لفت نظري في المشهد ده لما كانوا بيتخانقوا وبيزعقوا، في وسط الخناقة انهارت وقعدت تعيط وتقول أنا تعبانة، فَلما شافها كده مسك أعصابه وراح حضنها وقالها أنا آسِف حقك عليا .. افتكرت مقولة الإمام الشافعي "أحيانًا كَسب القلوب أولَى من كَسب المواقف" وبصراحة الجُملة دي حقيقية جدًا ! إنك مش مُهم تنتصر في الخناقة، ومش مُهم مين فيكوا اللي غلطان، المُهم لما تشوف اللي قدامك اتوجع تنسى كل ده وتنهي الخلاف كله في وقتها وميبقاش شاغلك غير إنك تراضيه وبس، وأي حاجه تانية تتحل بعدين ..
( أبيع عُمري لِمَن يُعاملني برِفق حتى في الخِلاف )