Telegram Info Kurdî

ئیمانوێل ماکرۆن ئاماژە بە چ چوارچێوەیەکی یاسایی دەکات؟

وەشانی کاملی بەیاننامە ڕۆژنامەوانییەکە لە نووسینگەی داواکاری گشتی فەرەنسا بەشێوەی ئۆنلاین بڵاوکراوەتەوە.

بەڵگەنامەکە بە زمانی فەرەنسی نووسراوە و سەرنوسەرانی @tginfoku وەرگێڕێکیان بەکارهێناوە بۆ پێداچوونەوە.

بە شێوەیەکی فەرمی دۆسیەکە لە دژی کەسێکی نەناسراو دەستیپێکردووە، کە تا ڕادەیەکی زۆر تۆمەتبارە بە هاوبەشی لە پێشێلکاریی یاسایی جۆراوجۆردا.

حکومەتی فەرەنسا بانگەشەی ئەوە دەکات کە پاڤێل دورۆڤ بەپێی چوارچێوەی یاسایی فەرەنسا دەستگیرکراوە. ئامانجی دەستگیرکردنەکە لێپرسینەوەیە.

تا ئێستا هیچ تۆمەتێک لە دژی هیچ کەسێکی دەستنیشانکراو تۆمار نەکراوە، چونکە دۆسیەکە هێشتا لە قۆناغی بەراییدایە. ئەگەر لێپێچینەوەکە زەمینەیەکی سەرومڕ فەراهم بکات، سەرنووسەرانی @tginfoku پێیان وایە پاڤێل دورۆڤ دەتوانێت لە شایەتحاڵییەوە بگۆڕێت بۆ گومانبار.

ئەگەر تا ٢٨ی ئاب تۆمەتی فەرمی لەسەر ئەو کارسازە تۆمار نەکرێت، ئەوا دەبێت لە دەستبەسەری ئازاد بکرێت.

جگە لەو تاوان یان پێشێلکارییانەی پێشتر باسمان کرد، بەڵگەنامە کاملەکە ئەم تۆمەتانەی خوارەوەشی تێدایە:

• سپیکردنەوەی پارە لەڕێی تاوان یان پێشێلکاریی وەک بەشێکی سەربە گرووپێکی ڕێکخراو
• پێشکەشکردنی خزمەتگوزاری کریپتۆگرافی بەبێ ئاگادارکردنەوەی شایەنمەند و گونجاو بە مەبەستی مسۆگەرکردنی نهێنیپارێزییەکەی.
• دابینکردنی کۆمەڵێک ئامرازی کریپتۆگرافی بەبێ ئاگادارکردنەوەی پێشوەختە کە تەنیا بۆ سەلماندنی ڕەسەنایەتی یان پشکنینی دەسپاکی بەکارنەهێنراون.
• هاوردەکردنی کۆمەڵێک ئامرازی کریپتۆگرافی بەبێ ئاگادارکردنەوەی پێشوەختە کە تەنیا بۆ سەلماندنی ڕەسەنایەتی یان پشکنینی دەسپاکی بەکارنەهێنراون

#دەستگیرکردن #دورۆڤ

پاڤێل دورۆڤ بە ئەنجامدانی ١٢ تاوان تۆمەتبار کرا

“نۆڤایا گازێتا ئەوروپا” دەستیڕاگەیشت بە بڵاوکراوەیەکی ڕۆژنامەوانی دادوەری گشتی فەرەنسا کە تیشک دەخاتە سەر چەند لەو پێشێلکارییانەی کە بەسەر دورۆڤدا ساغ بوونەتەوە:

• دەستێکەڵی لە بەڕێوەبردنی پلاتفۆرمی ئۆنلاین بۆ ئەنجامدانی مامەڵەی نایاسایی لەلایەن گروپە ڕێکخراوەکانەوە.
• ڕەتکردنەوەی پێدانی زانیاری یان بەڵگەنامەی پێویست بۆ لێکۆڵینەوە و بەدواداچوون بە دەزگاکانی جێبەجێکردنی یاسا.
• دەستێکەڵی لە هەڵگرتنی پۆرنۆگرافیای منداڵان.
• دەستێکەڵی لە دابەشکردنی ماددەی هۆشبەر.
• دەستێکەڵی لە تاوانە ئەلیکترۆنییەکان.
• دەستێکەڵی لە ساختەکارییەکانی گروپە ڕێکخراوە تاوانکارەکان.

