نشر قصائد حسينيه مع الاحان

مهدويه

انــي كـــــل جمعـه التمــر

كاعـــد بشوقـــي انتظـــــر

ربي عجـــل طلعتــه ... خليشاهـــد أمتـــه

       بيـــن يزيــد وشمـــــر

...................................

اني كل جمعه التمــر انطــر بشـــاره

ادعي بالندبه بدمــع واقــرة الزيـــاره

ربي ارحــم قلبــي وطفيهـــه نـــــاره

ايا مهـــدي المنتظـــر اصبـح شعـاره

 

دمعي لشخصك يهـل ... يعرف بس انت الأمـل

          لامتــك ماضـــل عـــذر

....................

يمته يظهــر شخصك وينهـي الخلافــات

شما نقـــرب تبتعــد كــــل المسافـــــــات

شكـــد عملنـــه مصلحه شكــد ائتلافــات

بيدينــــه ماضلــت ابد بـــس الحسافــات

 

استغلــوا غيبتـــك ... ومـا اجيــت بطلعتـــك

      صــار بعيــــد السفـــــــــر

.............................

أمتك يالمهدي ابــد مايســـر وضعهــه

جنهه رجعت فاطمه وكسـروا ضلعهـه

يمتــه تظهـــر سيــدي تسكــت دمعهـه

والنواصــب بالحقــد طفــوا شمعهــــه

 

تسأل وما من جواب ... الله ياعظم المصاب

      واجهــت ضلــم وغــدر

.....................................

ربــي بجــاه الكفيــل وجـــاه الحسيـــن

عجلنـــه طلعتـــه وخيكحــــل العيـــــن

انا كل جمعـــه التمــر اكضيهـه بونيــن

خاف اموت وعمري خلص مرت سنين

 

ماحضــرت بطلعتــه ... ولاحضيــت بشوفتـــه

       وغــاب مــن عمــري القمـر

..................................

من يمر وكت الفجر ويشعنه نــوره

البس هدوم الفرح وانطــر ضهــوره

الينتظـــر مولاي مايملــك شعـــــوره

والحبيب بهالوقت يطلب حضــــــوره

 

ننتظر وقت الفــرج ... اه لو صاحوا خــرج

       مابقـــه عدنـــه صبــــر

 

 

 

 

 

الشاعر

مالك الحلفي

(ياعلي)


وصـاني الـنبـي وگـال     أصــبـر لـو نذل عـال
         
               عـالأذيـه           عـالـرزيـه

                      أصـبـر أصـبـر

                               *---------------*---------------*

     صـابــر وحـافظ وصـيتـي مـن مـحـمـد
     سـمـعوا انـذال الـصحابـه وعـبروا الـحد
     مـارفـعت السيـف لـحـظـه ربـي يـشـهـد
     والله لـو سـلـيت سـيـفـي الـدنـيه تـرتـد

أحَچـي وگـلبـي مجـروح     فـاطـم لازم اتـروح

                               *---------------*---------------*

       بـعـيـني صـديت وأشـاهـد بابـي تـدفـع
       يـجـرح بـگلبـي حـچـيهـم وانـي أسـمـع
       يـاعـلـي صــاحــوا عـلـيـه اطـلـع اطـلـع
       بــايــع الأول خــلـيـفــه حــتـى نــرجـع

أحَـمـل دفـعت الباب     وكشـف زيـف الاصـحـاب

                               *---------------*---------------*

     وصلوا اصحـاب السقيفـه وگـلبـي شيّـب
     بـنـار الاحـقــاد وفــعـلـهـم داري تـلــهــب
     بـضعت الـهـادي نـسـوهـه هـاي الاعـجـب
     والحسن وحسين يـمـهـه وبـنـتـي زيـنـب

وانه بصبري مچتوف     الوصيه مقيده الچفوف

                               *---------------*---------------*

     صـعبـه وگبـالي الـمنافق هيچي يـجسَر
     شـايــل الـنــار ويـصـيّـح ويـنـه حـيـدر
     وآنـه مـاچنـي الصميـده ومـوت الاحـمر
     الـخـاطـر الـديـن ومـحـمـد اصـبـر أكـثر

عـيـني اتشـاهد النـار    وداري اتـحيـط الاشـرار

                               *---------------*---------------*

    الــوصــل داري وأجــاهـه بــيّــه يــدري
    الـهـادي ما اخـلف كـلامـه وثـابت أمـري
    صابـر وعـندي وصيـه ومـحـني ظـهـري
    تـشـبـه بـنـار الــوديــعـة نــاري تـســري

