#سيرة_امهات_المؤمنين

🌴 السيدة صفية بنت حيي ابن الأخطب رضي الله عنها(2)🌴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد


🌻 لما وصل للرسول رد حيي بن أخطب إنه مش هيخرج من بني النضير

🌻الرسول قال الله اكبر والصحابه ردوا وراه الله اكبر

🌻 ومشي بالجيش بتاعه علشان يحاصر بني النضير

🌻وكان سيدنا على بن ابي طالب هو اللي ماسك اللواء

🌻واللواء ده بيكون زي علم الدوله دلوقتي

🌻 لكن اليهود الجبناء استخبوا في الحصون بتاعتهم

🌻وبقوا يرموا على جيش المسلمين الطوب

🌻علشان الأشجار بتاعتهم كانت عاليه وكانوا مستخبيين وراها

🌻فالرسول أمر إن الاشجار كلها تتقطع وتتحرق

🌻وطبعا المنافق عبد الله بن أُبي بن سلول مساعدهمش ولا بعتلهم 2000 راجل ولا حاجه زي ما قال

🌻وكمان يهود بني قريظه مجوش يساعدوهم

🌻وربنا نزل الايه رقم 16 من سوره الحشر بيوصف الموقف ده

🌻وفضل الرسول والجيش بتاعه محاصر بني النضير لمده 6 ليالي

🌻والمعروف عن اليهود إنهم خوافين وجبناء وربنا وصف خوفهم ده وقال ان ربنا بيقذف في قلوبهم الرعب

🌻فبعتوا للرسول وقالو له إنهم خلاص هيخرجوا

🌻وقالوا للرسول سبنا نخرج بالجمال بتاعتنا وحاجتنا الضروريه ومش هناخد معانا سلاح

🌻ووافق الرسول يخليهم يخرجوا بحاجتهم بس هما علشان ناس وحشه خربوا بيوتهم بإيديهم

🌻وخدوا كل حاجه الابواب والشبابيك وحتى سقف البيت خدوه معاهم علشان كان معمول من ورق النخل لأن اليهود أصلا ناس بخيلة

🌻وخرجوا ب 600 جمل وكان رئيسهم وأول واحد خرج معاهم هو حيي بن أخطب اأو السيده صفيه

🌻وراحوا الى مكان اسمه خيبر وشويه منهم راحوا الشام

🌻ورجلين بس منهم أسلموا
واحد اسمه بيامين بن عمرو وواحد اسمه ابو سعد بن وهب

🌻وبعد كده راح أبو السيده صفيه لبني قريظه وقالهم إيه رأيكوا نتعاون مع بعض إحنا وكفار مكه وأنتم وكمان قبيله غضفان

🌻نتعاون ونحارب محمد ونقتله وبكده نقضوا العهد مع الرسول وقعدوا يشمتوا و يهددوا في الرسول والمسلمين

🌻ولما وصل الخبر للرسول وعرف إنهم نقضوا العهد

🌻قال الله اكبر أبشروا يا معشر المسلمين يعني خلاص هنغلب اليهود ونخرجهم من المدينة وكانوا لسه راجعين للمدينه من بني النضير

🌻وأول ما الرسول وصل المدينه ودخل بيته علشان يغير هدومه

🌻سيدنا جبريل جاله وقاله متقلعش هدومك انت لازم تروح على بني قريظه علطول وأنا هسبقك علشان أزلزل حصونهم وأقذف في قلوبهم الرعب

🌻والملائكة يا ولاد بتساعد المسلم في كل حاجة

🌻ومشي سيدنا جبريل ومجموعه من الملائكه قدام سيدنا محمد وجيشه

🌻وحاصروا بنو قريظه لمده 25 ليله

🌻وطبعاً اليهود كانوا خايفين جدا وسألوا واحد اسمه أبو لبابه بن عبد المنذر وده كان مسلم وحكينا قصته قبل كده لما ربط نفسه في عمود لغاية ما ربنا تاب عليه المهم وشاورلهم على رقبته ان الرسول هيموتهم

🌻فبعتوا اليهود للرسول وقالو له إحنا عايزين سعد بن معاذ علشان يحكم بيينا وبينكم حكم العدل

🌻فوافق الرسول وقالهم وأنا موافق على اللي هيحكم بيه سعد

🌻يا ترى سعد حكم بإيه..هنعرف بكره إن شاءالله

🌻تصبحوا على خير يا حلوين🌻

🌻وصل اللهم وسلم على سيدنا محمد
🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://t.me/seerawqass