه أفواج مشايه

ومواكب خدمته هوايه

تِرِف گلوب والرايه

العلا حُبَّه شهيد يموت !!!! لا واللّٰه موخسران

****

ربنه إنتقم من هارون !!!! والكاظم رفع قدره

أمير الكاظميه أصبح !!!! القبب تشهدله والحضره

بجنحانه مسح جبريل !!!! الشباچ العلا گبره

ولقب باب الحوائج زاد

إبن جعفر أسد بغداد

وإذا أهله عليه إبعاد

الشيعه الخُلَّص أولاده !!!! والخدام والجيران

****

من أرض العراق اليوم !!!! المدينة قم وإلى مشهد

تعازي نبعث أويه الريح !!!! المعصومه ولأبو محمد

موبس مرقد القاسم !!!! حزين إِتوشح بأسود

العشاگه الحزن شامل

وبالأغصان الورد ذابل

الشرع لوسامح وقابل

نطبر عالنحور بسيف !!!! لأجل العذبه السجان

****

خادم العليله وخادمكم هادي العگيلي الناصري

https://telegram.me/aabas78
قصائد لكل ايام محرم اشترك بالقناة

هونك بالله يالجناز هذا الشايلنه منين
جنازة موسى ابن جعفر عليها الناس ملتمين


1
آنه الزهرة يالجناز آنه أم الحزن والنوح
جيت من المدينـة اليوم جيت بلا جسد بس روح
كالولي أبو الطيبات جسمه أعله الجسر مطروح

أمشي وأعثر بممشاي أدوّر أبني بدموع العين


2
على جسر الرصافة هناك شفت جنازة المسموم
ناديته بقلب مكسور كوم اكعدلي يامظلوم
آنه ادري اليجيله الموت كل أهله عليه تحوم

بس موسى غريب يموت وأحبابه وهله بعيدين


3
ياحيف وألف ياحيف بطاموره الولي يسمووه
وبذاك السجن ويلاه وحَدّه بحيرته يخلوه
لمن غمضاها العين تالي من السجن شالوه

مسموم الجبد ياناس منه مرضرضه الرجلين


4
ثلت أيام ظل مطروح والسلسلة بجفينه
كلّها تصيح هذا منين مانعرف عناوينه
لن ناعي المصيبة يصيح الكاظم هذا والينه

صاح أعله الجنازة وناح ماحضروا هله الطيبين


5
يوم الشالوا التابوت جن أنشال دلالي
كمت اصرخ يهل جناز ريض وارحم بحالي
هذا أوليدي أخذني وياه وخلي جثته كبالي

أريد أشبع بواجي عليّه وعفر بالدمة الخدين


6
حماميل أربعة حملوا وحضروا خيره أصحابة
ومن ذاك الجسر شيعوا ونار الحزن لهابه
غريب الكاظم المسموم واويلي على مصابة

هذا صوت المحبين ظل يعله بدمع وونين


7
وليدي باللحد دفنوا مو مثل البكه حيران
ذاك الظل على التربان عاري بخطه الميدان
لا ناصر اله ولمعين وزينب حايره برضعان

مصاب حسين ابو السجاد مثله ماتشوف العين

بغداد
امجد صاحب الشطري


https://telegram.me/aabas78
قصائد لكل ايام محرم اشترك بالقناة

من حدر الطوامير ٠٠ الكاظم كتب تحذير
أليريد النهايات السعيده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بدينه اقيود بس مالزمت ايده
سجين الكاظم وسوه اليريده
الكلمه اتقاتل وتوكع شهيده
وكل ماتندفن تطلع جديده
٠٠٠٠٠٠٠
عاشت ذيج الجفوف ٠٠ العبرت حاجز الخوف
ألبعين الضلم يصرخ نشيده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
العبره بكل قضيه بالنهايه
وابن جعفر عرف اصل الحكايه
درسها الخطه من أربع زوايه
وبكل زاويه ثبتله ثايه
٠٠٠٠٠٠٠٠٠
يدري الساق مرضوض ٠٠ وصاح الضلم مرفوض
والماتوصل اخباره وبعيده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شوكه بعينهم صار وعماهم
امام الرافضه يعرف دواهم
حرسهم لو سمع موسى اجاهم
القصور الطاغيه يوصل بجاهم
٠٠٠٠٠٠٠٠٠٠٠٠
ماينهزم منصور ٠٠٠ مايطفه يضل نور
توكع عروشهم ثورة وريده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اجتمع حشد الضلم يدرس الحاله
شلون من السجن طلعت رساله
انفصل عن شيعته وكلمن مشاله
وبعدنه ماخلصنه من نضاله
٠٠٠٠٠٠٠٠٠٠٠٠٠٠٠٠
شطلع هاي الاخبار ٠ والجمعه الوعد صار
يريد الشيعه والشيعه تريده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مات ألا رشيد وموسى مامات
ودويلات الضلم صارت خرفات
العلي امربيه منه الذله هيهات
نزل روسهم وارتفع رايات
٠٠٠٠٠٠٠٠٠٠٠٠٠٠٠٠
لسه ايوزع امراد ٠٠٠ عايش أسد بغداد
قبابه كل سنه ترجع جديده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠
عبد الجليل المالكي