حزني بصدري مرهون     اشكي السيد الكون

                               *---------------*---------------*

      سـاكـت وگـام الـمـنافـق يـمـي يهـتف
      الچـان يسـمـع بالصميده وكـله يرجـف
      عـن نـوايـاه الخـبـيـثـه فـعلـه يكـشـف
      واني مـحكـوم بـوصـيـه وروحي تنزف

اخلـف وعـدي ميـصير       ونطي الفرصه للـغير

                               *---------------*---------------*

✍خـادم الزهراء (ع)
الشاعر رعد الجريخي

 يامُحمّد واويلاه  ...  يامُحمّد واويلاه
               --------------------
 صعب كلش علينه        نفكدك يانبينه
أجت ليله حزينه          صفت ظلمه المدينه
صاحت  الناس             صعب فركـاه
                **

يالهادي هايه بنتك       تبجي وتوّن زهرتك    
ليل وصبح بضعتك    ماتنسى ابد عِشرتك
تصيح ياموت               خل امشي وياه

               **
عهد سيد البريه      الك ننصب عزيه
نعزيهه الزجيه         نطبقهه الوصيه
واحنه انصار               ماننســاه
            **
عليّ يبعث سلامه      مُحمّد سر هيامه
صار الدمع علامه     صفت بعدك يتامه
ياحبيبي                 اليـوم نــاداه
   **
انهدم ركن الشريعه   مصيبه وهم فجِيعه
عليّ محد يطيعه      انسلب حق الوديعه 
مايطبقون                  بعده وصايـاه
  
  **
مُحمّد يافخرنه          يقائدنه وأملنه        
مجالسكم حضرنه     نجّدّدلك حزنّـه  
جينه هليوم              نحيهه ذكـراه


خادم الرسول المصطفى (ص)
السيد حيدر الحيدري

قصيدة للمشاية زيارة الأربعين


يحسين يا اغلى الناس نتعنة الك مشاية
حبك ســــكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
==========================
حبك سكن دلالي يا اغلى من كل غالي حبيتك
اغفى وافز جدامي وبيقضتي واحلامي لاگيتك

مشاية اجينا والاهل عفناها الدنيا ابوجودك سيدي محلاها
انة بمحبتك عالخلكَ اتباها الباري روحك للعشكَ سواها
يالتارس الدنيا احساس مجنونة بيك هواية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
=============================
كل خطوة الك محسوبة بسجل الخدم مكتوبة هنيالك
الحُـــجة لازم بيــــدك توصل تواسي ايريدك يبرالك

اليلزم بآل النبي ايلزمونة لليخلص الهم حاشة ميعوفنة
وغاد ايعرفهم همة ويعرفونة والجنة عدهم للخدم مضمونة
امن الكوثر انحصل كاس والعذب نشرب ماية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
===========================
انباهي البراية ابحبك نحيى ونموت ابدربك والينة
ولهســــبب تلگانة نسير ونجد ممشانة اشتاگينة

يامن على اسرار الخلايق عالم حكَ اليعرفك بالعشكَ ظل هايم
افتخر لجل حسين اصبح خادم مسرور گلبي بخدمتة ومو نادم
الخدمة تاج اعله الراس ترضون عدنا الغاية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
=========================
قطب الارض يالضامي يمك خذتني اجدامي ملهوفة
من كل بلد تــــتعنة لگبرك تــــــطب للجنة وتطوفة

كل الارض يم گبتك جاذبها والمهدي واكف شيعتة ايراقبها
النية السليمة ينعرف صاحبها بسجل الخدم بيدة غدة يكتبها
محسوبة حتى الانفاس للگصدتك عناية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
==============================
من البحر نگصدلك حد النحر نوصلك والينة
من الــــمهد نهواكم حد اللحد وياكم ضلينة

خدام الكم نفتخر بالخدمة نحمد الباري ونشكرة ابهالنعمة
ياربي كل خادم نريد اتسلمة كل عام يرجع عدة نفس الهمة
من الزغر دكَ الساس للموت منطي حچاية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
===========================