ئاژانسێکی هەواڵی ڕووسی تاس (TASS)، لە ڕاپۆرتێکدا ئاماژەی بەوە کردوە، لێکۆڵینەوەکان دژی پاڤێل دورۆڤ لە ٨ی تەمموزەوە دەستیپێکردووە، بەپێی زانیارییەکانی ئاژانسەکە، ڕەنگە ئەو کارسازە تا ٢٨ی ئاب لە گرتنگەدا بمێنێتەوە.

ئیمانوێل ماکرۆن یەکەم کەس بوو لە تەواوی حکومەتی فەرەنسا کە بەیاننامەی فەرمی دەرکرد و جەختی لە سەربەخۆیی سیستەمی دادوەری کردەوە و دووپاتی کردەوە دەستگیرکردنی پاڤێل دورۆڤ کەیسێکی سیاسی نییە بەڵکوو بەگوێرەی چوارچێوەی یاساییە کە مافی هاووڵاتیان دەپارێزێت.

لە وەڵامی داخوازیی کۆمپانیای RIA Novosti، کۆمیسیۆنی ئەوروپا ڕایگەیاند چاودێری دۆخەکە دەکەن و ئامادەن هاوکاری لەگەڵ دەسەڵاتدارانی فەرەنسا بکەن. نەتەوە یەکگرتووەکان هێشتا زانیاری پێویستی لا نییە. پێشتر لە وەڵامی لێکۆڵینەوەیەکی ئاژانسی هەواڵی تاس، کۆمیسیۆنی ئەوروپا ڕەتیکردەوە هیچ لێدوانێک بدات: “ئەمە لێکۆڵینەوەیەکی نیشتمانییە، ئێمە بەنیاز نین لێدوانی لەسەر بدەین، پێویستە بۆ ئەو بابەتە سەردانی دەسەڵاتدارانی فەرەنسا بکەن”.

#دەستگیرکردن #دورۆڤ

✨ نوێکردنەوە:  22:20 بەکاتی هەولێر
ئێمە ڕستەکانمان نوێکردەوە بۆ ئەوەی باشتر ئەو ڕاستییە دەرببڕین کە دورۆڤ هێشتا تاوانبار نەکراوە و سزای بۆ نەبڕاوەتەوە - وەک وتمان، داواکارانی گشتی ماوەیەکی سنوورداریان لە بەردەستدایە کە دەتوانن دورۆڤ لە دەسبەسەریدا بهێڵنەوە بۆ لێپرسینەوە لەگەڵیدا.

خاڵە گرنگەکانی دیکە لە گوتارەکەی پاڤێل دورۆڤ

• ئێستا نووسەران و ناوەڕۆکدانەران دەرفەتیان هەیە بە دراوی کریپتۆی TON بایی ڕێکلامە کڕدراوەکانی کەناڵەکانیان پاداشت بکێشنەوە (بەو مەرجەی هەندێک پێوەر دەستەبەر بووبێت). لەوانەیە لە داهاتوودا پارەسازی بۆ گرووپەکانیش بخرێتە واری پێناساندنەوە.

• لە نوێکارییەکانی پێشەڕوودا، تەلەگرام پێناساندنی توانای کڕینی کاڵای دیجیتاڵی دەکات لەناو سەکۆکە.

• لە داهاتوودا ئامرازێک بۆ دروستکردنی بۆت بەبێ نووسینی کۆد پێناسە دەکرێت.

• لە چەند هەفتەدا، تەلەگرام بۆ دروستکەرانی ناوەڕۆک چەشنە تایبەتمەندییەک پیادە دەکات کە بریتییە لە ناردنی تێبینی لەناو چێوەی دراوی کریپتۆی TON.

