رواياتي📖📚

هنا هنادي ضحكت و قالت ليها دا كلو حصل يا حبوبه، يوسف دا قبل كدا اتشاكل كتييير مع إمو بسببها، عمتي سنيه كان قالت ليها استهلاكك كتير للكهربه و نبهتها ما تطلع و تخلي الأجهزه شغاله و عاد ديك زعلت و قالت كيف عمتي تقول ليها كدا و أول ما يوسف جا طوالي وسوست ليهو و قالت ليهو أمك فصلت التلاجه

= البت دي لو كان لقتني هنا من بدري كان أدبتها ليكم، قلة أدب البنات دي ما بتنفع معاي، و انتي يا سنيه ساكته ليها ليه لمن تعمل مشكله بينك و بين ولدك؟

_ براك يمه عارفه يوسف و راسو القوي و اتجاهو الواحد، لو شافني اتكلمت معاها ساي يقوم يزعل و يخاصمني و أنا ما بخسر ولدي عشانها، هسي ما شايفاني قدامو بحاول اتسايس معاها عشان ما يزعل و يعمل لي موضوع!

= بت اللذينه تصبر لي!

_ أنا كل البهمني إنو يوسف يعرس غيرها، البت دي عديل أنا ما دايراها

هنادي قالت ليها البت أظنها حامل و بعدين مش دا الحمل الإنتي كنتي عايزاهو يا عمتي

_ البت دي بالذات ما دايره منها أي جنى لولدي، خليهو يعرس فيها...... اها يا أمي نعمل شنو! يوسف لو عرفها حامل مشكله والله!

= اصبري خلينا بعد نمشي و نجي بوريك نعمل شنو.....وينو يوسف دا لسه ما جا

_ياهو جا....

أحياناً كتيره المرأه بتكون هي الداعم الأول للمرأه، عادة المرأه لمن تحب بتكون سند، و لمن تخلص بتكون درع حامي، لكنها لمن تكره بتتحول لعاصفه قويه، و سلاح خطير، كيدها بكون نابع من غيره أو حقد أو انتقام، و لمن يصحى أو يستيقظ الكيد دا بتبقى أدهى و أخطر و ح تستخدم كل أساليبها بذكاء و دهاء، ح تتقن الكذب و النفاق و التمثيل عشان تصل لأهدافها.... بقولو عدو المرأه الأخطر هو الرجل، لكن الحقيقه هي إنو المرأه لمن تختار انها تكون خصم أو عدو بتبقى اسوأ عدو ممكن الواحد يواجهو ، و هنا بس ح نعرف إنو اعظم كيد ممكن ما يجي من الشيطان بس ح يجي من امرأه قررت انها تحرق الأخضر و اليابس عشان تزفت حياة وحده و تحولها لجحيم و تكرها حياتها حتى لو كان ماف مبرر لعمايلها دي!

يتبع......

خليتهم بعد غيرو السيره و قلت ليهم ماشه البيت، الحبوبه قالت لي ما ح تمشي معانا؟ قلت ليها ما بقدر والله، قالت لي خلاص ماف مشكله أهم شي راحتك يا بتي، المهم طلعت و مشيت و يوسف جا لاحقني في البيت و بقى يشيل و يعتذر مني، قال لي ح أوديك بكرا ان شاء الله، قلت ليهو خير، لفتني عليهو و قربني منو و قال لي ريله ما تزعلي! والله العظيم بكرا أسوقك أوديك! قلت ليهو ما زعلانه، قال لي لا زعلانه و واضح عليك! ... قلت ليهو أمشي ما تأخرهم ساي ، باسني على خدي و قال لي لو ما راضيتك ما ح أتحرك من هنا، قلت ليهو يوسف أنا ما زعلانه و ما عايزا أي كلام كتير، عليك الله أمشي و خليني في حالي!
قال لي بعد دا كلو و تقولي ما زعلانه! ... ريله أنا مستحيل أمشي و اخليك وراي زعلانه، الأقدار ما معروفه، لو شاء الله و عملت حادث و اتوفيت ما.... طوالي قاطعتو و قلت ليهو بصوت باكي ياااااخ ليه بتعمل فيني كدا؟؟ ليه بتقول الكلام دا؟ ليه بتتعمد تقلقني و تخوفني عليك؟
طبعاً قلت ليهو الكلام دا و أنا ببكي، ضماني عليهو و قال لي والله ما قصدي ابكيك.... ريله حبيبي هووس الله يخليك، قلت ليهو زح مني بس!.... زح مني شويه و قال لي اقسم بالله ما قصدي أخلي دموعك تنزل، قلت ليك كدا لأنو دي الطريقه الوحيده البتحنن قلبك علي! و فعلاً يا ريله ما معروف الحيحصل شنو، ما عايز ابكيك تاني بس الموت حق، و لو حصل لي أي شي كلو قضاء و قدر!
بقيت اضربو على صدرو و اقول ليهو بتقول كدا عشان تعذبني مش، بتستلذ لمن تشوف دموعي..... طبعاً كنت معصبه شديد، ضماني عليهو تاني و قال لي ريله اهدي اهدي، صوتو كان متغير، لمن رفعت راسي و عاينت ليهو لقيت في شوية دموع جوه عيونو!
هنا جد خوفني عليهو!
مسكتو شديد من قميصو و قلت ليهو ما تمشي يا يوسف، لغيتي مشواري، ما عايزا أمشي أي مكان و ما عايزاك انت كمان تمشي، الله يخليك يا يوسف ما تمشي!
قال لي ريله عايني أنا كويس! و انتي عارفه إنو دا الكلام الطبيعي القاعد اقولو ليك كل مره، بإذن الله ما بتجيني عوجه، انتي بس ارضي عني و سامحيني، ما عايزك تزعلي مني، قلت ليهو أنا اقسم بالله ما زعلانه منك يا يوسف، و لو ما عايزني أزعل جد جد ما تمشي يا يوسف 😭💔
قال لي الغلط غلطي، ما كان أجيب ليك السيره دي، أنا عارفك و عارف ردة فعلك بخصوص الموضوع دا فما كان أجيب ليك سيرتو!
في كل مره ردة فعلك بتفاجئني يا ريله! معقوله بتخافي علي للدرجه دي!
فجأه تلفونو رن و المتصله كانت امو، شفت الإسم على شاشة تلفونو، رد و قال ليها جاي انتوا بس خليكم جاهزين، بعد قفل قلت ليهو ما تمشي! قال لي ريله في شنو!! خلاص قلنا!
اتكلم معاي شويه و اعتذر مني و قبل ما يطلع قال لي زعلانه مني؟ قلت ليهو لا، أمشي و ما تتأخري علي، لو اتأخرت ح أزعل منك تاني، قال لي كلو إلا زعلك، جاني راجع باسني على جبيني و مشى و أنا بدعي ليهو في سري.....

________

_امي ولا بكضب عليك بت الناس دي ظااااهر عليها حامل

= أنا ذاتي قلت كدا و هي شكلها شاكه في روحا عشان كدا كانت مصره تمشي تفحص

_ لو حامل أو لا أنا عديل ما دايراها ليوسف، أصلا من البدايه اعترضت عليها لا من قبيلتنا لا من نسابتنا لا من بيئتنا، ابوهو مشى جابها ليهو من الأرياف و جا، وقت بقت كدا ريف لـ ريف معناها احسن ليهو بت أخوي بت قبيلتنا و لحمنا و دمنا!

= ئههه و بت اخوك دي ماااالك من زمان ما حجزتيها ليهو؟ خليتي بنات أخواتك و أخوانك و جريتي كُستي الغريبه لولدك، وقت رشحتي ليهو بت صحبتك ليه ما اتذكرتي إنو عندك بنات أخوات و أخوان في عمر الزواج!؟ ليه ما اتذكرتي بدور بت أخوك المرحوم و قلتي اعمل خير في اليتيمه دي و اعرسها لولدي؟

_ عليك الله يا أمي بنات بناتك و أولادك ما شاء الله كتار أعرس ليهو منو و اخلي منو و كلهن كانن صغار!

= ما أصلا البنات بعرسو ليهن صغار

_ كدي خلينا في موضوعنا يا أمي، يوسف قال جاي و قال لي جهزو نفسكم، يعني ما اتراجع و ح يجي يوصلنا، الليله قدرنا نمسكو و نمنعو يمشي معاها عشان تفحص، اها بكرا أو البعدو نعمل ليهو شنو؟ لو عرفها حامل فكرة العرس دي ح تطير ليهو من بالو!

فجأه و هم بتكلمو هنادي جاتهم داخله لمن انخلعوا، قالت ليهم ما تتخلعوا ساي، سمعت كلامكم كلو و أصلا أنا عارفه الحاصل كلو، ماف شي بفوت علي، قعدت و قالت: النصيحه كلامك صح يا عمتي سنيه، ريله دي لا من قبيلتنا لا من بيئتنا، شوفيها ذاتا مفتريه كيف و شايفه روحها و ماسكه شديد في يوسف دا و عايزا بأي طريقه تمنعو منك، ما شفتيها زعلت كيف لمن قلتوا يوسف يسوقكم بالعربيه!

_ اي شايفاها قربت تطرشق من الزعل، ما قدرت تتكلم عشان يوسف قاعد، سااااي كاتله حيلها و عامله فيها مسكينه لا بتهش لا بتنش و هي أعوذ بالله منها!

= اصلا البنات الكاتلات حيلهن و عاملات فيها محترمات و مأدبات لا بودن لا بجيبن ديل اكعب نوع، الزمن دا ماف بت مسكينه، كلهن قادرات و قاهرات و دي ساي كاتله حيلها و أكيد من وراك بتوسوس لولدك

هنا دموعها جات نازله، ف بقت تبكي و تقول ليهو ضميري مأنبني يا يوسف، اتخيل لو ريله شافتنا احساسها كان حيكون شنو و كيف أنا حأقدر اخت عيني في عينها، أنا لحدي اللحظه دي ما بقدر أعاين ليها، كلو مني، كلو مني، ياريتني لو ما نومت معاكم أو ياريتني لو ما جيت من البلد من الأساس

_ اسمعي، ماف داعي للبكى دا كلو، أنا عارفك شنو، ما محتاجه تندمي و تقعدي تشرحي و تبرري لي، و أصلا هو الحصل شنو عشان تبكي البكى دا كلو؟!.... دا ما موضوعي.... أحكي لي في شنو؟؟ ليه كنتي بتبكي و بتقولي معاذ؟ معاذ منو؟

= يوسف عليك الله أنسى و ما تفتح جروحي و تذكرني بحاجات أنا بجتهد عشان أنساها!