أسالكم الدعاء رائد الاسدي

حكك يخوية معرفتني اني زينب 
كثر المصايب غيرتني شاهد الرب
غيرني السبي    يبن الطالبي
.....
تمنيت .... كبل هالساعة ميتة ولا سبوني 
تمنيت .... كمر هاشم عدل من شتموني
تمنيت .... يشوف اشلون بالسوط اضربوني
تمنيت .... كبل عينة السهم صوب عيوني

ولا شفتة مرمي عالنهر دمة يتجارة
متهشمة هامة مكطعة ايمينة ويسارة
عباس الابي    يبن لطالبي
.....
عالراس .... يضربوني المابيهم حمية
عالراس .... اشابك صرت انة بثنين ادية 
عالراس .... عباتي متربة وتشهد رقية 
عالراس .... شلت ضيم ومصاب الغاضرية

لا خيمة ظلت عندي لا كافل يجيني
بس الشمر كلساعة يسطرني علة عيني
شر الاجنبي     يبن الطالبي
.....
سبوني .... يخوية محمد وهاي الهضيمة
سبوني .... بلا كافل بقيت بلاية خيمة
سبوني .... سبوني وسلبو طفلة يتيمة
سبوني .... مشيت عالجمر حافي الظليمة

انة الاميرة ومن بعد عزي ودلالي
صرت السبية والغرب شافو خيالي
حركوهة العبي     يبن الطالبي
......
يخوية .... عذرتك خوية حكك معرفتني
يخوية .... سياط متوني هية الغيرتني
يخوية .... مصايب كربلة كثرة السبتني 
يخوية .... شسولفلك على امة المارعتني 

كل رحمة مابيهم يبن حامي الحمية
منهم شفت كل المصايب والاذية
خانو للنبي    يبن الطالبي
......
عالحسين ..... لتنشدني الظلع مكسور شفتة
عالحسين ..... اون وانحب صرت ياخوية سكتة
عالحسين ..... شسولفلك على التربان عفتة 
عالحسين ..... جثيرة اجروح صدك ما عرفتة

شحجي وشسولفلك بعد محتارة حيرة
حز الشمر نحر السبط  كاداني اسيرة
خالف مطلبي     يبن الطالبي 
......

الحمد الله رب العالمين ..
اللهم صل على محمد وال محمد
موسى الخادم.

مسموم مسموم امامي يالحسن
...
عادت الذكره وحظرنه ايامه
احسين هاي الليله طاح احزامه
وابوفاضل ضل يدك عالهامه
يلله صبو الدمعه يالطامه
مسموم مسموم امامي يالحسن
...
من رسول الله الحسن ريحانه
وسفه بالسم غدرته الخوانه
الحسن مات وقفلو ديوانه
خلي كل شيعي ايصيح اويانه
مسموم مسموم امامي يالحسن
...
فاطمه اتصيح الدمع يحلالي
آه واويلي عله ابني الغالي
يلله ياناعي المصاب اقرالي
بالبقيع الليله غاب اهلالي
مسموم مسموم امامي يالحسن
...
الليله ابومحمد فجعنه امصابه
وزينب اتعنت تشم بترابه
اتصيح وادموع الحزن سجابه
آ يخوي الكسر ضهري اغيابه
مسموم مسموم امامي يالحسن
...
للحسن هالليله نرفع رايه
واحنه شيعتهم نضل وفايه
يمته نتعنه اله مشايه
نوصل الكبره ونسوي اقرايه
مسموم مسموم امامي يالحسن
....
محمد الجماسي
اللهم عجل لوليك الفرج

حوار بين الامام زين العابدين ع وابي حمزة الثمالي

لا تناشدني اعله دمعة عيني
انا برض الطف دفنت سنيني
——————
يابو حمزة الصار ما يكفي صبر
وكسر يوم الطف ابد ما ينجبر
من تروح احبابك شيسوه العمر
راحو وذكراهم تبجيني
————————-
آه .. والآه الجبيره اعله النهر
عالشريعه انخسف من هاشم گمر
مثل ابوي لعمي احس ظهري انكسر
بداله ريت تكطعن جفيني
——————-
يابو حمزه انهدم حيلي اعله الشباب
من بدر جاسم والاكبر عني غاب
شلون طاوعني الگلب هلت التراب
ريت موتي بالعجل يلفيني
——————-
گبالي ابوي الخيل لمن داسته
اعوجية وبالسحك ما رحمته
وذر صاير جسمه حرت بدفته
لهسبب للموت يبقى ونيني
——————
القتل عادة النا وبده من النبي
لچن مو عادة لحرايرنا السبي
بيا وكت حادي الفواطم أجنبي
للسبي يا مدمع يكفيني
____
حگي لو امزج الزاد بدمعتي
گبالي اشوف السوط يضرب عمتي
شلون ينشف دمعي واكطع ونتي
وسبي زينب كل وكت يسبيني
_____
يابو حمزة الشام جرحه بمهجتي
ثوبي احمر صار من دم رگبتي
بالخرايب للفواطم لوعتي
الشام كل ذكره بسهم ترميني
—————-
الشاعر عبد العظيم احمد الابراهيمي

