🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 106 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🪷🍃

عند لينا ؛
كانت واقفه قدام طلال بكل برود : نعم وش الموضوع المهم يلي عندك ؟
طلال : مافي موضوع مهم لكن ابي اتقهوي اليوم مع زوجتي
لينا رفعت حاجبها : للأسف زوجتك ما تبي تتقهوي معاك
طلال : بس انا احبك للحين مو معناه بتزوج يعني اكرهك انا صارحتك و اخذت الاذن منك و اتفقنا بعد
لينا ضحكت : يعني لو كنت قلت لك لا بتكنسل فكرة الزواج ، يا حبيبي انت ما جيت تكلمني الا و انت مخطط ع الزواج
طلال مسك يدينها بحب : انا ما اخطيت والله
لينا سحبت يدها : طلال بليز لا تتقرب مني احس
طلال قاطعها : لينا.. لينا يا روحي انتِ ترضين اروح للحرام ؟
لينا ببرود : لجهنم الحمرا ما تهمني
طلال عصب و كان بيرد لكن الباب اندق و تكلم بعصبيه : سحاب كانت تزعجنا الحين مين ؟
مشي وفتح الباب وشاف آلاء مبتسمه : مافي اهلين
تكلم ببرود : اهلين ، نعم وش تبين ؟
آلاء: ما ابيك انت ، ابي لينا الحلوه وينها ؟
لينا وقفت قدام طلال : هلا الوشه
آلاء ابتسمت : بنروح عند ملاذ جهزي نفسك
طلال رفع حاجبه : لا بالله ع الأقل احترمي يلي واقف قدامك
آلاء: وش يعني ننتظر موافقتك ؟ مالك حق ترفض أصلا
طلال : آلاء شصاير لك بس ؟ صايره ملقوفه بزياده
آلاء: معليش ، بس كلمة الحق صايره تزعل وبعدين ليش ترفض رايحين بيت اخوك صله رحم هذي
طلال رفع حاجبه : صلة رحم !
آلاء: صلة رحم واجبه على كل مسلم بالغ وعاقل وفاهم والقطيعه حرام ومن الكبائر والعياذ بالله
لينا ضحكت وطلال ضحك لضحكتها : اجل بوصلكم
آلاء: كثر الله خيرك وشكرا ياولد عمي ما تقصر
طلال : الحمدلله سمعنا منك شي زين ..
آلاء مشت لجناحها تجهز و لينا دخلت تطلع لها ملابس طلال دخل وراها بسرعه و وقف وراها وهو يحضن خصرها : لينا تكفين لا تعذبيني اكثر
لينا لفت عليه : انت اخترت هالطريق ، طيب قولي شرايك بس لو اجي اقولك بتزوج و انت اتخيل انه بيكون في رجال بحياتي غيرك بشاركة كل شي وسادتي و اغراضي و سريري و جسدي ، شرايك بس مجرد ما تتخيل ؟
طلال بعد عنها وتكلم بحده : بس الدين ما حلل لكم !
لينا اخذت نفس : فكر بس والنار يلي تحس فيها بداخلك انا حاسه فيها .
.
ملاذ جهزت القهوه والشاي و طلبت حلا و فطاير و بخرت البيت ، طلعت لجناحها و طلعت لها فستان باللون الأسود رتبت شعرها و سوت ميكب خفيف اخذت جوالها و نزلت ودقايق و اندق الجرس ابتسمت وضغطت الزر و طلعت الحوش تستقبلهم بكل حب و فرحه : يا هلا يا هلا نورتو البيت
آلاء حضنتها : ملاذي اشتقنا لك والله
لينا : شوفي هالمره جينا ع السريع المره الثانيه بنجيب هدية البيت
ملاذ ضحكت : لا ما ابي هديه جيتكم هديه
آلاء فسخت عبايتها وهي تناظر حولها : ماشاءالله البيت كبير و حلو
لينا : الله يجعله بيت عامر و تتهنو فيه يارب
ملاذ ابتسمت : امين ياارب ، عاد انتو اول ناس تدخلونه
آلاء : من جد امك للحين ما جت؟
ملاذ : لا لسه بكلمها تجي بكرا
لينا : الجو برا يجنن شرايكم نجلس بالحوش؟
ملاذ : فكرت فيها بس لسه ما جبنا جلسات عادي نجلس بالأرض ؟
آلاء ضحكت : حبيبتي ترا نحنا مو جاين من المريخ ما نجلس الا بالكراسي ، طبعا نجلس بالأرض والجلسه ما تحلى إلا بالأرض
ملاذ اخذت صينه القهوه و الشاي و لينا اخذت المعجنات و آلاء الحلا ،
طلعو الحوش وملاذ فرشت سجاد فوق العشب و جلسو وبدأو يتقهو و يسولفو ،
لينا مسكت جوالها وقت وصلتها اشعارات كثيره من سحاب فتحت الصور و كشرت : لا عاد وش ذه ؟
آلاء: خير وش في ؟
لينا : شوفي بس ليان اختارت فستان اسود لملكتها
آلاء ضحكت: خليها تسوي تغيير
ملاذ : اهم شي هي راضيه
لينا : لا مستحيل وش يلي اسود بملكه والله امي ما رح تسكت لها ولا بتخليها تلبسه
ملاذ صبت قهوه وهي تعرف انه ليان تسوي كل هالحركات بس عشان تبين انها ما تبي زياد
آلاء: والله ذكرتيني يا لينا ما شريت فستان
لينا اخذت فنجانها : ولا انا اشتريت أساسا بتكون ملكه عائليه وبالبيت بنكون نحنا موجودين و اهل زياد يعني مافي احد غريب
ملاذ : طيب والزواج متى ؟
لينا : ما تكلمو للحين ، أساسا بدري ع الزواج احس ليان صغيره ما بتقدر تتحمل
آلاء: ايه والله ، هذي سحاب تزوجت لكن كل مره تجي تشتكي من حالها ومن حياتها مع سلطان .. آلاء سكتت و استوعبت انه سلطان اخو ملاذ : ملاذ معليش نسيت انه سلطان

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