________

طبعاً جهزت فطوري و شلت مشيت بيهو بيت نسابتي، أول ما جيت داخله لمحت يوسف من بعيد قاعد مع بدور في طرف الحوش، في ضل الشجر! مشيت المطبخ، ختيت فطوري و دخلت سلمت عليهم، بعدها مشيت ليوسف و بدور، قلت ليها بدور كيفك، هنا هم الإتنين إتلفتو علي و هي للمره التانيه كانت بتبكي!
يوسف طوالي قام و قال لي الفطور جاهز؟ قلت ليهو جاهز، مالا بدور؟ ضحك و قال لي البت دي شافعه ساي، قال اشتاقت لأهلها!
قعدت جنبها و قلت ليها يا حليلك والله! دي أول مره تفارقيهم؟ مسحت دموعها و عاينت ليوسف و قالت لي لا ما اول مره و في كل مره ببكي من شوقي ليهم، قلت ليها فراق الأهل حار اسأليني منو أنا....
المهم بعد الفطور قعدنا كلنا و بقينا نشرب في الشاي، هنادي ذاتا كانت معانا، يمنى بس الما كانت موجوده و أخوها إلياس، عمو سيد ذاتو ما كان قاعد، يعني بس نحنا النسوان و معانا يوسف، المهم فجأه كدا يوسف قال لي استعجلي يا ريله عشان نمشي.... طبعاً أنا انخلعت لأني ما كنت عايز زول يعرف بالذات أهلو، أمو طوالي قالت ليهو على وين ان شاء الله؟
قال ليها مودي ريله دي تعمل فحص حمل، قالت ليهو مش قبل كم يوم عملتو!؟ قال لي ايوه لكن ما مقتنعه بالنتيجه! قالت لي هو لو ماف حمل عايزا تجيبيهو من ماف؟؟ هوووي يا بتي احسن تخلي الجن دي و تقبلي الواقع عدم الصبر شين!.... طبعاً قربت اقول ليها معقوله انتي البتقولي الكلام دا ؟!
الحبوبه طوالي قالت ليها الشين عدم الولاده، الجنى سمح والله و البنون زينة الحياة، و مفروض الوحده بأي طريقه تشوف ليها علاج عشان تحمل، لكن انتي يا ريله قبل كم يوم فحصتي! كان تصبري شويه، شهر شهرين بعد داك تمشي تفحصي تاني؟ يعني الح يتغير شنو في الكم يوم ديل؟ راجلك دا فلستي بيهو عديل!.... طبعاً قربت أطق من الزعل، يوسف قال ليها القروش ما مشكله و ما خساره فيها، أنا مشكلتي في النتيجه البقت معروفه بالنسبه لي و ليها بس هي مُصره ما عايزا تقتنع! أمو قالت لي اعملي الفحص المره الجايه، انتظري كم شهر كدا و أمشي اعمليهو لو عايزا، يوسف الليله مفروض يسوق حبوبتو يوديها تدي الفواتح..... يوسف قال خليها يوم تاني، إشراقه قالت ليهو على فكره يا يوسف حبوبه دي من أول أمس عايزا تقول ليك وديها لناس عمو الصادق تديهم الفاتحه و تلف على باقي الأهل بس لمن تشوفك جاي تعبان من الشغل بتتراجع و بتخليك، كلمت إلياس بس انت عارفو ما فاضي لأي زول، هسي هو مشى و خلى عربيتو، عليك الله سوق بيها ناس أمي ديل وديهم و جيبهم، ريله ما مشكله ممكن تمشي في أي وقت بس ناس الفواتح ديل ح يزعلو لو حبوبه ما مشت ليهم خاصة انهم عارفين انها جات من السفر، عمتي سنيه قالت ليهو اي عليك الله يوسف يا ولدي ما تلومنا مع الناس، ناس عمك الصادق ديل ما بقصروا مننا والله، لو عندنا فرح أو ترح هم أول ناس بنلقاهم قدامنا، حبوبتو قالت ليهو ولدهم اتوفى طول لكن برضو الواجب دا واجب و وقت الله جابني الخرطوم معناها وجب علي أمشي و اديهم الفاتحه و ازور باقي الأهل، العندو مناسبه أبارك ليهو و العندو وفاة أديهو الفاتحه..... طبعاً يوسف بقى يعاين لي و أنا فهمت نظرتو دي، الحبوبه قالت لي عندك مانع يا ريله؟
هنادي طوالي قالت ليها بري بري يا حبوبه، ريله مستحيل يكون عندها مانع، أصلا تمانع ليه و انتوا ماشين تقوموا بالواجب! و زي ما قالت إشراقه ممكن تمشي في يوم تاني أو تصبر ليها شهر شهرين و تمشي تكشف، والله مشوار الليله دا اهم من مشوار يوسف و ريله!
طبعاً أنا سكت سااااي و ما قلت ليهم اي حاجه بس كنت بغلي من جواي! و المره دي ما سكت إحتراماً لزول، سكت عشان موقف زي دا مفروض يوسف يتكلم فيهو و يحسم قرارو، عايزني أقول شنو بعد ما كلهم فرضو علي قرارهم و أجلو مشوارنا؟ هم ما سألوني أساساً عشان اقول رأيي، هم فرضو علي قرارهم و أنا عارفه لو وافقت أو اعترضت ما ح تفرق فالأفضل اسكت، لأنو الرفض مفروض يجيهم من يوسف ما مني أنا و بما إنو هو ساكت و من قبيل بعاين لي معناها موافق على الإنقال و في الحاله دي رأيي ما مهم!

قال لي بتكون نامت!
قلت ليهو ياخ هسي لو جات طالعه، قال لي ما ح تجي، بالقوه زحيت منو و وقفت على حيلي و قلت ليهو يلا تصبح على خير، قال لي ألقى الخير وين و أنا حأنوم بعيد عنك!؟ قلت ليهو مستهبل! المهم ما حددت لي يوم، نمشي متين؟ قال لي بكرا ان شاء الله♡
المهم دخلت الغرفه و قفلت الباب، طبعاً بدور كانت في سابع نومه، المهم زي نص الليل كدا جاتني صحيه، لمن إنقلبت على جنبتي التانيه انتبهت إنو سرير بدور فاضي، قلت بتكون مشت الحمام و رجعت نمت و تقريباً صحيت تاني بعد دقائق طويله و السرير برضو كان فاضي و المحير إنو توبها كان موجود! يعني لو مشت الحمام كانت ح تشيل معاها توبها! حسب تصنيفي ليها هي بت بلد و واضح انها خلوقه و مأدبه و محترمه فما ظنيتها تطلع من دون توب في بيت فيهو راجل!
طبعاً خفت عليها! طوالي قمت و طلعت البرنده و كمان لقيت سرير يوسف فاضي! طبعاً عشان الدنيا ليل و في شبابيك في كل مكان ضوء القمر ساطع ف عادي الواضح بقدر يشوف من دون ما ينور اللمبات!
طبعاً هنا خفت زياده، استعجلت و طلعت الحوش برا فـ لقيت بدور قاعده على الأرض و جنبها يوسف بتكلم معاها و هي بتبكي!!
مشيت ليهم مخلوعه و قلت بسم الله، يوسف في شنو؟ ماف زول رد علي و هي طوالي مسحت دموعها و قامت دخلت جوه!
قلت ليوسف في شنو؟ مالا بدور؟ قال لي شكلها شالها حمار النوم أو شافت كابوس.... بتكلم معاها بس ما ردت علي! قلت ليهو كنت تصحيني! قال لي البت خلعتني ف بقيت بس عايز أعرف الحصل عليها شنو!
المهم لمن دخلت ليها جوه ولعت اللمبه، لقيتها رقدت و شعرها مغطي وشها كلو، مشيت قعدت جنبها و بقيت أقول ليها بدور مالك في شنو؟ في شي واجعك؟
بعد مسافه ردت علي و قالت لي أنا كويسه يا ريله، قلت ليها مالك الحصل عليك شنو؟ قالت لي شفت كابوس، قلت ليها طيب اتحصني و نومي.... طفيت اللمبه و أول ما رقدت وصلتني رساله من يوسف ، كاتب لي بدور بقت كيف؟ لسه بتبكي؟
قلت ليهو لا، حالياً راقده و عايزا تنوم، بس معقوله دا كلو بسبب كابوس! قال لي معقوله، ما معروف شافت شنو خوفها!

المهم تاني يوم الصباح بدور بقت تعتذر مني، قالت لي ما عارفه الحصل لي شنو أمبارح، معليش يا ريله زعجتكم و جهجهتكم معاي، يوسف سمعها و جا قال ليها عويره انتي ولا شنو يا بدور؟
نزلت راسها و قالت ليهو انت لو اعتذرت منك لبكرا حقو ما تقبل اعتذاري، قال ليها ليه دا كلو؟ عملتي شنو انتي؟
سكتت و ما ردت عليهو، قال ليها المهم ما حصل شي، ما تتحسسي اكتر من اللازم....بعد هو دخل جوه، قالت لي لحدي اللحظه دي أنا خجلانه منو عشان أمبارح طلعت قدامو من دون توب، قلت ليها يوسف ما بركز في الحاجات دي! قالت لي برضو ما كان مفروض أطلع قدامو بالمنظر داك، هو راجل في النهايه، و من واجبي احترمو و احتشم قدامو! قلت ليها انتي ما كنتي واعيه على نفسك، قالت لي فعلاً و إلا مستحيل أقيف من دون توب و قدام راجل و بجلباب قصير! ضميري بأنبني يا ريله! خجلانه من نفسي و من أمبارح بليل ندمت و قلت ياريتني ما نمت معاكم!
قلت ليها بدور خلاص ما حصل شي! قالت لي ياخي انتي ما عارفه الحاجه دي حاره و موجعه كيف! كونك تطلعي قدام راجل بدون توب و لبس ما ساتر و شعر منكوش! يوسف لو كان ضربني كف أصلو ما غلطان! تصرف زي دا لو حصل في بلدنا كان ضبحونا عديل، الواحده تموت و ما تكشف رجلها لراجل خلي لمن يشوفها كامله مكمله من دون توب!
المهم بعد ما مشت بتوصيه منها قلت ليوسف بدور دي خجلانه منك بسبب الحصل امبارح، إتلفت علي بخلعه كدا و قال لي حكت ليك؟
طبعاً أنا استغربت! قلت ليهو تحكي لي شنو؟ مش قالت شافت كابوس؟ هي بتعتذر منك عشان طلعت قدامك بمنظرها داك و..... قاطعني و قال لي ماف مشكله، أصلا سمعت كلامها القبيل، هي بت مأدبه و محترمه فمستحيل أظن فيها ظن ما كويس، بت خالي و عارفها مصونه و محترمه نفسها!
قلت ليهو المهم ح نمشي نعمل الفحص متين؟
قال لي بعد الفطور، المهم نضفت و رتبت بيتي و مسافة اعمل الفطور يوسف قال ماشي يشوف ناس أمو و يجي، قال لي ولا رأيك شنو نشيل فطورنا و نمشي نفطر معاهم بهناك؟.... مع إني ما عايزا أمشي ليهم و ما طايقه فكرة إني أقعد معاهم في مكان واحد بس وافقت عشان يوسف، ما عايزاهو يحس إني متحسسه منهم و ما عايزا يجي يوم يلقى فيهو يوسف نفسو واقع بين نارين، أو مُخير بيني و بين أهلو، ما عايزا أختو في موقف زي دا خالص!
المهم هو مشى و سبقني و أنا بديت أعمل الفطور

_________

_ بس عايز أعرف خايفه من منو انتي؟ الكلام القلتيهو امبارح دا قصدك بيهو منو؟

= يوسف عليك الله أنسى الحصل أمبارح كلو، أنا براي داخله في ضفوري من شدة خجلي منك و من ندمي على العملتو أمبارح