الامام زين العابدين عليه السلام
.
.
فوك امن الخيال المر عليه
يوم الشاهدت عمتي سبيه
ماتخطر عله البال
مجتوفين بحبال
.
.
علي صبت مطرها الدنيا احزان
خلصته العمر مهموم حيران
من يوم الرضيع يموت عطشان
وكت مابي محنه اكلوب عميان
انه احتاريت بعيال
مجتوفين بحبال
.
.
انه زين العباد تحيرت حيل
ما شفت الامان ولا نمت ليل
يــومة الاكبر داسته الخيل
راحو كـــل اهل بيتي مجاتيل
حالي مثله يا حال
مجتوفين بحبال
.
.
يا ثكل المصاب الشفته العين
شفت مذبوح عمي والدي حسين
حرت المن اروح انطي الوجه وين
صدك حكم الجليل وبيه راضين
صعبه تنوح الاطفال
مجتوفين بحبال
.
.
انـه السجاد ابن حامي دخيله
حكي لو بجيت و دمعي اسيله
حكي اهموم كلبي مــو قليله
يناس السلسله البيدي ثجيله
بيه حيل ماضال
مجتوفين بحبال
.
.
المرن عليه اهموم و اهموم
من يوم الطفوف مفارك النوم
كل لحضه تمرني كلبي ملجوم
ما لوم شكثر يا ناس ما لوم
همي اعادل اجبال
مجتوفين بحبال
.
.

حسن صالح العيساوي

ليلة من السبي. وي ضعن النبي
كعدت وي الاطفال زينب بت علي
==========
ليلة من ليل الالم. بهيمة وبلايا خيم
الليل خيم عالضعن ليل الرزيه
ليل وبلايا گمر. بس مناحه وبس قهر
عمه ناموا يالسبايه الليل اذيه
هالوضع عمه يطول. ناموا وارتاحوا تگول
وبعد درب الشام ياعمه منيه

ناموا ابلاخيم. ماعدنا علم
عمه هواي الاهوال الحداي اجنبي
==========
طفل يسأل عمته. ويحجي كوه بلوعته
وين ابو فاظل يعمه مايجينه
عمه هسه لو يجي. إنام وإنبطل بچي
احنه متعودين هوه وي الضعينه
بشوفته نشرب امان. خل ندوره بيا مكان
عمه خل اندور الكَفّالْ وينه

بس يرجع انام. يحجي بهل كلام
عمه ورايچ إشگال عمه لمطلبي
==========
طفله تسأل عن جرح. منهو ذاك اعل الرمح
گمر هذا اعل الرمح ورسومه حلوه
يلتفت طول الدرب. متنج شما ينظرب
عمه گليلي الشخص منهوه فدوه
لوالدي يشبه تره. ضوه شع إبمنحره
ومن يضربونج يعمه راسه يهوه

عمه المنذبح. يهوه امن الرمح
لوضربوج الانذال. اسمع ياعلي
==========
والبجي صوته اعتله. خل نرد لكربله
عمه ابوي هناك عفته عمه مذبوح
بلكي احاجيه ويرد الرمح اطلعه من الجبد
بلكي يكعد من اكله گلبي مجروح
مايردلي اي طلب. ليل والشوف انحجب
ارد ارد عمه اعل جثته تطلع الروح

وبحضنه اموت. يكتلني السكوت
همي بكبر الاجبال روحي بلا هلي
==========
طفله من بين الضعن تسأل بدمع وشجن
لسه ادور عن ابوي الضيعيته
طَوَّلْ عليه السفر. گلبي يالحره انكسر
دورت عنه شكثر بس مالگيته
راسه ماهو اعل الرمح. بكربله مامنذبح
غاب عني ومن حنيني عاتبيته

