اما الشرط الثاني توا نحنا في سمستر الثالث يعني تسقط في ماده وحده يلزوك من تخصص بكل وتعاود تخصص ثاني من الاول حتى لما توصل للسمستر الاخير وتسقط في ماده ايحولوك بكل يعني مراتت تتعب اسنين وتعاود المهم البنات 3 اللى معايا وافقن علي الشرط الاول الا انا وافقت علي الشرط الثاني طبعا انصدمو وقالو فكر راه تضيع نفسك ومرات تسقط قتله انا نبي تخصص ونبي نسمتر وربي يوفقني مهم وقعت تعاهد اذا سقطت ايلزوني وكانت عندي في سمستر الثالث 9 مواد ومنهن 5 مواد فهم. طبعا اول درته كلمت صاحبي كان متخرج من هندسه نفطيه وشاب ويفهم عليا حكيتله قصتي قتله كنت نفهم بعد دخلت ادبي انعدم عندي الفهم بكل. المهم قالي يايونس توا نبدو من اساسا ونستمر طبعا اجتهد وحطيتها في راسي المهم صفيت ال9 المواد 😂 ونجحت بعدها في الرابع والخامس والسادس والسابع ودخلت للسمستر الثامن كانت السمستر الاخير والتخرج وفيه كان مشروع تخرجي المهم درت مشروع ونجحت ممتاز فيه والعائله كلها فرحتلي وجو تمام وبعدها جن الامتحانات طبعا مشروع يعتبر نهايه انك تتدرس مواد اخره جن وقت الامتحانات النهائيه وكيف ماقتلكم امبدري فيه 5 مواد مهم درت اول ثلاث مواد طبعا لما تطلع من الامتحان عارف روحك ناجح ولا لا وبلا دسكة لا ولا 😂 طبعا انا واثق انه حليت فيهن ومزال امتحان مادتين كانت في يوم الثلاثاء والخميس .
طبعا يوم الاثتين جيت درست مادة الثلاثاء وعيت عالفجر ودرست وكان موعد الامتحان ساعه 10 .طبعا فتحت نت مع 8 هك اتصل بيه صاحبي مكالمة فيديو قالي يايونس نبي نفهم البرنامج هذا شفته قتله اين برنامج هذا قتله صكر صكر المهم طلع الماده اللى درسها يوم الخميس مش الثلاثاء😂😂 طبعا لو انتم راك درتو حاله نفسيه وكان علي موعد امتحان ساعتين فقط.
المهم اول شي درت قفلت تلفوني اكيده تقولو ليش عشان مانبحت في ساعه ونحس الوقت انه يجري طري ومعاش نعرف ناخذ حاجات المهم وهذا كانت الفايده في الادبي 😂 علم النفس. مهم وقعدة ندرس طبيعي وقلت تاخرت تاخرت لعند ماكملت علي الوقت بالزبط ومشيت وحليت امتحان ونجحت من تخصصي وتخرجي .

" وهذي قصتي ب اختصار انشالله تكونُ انسجمتو واستفدتو ، والعبرة منها عشان تنجح في الشي الي تحبه لازم تتعب وتمر بظروف صعبة وانت كا انسان طموح لازم اتحمل عشان تحس بِ لذة النجاح وتفرح نفسك وعيلتك معاك ، وديما طيبين انشالله وموفقين كلكم " .

يونس المشيطي✍✍