_ عايني أنا عاذرك و عارف إنو الحصل كان في لحظة عدم وعي منك

قالت لي والله جد ، ما شفتيهن صارات لي كيف! ان شاء الله حبوبه تخلص مقابلاتها في أسرع وقت عشان نرجع! قلت ليها يا زوله ديل أهلك في النهايه و البيت بيت عمتك، أخدي راختك و عمتك أكيد ما عندها مانع في قعادك معاها....
المهم اتغدينا سوا و شربنا شاي المغرب و بقينا نحضر سوا لحد ما سمعت صوت الباب، لبست توبي و لمن مشيت فتحتو زي ما اتوقعت كان يوسف، سلم علي و دخلنا الإتنين سوا، بدور كانت راقده و لمن شافتو قامت و قعدت، قال ليها بت الخال معانا بيجاي، كيفك ان شاء الله كويسه و طوالي سلمت عليهو و قالت ليهو كويسه الحمدلله، قالت كدا و طوالي اتحركت على باب الغرفه عشان تطلع، أنا و يوسف في نفس اللحظه قلنا ليها ماشه وين؟ قالت راجعه بيت عمتي، يوسف قال ليها رجلي حاره ولا شنو! اقعدي اتعشي معانا، قالت ليهو نحنا اتغدينا الحمدلله، قال ليها عشان كدا قلت ليك اقعدي اتعشي! الغدا دا خليهو بعيد! قلت ليها عليك الله اقعدي يا بدور! المهم بعد تحانيس قعدت و ساعدتني في تجهيز الغدا أو العشى، قعدنا التلاته في صينيه وحده و بقينا نتونس و يوسف بسألها عن ناس البلد، لمن خلصنا هي أصرت تعمل الشاي عشان ما بتحب تقعد ساي، المهم عملتو و جابتو ليوسف، أنا قلت ما عايزا، المهم يوسف شرب من الشاي و قال ليها يا سلاااام ياهو شاي ناس البلد السمح و الطاعم، ضحكت و قالت ليهو اكيد ما اسمح من الشاي البتعملو ريله، قال ليها ريله دي خليها في كفه براها، أصلا ماف زول بحصلها أو بتنافس معاها.... طبعاً ما عاينت ليهو، لأني زعلانه منو عشان رفض يخليني أمشي اعمل فحص الحمل في مكان تاني، بدور قالت ليهو صحي والله، ريله كوم و باقي الناس كوم تاني لكن الزوله دي شكلها زعلانه منك، قال ليها الزعل ما شبهها و حقها علي، قولي ليها يا بدور : "إنتِ غالية وزعلك ما بهون،
رضاك عندي يسوى الكون."
برضو ما اتلفت عليهو، بدور قالت ليهو شكلك زعلتها شديد، قال ليها الظاهر كدا!!
المهم بعدها هي استأذنت عشان تمشي، الوقت داك الساعه كانت 10م ، قلت ليها اقعدي بيتي معانا، قالت لي ما بقدر والله، ناس البيت من قبيل يرسلو لي في الواتس عشان يجي، يوسف قال ليها دي منو البترسل ليك دي؟ ما عارفنك قاعده معانا بيجاي؟
قالت ليهو عارفين! قال ليها إذاً بيتي هنا! قالت ليهو يوسف أنا والله ما عايزا ازعجكم! قلت ليها بتبالغي إزعاج شنو!!
المهم في الآخر وافقت، أنا و هي رقدنا جوه الغرفه و يوسف برا في البرنده، طبعاً كان بحاول يناديني و يتكلم معاي بس ما اشتغلت بيهو و عملت نفسي لا سامعه لا شايفه، المهم طفيت اللمبه و رقدت في السرير المقاصد بدور و قبل ما أغمض عيوني جاتني رسالة SMS ، لمن فتحتها لقيتها من يوسف، كاتب لي ريله حبيبي أنا آسف و حقك علي! سفهت رسالتو، تاني رسل لي و قال لي ما معروف يمكن زعلك مني يموتني! يمكن تصحي الصباح تلقيني فارقت الحياة و تندمي على انك ما رديتي علي و ما سامحتيني!
طبعاً لمن قال لي كدا إتخلعت! قلبي بقى يدق بسرعه و أطرافي رجفت! طوالي قمت فتحت الباب و طلعت البرنده، شايفه يوسف قاعد و ماسك التلفون، ولعت الإضاءه و مشيت وقفت قدامو و قلت ليهو كالعاده و زي كل مره بتستخدم معاي الأسلوب دا عشان تخوفني عليك!
ابتسم و قال لي أسلوب شنو؟
قلت ليهو انت عارف و أنا عااارفه حركاتك دي، ضحك و قال لي طيب وقت عارفه ليه جيتيني؟
قلت ليهو اووووف منك و أول ما كنت ح اتحرك هو مسكني من يدي و لفتني عليهو، قعدني جنبو و قال لي ريله لسه زعلانه مني؟
ما رديت عليهو، خت يدو على خدي و قال لي الزبول ما بشبه الورده زي ما الزعل ما شبهك! أنا ما حأقدر أنوم مرتاح لو ما قلتي لي سامحتك و ما زعلانه منك! قلت ليهو أكذب ليه؟ أنا زعلانه!
قال لي طيب أعمل شنو عشان أراضي الحلوه دي؟
قلت ليهو انت عارف😊
آخد نفس و قال لي ريله انتي ليه ما قادره تحسي بي و تفهمي إنو الموضوع دا بالذات بعمل أذى نفسي ليك و لي! نحنا في كل مره نمشي نقابل فيها دكتور و نعمل فحص كأننا بنفتح جروحنا و بنكب فيها ملح!
قلت ليهو يعني نستسلم و تاني ما نعمل أي فحص؟ قال لي ما كدا بس نحنا قبل كم يوم عملنا الفحص دا! افهمي النتيجه ما ح تتغير!
قلت ليهو يوسف دي أول مره أصر إنو نعيد الفحص، أنا حاسه إنو في حمل!
قال لي ريله حبيبي ما..... قاطعتو و قلت ليهو عشاني يا يوسف!
عاين فيني مسافه بعدها هز لي راسو و قال لي انتي نقطة ضعفي!
طبعاً فرحت شديد بالموافقه دي، ضماني عليهو و قال لي كدا ضميري ارتاح، ريله أنا جد بكون مخنوق و متضايق لما انتي تكوني زعلانه مني و تقاطعيني! عايزك مهما يحصل بيناتنا ما تخاصميني و ما تبطلي كلام معاي، قلت ليهو ان شاء الله يا يوسف، بعدها حاولت أبعد منو بس هو ما خلاني، قلت ليهو يوسف ناسي إنو في بت معانا!

#ريله7
مها حولي الزاكي

طبعاً كلامهم زعلني شديد لدرجة إني طول اليوم ما قدرت أكون طبيعيه، يوسف لاحظ و جا سألني و قال لي مالك انتي الليله؟
المره دي ما سكت و قلت ليهو أمك و حبوبتك قالوا ......الخ ليه كل الناس دي بترمي مشاكلها فيني؟ كلهم بأي طريقه عايزين يطلعوا العيب فيني، ياخ هم أساساً حاشرين نفسهم في حياتنا ليه؟؟
طبعاً بقى يعاين لي بإستغراب لأنو دي اول مره اتكلم عن أهلو كدا، أخد نفس و خت يديهو على أكتافي و قال لي ريله ما تركزي معاهم! قلت ليهو بس كلامهم بضايق و بخنق بالجد! قال لي عارف و ليك حق تزعلي بس الزعل ما شبهك.... سكت مسااافه بعدها قلت ليهو يوسف انت عند وعدك ؟ قال لي عندك شك؟
تاني يوم أثناء ما أنا بغسل جاتني بدور داخله، طبعاً دي بت خال يوسف، قالت لي ريله كيفك، قلت ليها اهلييين بدور اتفضلي و طوالي فضلتها و جبت ليها مويه و عملت ليها عصير، قالت لي ما كان تتعبي نفسك، قلت ليها والله ماف أي تعب، اها لقيتي البلد دي كيف؟
قالت لي اسكتي ساي، من أول يوم زهجت، هنا الناس ما زي ناس البلد، أي زول قافل بابو عليهو، هناك الناس متداخله و بتتفقد بعض، قلت ليها على فكره أنا قبل ما اجي الخرطوم دي الفكره الكنت خاتاها في بالي، ما أنا و بس ، معظم ناس القرى أو الولايات مفتكرين إنو الخرطوم دي عباره عن بلد ناسها جافين و كل زول قافل بابو عليهو و ماف زول بعرف زول، بس دا كلو ما حاصل! كلنا سودانيين في النهايه و وين ما الواحد يمشي بلقى قعدات الجبنه و تعاون النسوان في المناسبات و قعدة اعمامنا الكبار في ضل الحيط أو تحت الشجر و الشباب البلعبوا في الميدان! ايوه في الخرطوم ما كل الناس أهل لكن الجيره مرات كتيره بتكون أقوى و أمتن من القرابه، قالت لي قلتي كدا؟ قلت ليها ايوه هنا في حينا دا ما شاء الله الناس متداخلين و هسي في ونستنا دي أكيد في قعدات جبنه في بيت من البيوت، يعني أصلا استحاله الناس تسكن جنب بعض و ما تطلع على بعض! الإنسان بحتاج للجيره و الونس، قالت لي معناها برضو السودانيين البرا السودان ما حيكونوا مقفولين جوه بيوتهم و محبوسين زي ما كلنا قايلين كدا 😅
قلت ليها فعلاً، ماف زول بتحبس أو بتقفل، وين ما يكون في ناس الناس بتدخل في بعض و تتعامل حتى لو كان التعامل رسمي، ذكرتيني حبوبه، كانت بتقول الناس البرا السودان ديل يا حليلهم محرومين من حاجات كتيره، لا بشوفو سماء لا شمس، لا بشمو هو طبيعي... والله نحنا الياحليلنا لأننا قايلنهم جد محرومين من الحاجات دي 🤣😂
بدور ضحكت و قالت لي حقيقي دا الكنت خاتاهو في بالي، فشكراً على التوضيح 😂
المهم اتونسنا و أنا بغسل، و لمن خلصت قلت ليها حأعمل الجبنه، قالت لي خليني اعملها أنا، قلت ليها لا لا ما تتعبي نفسك، قالت لي ماف تعب والله، أصلا أنا زهجت من القعاد ساي، في بيتنا كنت 24 ساعه شغاله، نهاي ما بحب قعاد ساي، قلت ليها أنا نفس الشي، اليوم كلو تلقيني واقفه، أمسك دا و افك دا حتى لو الشغل كان بسيط بس ما بقدر أقعد ساي، قالت لي يمكن عشان نحنا بنات قرى، شايفه بنات عمتي ديل بريدن الراحه و ما بحبن يتعبن روحن! ... هسي عليك الله قلبن دا ما بوجعن لمن يشوفن امهن شغاله اليوم كلو؟ و المحيرني إنو الواحده لو جات ماشه و في كبايه أو كوز واقعين قدامها ما بترفعن لو ما قالوا ليها ارفعي الحاجه دي!
لمن ما قلت ليها حاجه، قالت لي غيتو عمتي دي الله يعوضها في بناتها ديل!
المهم بعدها جبت ليها الكانون و قلت ليها غيتو أنا بتكيف شديد لجبنة الكانون! قالت لي ما براك يختي، عاد جبنة الكانون دي حقتنا كلنا، المهم أنا بقيت راقده و هي بتقلي في البن و بتونسن فيني و تحكي لي عن البلد، فجأه كدا قالت لي ريله انتي حامل ولا شنو ملاحظه ليك من قبيل خاته يدك على بطنك!.... طبعاً أنا نهاي ما كنت منتبه للحاجه دي و انتبهت لمن هي كلمتني! قلت ليها والله ما عارفه اقول ليك شنو يا بدور و طوالي حكيت ليها الحصل.... قالت لي عادي بتحصل، بقولو الوحده لو قعدت تفكر كتير في الحمل و متمنياهو شديد أحياناً بحصل معاها حمل كاذب، و شكلو الفيك دا حمل كاذب! قلت ليها ما عارفه والله! ما حاسه إنو حمل كاذب!
قالت لي شاكه انك حامل؟ طيب و الفحص العملتيهو؟ قلت ليها دا المجنني؟! كيف النتيجه تطلع إنو ماف حمل! قالت لي زي ما قلت ليك بكون حمل كاذب!
المهم عملنا جبنتنا و قعدنا نتونس للعصر، طبعاً كنت ملاوذه من الجبنه دي كل ما اشرب منها بخت يدي على بطني، ف في الآخر خليتها و ما شربتها كلها، بعدها أنا صليت و هي صلت و جات راجعه و قعدت، تاني وقفت و قالت لي حأمشي بعد دا، حسيتها متردده، قلت ليها تمشي ليه اقعدي اتغدي معاي و بعدين بيت عمتي سنيه قريب ما بعيد!.... أخدت نفس و قعدت و قالت لي استحمليني غيتو، والله يا ريله أنا ما نفسي أرجع بيت عمتي سنيه، بناتها من أول يوم شاماتني شديد! قلت ليها يا بت دا كلام شنو!