• تێتێر بە فەرمی تێهەڵکێشی بلۆکچەینی TON کراوە، و یەکەم 10 ملیۆن USDT لەئێستاوە دەرچوێنراوە. ئێستا دەتوانرێت دەستمزدی ترانساکشن ڕاستەوخۆ بە USDT بدرێت.

• دامەزراوەی TON یازدە ملیۆن تۆنکۆین وەک پاداشت بەسەر بەکارهێنەرانی USDT لەسەر TON دابەش دەکات.

#TON

‍ تەلەگرام دیسکتۆپ نوێکرایەوە بۆ وەشانی 4.16.8

چی نوێیە:
•  پیادەکردنەوەی پشتڕاستکردنەوەی کراوەبوونی پەڕگە
• چاککرانی پەخشی هەندێک پەڕگە ڤیدیۆیی و دەنگییەکانی ناو-بەرنامە.
• چاککرانی پەککەوتنەکانی سەر لینوکس لەکاتی کردنەوە چاتەکان بە پاشبنەمای تایبەتمەند.
• چاککرانی پەککەوتنەکان لەکاتی دەرچوون پاش بەکارهێنانی پەیامی بەرنامەداڕێژراو.
• چاککرانی هەندێک باگ.

دابەزاندن: لە ماڵپەڕی فەرمی، گیتهەب.

#نوێکاری #دیسکتۆپ

هەڤپەیڤینی تەکەر کارلسۆن لەگەڵ پاڤێل دورۆڤ

کەناڵی تەلەگرامیی تازە دروستکراوی تەکەر کارلسۆن بڕگەیەک لە هەڤپەیڤینی خۆی لەگەڵ پاڤێل دورۆڤ بڵاوکردەوە.

وەشانی تەواوی هەڤپەیڤینەکە لە کەناڵی یوتیوبی تەکەر کارلسۆن بەردەستە.

‍ تەلەگرامی سەر ئەندرۆید و ئایۆئێس نوێکرانەوە بۆ وەشانی 10.11

لە یەکەم نوێکاریی مانگی نیساندا، تەلەگرام تایبەتمەندیگەلێکی نوێی وەرگرت کە ڕێگە بە هەموو بەکارهێنەران دەدات بە ئاسانی و خێرا بە کەڵکوەرگرتن لە ئێدتۆری ناوخۆییی تۆکمە، ستیکەری خۆیان یاخود تەنانەت یەکسەر چەپکە ستیکەری خۆیان دروست بکەن

• تابی "پرۆفایلی من": لە بەشی نوێدا کە لەناو پێڕستی هەمبەرگەرییەوە هەڵکەوتووە، بەکارهێنەران دەتوانن پرۆفایلی هەژماری خۆیان ببینن وەک ئەوەی کەسانی دیکە لە تەلەگرام دەیبینن، ستۆری نوێ بڵاوبکەنەوە یان ستۆرییەکی کۆن هەڵبواسن و زۆر شتی تر.

• ئێدتۆری ناوخۆیی ستیکەری: ئێستا هەموو بەکارهێنەران دەتوانن بە بەکارهێنانی ئێدتۆری ناوخۆیی، ستیکەر دروست بکەن. بە گوێرەی ناوەڕۆکی ستیکەرەکە، تەلەگرام بە شێوەیەکی خۆکارا گونجاوترین ئیمۆجی پێشنیار دەکات کە هاوتایە لەگەڵ ستیکەری مەبەست.

• ئێدتۆری چەپکە ستیکەر: ئێستا دەتوانرێت دەستکاری چەپکە ستیکەرەکانی خۆت بکەیت ڕاستەوخۆ لەسەر پانێڵی ستیکەرەکە - بۆ نموونە گۆڕینی ناویان یان گۆڕینی ڕێزبەندیی و چینشتی ستیکەرەکانی ناو پاکەتەکە. دەتوانرێت ئەمە بە بەکارهێنانی دوگمەی "دەستکاریکردن" کە لە تەنیشت ناوی چەپکە ستیکەری مەبەستەوەیە ئەنجام بدرێت.

