(1) جازى الله كل الخير للمعلمين الـ بيساهموا في نشر
الملفات التعليمية المجانية.
لما بتصفح موقع وتطبيق مذكرات جاهزة للطباعة
وبشوف كم الملفات دي بسم الله ما شاء الله بقول ان عندنا
خير كتير مش حاسين بيه، ومش بتكلم عن اننا اصحاب
الفضل، لأ، ولكن أقصد على الافادة الـ بيقدموها أصحاب
الملفات دي للناس بالمجان، انك تخش تنزل على جهازك
بضغطة زر كتاب المدرسة او مذكرة شرح وتدريبات او مراجعة
او دفتر تحضير.....الخ بكل سهولة وأنت فـ بيتك مرتاح،
والله لو فكرت فـ الموضوع هتلاقيه نعمة كبيرة عليك؛
فـ ربنا يجازيهم كل الخير.
وزي ما احنا كاتبين فـ الموقع والتطبيق أسفل كل ملف
ان الملفات دي هما أصحابها واحنا مجرد مكان بيجمعها فقط
فجزاهم ربي خير الجزاء ويجعل أعمالهم في ميزان حسناتهم،
ويقوينا اننا نكون أفضل مكان قادر على جمع الملفات دي
بطريقة منظمة وسلسة بشكل مجاني، وحقيقي الواحد فرحان
جدًا ان الموقع والتطبيق أصبحوا بيقدموا الخدمة دي لملايين
الناس شهريًا، رقم مرعب بسم الله ما شاء الله
لدرجة اننا حاجزين سيرفرات بتكاليف عالية علشان تتحمل
كم الناس الـ بتكون فاتحة فـ نفس الوقت وبتنزل الملفات
إلا ان احيانًا الموقع والتطبيق بيقعوا من كم الضغط عليهم
وبدل ما الناس تحس بقيمة المكان إلا انهم بيخشوا يشتمونا !
اه بنتشم والله !!!