كنت بعاين ليها وانا مخلوعه حرفيا في ردة فعلها على زعلنا وبكانا في أغلى انسانه علينا في السجن دا... بعد كلامها دا وصلت اخر مرحله من الغضب وبالجد طفح الكيل منها اتتفضت وبقيت اصرخ فيها بأعلى صوت عندي من غير اراعي لي مشرفه ولا لي البنات الواقفين ولا راعيت لي انها هي السجانه وانا المسجونه..!!!

وسام بصوت عالي: انتي ما ممكن تكوني من غير قلب ورحمه كدا؟؟؟ معقوله انتي لمن تنومي بليل ضميرك دا ما بأنبك ولا بعذبك لحظه؟؟؟ انتي امثالك بنومو كيييف اصلا.. فهمنااا فهمنا انك سجانه ولازم تعاملك يكون خشن معانا بس ما للدرجه دي انتي هنا بتعاملي في انس ما جن يا شيطانه..انتي هنا بتتعاملي مع بشر نحن ما حيوانات نحن ناس وعندنا قلب بحس وبتوجع.. يخ حتى موت المسكينه دي ما أثر فيك ..واصلا يأثر فيك كيف وانتي كنتي سبب في موتها كمان.. يأثر فيك كيف بس وانتي قبل أيام بس كنتي ماسكاها من يدها وهي بتترجى فيك تفكيها عشان شعرها ما يتقصى بس انتي كنتي ما سكاها وبتضحكي.. الانسانه الماتت المستهتره بي موتها دي انا يمكن ما اقدر اعاقبك على السويتيهو فيها بس انتي شكلك ناسيه انو الدنيا دي ما ماشه ساي..فوقنا في رب وهو أعلى مني ومنك وانا يمكن ما اقدر عليك بس ربنا قادر يا نفحات وما عندي ليك حاجه اقولها ابدا غير حسبي الله ونعم الوكيل فييييك وفي أي زول كان سبب في انو تنزل دمعه واحده بس من صفاء.. والله ربنا م حا ينساها ليكم وبكره حا تشوفو الحاجه دي لو ما في روحكم في أقرب الناس ليكم ..وربنا يوريني قدرتو فيكم..

جيت امشي بس لفيت وشي وقلت ليها..

وسام: وعلى فكره كلامك صح صفاء بقت جثه ونهايتها كوم تراب .. بس كوم التراب دا بكره كمان حايكون نهايتك انتي.. هل انتي شايفه انك جاهزه ليهو؟؟؟..انا بقولها ليك صدقيني انتي ما جاهزه لي اي لحظه من لحظات حسابك يا نفحات وما جثة صفاء الحا تعفن السجن دا لانو هو اصلا معفن بوجود ناس زيك ..

قلت ليها الكلام دا وانا بعاين جوا عيونها وابدا م خفت منها ولا اترددت لحظه وانا بقول في الكلام دا لانو بجد هي اتجاوزت حدودها شديييد.. هي شايفه نفسها كبيره علينا بس الكبير الله.. وانا ما بخاف من اي عبد ..بس بخاف من ربي وربها .. مشيت منها وبقيت واقفه في نص الساحه عاينت ناحية البوابه الاتقفلت وكنت بحاول استوعب انو خلاص صفاء اختفت صفاء خلاص مشت!!! ..
تاني ماف صفاء
ماف ربونزل السودانيه
مافي الشبح!!؟..

وهنا كل طاقتي انتهت قعدت في الارض وانا مستسلمه وبقيت أبكي وانادي في صفاء بصوت ضعيف وانا ما قادره اصدق ما قادره اتخيل انها خلاص مشت خلاص تاني ما حا نشوفها خلاص تاني ماف صفاء مافيييييييي...!!!!

_________

في قسم الرجال..دخلو الشباب وهم شايلين السرير الفيهو صفاء وكان كل الرجال برا وفي قبر مفتوح وجاهز ..كلهم كانو متلمين عشان يدفنو ويصلو ..وفي الزاويه كان هو قاعد مع صحبو وسرحان..

-هيي آصف سرحان وين انت
آصف رمى الحجر الفي يدو وقال: ماف شي بس مزاجي معكر
عمر: اي خليهو يتعكر تستاهل بعد الضرب الأكلناهو بسببك قلت ليك ماف داعي نمشي ماف داعييي
آصف: فعلا ما كان في داعي لاني في النهايه م قدرت اشوفها
عمر بخلغه: نعم نعم؟؟ كيف يعني م قدرت تشوفها والكانت بتصرخ بي اسمك قبيل دي منو ؟؟

آصف ضحك وجا يتكلم... بس جا شاب قاطعهم وقال..
-تعالو ساعدونا نحن جبنا جثة البت عشان ندفنها

قال كدا ومشى آصف وعمر قامو وراهو وفجأه آصف ضحك.. عمر عاين ليهو وقال..
عمر: جنيت انت نحن دايرين ندفن زول وانت بتضحك
آصف: لانو الموضوع بضحك.. القبر دا نفسو الحفرتو انا معاك وقلت ليك يمكن انا اندفن فيهو.. بس للقدر كلمه أخرى وياربي دي منو الحا يبقى القبر الإندفن بي اسمي ملجأها؟؟

قال كدا ومشى وقف بين الصفوف ومسك ليهو آلة حفر وبقى يحفر شويه عشان يوسعو القبر أكتر بعد انتهو هو ومعاهو شاب مشو على الجثه عشان يشيلوها بس وقف مصدوم لمن سمع صوت الشرطي الماسك تقرير البت الميته وبقول..

-أحر التعازي للمتوفيه "صفاء علي المختار"

آصف رفع راسو بخلعه شال الملف وبقى يقرأ في الإسم تاني ..رجع عاين للجثه القدامو وهو بهز راسو بهستريا وفجأه شال الغطاء من وشها ولمن شافها رجع ورا من الصدمه وصرخ بي اسمها .....

آصف: صفاااااااااااااااء....؟؟؟؟؟؟؟

عمر قرب منو مسكو وقال ليهو..

عمر: آصف في شنو مالك؟؟؟ انت بتعرفها؟؟
آصف: دد..دي دي اختييييييي....!!!!!



تان تان تاااااااااااااااااااااا















































*#صلو على النبي..*
‏*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

وهنا غمضت عيوني وانا بتزكر فيها وفي ملامحها الأبدا ما كانت عاديه رغم كل الألم الفيها بس لسه كانت قويه كانت متمرده وكانت بتقاوم...ما عارفه قعدنا كم من الزمن بالحاله دي كلنا كنا ساكتين بس مرات حتى الصمت بكون كلام..وصمتنا دا كان دموع وعيون سرحانه بتتزكر في صفاء!!.. صحينا من سرحتنا على باب الزنزانه بفتح جات داخله شاهيناز عاينت لينا بي استغراب نظام (في شنو؟) بس ابدا ما كان عندي اخلاق ليها وما أديتها اي اهميه لاني اليوم اتأكدت انو لقب شيطانه البقولو ليها هو فعلا حقيقه وفعلا هي واحده شيطانه..جات داخله وراها نفحات ومعاها مشرفه ..المشرفه قالت لينا

-المشرفه أم بخت قالت ليكم انزلو عشان تشوفو صحبتكم لآخر مرا قبل الشباب يرفعوها

قالت كدا وطلعت..قدامنا انا مسكت ياسمين قومتها وطلعنا وورانا وداد وساره حتى سويدا وعدن طلعو واخر حاجه خلينا ورانا نفحات وشاهيناز طلعو بعد مسافه ولحقونا..

صح انا من قبيل كنت بصرخ في وش ياسمين وبردد في جملة "صفاء ماتت" عشان أقنعها بس انا البقنعني منو؟؟..لمن وصلنا الساحه وشفنا صفاء في سرير وملفوفه بالأبيض ما عدا وشها لسه ما غطوهو..ساره ووداد لمن شافوها جرو عليها وياسمين كمان جرت ورجعت انهارت تاني كانت ماسكه فيها وبتبكي بقوه وبتصرخ بصوت هزا السجن كلو..

ياسمين: لالالالالا صفااااااااااء صفااااااااء الله يرضى عليك قومييي صفاء الله يرضى عليك ما تعمليهااا صفاء والله ما بنقدر ما بنقدر يا صفاااااء..صفاء انا عارفه انك سامعاني صفااااء ابوس يديك ما تمشي والله انا اسفه اسسسفه لاني زعلتك اسفه على كل حاجه بس انتي ما تمشيي الله يرضى عليك ما تمشييي حا اعمل ليك شاااي كل يوم واجيب ليك لبان كتير بس انتي قومييي الله يرضى عليك قومييي صفااااااااااء.. حرااام عليك حرام عليك تمشي وتخلينا حرااام عليك تعملي فينا كدا نحن صحياتك واخواتك نحن ولا حاجه من غيرك يا صفااااء..يجماعه زول يقول ليها قومييي زول يصحيها يجمااااااعه

(كانت بتتكلم وجرت على ساره ووداد بقت ماسكاهم وقالت )

ياسمين: وداد ساره صفاء بتحبكم شديييد صفاء كانت بتقول انتو زي أخواتها..انشو ليها اللع يرضى عليكز قولو ليها تقوم امشو قوموها امشوووو

(كانو ببكو بس..ياسمين خلتهم وجات مسكت فيني وهي بتبكي)

ياسمين: وو..وس..وسام وسام انتي امشي صفاء بتحبك وبتسمع منك والله انا عارفه انها بتسمع كلامك امشي قولي ليها قومي امش صحيها يا وسام..قولي ليها مقلبك بايخ وما بتعرفي تهظري خليها تقووم يا وسام الله يرضى عليك الله يرضى عليك

قالت كلامها وهي بتقعد في الارض تحت رجولي وتنادي بي اسم صفاء..
م كنت قادره أهديها ما كنت قادره اقول ليها حاجه؟ واصلا في موقف زي دا اقول شنو؟ أقنعها كيف انها مشت وانا لي نفسي ما قادره اقتنع انها خلاص مشت وبقت م موجوده... ياسمين مشت على صفاء بقت تهز فيها وبتبكي وبجد منظر ياسمين على جثة صفاء خلتنا ننهار تاني ووداد وساره كمان بقو يبكو بصوت عالي حتى سويدا وعدن بكو والمشرفات الاصلا ما بعرفو صفاء بكو من الحاله الكانت فيها ياسمين.. يجماعه والله كان موقف لا يصف من الهول النحن كنا فيهو ..وانا ما كنت قادره اقرب ما كنت قادره اتشجع على الاقل زي ياسمين واقرب فضلت واقفه بس من بعيد ودموعي كل واحده كانت زي النار على قلبي .. شفت المشرفات وهم بفتحو في الباب جو شباب عشان يرفعو صفاء.. المشرفه ام بخت قربت من صفاء غطت ليها وشها وخلت المشرفات يمسكو ياسمين الكانت بتقاوم فيهم ولمن الشباب جو ورفعو صفاء وعاوزين يمشو ..انا ما عارفه كيف بس لقيت نفسي بمشي عليهم وببكي وبجوط وكأني هنا أدركت انو دي اخر مرا اشوف فيها صفاء...!!!!!

وسام بغضب ودموعها نازله: فكوهاااااا نزلوهاااا عاوزين تودوها ويييين دي صحبتنا انتو سايقنها ويييين..قلت ليكم نزلوهاااا نزلوهاااا ..ياسمين تعالي تعالي شوفيهم سايقين صفااااء وييين هي م بتحب تكون براها هي بتخاف من الوحده قالت لينا انا وياسمين نفضل معاها انتو وين سايقنها براهااا.. انتو اصلا بتعرفوها من وييييين قلت ليكم نزلوهاااا نزلوهااااا

كانو رافعين جثتها وانا بضرب فيهم بس ابدا ما نزلوها وجو تلاته مشرفات مسكوني بالقوه عشان الشباب يمشو بقيت بقاوم فيهم بكل قوتي وبصرخ بي اسم صفاء وانا بعاين للسرير الفيهو صفاء كل شويه ببعد وانا ما قادره اعمل حاجه لحد ما طلعو وقفلو وراهم البوابه..!!!!