ليلي ابلاصبح. شحمل ياجرح
ماودالي مرسال. ودموعي اتهلي
==========
الشاعر علي النائلي

من طاحو زلمنه وخلص العاشر
شتعلت بيه نار الـهيمه والحافـر

للزغار .. اركض واعثـر والحجار .. عليه يتشمر

اه يروحي .. اه يروحي
__
من طفت خيمتنا والكل طايـحه
بيـه نـار الهضم نـصبت فـاتحه
واليعزينـي يجينـي ابـنايـحه
التعزيه ارمـاح وسهـام الجـارحه

واللـيل اليـجيني ايــزيد ابنـوحي
من غير الحاجي الما ينحجي بروحي

والعيال .. ويـايه مفجوعـه
والحبال .. بيدي مطـبوعـه

اه يروحي اه يروحي
___
كـل شـراره بگلبـي تحرك بيـه
شحچي وهواي السوالف هيه
بجال عزكم چنت انه مـحميه
هسه سـموني الخلك مسبيه

بيد اشگف ضربهم بيد ادورهـن
والراحن يـخويه شلون ارجعهن

بالرماح .. يدفع الخايـن
والصياح .. يعله ويـاهن اه يروحي اه يروحي
____
ولسبي ياخويه من مشونـه
بـكل درابين العـرف فـرونـه
ابـاب ساعات القهر وگفونه
وزينوها الشـام من دخـلونه

وارد اسئل سؤال وعوف المـلاگه
شيخلـص طـريق الشام بالـناگه

والجواب .. شفته بعيـونك
بالعتـاب .. لا يأذونـك اه يروحي اه يروحي
____
الخطوه امشيهـا ابمنيه وعاشر
يعني كل خطوه احس بـالحافر
يـومي ما يخلص يضـل امناطر
ولو خلص يـومي شيخلص باجر

باچر تـكعد ارقيـه ابـواجيها
وتمـوت اللي منها اخذوا تراچيها

بالحساس .. شافت الوالد
وعـالراس .. يضرب الحاقد اه يروحي اه يروحي
__
خويه وابن زيـاد تخـزر عينه
وراد خـدامه تـصير اسكينـه
والله لـو موجود انتـه اتهينه
وما تخلـي واحد ايـحاجينـه

خويه المعذره خوما زدت هـمك
عذراً يـبو فاضل بـس احـبنك

بالظلوع .. جمرة اسنينك
والدموع .. هايه من عينك اه يروحي اه يروحي
____
سيد محسن الجابري

لسان حال مولاتي زينب عليها السلام

شملنه شما تطشر. لمه الحسين
اسمعت صوت وعرفته. لإم الحسين
يزينب كومي يالحره. لمي الحسين
تطشر بالحوافر عالوطيه

الدهر بعد الاخو. دار بينه
وصلت الكوفه وكبالي دار ابينه
علي يمه وصلنه. دره بينه
سبايه وعالهزل مجتوفه ادينه

الشاعر علي النائلي

لليلة الدفن

معصوم ويبجي لمعصوم
بحسين شسوت هالگوم
حاير ابنه شلون ايدفنه
==========
من الغري رد بتعب هذا العليل وحاله
عاف الضعن وي عمته هيه كفيل عياله
لمن وصل للطف وكف نار اشتعل دلاله
شاف الهواشم بس جثث والطف جبيره اهواله

ويدور جثت المذبوح
وين وبالطف مطروح
راد ايحظنه شلون ايدفنه
معصوم ويبجي لمعصوم
=========
لمن وصل يم والده يم الجسد ظل حاير
بصدر الابو شاف الاثر وبصدره ساحك حافر
حد الظَهر جان الاثر الحافر ظلوعه عابر
سحكات بحسين شكثر خيال بي جن عاثر

حاير والسجاد يصيح
ساعه يگوم وساعه يطيح
يسمع ونه. شلون ايدفنه
معصوم ويبجي لمعصوم
==========
حاير يجفنه بيا جفن بالطف وكع كل حيله
صاح اوكع من الالم جيبوا حصيره إنشيله
ايشيل الصدر طاح الظهر ولوالده ايتجيله
وشلون خلاه بالگبر ودم الدمع يبجيله

يابويه ودفنك حسرات
نار بگلبي ولوعات
گلبي وحزنه. شلون ايدفنه
==========
والصعبه خلاه باللحد وبلايا خد توسيده
سبل اديهه بيمنته وبجفوفه عَدّلْ ايده
راس الحسين اعل الرمح والجثه عنه بعيده
وبيا علي ياابا الحسن يحظر اله ويريده