https://telegram.me/aabas78
قصائد لكل ايام محرم اشترك بالقناة

وين أهــــــله الهواشم خل يحضرونه
ومن ذاك الســـجن واللهم يخلصونه
****
خلص عمــــــــره مابين الألـم والنوح
عفيه وزين ضلت عنده لسه الروح
يرتاح اليموت ويتعب المجــــــــــروح
وجرحك يبن جعفر مايضمــــــــدونه
****
ســنين تون وسط طامــورة السجان
كَلبه من الحجــــر مارق عليك ولان
الله يعين كلبك شـــــال كثرة أحزان
بكلام وسوط كل ســــــــاعة يأذونه
****
وين أهل المعـــارف والكرم والجــــود
خل تحظر بني هــــاشم تجي الحيــــود
أبن جعفر كضــــه وبجفــــه لسـه قيود
من ذيج السلاســـل خل يفكــــــونه
****



على ذاك الجسر مــن خلوا المظلوم
وتشوف النعش ربعــة بهذاك اليـوم
مسموم أرتحل من السجن مسموم
موسى الكاظــــــم ونعشه يشـيعونه
****
اليموت وأهـله محــــــــد يمــــه بالغربة
يطكَ وينفطـــــــر من الحــزن كَلبه
بلا أحباب لو يمشي النعش صعبة
يدور ماهـــــم أهــــله وتدمـع عيونه
****
هم السجن وحد يريــــد طـــولة بال
وفراكَ الأهل همـــــه يـهــــدم أجـبال
فوق الروس نعشه لو يموت أنشال
على الهامات نعشه أهـــــــله يخلونه
****
شاعر أهل البيت
الشيخ عبد الحسين المنصوري


https://telegram.me/aabas78
قصائد لكل ايام محرم اشترك بالقناة

مقدمة للامام الكاظم ع
.
.
.

مهـدويه المــدامع .. كاظمـيه المــواجع
وتضـل وَنــتنه ونــه زينبــيه
***

الليله چــن عـاشـور حـل وكــله اهات
الليله مو بس الارض تبچي السماوات
الليله نبچي اعيـون لامانبـچي دمعات
الليله مــو مالــت لطم بل مـال قامات

مرجعية حچينه .. مرجعية بچيـنه
المشت ياناس عالناگه سبيه
***

الليله كـون ادموعنه چـنــهـن خناجر
الليله ابن جعفر غفه ابحـظن الـمقابر
الليله  تشـبه ابـو كربلاء بيوم عـاشر
الليله بيهــا اگيــود مابـــيها حـــوافر


للجسر من مشينه .. للجـسر وشلـگينه
جنازه امگيده ابگيـد المــنيه

***

بينه نـــار ونــار لامــــاتطــفـي تســعر
بينه شــوغه وهــاي كل ماجــاها تكبر
بينه حسره الفاجعة موسى ابـن جعفر
بينه الله اليـدري يــومــه شــلون أثــر

محــنته مــو قليله .. محنته اشگد ثگيله
ونضل الها نون صبح ومسيه

***

بينه من طـف كربلـه واحـزان زينــب
بينه چـن خـيـمة عليـل ولـسـه تلهب
بيــنه بـس الـحــزن وحـده ماتـسـلب
بينه حـرگه عـالـذي بـسـجـنه تعــذب