وسام: صفااااااااااااااااااااااااااااااء

واتفكيت من المشرفات وجيت تاني اجري على جثة صفاء بس في أيادي شدتني بقوه ورجعتني ورا وكانت دي..نفحات!!!

مسكتني بغضب رجعتني ورا وقالت..

نفحات: خلي الدراما الرخصيه البتعملو فيها انتي وصحبتك دي.. فهمنا صفاء ماتت وهي ما اول ولا اخر زول بموت دي جثه مصيرها تترمي في كوم تراب عاوزين تودوها وين يعني تعفنو بيها السجن دا؟؟

وسام بلعت ريقي ومسحت دموعي وحاولت اهدي نفسي وقلت ليها..
وسام: ياسمين.. ياسمين حرام عليك البتعملي في نفسك دا..انا عارفه انو الحصل صعب عليك وصعب علينا كلنا والله بس انتي لازم تصحي من صدمتك دي وتستوعبي انو صفاء خلاص ماتت ..ماتت يا ياسمين الله يرضى عليك اتكلمي ابكي اصرخي اعملي اي شي بس م تسكتي كدا يا ياسمين..نحن خسرنا صفاء ما عاوزين نخسرك انتي كمان ..ياسمين

ما قدرت امسك دموعي وانا شايفاها لسه ساكته وسرحانه ولا كأنو انا بتكلم معاها.. عاينت ناحية وداد وساره وهم كمان كانو منهارين في البكى.. اتلفت تاني على ياسمين قعدت في الأرض قدامها مسكت يدها وقلت ليها ..

وسام: ياسمين انتي سامعاني؟ انا بتكلم معاك..ياسمين الله يرضى عليك ردي علينا ما تعملي في نفسك كدا ياسمييييين

(قلت آخر كلمه بي انفعال بقيت اهز فيها وانا بصرخ بصوت عالي فكرة اني اخسرها هي كمان جننتني مسكتها من اكتافها وبقيت اصرخ بصوت عالي عشان تصحى من صدمتها)

وسام: ياسميييين كفايااا كفايه البتعملي فيهو دا.. خلاص اصحييي صفاء مااااتت مااااتت خلاص وشبعت موووت ..ياسمين صفاء ماتت صفاء مشت خلااااص بقت ما معانا ماااااتت يا ياسمين ماااتتت انتي سامعاني؟ ؟ صفاء مااتت مااااتت ما..
وهنا ياسمين قاطعتني بصوت عالي وهي بتدفرني بغضب وقفت فوق وبقت تقول بي انفعال..
ياسمين: لاااا ما ماتت ما ماتت صفاء ما ماتت صفاء عايشه والله انا عارفه انها ما ماتت..انتو كذااابين كل البحصل دا كذب انا عارفه انو صفاء قوييه صفاء ما بتستسلم اصلا انا اكتر واحده بعرفها وانا بقول ليكم انها ما ماتت يعني ما ماتت صفاء حا ترجع ولمن تجي حا اتشاكل معاها واضربها كمان وماف زول منكم يقرب مننا..كل البحصل دا كذب كلو كذب ولحد م ترجع صفاء ماف زول يقول عليها ماااتت هي عايشه عايشه عااااااايشه

قالتها وهي بتعاين لي..انا كنت بس بعاين ليها ودموعي ما قادره اوقفهم هي اي انفعلت بس لسه ما قادره تصدق انو صفاء ماتت ..كانت لسه واقفه وبتردد في جملة "صفاء عايشه"..

ياسمين: صفاء ما ماتت انتو كذابين صفاء عايشه صفاء حا ترجع صف..

قاطعتها وانا بضربها كف!!!.. اي اي ضربتها كانت دي الطريقه الوحيده عشان اخليها تصحى للكلام البتقول فيهو وتستوعب حقيقة انو صفاء ماتت وما حا ترجع تاني زي ما هي بتقول..بعد ضربتها مسكتها تاني عاينت جوا عيونها وقلت بصوت عالي..

وسام: ياسمين كفاياااا بقول ليك صفاء ماااتت خلاص صفاء ماتت صفاء ما حا ترجع زي ما انتي بتقولي وكل البحصل دا حقيقه هي ماتت خلاص ونحن اسي حا نمشي نودعها ونشوفها لآخر مراا..صفاء مااتت يا ياسمين ماتت افهمي خلااااص وبطلي تعملي كدا انتي كدا بتعذبي روحك وبتعذبيها وبتعذبينا نحن كمان..ماف شي كذب كل دا حقيقه هي ماتت صفاء مااااتت

قلت آخر كلمه وفكيتها هي لسه كانت بتعاين لي قعدت في الارض ونزلت راسها وقالت بصوت ضعيف بس انا سمعتو...
ياسمين: صفاء ماتت..

قعدت جمبها لاني عارفه انها ياداب بدت تستوعب..هي رفعت راسها عاينت لي وقالت..
ياسمين: وو..وسا..وسام صص صف..صفاء مم.. ما..ماتت؟؟..

كنت ببكي ما قادره اقول كلمه زياده خلاااص ما قادره..ياسمين فجأه بقت تصرخ وتضرب في وشها..
ياسمين: مااااتت صفاء ماتت لالالالالا كييييف كيييف ..وساااام وساااام صفاء ماتت صفاء ماتت يا وسام؟؟؟ لا لالا عليكم الله قولووو لااا قولو لي كذب انا ما قاااادره ما قادره صفاء ماتت؟؟

ضميتها لاني م كنت قادره اتكلم بس ضميتها هي شددت من حضني وبقت ماسكه فيني شديييد وبقت تبكي بأعلى صوت عندها والطريقة البكت بيها ياسمين خلت سويدا وعدن كمان يبكو معاها ..كانت بتبكي وتنادي بي اسمها...
ياسمين: صفااااء صفااااء ما تعملي كدا صفاء ما تمشييي صفااااء صفاااء تعاااالي ..وسام خلي صفاء تجي وسام انا عاوزه صفاء وييين صفاء كيف تموووت كييييف.. صفااااااء

لو قلت ليكم موت صفاء وجع قلبنا بكون كذبت عليكم لانو موتها شقانا نصين من الألم..كنا صح بنبكي على موتها بس والله ماف زول مننا كان قادر يصدق انها خلاص مشت!!!.. يعني خلاص تاني ماف صفاء؟؟ كنت بعاين في الزنزانه وطيفها كان في كل مكان لبانها الملصق في الحيط سريرها الكان عليهو الكيس الفيهو شعرها ..حتى كرسيها الفي طاولة الأكل كان مميز بين الكراسي ومختلف ..كنت بحاول اعاين في اي مكان تاني بس كل الزنزانه كانت بتزكرني فيها لحد ما عيني وقعت في سريري وبقيت اتزكر كل حوار ليها معاي..

"بطلة قصتنا انتي ما انا"

"انا عمري كلو ما لقيت زول في ضهري وزول يحميني ابدا"

"انا خايفه يا وسام انا خايفه عليك"

"انتي ليه بتعملي كل دا عشانا يا وسام؟"

"عاوزاك بس توعديني مهما حصل شاهيناز ما تقدر تعمل فيك العملتو فيني"

"ابدا ما حصل فكرت اني في يوم اطلع من هنا"

"يا بت اصحي داك سجن م موعد غرامي"

"نسبة لخبرتي يا ياسمين البت دي واقعه"

"اي مالو الحب حرام؟"

"ماف زول يا وسام عارف وين ممكن يحب او منو حا يحب..النصيب دا وين ما كنتي بصيب بصيب"

وسام: يا مشرفه دي صحبتنا (قلتها وانا بأشر على صفاء ..للان بقول صحبتنا ما قادره اقول عليها جثه ما قادره💔بلعت الغصه الوصلت حلقي عشان ما ابكي وقلت) وهي ماتت وو..ودي (قلتها بغل وانا بأشر على شاهيناز ) دي القتلتها يا مشرفه والله هي العملتها صدقيني هي القتلتها و..
المشرفه قاطعتني وقالت: انتي شفتيها وهي بتقتل فيها؟؟
سكت بس هزيت راسي وقلت بسرعه: لا بس يا مشرفه انا متأكده انو هي القتلتها لانها بتكرها شديد وكتير عذبتها وكل البنات هنا شاهدين على كلامي والله اسأليهم

قلت كدا وانا بأشر على وداد وساره الهزو راسهم مؤيدين كلامي..أما ياسمين لسه في صدمه وقاعده جمب صفاء..رجعت عاينت للمشرفه الإتكلمت وقالت..

المشرفه: عندك دليل يثبت انو دي القتلتها؟؟
وسام بي انفعال: بقول ليك دي بتكرهااا وكم مرا عذبتها وعملت معاها حاجات بتشيب الراس وكل صحباتي هنا شاهدين على كلامي والله..هي القتلتها يا مشرفه اقسم بالله هي العملتها

كنت بتكلم بإنفعال لاني بديت احسها عاوزه تظلمنا م عاوزه تقيف معانا بديت احس انو صفاء ماتت وحقها كمان حيموت معاها..بديت احس بأسوأ شعور انا بكرهو الظلم والحقاره..اثناء ما انا منفعله كدا جات مشرفه نفحات مسكتني ورجعتني ورا من وش المشرفه وضربتني كف!!!! وقالت بصوت عالي..

نفحات: احترمييي نفسك يا وسخه انتي كيف ترفعي صوتك عليها؟؟؟ دي ما شغاله هنا دي مشرفتك واي زول بعلي صوتو عليها بتعاقب بأسوأ عقاب فاهمه؟؟؟

قالت كلامها ودفرتني ورا كنت حا أقع بس ساره مسكتني..نفحات مشت قدام المشرفه وبقت تتكلم بهدوء ومسكنه ابدا ما بشبهوها..

نفحات: اعذرينا يا مشرفه على الحصل اصلا السجينه دي كدا بتعمل مشاكل.. بس انتي ولا يهمك انا حا اهتم بالموضوع هنا انتي يادوب دا اول يوم ليك خليك منهم وامشي ارتاحي و..
المشرفه قاطعتها وقالت: ارتاح؟ في جريمة قتل هنا وانسانه ميته قدامي وانا مشرفة السجن وانتي بتقولي لي امش ارتاح..انا لو ما عرفت منو العمل في المسكينه دي كدا ما حا ارتاح يا نفحات..وانا مستحيل اخلي الشغل دا على اكتافك انتي بس لانو من اول دقيقتين بالرغم من وجودك حصلت فوضى..
نفحات: بس يا مشرفه ال..

المشرفه رفعت يدها في وش نفحات عشان تسكت وجات وقفت قدامي وقالت..
المشرفه: ليك أحر التعازي في صحبتك الإتوفت..متفهمه زعلك عليها بس اسلوبك دا لو استمر كدا حا أطر اعاقبك..وما تفهمي الحصل دا تجاهل لي موت صحبتك لا نحن حا نعمل تحقيق كامل لانو دا ما شي هين بس قبل نعمل التحقيق حا نسوي مراسم دفنها اول..

هزيت ليها راسي وانا منزلاهو في الأرض كل البحصل دا كان زي النار ف قلبي يجماعه انا والله ما قادره ما قادره خلاص..هي جات تمشي انا رفعت راسي وقلت ليها بصوت مهزوز من البكى..

