هلا بنواره هلا .. ترست ابضيها الفلا
والهضم همه انجلا .. وفرحة الطف والغري
بالامام العسكري
@@@
نزل من  النور السمه .. چن علي حامي الحمه
بي شبه من فاطمه .. أحمدي وحيدري
بالامام العسكري
@@@
امن المدينه للعراق .. بالفرح صاير سباق
للملايك عالبراق .. ونورهم يسري سري
بالامام العسكري
@@@
كلب كل شيعي ابلهف .. ورفرف ابچفه السعف
العسكري بعيده انعرف .. للي حبه بشتري
بالامام العسكري
@@@
باب الله بالوجود .. ورحمة العالي الودود
جوده وابليا حدود .. وصفه من ليث الغري
بالامام العسكري
@@@
مثله لا شرق وغرب .. وتعجز اتوصفه الكتب 
ويمه لو مال الگلب .. عالجمال الازهري
بالامام العسكري
@@@
الچف مهبط للكرم .. وتلتجي ليه الامم
الجاله ابدن ماندم .. ابابه كل هم ينبري
بالامام العسكري
@@@
حگي لو صدري انشرح .. وباسمه دلالي فرح
بالحسن نهجي ربح .. وكحلي شوفي وناظري
بالامام العسكري
@@@
البيه هالكون اوتعض .. حبه بعروگي نبض 
وصحت بس اسمه انلفظ .. يامحبته آمري
بالامام العسكري
@@@
نهج الله والهدى .. شما يسوون العدى
انا لترابه فدى .. وحتى يرخص منحري
بالامام العسكري
@@@
الحمد لله والشكر .. بحبه گضيت العمر
والله جنني اشكثر .. وصرت چني الشاكري
بالامام العسكري
@@@
علي احمد الحمود
١٥-١٠-٢٠٢٣
مولد العسكري ع