• کەناڵە پێشنیارکراوەکان: تابێک بەناوی "کەناڵەکان" لە میانەی شاشەی گەڕانی گشتگیردا دەرکەوتووە. ئەو کەناڵانە پیشان دەدات کە بەکارهێنەر بەم دواییە تێیاندا ئەندام بووە ، جگە لە کەناڵە گشتییە پێشنیارکراوەکان. پێدەچێت میکانیکی بنەڕەتی ئەم تایبەتمەندییە پشت بە بنچینەی دانستە و تایبەتمەندیی "کەناڵە هاوشێوەکان" ببەستێت، کە لەسەر بنەمای ئەندامبوونی بەکارهێنەرێکی دیاریکراو بنیات نراوە.

تایبەتمەندییە نوێیەکانی تر بریتین لە: توانای هەڵواسین تا ٣ پۆست لە پرۆفایلدا، پێشبینینی بەستەری چەپکە ستیکەر، ئەوپەڕی ڕادەی کاردانەوە لە کەناڵێکدا، ڕێکخستنی ئاگادارکەرەوە بۆ کاردانەوەکان، و توانایی بەکارهێنەرانی پریمیوم بۆ چالاککردنی ڕێکلامەکان بۆ پیشاندانیان لە کەناڵەکان.

ئەندرۆید: گووگڵ پلەی، ماڵپەڕی فەرمی، کەناڵی پشتڕاستکراوە
ئایۆئێس: ئەپ ستۆر

#نوێکاری #ئەندرۆید #ئایۆئێس

‍ ساختە: "ڕیکلامە تەلەگرامییەکان گالەری جوڵەی دەوری (کارۆسێل) وەردەگرن"

هەندێک لە کەناڵەکان دەنگۆ بڵاودەکەنەوە بە بانگەشەی ئەوەیکە تەلەگرام خەریکی ئامادەکارییە بۆ پێناساندنی داڕشتەیەکی نوێی ڕیکلام لەناو ئەم مەسنجەردا. بەتایبەت، باس لە جوڵەی دەوریی کارلێککەرانەی وێنە، ڕیکلامی نێوان پۆست، و ڕادەی زیاتری کارەکتەری پۆست دەکرێت لەگەڵ کۆمەڵێک زیادەمەنی تر.

بۆ ژێدەر و سەرچاوەی ئەم بانگەشانە، کەناڵەکان ئاماژە دەکەن بە ستۆرییەکی تەلەگرامی لەلایەن بەڕێوەبەری فرۆشتن لە پێگەی Magneto.pro و هەروەها دەزگایەکی ڕیکلام کە تایبەتمەندە لە ڕیکلامە تەلەگرامییەکان.

کاتێک کە سەرنووسەرانی تەلەگرام ئینفۆ پرسیاریان لەسەر کرد، سەرچاوەیەکی نزیک لە تەلەگرام ڕژد بوو کە ئەم بانگەشانە درۆ و بێبنەمان، بەو پێیەی کە مەسنجەرکە لە ئێستادا کار لەسەر پیادەسازیی ئەم چەشنە فەنکشنە ناکات

لەم دواییانەدا تەلەگرام تازەکردنەوەیەکی گەورەی بۆ سەکۆی ڕیکلامکردن دەستەبەر کرد کە ڕێگە بە ڕیکلامکەران دەدات لەڕێی دراوی کریپتۆی TON ەوە بتوانن لە وەڵاتگەلێکی زیاترەوە ڕاژەی ڕیکلامی تەلەگرام بکڕن و ئەمە دەرخەری ئەوەیە کە سەکۆی ڕیکلامکردن لە پەرەسەندنێکی چالاکدایە - واتە کۆمپانیاکە لەسەر ڕێچکەی خۆقازانجدارکردن بەردەوامە لە گەڕان بەدوای ڕێگەی نوێی پارەسازی.


#لەبارەی_ڕیکلامکردن