#سيرة_امهات_المؤمنين

🌴 السيدة صفية بنت حيي ابن الأخطب رضي الله عنها(3)🌴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 النهرده هنعرف حكم سعد بن معاذ على اليهود

🌻حكم ان يتقتل كل الرجاله اليهود و كل الستات يتاخدوا جواري عند المسلمين و كل فلوسهم تتقسم على المسلمين

🌻 و قال الرسول صل الله عليه وسلم انت حكمت فيهم بحكم ربنا و رسوله

🌻و نزلت الآيه 26 و 27 من سوره الاحزاب اللي بتحكي اللي حصل

🌻وطبعا الحكم ده كان عادل جدا

🌻 لأن يهود بني قريظة مش بس خانوا العهد

🌻دول كمان جمعوا 500سيف و2000رمح و300درع و500ترس علشان يموتوا الرسول و المسلمين

🌻و علشان كده الرسول أمر بحفر خندق ودفنهم فيه بعد لما المسلمين

🌻و من ضمن الناس اللي اتقتلوا حيي بن اخطب ابو السيده صفيه

🌻بعد ما دخل مع بني قريظة في الحصن بتاعهم و اول ما قبضوا عليه المسلمين

🌻قطع هدومه كلها اللي هو لابسها علشان محدش من المسلمين ياخدها ويستفيد بها و قال للرسول صلى الله عليه وسلم و الله انا مش ندمان اني كنت عدوك و قاله كلام وحش كتير و بعدين المسلمين موتوه

🌻و انتشر الخبر عند باقي اليهود و عرفوا يهود بني النضير ان رئيسهم مات

🌻و عرفت السيده صفيه ان ابوها فضل على عداوته للرسول لحد ما مات زي ما قال قدامهت قبل كده

🌻و كانت السيده صفيه في الوقت ده زوجه كنانه بن الربيع و في يوم صحيت من نومها و قالت لزوجها انا شفت قمر جي من ناحيه المدنية و وقع في البيت عندي

🌻فراح زوجها ضربها بالألم لغايه ما عينها بقت زرقاء من الضرب و قالها انتي عايزة تتجوزي رسول المسلمين

🌻و بعد كده جه الدور على يهود خيبر بعد ما كانوا اتفقوا بعد صلح الحديبيه مع قبيله غظفان و العرب اللي في الباديه بعد ما قريش رفضت تدخلهم يعملوا عمره

🌻و اتفقوا انهم يموتوا الرسول فقرر الرسول انه يفاجئهم قبل ما هما يفاجئوه

🌻و في الطريق و الرسول رايح قابلوه الناس المنافقين اللي مرضيوش يروحوا معاه

🌻علشان كانوا طمعانين ياخدوا حاجات من الغنيمه اللي الرسول هياخدها من اهل خيبر

🌻لكن ربنا نزل ايه 15 في سوره الفتح اللي بيقول فيها ان مينفعش هما يخرجوا مع المسلمين لأن اللي هيخرجوا لازم يكونوا مؤمنين بجد

🌻علشان كده الرسول حدد الناس اللي هيخرجوا معاه و هما كانوا الناس بتوع صلح الحديبيه يعني الناس المؤمنين وبس

🌻و طبعاً المنافق اللي اسمه عبد بن أبي بعت ليهود خيبر علشان يفتن على الرسول و يقولهم إنه جي يحاربهم

🌻و قالهم اوعوا تخافوا من جيش المسلمين علشان عددكم اكبر منهم ولازم تموتوا الرسول

🌻فلما عرفوا أهل خيبر بالموضوع ده بعتوا كنانه زوج السيده صفيه و معاه واحد تاني اسمه هوزه بن قيس لقبيله غطفان

🌻و طلبوا منهم المساعده و قالولهم هنديكوا نص الثمار بتاعت خيبر

🌻و وافقوا يساعدوهم و خرج الرسول بالجيش بتاعه

🌻و أمر الرسول ان الجيش يقف على الحدود لغاية الصبح

🌻و قال الدعاء المشهور بتاعه "اللهم رب السموات و ما أظللن و رب الأراضين و ما أقللن و رب الشياطين و ما أضللن و رب الرياح و ما أزرين أسألك خير هذه القريه و خير أهلها و نعوذ بك من شرها و شر ما فيها

🌻و الصبح صلى الرسول الفجر هو و الجيش بتاعه و كان في نفس الوقت يهود خيبر خارجين من الحصن علشان يزرعوا في البساتين بتاعتهم

🌻يا ترى ايه اللي حصل بعد كده هنعرف بكره إن شاءالله علشان جه معاد النوم

🌻تصبحوا على خير يا حلوين

🌻وصل اللهم وسلم على سيدنا محمد
🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://t.me/seerawqass