وسام: يي..يا مم..مشرفه

(قبل ترد عليها عاوزه اوريكم انو المشرفات الكبار ماف اسم معين بنادوهم بيهو بس بكونو مشهورين بي اسم على الأغلب..زي المشرفه دي بقولو ليها "ام بخت")

ام بخت اتلفتت علي وانا مشيت عليها خطوتين وقلت ليها بصوت ضعيف وترجي..

وسام: يا مشرفه الله يرضى عليك قولي ليهم خلينا نغسلها بعدين ندفنها دا من حقها يا مشرفه الله يرضى عليك خليهم يسمحو لينا
ام بخت عقدت حواجبها بي استغراب وقالت: اصلا دا شي معلوم انو حا يتم غسلها زي اي انسان بس كمان في مخيم طبي قريب من هنا بخص الجيش حا نستدعي منو طبيب يقدر يعرف سبب موتها كان شنو

لمن قالت كدا حسيت براحه نفسيه نزلت في قلبي بالرغم من كل شي مؤلم قاعد يحصل بس على الأقل المشرفه طلعت عادله ومتأكده بالفحص الطبي حا نقدر نكشف شاهيناز ونفحات..عاينت ليهم بغل وانا شايفاهم كيف زعلانين لانو حا يتم غسل جثه؟؟؟؟؟

المشرفه مشت وجو مشرفات رفعو صفاء وغطوها بي ملايه دخلو بيها غرفه في السجن لحد م يجي دكتور ويعمل الفحص..ونحن؟ طبعا نفحات م خلتنا ولا لحظه وجرتنا للزنزانة زي الكلاب وقبل تقفل الباب جات مشرفه رسلتها ام بخت..قالت لينا بعد الفحص والغسل حا نسمح ليكم تطلعو تشوفوها بعدين حا يتم دفنها..قالت كلامها وطلعت وخلتنا في صمت في زنزانة بقت لي كابوس وانا بشوف طيف صفاء في كل زاويه فيها..ساره ووداد كانو ماسكين في بعض وببكو..عدن وسويدا كانو قاعدين بعيد ما لمحت دموع في عيونهم بس برضو ما كانو مبسوطين!!.. عكس شاهيناز الكانت شمتانه بس م كانت موجوده في الزنزانه بعد قفلو علينا الباب هي طلعت ورا نفحات طوالي..انا كنت بعاين في الزنزانه لحد ما عيني وقعت عليها كانت قاعده في سريرها المقابل سريري وفوقو سرير صفاء كانت مثبته نظرها في سرير صفاء وواضح انها لسه ما طلعت من صدمتها.. شوفتها بالطريقه دي كانت كافيه عشان دموعي تنزل وانا بحاول أتخيل كمية الألم والوجع الهي حاسه بيهو اسي.. مشيت عليها بخطوات تقيله قعدت جمبها وهي ابدا ما أبدت رد فعل..ختيت يدي في كتفها وقلت ليها بصوت مكسور..

وسام: يي..يا ياسمين
ياسمين ساكته..

نفحات: يا بت انتي م بتفهمي؟؟؟
وسام ودموعها نازله غصب عنها قالت بوجع: عاوزين تودوها وين؟؟ خلوها نحن عاوزين نتكلم معاها نحن عاوزينهاااا
نفحات ضحكت بسخريه وقالت: عاوزاها؟؟ على فكره دي م لعبه عشان نخليها ليك دي جثه..والجثه مكانها القبر
وسام: قبر؟؟
نفحات: ايوا القبر..عاوزانا نوديها وين يعني
وسام: تودوها لي اهلها لانو الماتت دي انسانه م حيوانه ليها الحق اهلها يشوفوها ويغسلوها كمان
نفحات ضحكت بصوت عالي وقالت: اهلها؟؟..الانسانه البتتكلمي عنها دي قاتله اهلها بي يدها نوديها لمنو تاني؟؟؟

صدمه!!.. يمكن دا الحسيتو للحظات من عبارة نفحات الأخيره بس انا عارفه انها بتتكلم من راسها ومستحيل كلامها يكون صح الزي صفاء مستحيل يعملو حاجه زي دي مستحيل..

نفحات: عشآن كدا زحي لينا من وشنا البت دي اهل يغسلوها مافي عشان كدا تترمي في المقبره زيها زي غيرها

قالت كدا وجات تشيل صفاء انا مسكتها من يدها رجعتها ورا وقلت ليها ..
وسام: لو اهلها ماف نحن في.. ولو انتي قلبك دا ما فيهو ولا ذرة من الإنسانية نحن عندنا ومستحيل نسمح ليك ترميها كدا ساي
نفحات نفضت يدها مني ولزتني وقالت: تسمحي لي؟؟ ههههاااي وانتي منو اصلا عشان تسمحي لي؟؟ هنا ماف شي بحصل غير الانا بقولو والبت دي حا تندفن كدا والكلام انتهى

قالت كلامها واشرت لي المشرفات جو زحونا منها بالغصب بقيت اقاوم واحاول اتفكى وجو مشرفات تاني ختو صفاء في خشبه عريضه ورفعوها انا هنا انهرتاا وبقيت اصرخ با أعلى صوت عندي

وسام: حراااااام عليك حرام علييييك يا نفحات والله ربنا حا يسألك منها دي انسااانه من حقها تتغسل وتتكفن كيف ترميها كداااا معقوله قلبك ما فيهو رحمه للدرجه دي؟؟؟ نفحااااات انا بتكلم معاك ابوووس ايديك انا هدي يترجى فيك خلينا نغسلها بس نغسلها وبعدين امشي ادفنيها ..حرااام البحصل دا خليهم يرجعوها نفحاااااااات

كنت بتكلم بس ولا كأني بقول شي المشرفات فكوني قعدت في الأرض وغطيت وشي بي يدي وبقيت ابكي وكلهم كانو بعاينو لي وساكتين.. معقوله ماف زول منهم جواهو ذرة رحمه بس على البحصل دا؟؟؟ كل المشرفات والبنات كانو خايفين من نفحات حتى ساره ووداد كان واقفين جمب ياسمين الكانت منهاره تماما وتقريبا م حاسه بشي من الحوليها.. واثناء ما انا قاعده كدا حسيت المشرفات وقفو ما شالو صفاء وفي رجول زول وقف قدامي رفعت راسي وكانت دي..

وسام: شاهيناز..!!!!

كانت بتاكل ليها في لبانه وبطق فيها بكل وقاحه وواضح انها كانت مبسوطه ومستمتعه شديد بالحصل أشرت لي المشرفات انو ينزلو الجثه وقالت..
شاهيناز: خلوها..وخلونا نستمتع شويه

قالت كلامها وقعدت في الارض نزلت لي مستواي عاينت لي في عيوني وقالت بشماته وااااضحه جدااا..

شاهيناز: تؤتؤ ..البطله حقتنا ليه بتبكي؟ ؟

ما رديت عليها بس لفيت وشي بالجهه التانيه هي ختت يدها في حنكي ولفتني عليها بقوه وقربت من وشي وقالت..

شاهيناز: تعرفي انو الدموع طلعت في وشك حلوه شديد؟؟ يعني انتي لائق بيك تكوني بتبكي كدا على طول

قالتها وبقت تضحك..انا م قلت ليها اي حاجه لانو حاليا انا ما عندي ليها اي طاقه وهي عاوزه تستغل ضعفي....

شاهيناز: من يوم وقفتي في وشي وانا اشتهيت اشوف الدموع دي في وشك وكنت مستعده اعمل اي حاجه..اي حاجه حتى لو كانت الحاجه دي ..

قربت من اضاني وقالت بهمس..

"اني أقتل صفاء..!!!!"

قالت كلمتها وقامت مني وهي بتبتسم ومشت وقفت جمب نفحات والاتنين غمزو لي وهم بضحكو بشماته

ديل هم؟؟؟..هم العملو كدا؟؟؟ كنت بعاين ليهم بصدمه ..انا عارفه انهم شيطانات وما عندهم ضمير بس ما اتوقعت انو يصلو للمرحله دي؟ ؟ لمرحلة انو يقتلوو؟؟..معقوله للدرجه دي قلوبهم م بترحم💔كنت بعاين ليهم وانا حاسه دموعي اتجمدو وهم ولا كأنو في انسانه ميته هنا..كانو بصحكو وبعاينو بشماته..ضحكاتهم ووقفتهم دي استفزتني شديد فما لقيت نفسي الا وانا بقوم وبمش عليهم بغل وعاوزه اخنقهم..

وسام بغضب: شاهينااااااز دي انتي يا شيطااانه انتي القتلتيهااا انتي العملتي فيها كدااااا

مشيت عليها وكنت عاوزه اخنقها جات مشرفه مسكتني وكنت حا اتفكى منها جات مشرفه تانيه والاتنين رجعوني ورا وثبتوني..وانا بقيت بقاوم فيهم وبصرخ با أعلى صوت عندي

وسام: فكينييي انا حا اقتلك يا شاهيناز والله ما حا أرحمك انتي العملتي كدااا انتي القتلتي صفاء.. قلت ليك فكينييييي

قلت آخر كلمه وانا بنفض يدي من المشرفات وجيت امش على شاهيناز تاني بس وقفت اول م سمعت صوت عالي بقول ....

-هـــــــــــــــدوء

وقفت واتلفت للقالت كدا وكانت دي المشرفه الكبيره الإتعينت اليوم كانت واقفه بكل برود وبتعاين لينا لحد م عينها وقعت في صفاء المرميه في الارض وقفت شويه عاينت ليها مسافه وتاني رفعت راسها وقالت..

-في شنو الحاصل هنا؟؟

انا طوالي مشيت عليها عشان اوريها قبل واحده من المشرفات تألف قصه من راسها..مشيت وقفت في وشها وقلت ليها...

*#إهتـــــــــزاز《17》*
*#(بنـات~الزنزانة)*
*#بقلم~نفيسة~جلال(عاشــقة~الأســ🖤ــود)*
*★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​

*"الصدمة..!!"*

-انا لله وانا اليه راجعون البت دي ماتت يجماعه

ماتت؟!..الكلمه دي كانت بتتردد في أضاني في لحظه بس البنات بقو يصرخو وساره ووداد جارين على صفاء والمشرفات ماسكين ياسمين الحرفيا جاها انهيار من المشهد القدامها.. ورغم دا كلو انا حسيت اني اتجمدت في مكاني م قادره اتحرك ولا خطوه وكأنو اتشليت رجولي تقيله حاسه انو القدامي دا كابوس انا متأكده انو انا هسي حا اغمض وافتح عيوني القى صفاء قاعده في الكرسي منتظرانا وهي كويسه دا الكان نفسي يحصل بس الواقع كان مختلف تماما!!.. ما كنت سامعه ولا صوت بالرغم من كل الصريخ دا..بس واقفه وبعاين ليها وهي بتتشنج بطريقه مرعبه لحد م حركة جسمها وقفت عن الحركه وجات مشرفة غطت عيونها وانا لسه كلمه واحده بس بتتردد في اضاني..
ماتت..
ماتت..
ومنو؟؟ صفــــــــــــاء؟
صفاء ماتت؟

لاااااااااااااااااااااااا

دي الكلمه الطلعت مني وانا بستوعب في الحصل صرختا ومع صرختي قعدت في الأرض على رجولي قدام صفاء او الأصح قدام جثتها..!!! بقيت بشد في شعري وبهز راسي بهستريا وبقول ..