وسفـه نـور الامـامه .. وسفه عاش ابضلامه
مثل عمته ابظلام الغاظريه

***

تبقه تجري عالگضه مسمـوم كل عين
تبقه يمــه امگيـده اگلــوب الـمـوالين
تبقه ريحـة كـربلـه بــرض الجــوادين
تبقه جمـراته مثـل جمـرات الحـسين

إي وحق العلى التل .. إي وحـق التـكـفل
على الكاظم مدامعنه جريه

***

تبقه هــاي الفـاجـعـه محفـوره بالراس
تبقه عالمـسموم تبچي وتنةحـب الناس
تبقه بينه امصيبته شهگه ويه الانفاس
تبقه اي والـذي نـاحـت علــى العــباس

والـذي سلـبـوها .. والذي فرهدوها
على المسموم منبـطل العزيه
____
حيدر تركي الكربلائي


https://telegram.me/aabas78
قصائد لكل ايام محرم اشترك بالقناة

منهـو بـالله الهالجنــازه
كريم الحاج فليح
ونسإلكم الدعاء


نـادت الـزهـره الـزﭽيـه والـﮕلب يلهـب جَمــر
منهـو بالله الهالجنــازه يـا شــباب الـعـالجســر
ـــــــــــــــــ
وﮔفـت الـزهــره تنـادم أبـدمعـه مـن دَم هـاملــه
هـــذا كـاظمكـم يَشيعــه هـذا إبــن عقــد الـولـــه
ليـش محَـد شــال نعشــه او واسه بمصابه هَلـــه
وينــه ليشيِّـع إمـامـه بنــوح وبلطـــم الصـــدر
ـــــــــــــــــ
مـﮕابلـه التابـوت وإبـﭽـي وإصـرخ آ يَمْصيبتـه
وينــه ليشيِّـع إمــامــه الـكاظـم إبصب دمعتـــه
بالسجـن خلـص حيـاتــه وﮔطـع السَـم ﭽَبـدتـــه
هـذا إمـام الـرافضيـه وكعبـت الهَـم والصبر
ـــــــــــــــــــ
ليـش يــا سَجـانـه ﮔلــي هــالحقـــد وتسممـــــه
مـاكسَـر ﮔلبـك يظالـم مـو بـﭽـت لجلــه السمـه
حيـن ذَب إمنـالحشـايـا ﭽبـدتـه وزاع الــدمـــه
مـا كفاك إبسجنه خَلَّـص هالـولـي كـل العمـر
ـــــــــــــــــــ
إنـﭽـان عنـدك بيهـا غـايـه عنـه تبعــد شيعتــه
ﮔـوم شـوف الشيعـه تلطــم عالصدور شَيِّعتــه
تعتني المشايه تسعـي بلهفـه ﮔصدت حضرتـه
مـا يهمهـا الـناصبيه ولا غَــدر إهـل الغَـدر
ـــــــــــــــــــ
ﮔـوم شوف إشلون كلها بلهفـه وبحب ﮔصدتـه
ﮔوم شوف إشلون كلها إتطوف والله حضرتـه
بـالـذهَــب صاغــت إديهــم يـالمنافــق ﮔبتـــه
وينه هارونك هـذاكَ الطاغي ما ضله ذﭽـر
ـــــــــــــــــــ
ﮔـوم شوف الكظم غيضه شنهي إصبح منصبه
بـــاب للحـاجـات إصبـح مــا يـــرده اليطلبــــه
تحيط الإملاك إعلـه ﮔبـره وينـه ذاك الحاربـه
قطعـه مـن الجنـَّه ﮔبـر وبي تشم إحلى العطـر
ــــــــــــــــــــ
شـوف هالـﮕبه الشريفه الترتبط بـرض النجـف
وصـوت زوار الحسـين أبكربلـه الأجلـه هتـف
آه يحســين ومِصابـه ودمـه لســه الـمـا نشـــف
يـا لـثـاراتـه إمنُميــه وحرملـه ومـن الشمــــر

الشاعر كريم الحاج فليح


https://telegram.me/aabas78
قصائد لكل ايام محرم اشترك بالقناة

نزله للكاظم ( ع )


حضرت الزهره بدمعها
ويلي يامسموم
نـادت ولـزمت ضلعهـا
ويلي يامسموم

1

حضرت اتشيع الكاظم والدمع فوگ الوجن
شافت اجنازة ابنها طلعوها من السجن
گعدت بحسرتها تبچي تنحب بدمعه وتون
ياهو مثل الزهره ياهو شافت آهات ومحن
تنادي والعالم سمعها
ويلي يامسموم
نادت ولزمت ضلعها
ويلي يامسموم
2

