مثال ثاني للربح من وساطة امزون:

لنفرض الافليت مال امزون ماعجب الوسيط اللي يربحه بلاوي فلوس!

شنو يسوي؟ لك هو امزون كله على بعضه دروبشبنك!!

كل ماعليه الوسيط يبنيلة داتابيس من السبلايرية الحقيقين للمنتجات وهالشيء موجود بيه ساسات وشركات وسيطة!

انت جيت على امزون عجبك منتج بامزون سعره 100$ جيت على منصة الوسيط وانطيته الرابط حتى يشتريلك ياه 😑 وفرحان ان كلفة شحن ارخص من ماي يو اس

يجي التاجر اخذ منك فلوس سعر امزون يروح على علي بابا ويه السبلاير متعاقد وياه مسبقاً ويكله دزلي 1 ايتم لمخزني الفلاني عسرييييييييييييييع!! بيش هو ماخذ ايتم هذا ؟ غالباً يكون ب 100-300% ارخص من سعر امزون 😂 يحطه بالباكيت ويخلي الليبل مالي يو اس ويشحنلك ياه كالاسد.

واكيد كلكم شايفين فيديوهات التافهة مال اهل دروبشبنك يشوفوك اسعار منتجات من الصين وسعرها على امزون اللي يوصل لاضعاف خيالية! بالحقيقة الوسطاء ربحهم من امزون ليس بالافليت, الافليت مال امزون مهما كان مربح بس الشركة الوسيطة جاية تريد تربح 100% ضعف وليس تفاليس ف يسوون فكرة الوسيط هذه وانت كالارنب الفرحان مصدك مشتري من امزون 🌮

لكن للامانة, المنتج النهائي اللي رح يوصلك هو 100% نفسه مال امزون هذا المشروع بالاساس هو مقلد وموجود منه براندات عالمية اكو شركة اسمها Super Buy هذه تكدر تسويلك نفس الفكرة الصينين يسمون هالمشروع Local Forwarder يعني محول داخلي يحول الشروة بدل ان تروح لامزون يوديها لمصادر ثانية ويكسب اكثر 😑.