وسام: لالالالالالالالالالا..مستحييييل صفاء صفاء قوميييي صفاء قومي يا صفاء ما تعملي كدا م تعملي فينا كدا الله يرضى عليك قوميييي قومي صفااااااااء

مديت يدي وبقيت اهز فيه وانا بصرخ بس من غير فائده وحالتي كانت عكس ياسمين الواقعه جمبي وهس ساكته وبتعاين من غير ترمش وكأنها دخلت في صدمه!!.. كنت بصرخ عشان صفاء تقوم بس صفاء م قامت صفاء ما كانت سامعانا لانها خلاص بقت م هنا بقت ما معانا.. هي مشت وو..ونحن خسرناها؟؟؟

مع الكلمات دي لقيت دموعي بتنزل بغزاره وببكي من غير ما أهتم..كانت دي اول مرا من يوم الحصل انا ابكي قدام بشر والان انا ببكي قدام كل الناس ديل..بس السبب كان شنو ومنو؟؟..دي دي صفاء صفاء الماتت يجماعه صفااااء

-هيي انتو زحو منها خلينا نرفعها

من غير اتلفت واشوفها قدرت اميز صوتها وكانت دي نفحات!!!.. ما عارفه ليه بس اول م سمعت صوتها حسيت الدم بغلي في عروقي وفي اللحظه ديك بس كان نفسي اتلفت واقتلها بي يدي دييي..

نفحات: انا مش بتكلم معاكم؟؟ قومي من هنا خلو الدراما دي

دراما؟؟..هه وحا تتوقعي شنو من انسانه زيها مخلوقه من غير قلب؟؟..اتلفت عليها وم كان نفسي اشوفها بس جاني فضول اشوف ملامحها وهي بتتكلم بالبرود والقساوه دي وفي بني آدم ميت قدامها؟؟...

نفحات عاينت لي وانا بعاين ليها قربت مني وقالت: احسن ليك تكسري عينك دي عشا ما اشيلها ليك من محلها ويلا قومو من هنا

حرفيا م قدرت اقول ليها حاجه.. بعدين اصلا اقول ليها شنو؟؟ بعد هي خلصت كلامها جو مشرفتين رفعونا انا وياسمين وبقيت اقاوم فيهم وامسك في صفاء وانا بصرخ بصوت عالي..

وسام: فكوهااا عاوزين تودوها ويييين فكوها انا قلت ليكم فكوهاااا

جات نفحات دفرتني في الارض وجات علي وقالت لي..
نفحات: انا حا احترم انك زعلانه على صحبتك ولا صدقيني في موقف زي دا كان اتصرفت معاك تصرف تاني.. واسي احسن ليك تتقي شري وخليهم يشوفو شغلهم

قالت كدا وجات تمشي انا سريع قمت ومشيت مسكت في صفاء وياسمين جات مسكتها بالجهه التانيه..

صفاء كانت مرميه في الأرض وفي ماده بيضاء طالعه من خشمها وكان جسمها بتتفض وبتشنج بطريقه مخيفه وفي مشرفه كانت قاعده جمبها وماسكه يدها ..انا جيت أقرب بس اتجدمتا في مكاني اول ما المشرفه الجمب صفاء قالت..

-انا لله وانا اليه راجعون..البت دي ماتت يجماعه..!!!!!!!!!





"ماتت..!!!!"





























*#صلو على النبي..*
*#يتبع..*

قالت كدا وكل البنات بقو يصفقو والمشرفات جو صافحو المشرفه الجديده ترحيب بيها وكدا وبعدها شالت المايك وبقت تتكلم وتقول في خطاب طويل عريض ..والفهمتو انا انو المشرفه حا تمسكنا وحيكون معاها مشرفتين لابسين بني من نفس قسمها والمشرفات اللابسين أخضر التم استبدالهم بي سلافه والمعاها حا يكونو هنا عشان يستلمو الحراسه فقط..!!

ياسمين: وسام
انتبهت لي ياسمين النادتني وهي بتأشر لي على مشرفه واقفه جمبي وكانت شايله صينيه فيها كبابي عصير قالت لي..
ياسمين: شيلي عصير

شلت العصير وكل البنات شالو قعدنا نشرب ونتفرج في البحصل والترحيب وكل مشرفه تجي تقول خطاب شكل لمن صدعو بينا..واثناء ما نحن واقفين كدا ياسمين عاينت وراي وقالت بحماس..

ياسمين: صفاااااااء

اتلفت وراي وفعلا صفاء كانت جايا علينا بس شكلها كان مرهق شدييد ما عارفه انا البت دي مالا بس واضح انها م كويسه ابدا..ختيت كبايتي ومشيت عليها مسكتها وقلت..

وسام: صفاء انتي كويسه؟

صفاء هزت لي راسها بس وما قالت حاجه ياسمين جابت كرسي قعدت فيهو صفاء..وبقينا قاعدين انا وياسمين في الارض قدام صفاء الكان واضح انها تعبانه شديييد ياسمين ختت يدها في كتف صفاء وقالت...

ياسمين: صفاء انتي كويسه؟ ووين كنتي من قبيل
صفاء ما ردت
وسام: صفاء انتي من امس شكلك م عاجبني ممكن توريني مالك؟
صفاء: مافي حاجه يجماعه خلوني

قالت كدا وغطت وشها بي يديها.. عاينت لي ياسمين بنفس النظرات العاينت لي بيها..وشكل صفاء ابدا م كان عاجبنا ياسمين قالت لي..

ياسمين: في كبايه هناك في الطاوله امشي جيبيها عشان تشربها يمكن تروق شويه

فعلا مشيت مكان ياسمين اشرت لي جبتا الكبايه اديتا لي صفاء رفضت ف البدايه بس اصرينا عليها وشربتها وسندت راسها ف الكرسي واضح انها كانت تعبانه.. انا شلت الكبايه رجعتها وكنت راجعه للبنات تاني بس لمحت فجأه شباب في نهاية الساحه كانو بتلفتو.. استغربت رجال البجيبهم هنا شنو؟؟؟..لقيت روحي بمشي عليهم عشان افهم في شنو وهم كانو زي البفتشو في حاجه او زول تقريبا.. وصلتهم ووقفت في وشهم..واحد منهم اتخلع لمن شافني ختا يدو في قلبو وقال لي..

-خلعتيني ياخ
وسام: انتو منو وبتعملو شنو هنا؟
الكان واقف قدامي قال لي: ما بخصك زحي لينا من هنا
وسام: والله م بخصني؟؟..على فكره عادي بصرخ واخلي العساكر يجو

لمن قلت كدا الشاب البتكلم معاي خاف وفي واحد كان واقف وراهو م كان شغال بي وكان بتلفت ساي كأنو بفتش على زول معين الشاب القدامي قال لي بخوف..

-ماف داعي للحركات دي نحن جينا لي حاجه معينه وماشين
رفعت حاجبي وقلت ليهو: حاجه معينه زي شنو يعني؟؟

جا يرد علي بس فجأه الولد الوراهو قال...
=ياخ انتي مالك أسئلتك كتيره كدا؟؟؟

لمن سمعت صوتو حسيت ضربات قلبي زادت بصوره فظيعه ابدا ما كان غريب علييييي وكنت حافظه الصوت دا كويس بس كنت بحاول اكذب روحي بس لمن ختا يدو في كتف صحبو عشان يزحو انا هنا ياداب شفت وشو كويس وطبعا انا قبل كدا م شفتو بس عرفت انو دا هو من الخاتم الفي اليدو الكان عليهو نجوم!!!.... لقيت نفسي من الخلعه برجع ورا وبقول...

وسام: آصـــــــــــف!!!!!!؟


(والله نفسي اقطعها ليكم هنا بس الحاره قدااااااام😭😂)

هو اتخلع لمن لقاني بعرفو وكان عاوز يسألني وبقى يعاين لي بي استغراب وانا مصدومه بس فجأه جو عساكر شافوهم وجو مسكوهم..كان هو بحاول يتفكى منهم وهو بعابن لي عاوز يعرف انا منو؟؟..العسكري ضربو بعصايه في رجلو انا اتخلعت وكنت ماشه عليهو حسيت بي أيادي بتجرني وكانت دي ياسمين..بقيت احاول ازح منها وانا بعاين لي آصف وبقول...

وسام: آصف آصف
ياسمين: وسااام روقي ماشه وين انتي؟؟؟

لمن ياسمين نادت بي اسمي آصف وقف مقاومتو للعساكر وقال بهمس وهو بعاين لي وواضح الصدمه في وشو..

آصف: وسام...!!!!؟

وقبل بقول كلمه تاني العساكر ساقوهو هو وصحبو.. وكنت بعاين ليهو لحد م اختفى من قدامي..صح كانت اول مرا اشوفو بس كانت جواي أحاسيس جايطه وغريبه شديييد كنت بعاين للبوابه الدخلو منها وما انتبهت الا على ياسمين الهزتني وهي بتقول..

ياسمين: يا بت آصف دا منو وبتعرفي من وييين؟؟

عاينت ليها وكنت عاوزه ارد عليها بس قاطعتنا وداد الجات جاريه علينا بسرعه وظاهر الخوف في وشها وملامحها قدرت تدخل الرعب في قلوبنا.. وقفت في وشنا وهي بتقول..

وداد: يي..ياسمين ياسمييين وسام تت..تعالو تعالو
ياسمين بخلعه: في شنو؟؟؟..حصل شنو اتكلمي
وداد: صص..صفاء صص صفااء

اول م قالت اسم صفاء ما انتظرناها تكمل وطوالي جرينا قدامها ولمن قربنا على المكان الكانت قاعده فيهو صفاء لقينا في بنات ومشرفات كتار متجمعين.. انا بقيت خاته يدي فقلبي وخطواتي بقت تقيله ياسمين جرت قدامي وشفت ملامح وشها وهي مخلووعه..انا قربت منهم وياريت لو ما قربت من المنظر الشفتو...!!!

وقبل عمر يفهم حاجه آصف ختا رجلو في يد عمر والتانيه في كتفو ونط على الحيطه مسك الحافه..عمر يادوب استوعب وبقى يساعد فيهو لحد م طلع الحيطه كويس..آصف اول م طلع بقى يعاين لي ساحة السجن ملانه بنات وتجهيزات ..فرح من جواهو انو حا يقدر يشوفها..

عمر: يعني ممكن تخلي سرحانك والضحك دا وترفعني؟؟
آصف انتبهه ليهو ومدا ليهو يدو وقال: ارح امسك حا ارفعك
عمر: براحه علي انا لسه م عرستا م ترميني

آصف ضحك فيهو وأداهو يدو..عمر مسك يدو وبقى يحاول يرفع فيهو وبعد خلاص قرب يرفعو آصف لفت وشو لي ساحة البنات وعينو وقعت على شخص خلاهو يتخلع...!!!!!!!!
نسى كل حاجه وفكى عمر من الخلعه ...


(خلاص عمر بكون مات غايتو)

_________

وسام:
بعد طلعت برا وشفت التجهيزات والمشرفات كنت متوتره شدييد خصوصا من وجود مشرفات الزي الأخضر..حاولت ما اركز معاهم وشفت ياسمين وساره ووداد واقفين جمب بعض من بعيد مشيت عليهم ..ياسمين اول م شافتني ضحكت وقالت

ياسمين: اتوقعت نفحات توديك المنفرده لمن تلقاك م جاهزه
وسام: انا زاتي بس شكلو اليوم إجازه من المنفرده
ياسمين: اصلا ماف مشرفه فاضيه توديك ما شايفه مبسوطين كيف
وسام: على زكر المشرفات انا دايره أسألك.. ليه في ناس لابسه زي مختلف؟
ياسمين: ديل شرطيات بجو من أقسام مختلفه عشان الإستقبال

قالت كدا ووداد كملت وقالت لي: وغالبا بتكون المشرفه الجديده في واحده من الاقسام الجو منها المشرفات

لمن قالت كدا قلبي وجعني والجد خفتا..خفتا تكون المشرفه الجديده من قسم اللابسين الزي الأخضر لانو وقتها بجد نحن حا نعيش في جحيم..بس ليه بحصل كدا وليه عاوزين يغيرو المشرفه والأهم من دا كلو وين سلافه؟ ؟؟ اختفاءها دا حا يجنني ..قاطع حبل أفكار صوت ياسمين وهي بتقول..

