قبل خمس سنين و أكثر
يوم كان اللي يحدّ البال للشعر؛ إبتسامة
كنتي أبهج من وجيه أطفالنا و الغيم يمطر
كنتي أحزن من رجاوي ضايقٍ بـ الله يستر
و كان خوفي و إرتباكي
لو عيونك مرّها الدمع و حزنتي
وين لي حيلة على هذا البكا القاسي عليك ؟
و ما معي إلّا؛ قصيدة حب فيك
و قلتها لك و إبتسمتي
و لأجلك إنتي؛
كان كل المستحيل يصير لك ممكن
و كنّا :
في رحابة ليل كان أشبه بـ جنّة
فيه أقول إن ثورة التبغ/ الغمامة
فيه أحلف إن ميلة الخصر إستقامة
و الوطن ماهو سوى: ضحكة و شامة
و بين كل ما كان واللي ضاع منّا
من يسولف لـ الليالي المقبلة يا بنت عنّا
يوم كان الذنب؛ ليلك لو أنامه
كل هذا كان؛
قبل الحب فينا يخيب ظنّه
و قبل أعرف اللوم و شعور الندامة
و قبل أجرّب فقدك
و جدّية الأيام
و أكبر*