يتوسد صعبه المذبوح
ياروح وظل وبلا روح
يگطع ظنه. شلون ايدفنه
معصوم ويبجي لمعصوم
==========
والاصعب واكثر الم لمن يهيل اترابه
خاف النحر لايلّجم ويزيد جرح صوابه
جمر الگلب ماينطفي نار الگلب لهابه
ينعئ العليل بحسرته كلش ثكيل مصابه

ينعى بصوت المخنوگ
ويون بگلبه المحروگ
تبجي الجنه. شلون ايدفنه
معصوم ويبجي لمعصوم
==========
الشاعر علي النائلي

درب السبي


وكت السبي ابتده يا عمه
شِمر بينه الحده يا عمه
صوت وي كسر الخواطر
تحجي مبحوحه الحناجر
يا عمه يا عمه
...............
جابو احبال الاعادي للأيادي البيهه جويات المخيم
جتِفو الاطفال كلهه وسال من اجفوفهم فوك الحبل دم
غربه وازغار اشذنبهم والشمر للشام بالهزل تقدم
واليطيح ايرجعونه بالسياط لكل ظهر ناكَه وتألم
بعد ذيج الخيم للعيله
درب السبي ألم للعيله
وينطق احساس المشاعر
تحجي مبحوحه الحناجر
يا عمه يا عمه
...............
بالبجي وكل دمعه توكع ترسم ابوجنات الاطفال المئاسي
صاحو الزينب يعمه هذا حادينه حقود وكَلبه قاسي
من كثر ما لوعوهم رقم ضرب اسياطهم جازي القياسي
ابيا جريمه اطفال ذوله زينب اتحاجي الضربهم خاف ناسي
ذرية النبي لا تكَرب
مو الهم السبي لا تكَرب
وكل طفل بالهم يكابر
تحجي مبحوحه الحناجر
يا عمه يا عمه
...............
واحد ايطيح اعله واحد واليمشيهم زجر طاغي ومعادي
شكد بجو من شتم ابوهم ما تعب من الشتم ذاك المنادي
اتحملو كوه المصايب يحجي كل منهم أنه اتفطر فؤادي
ها يعمه اشباقي نوصل والعذاب من الاعادي اعلينه سادي
درب شام الكفر سابينه
خولا وي زجر سابينه
وين جا سبع الكَناطر
تحجي مبحوحه الحناجر
يا عمه يا عمه
...............
وي رقيه وسكنه طاحو كل طفل مشدود باحبال اليتامه
يلتوي السوط اعله ديهم وزركه من السوط ضلت هالعلامه
بالسلامه الراح يرجع ولا أهل همه ولا رجعه ابسلامه
لوله ما الحسين رحمه جان اصبح بالسبي يوم القيامه
مايبقه عالارض كل ضالم
مصلح اجه الفرض كل ضالم
ياوسف تحت الحوافر
تحجي مبحوحه الحناجر
يا عمه يا عمه
...............
رحله ابد مابيهه راحه مشو بايتام الحسين الهضمة الشام
ابعيد وادروبه غريبه مو ابيومين انتهه لا اكثر ايام
كل طفل مبحوح صوته ايصيح بس محد يسمعه ايعاني الآلام
زينب اتعاين عليهم وكبرت من القهر جن مرت مئة عام
يحاجوهه ابهمس يا حره
صعب حر الشمس يا حره
ماكو رحمه من ايد كافر
تحجي مبحوحه الحناجر
يا عمه يا عمه


الشاعر ياسر العارضي

https://t.me/zaidHassan0

قصيده ثقيله ليلة الوحشه
زينب تشكي للزهراء  
 
يازهراء ،،،، هاليله وحشه اعلينه
يازهراء ،،،،، بس الحرم ضلينه

اليوم ولياني كظت
وروحي يايمه انتهت

يازهراء  ،،،،،بأآه والم ونينه
يازهراء ،،،،،، بس الحرم ضلينه

،،،،،،،،،،،،،،،،،،،،،،

1:اليوم  يازهره بقيت الحالي
بس حرم واطفال تبجي كبالي
تايهه بالبر ييمه اعيالي

يازهراء  ،،،،  كل اخوتي عالغبره
يازهراء ،،،،، وشلون كلبي صبر
بالغرب ناديته
وين ياوالينه