نادت بدمعتها نادت ابني سمو چبدته
شافته بوسط الجنازه غيره تنضح جبهـته
حنت اونت الزهره من ابنها شافته
على الكاظم ابني ويلي خل تنادي شيعته
الزهره هـنيالـه التبعها
ويلي يامسموم
نـادت ولـزمت ضلعهـا
ويلي يامسموم

3

وين شيعتنه تنادي خل تجي بدمع الصبر
انشيع اوليدي بدمعنه والجنازه اعله الجسر
والي يلطم والي يحضر بيدي اوقع عالآجر
وعهد انطي للي يخدم احضر وياه بالگبر
تحلف بـربها الـرفعها
ويلي يامسموم
نادت ولـزمت ضلعها
ويلي يامسموم
4


ماتعوف الزهره ابنها تحضر وتوصل اله
تجي تنوح ويمه تنحب ودمعه عالخد هامله
وعلى الكاظم تبچي گامت وللابن تتأمله
تصيح كلها اتهـون كلها بس مصيبة كربله
حسين ومصابه الفجعها
ويلي يامسموم
نـادت ولـزمت ضلعهـا
ويلي يامسموم
5

تصيح يابو الرضا وينك عفت أمك بالدمع
بالسجن خلصت عمرك يبني هذا بيا شرع
الـطاغي راد بسمك انته گلب أمك ينفـجع
مدري انوح انه الچبدتك مدري انوح اعله الضلع
الباب ملعـون الـدفعها
ويلي يامسموم
نادت ولـزمت ضلعها
ويلي يامسموم





لاتنسون والدي ووالدتي وأبني عباس من الرحمه والغفران
خادمكم رياض الرسل الجابري


https://telegram.me/aabas78
قصائد لكل ايام محرم اشترك بالقناة

وينه هارون وجنوده
         والسجن ذاك وقيوده
         چف المكيده الحديد
           ضيع آثار الرشيد

يحاچي نجمات السما لون القباب
تنضر الهن عـن بعـد تسمع جواب
بصوتهن نبرت حزن تحمل عتاب
  مـات غربه والعمر خلص عذاب
   عادت الي ايحضره موته
    تحضره كل ولده وأخوته
     ينازع ابموته وحيد
     ضيع آثار الرشيد

  ياسـجـيـن الـعـلم الـضـالـم درس
يانـفس مـخـلوقه مـن عـزةت نفس
الغـيـم مـمـكن يكـدر يـضم الشمس
وموسى ابن جعفر فلا ضمه حبس
       هايه من الله صفاته
      موته يتحول حياته
      مايضيع اجر الشهيد
      ضيع آثار الرشيد

شيعتك عالجسر مشبوحه النظر
حسرة احبابك تفت كلب الحجر
بيك موسى اتنخه من شق البحر
يـلا شـق السـجن قـد حان القدر
    شمعه عالنار انتضرنه
    سيدي خلص صبرنه
      ناسك تشوفك تريد
       ضيع آثار الرشيد

مـن سـقيـفتهم وحـل وكـت البلاء
غصب حق ال النبي وسفك الدماء
واحـنه كـل يوم اليمر طف كـربلاء
والمنايه معـاشره اصحاب الـوفاء
     والله من اجل الامامه
      الموت نعتبره سلامه
         والمحن مهما تزيد
       ضيع آثار الرشيد

ربي يشهد خصمي خصمك سيدي
وعـدي مـن عــالم الـذر الـمـولدي
موسى ابن جعفر امامي وقائدي
  ومثل وعدك راح احقق موعدي
     الجمعه مو عالجسر هايه
      الجمعه من مكه الحكايه
       المهدي والأمر الوعيد
       ضيع آثار الرشيد

   كون نرفع اسمك بوكت الاذان
موسى ابن جعفر امان لكل امان
سيـدي ذاك الـزمن نـفس الزمان
بي نعيش ويختلف بس بالمكان
     والطغاة الحاربونه
     ضاعوا وما غيرنه
  وصحنه مانصبح عبيد
   ضـيع اثـار الـرشـيـد

هاني ناصر السعيدي


https://telegram.me/aabas78
قصائد لكل ايام محرم اشترك بالقناة