33- كاليفورنيا: في 23 سبتمبر 2020 ، أصدر الحاكم جافين نيوسوم أمرًا تنفيذيًا يدعو الولاية إلى التوقف عن بيع سيارات الوقود الأحفوري الجديدة بحلول عام 2035.
و هذا كله مع تعهدات رائيس الحكومة الصينية "شي جين بينغ" بتقليل استخدام بلاده للوقود الحفري بنسبة 45% بحلول عام 2035 و صفر انبعاث كربون بحلول عام 2060 و الي يشوفو فيه مش حاجه كبيرة فا ال45% هادي بالنسبة لاكبر مستورد نفط فالكوكب رقم ضخم (و خصيصا ان الصين تملك حاليا تلت معدات انتاج بطاريات الليثيوم الضرورية للسيارات الكهربائية فالعالم و تسيطر علي 36% من سوق السيارات الكهربائية فالعالم مع خططها للتوسع و الريادة فالمجال ) فلو تتذكرو فازمة كورونا بعد ما توقفت الصين عن استيراد النفط و بدائت في بيع مخزونها الاحتياطي الي مزالت تبيع فيه حتا الان بكميات محدودة انخفض و اغراق السعودية للسوق مع فشل اوبيك بلاس سعر العقود الاجلة للدولار و اقل فتخيلو بعد التخفيض هادا كله و خطط السعودية لاغراق السوق و استخراج اكبر كمية ممكنه حسب تصريحات عبد العزيز بن سلمان .
و في تصرحات للمتحدث عن قسم البحث و التطوير بشركة ارامكو فمن المتوقع ان ينخفض سعر النفط لاقل من 10 دولار للبرميل بحلول عام2045 مع انخفاض الطلب الي تمثل السيارات منه 60% بعد انتشار السارات الكهربائية الي مزال ما فيش اي دراسة تقدرر تتنباء بالسوق هادا فمن المتوقع يكون اكتر من هكي
.
المهم عند وصول البرميل الي10 دولار تصبح تكلفت الانتاج اعلي من العائدات وهكي تصبح قطاع ميت طبعا عالاغلب مش حيوصل سعر النفط لاقل من 10 دولار بشكل دائم بسب دخوله فعدد من الصناعات من اهمها البوليمر
*طبعا هادا هادا فالحالة الطبيعية من دون تدخل الفيروسات زي متحورة كورنا الجديدة اوميكرون *

:::تحليل شخصي::
و في الفترة هديكا 2045'2050 و مع خسارة ليبيا لموردها الاهم حيكون من غير المنطقي و مثقل جدا لكاهل الدولة خصيصا فالوقت الي تحاول فيه الاستثمار في اي تقنية جديدة لان فات عليها القطار بسب الحروب و الصراعات القادمة انها تخلي العدد الكبير من الموظفين الي فالقطاع فا حيتم تحويلهم عالقوة العاملة او الضمان اذا كان مزال فيه ضمان و فيه احتمال يتم فصلهم اذا قامة دولة بعد الحروب 🌚🙂
__________________
.
.
و في الاخير الكلام هادا الي فوق هو محاولة لرسم صورة ولو مشوسة لمستقبل محدق بالمجال و هي للناس الي مش متاكدة او باحثة كويس عليه الموضوع طبعا مش الي خلاص متيقن و عارف انه مجاله و مش شايفله بنضرة مجال فيه فلوس 😂 و اهم شي ابحثو واعرفو زين مجال العمل راهو العالم متشابك مع بعضه و مصطلح كليات القمة انسوه لان زي ما تشوفو مع التقدم الضخم الي صاير فجميع المجالات حيطلع تخصصات جديدة منبثقة من التخصصات الحالي ليواكب التطور فا ننصحكم تختارو المجالي الي تحبوه بعد ما تبحثو فيه كويس و تعرفو شن صاير و شن متوقع يصير فسوق العمل
.
دمتم بسلام❤ و
توكلو علي الله اختارو صح✅😊
و مش طالب الا دعوة للولدين 🤲