،،،،،،،،،،،،،،،،

2:بصوت ناديته يحيدر وينك
تعال يابويه دشوف ابعينك
من الكفه مذبوح والله احسينك

يازهراء ،،،، ماجنه يوصل صوتي
يازهراء ،،،، تمنيت يمه موتي
والعده سابينه
محد يحامينه

،،،،،،،،،،،،،،

3:حرت يايمه شسكت جم طفل
والعقل يازهره مني منذهل
زادت احزاني وصحت يابو الفضل

يازهراء ،،،، لن الوالي عالغبره
يازهراء ،،،، براسه ييمه الطبره
ايساره وي ايمينه
منكطع حامينه

،،،،،،،،،،،،،،،

4:گوم ليه يالوالي ناديته
يمه بدموع الحزن حشميته
شفت اخويه نايم او عذريته

يازهراء ،،،، سهمين طفن عينه
يازهراء ،،،، والجربه يم جفينه
مايهه امبدينه
او مستحي من اسكينه

،،،،،،،،،،،،،،،،،

5:اليوم مسبيه ييمه وي الشمر
والله يم  حسين ماضلي صبر
راح اعوف احسين اوبلايه گبر

يازهراء ،،،، ابحال وامجتفينه
يازهراء ،،،، والعابد امقيدينه
يمه لو شفتينه
سال دم اجبينه

💓💓💓💓💓💓💓💓💓💓💓💓
الناشر // عالي مقامي
https://t.me/zaidHassan0

قصيدة  (   ليلة.  11   ليلة  الوحشه   )

(  جم  ليله  )   محرم الحرام.  1446




      ليل  اهدعش   جايب  جرح    اليه

      جم   ليله    وامشي   لليسر   سبيه

               ويلاه       ..       ويلاه 

                   ---------------------------

هاي  آخر  ليله   الي  "   ياجروحي   استقبلي

                       يالهاشميه


راح  اودعج  كربله   "   وتستعد    هالقافله

                     امشي  سبيه


ضل  كفيلي  عالنهر   "     راح  اودعه  بالقهر

                    اوداع   المنيه



       ساقي  العطاشى   رايح  امن  اديه

       جم  ليله   وامشي   لليسر   سبيه 

             ويلاه       ..         ويلاه 

                    ---------‐---------------

عمري  عِشره  بالجرح   "   باجر   اوياي  الرمح

                     ارماح    المناحر


بعد  يادهري  شتريد  "   ما  برد  دم   الوريد

                     بعيوني   حافر


اني  ملجومة   ألم    "    بيوم  حركوها  الخيم

                      وابالي   عاشر 



         اني    الغريبه     ابقى     للمنيه 

       جم   ليله   وامشي   لليسر   سبيه 

                ويلاه      ..       ويلاه 

                --------------------------

لا  تِعذبني   يليل      "    راح  عني  الكفيل

                    بزينب   شلون 


ويني  وين  السفر     "      والفواطم   بالخطر

                 مشبوحه  العيون


آه  ياليل  إهدعش  "      شايل  الغربه  بنعش

                     غربة  ام  عون



       عكب  الكمر   مجتوفه   هاي  اديه

       جم   ليله   وامشي   لليسر   سبيه 

                ويلاه     ..       ويلاه 

                   -------------------------

وجهت  وجهي  لعلي   "    يعتني  من  الغري

                   ويشوف   حالي 


وين  حلال   الشدد    "     ياعلي  احضر  مدد

                   ماعندي   والي 


بويه  وينك بس  تعال  "    انتظر   منك  وِصال

                   مجتوفه  تالي 



         من  الغري  تكصد  الي  المسيه

        جم   ليله  وامشي   لليسر  سبيه 

                ويلاه    ..       ويلاه 

                 -------------------------

حتى  ادموعي  اختصار  "   الشام   اخرها  القرار

                       مِستعد   ليّه 


اهناك  الغربه  سهم    "   واني كل حيلي  إنهدم

                       اي   والزجيه


منين  اجاني   السبي  "   ضعن  اسمه  الزينبي

                       رِحلة  منيه 



           الغربه    اسمها   غربه    زينبيه

         جم  ليله  وامشي  لليسر   سبيه 

                ويلاه     ..       ويلاه 

               ----------------------------

   الخادم  _  ابو  فدك  الشامي  ✍🏻
https://t.me/zaidHassan0