لە جێی خۆیدا بێ نازانم بە چی بچوێنمت باشە
ئەزانم هەر بە شێعریشم نەرم بدوێنمت باشە
پەرینازێکی خەستەی ناو مرۆڤی دڵڕەق و یاخیت
لە سەر ئەم سینە نەرمەی بەو حەزەم بنوێنمت باشە
چ تاقانەیت و هەستێکی ئەویندارانە ئازادیت
بە ئاوازێکی ئارام و کەوی بخوێنمت باشە
لە نێو ئەو قاقڕەت جێ بۆ گەشەی هیچ ئارەزوو نابێ
لە نێو ئەم نەرمەڵانەی بۆ ئەوین بڕوێنمت باشە
دەڵێی کەنگێ دەبێ دۆخی بگۆڕێ ئێرە نازانم
دەڵێم تا ئەو دەمەی دڵخوازە نابزوێنمت باشە

سۆران حوسێنی