ياسمين: وسام شوفي سلافه هناك

عاينت مكان بتأشر بحماس وحسيت بالراحه لمن عرفت انها موجوده بس الحماس دا بقى استغراب لمن شفتها كانت واقفه في صف مع تلاته مشرفات لابسين ابيض واسود جمب البوابه..استغربت هي بتعمل هناك شنو؟؟. كنت عاوزه امشي ليها بس فجأه جو داخلين اربعه مشرفات لابسين أخضر صافحو سلافه والمشرفات المعاها.. وبعد المصافحه المشرفات اللابسين أخضر دخلو جوا..وسلافه والمعاها طلعو برا....!!!

عاينت لي وسام بخلعه: دا شنو الحصل دا يا ياسمييين؟؟؟؟
ياسمين ختت يدها في راسها وبقت تهز راسها وتقول بتمتمه: لل..لا لالا ما ممكن الحصل دا ما ممكن م ممكن

كلامها دا خوفني بقيت اهز فيها واقول: ياسمين في شنو اتكلمي دا شنو الحصل دا وليه سلافه طلعت برا؟؟؟
ياسمين: انتي عارفه حصل اسي شنو؟؟ الحصل دا اسمو تبديل ..بدلو سلافه والمعاها بي مشرفات الزي الأخضر يعني هم حا يقعدو هنا وسلافه حا تتحول قسم تاني

سلافه؟؟؟...يعني خلاص حتى هي انا خسرتها ؟ والله كانت اخر ملجأ وأمان لي حتى هي خلاص؟ ماف سلافه؟؟ ماف زول في ضهرنا؟.. باقي الأمان الكنت حاسه فيهو فجأه اختفى وبقيت بالجد خايفه من الجاي..ليه طلعو سلافه بالذااات؟ وليه المشرفات اللابسين أخضر بالذااات وو..قبل أكمل كلامي عيني وقعت في نفحات الكانت مبتسمه بخباثه وهي بتعاين لي وكانت جمبها شاهيناز الكانت بتعاين لي بنفس النظرات..!! وهنا استوعبت البحصل وانا اصلا كيف يفوت علي شي زي دا؟ ؟..دا كلو من تخطيط الشيطانه شاهيناز وكلابها هي عاوزه تنتقم مني واكيد تغير المشرفه دا هم الكانو سبب فيهو وتحويل سلافه كمان اكييييد هم العملو كداا ..بب بس بس هم كييف عرفو اني كنت في قسم المشرفات اللابسين أخضر؟؟؟ولا دي صدفه؟؟؟ وياربي هم ناوين على شنو؟؟؟ وكيف حا يودوني أتعذب في وجود المشرفه؟ ؟؟

سارة: أنظرو انها المشرفه الجديده

كلام ساره صحاني من سرحتي وعاينت مكان مسرح كدا كان واقفين فيهو مشرفات من كل الأقسام وجات وقفت في نصهم مرا كبيره بس ما شدييد ملامح وشها عاديه وما كنت قادره احدد هل هي طيبه ولا خبيثه..كانت لابسه عبايه بنيه وخمار بني (نفس زي المشرفه الفاتت بس ديك بالرمادي لانها كانت من قسم البلبسو رمادي.. ودي لابسه بني يعني هي من قسم مشرفات الزي البني!!!) وهنا ارتحت شويه لانها على الأقل ما من مشرفات الزي الأخضر..المشرفه نفحات جات وقفت ومسكت المايك وقالت بصوتها العالي الخشن داك..

نفحات: هــــدوء...

كل البنات اتلفتو عليها وسكتو في لحظه بس...!!
هي اتكلمت وقالت

نفحات: كلنا نرحب بمشرفتنا الجديده الحاتمسك السجن وتديرو بصوره عادله زي كل القبلها وتتولى كل اموركم ومشاكلكم وهي الحا تخت قوانين وقواعد جديده في السجن دا..نحن حزينين جدا لتوديع المشرفه السابقه وكان مفروض تكون معانا اليوم بس ظروفها الصحيه ما بتسمح ليها فنتمنى ليها كمال العافيه ونشكرها على الفتره القضتها هنا ودارة فيها السجن بصوره عادله..

م علقت عليها شلت الشاي بس بقيت اشرب وانا لسه سرحانه..لقيتا فجأه بتمد لي كيس وبتقول
ياسمين: البسي يلا زينا عشان اسي نفحات بتجي ولازم نطلع نعمل البتقولو

شلت منها اللبسه بكل هدوء وكان قماشها تقيل شديد عاينت للبسه وقلت ليها..

وسام: انا م عارفه حا يحصل شنو اليوم بس بالجد انا حاسه بشعور سئ يا ياسمين
ياسمين ختت يدها في كتفي وقالت لي بطمأنينه: م تفكري يا وسام وماف شي دا شي عادي قبل كدا غيرو المشرفه وطلعونا عادي استقبلناها ودخلنا..وكمان كان احلى يوم كان فيهو اكل وعصير وحريه..عشان كدا م تقلقي يا وسام وبعدين الخوف زاتو م بشبهك

قالتها وضحكت..م قدرت اضحك معاها بس شويه اطمأنيت بكلامها وحاولت اقنع نفسي انو كل شي تمام..والشرطيات جو من أقسام مختلفه عشان يرحبو بالمشرفه بس.. اكيد م حا يحصل شي وبعدين حتى لو حصل الكاميرا موجوده وايا كانت المشرفه الحاتجي غصبا عنها حتكون عادله وتقيف معانا..قلت كلامي وانا بعاين للكاميرا..ياسمين قامت مني مشت على اتجاه الحمامات ركزت شويه لقيتا ماشه لي صفاء الطالعه من الحمامات..وش صفاء كان تعبان شديد ياسمين وقفت معاها وقالت ليها كلام بهمس م سمعت منو شي بس تقريبا كان طبطبه ..وانا كنت محتاره صفاء مالا وامس مشت وين وليه ياسمين م بتقدر تحكي لي؟؟؟..قبل اتعمق ف تفكيري اكتر قطع حبل افكاري صوت الباب بتاع الزنزانه بفتح بقوه ويطلع صوتو المزعج داك.. وطبعا كما هو متوقع جات داخله نفحات.. وقفت في نص الزنزانه وقالت..

نفحات: يلا كلكم بي نظام اطلعوا برا والمشرفات حا يوروكم تعملو شنو

قالت كدا والبنات طوالي استعدو وبدو يطلعو ونفحات تعاين ساي لحد م عينها وقعت علي لقتني ف السرير قاعده وما جاهزه وماسكه اللبسه ف يدي..جات علي بي انفعال جرتني من لبستي وقالت بغضب..

نفحات: وانتي يحيوانه مالك م لبستي لحد الان ؟؟؟
وسام: الحيوانه د عندها اسم
نفحات: وكمان ليك عين تطولي لسانك؟؟..انتي عاوزاني اتصرف معاك تصرف م يعجبك ولا شنو؟؟؟

عاينت ليها واتفكيت منها وقلت ليها بي برود مستفز..
وسام: اسي الانفعال دا كلو لشنو؟؟ عشان م جهزت يعني؟؟ الموضوع م داير كوفير..ثواني بس وبخش ليك في الشوال دا وبطلع

قلت ليها كلامي وم انتظرتها ترد مشيت على الحمام لبست الزي وطلعت مع البنات برا.. وهنا يادوب قدرت اشوف الزينه كويس والتجهيزات وطاولات كبيره ملانا أكل..والبوابه مفتوحه وواقفين جمبها الشرطيات ف شكل تلاته صفوف
صف فيهو مشرفات الزي الأبيض واسود(مشرفانتا) وراهم الزي البني وبعدهم الزي الأخضر.....

______

في مكان تاني بس في نفس زنزانتنا دي..
كان ماشي بكل حزر وبتلفت عشان ماف زول يشوفو ووراهو كان صحبو الماشي بنفس الحزر بس صحبو كان واضح انو خايف ومتوتر عكسو.. قرب منو خطوتين وهمس بخوف..

-آصف
آصف من غير يعاين ليهو وهو لسه ماشي قال: في شنو يا عمر
عمر: آصف انا والله حاسي انو حا يقبضونا خلينا نرجع ياخي
آصف وقف اتلفت عاين ليهو وقال: انا ما راجع اي مكان وريتك اني لازم امش انت لو خايف ارجع

قال كدا وكمل خطواتو.. عمر مسح وشو بنفاد صبر ولحقو وقال..
عمر: انت اسي متأكد انك حا تقدر تشوفها بعد المخاطرة دي
آصف: ايوا متأكد وما راجع لو م شفتها حتى لو اموت
عمر: من ناحية الموت دي اطمن اكيد نحن ميتين بس هم بكونو اسي في الزنزانه و..
آصف قاطعو وقال: لا اليوم في استقبال حايجيبو ليهم مشرفه جديده وطبعا انت عارف بحصل شنو في الاستقبال كلهم بطلعوهم برا
عمر بي استغراب: انت من وين عرفت انو في استقبال اليوم؟
آصف: قبيل لمن الشرطي جا طلعني من المنفرده سمعتو وهو بتكلم مع شرطي تاني وقالو كدا
عمر: اممم طيب و..
آصف قاطعو وختا يدو في خشمو وقال: هشش خلي أسئلتك دي ما وقتها..وعان دا

قال آخر كلام وهو بأشر على البوابه الفاصله بين سجنهم وسجن البنات.. عمر عاين للبوابة وكانت مقفوله قال بخيبة أمل

عمر: يخساره بعد تعبنا دا كلو طلعت مقفوله؟..خلاص خلينا نرجع

قال كدا وجا يمشي آصف جراهو من قميصو وحدر ليهو وقال

آصف: عليك الله اسي الباب دا لو كان فاتح كنت بتطلع بيهو؟
عمر: اي مالو
آصف: عشان وقتها اول م تخت رجلك هناك العساكر يشوفوك وقبل تفهم حاجه بتلقى نفسك مع ربنا
عمر: طيب اها نعمل شنو وقت انت عارف انو الحاجه دي فيها موتنا جايبني ليه؟.. وبعدين حنمشي الجهه التانيه كيف؟؟
آصف ضحك بسخريه وقال: صحي لي المراهق الجواك شويه عشان نقدر ننط
عمر: ننط؟؟
آصف أشر على الحيطه وقال: هواية اي راجل تليب الحيط ارح

قالها وسحب عمر وراهو بقى يعاين للحيطه مسافه وكانت عاليه شدييد بقى يفتش لي حفر ف الحيطه يطلع بيها بس م لقى عاين لي عمر الكان مبتسم بسخريه وقال..

عمر: اها وريني حتعمل شنو يا بطل..حا تطير؟
آصف مسك يديهو وخلاهو يعقدن وقال: حا اطير اي بس انت امسك يديك كويس

كان دا صوت ياسمين وهي بتبكي لفيت وشي عليها بعد مسحت دموعي شفت دموعها رفعت يدي مسحتهم ليها وقلت..
وسام: ما تبكي يا ياسمين
ياسمين وهي لسه بتبكي: وسام ممكن تحكي لي قصتك والحصل معاك شنو؟؟

وسام سكتت ما قالت شي بس رجعت عاينت للشباك وسندت راسها فيهو..ياسمين هدت شويه مسحت دموعها وطبطبت على كتف وسام وقالت..

ياسمين: طيب لو انتي ما عاوزه تحكي الان ما ممشكله.. بس انا متأكده انو حا يجي يوم تحتاجي تحكي لي فيهو ووقتها انا حا اكون جاهزه وموجوده جمبك دايما صدقيني
وسام ختت يدها في يد ياسمين واكتفت بي انها تبتسم ليها بس..
ياسمين: بس ممكن أسألك سؤال
وسام من غير تعاين ليها قالت: أسألي
ياسمين: على حسب كلامك انتي كنتي في سجن تاني طيب كيف جيتي هنا؟؟

عند السؤال دا عاينت لي ياسمين اخدت نفس طويل وقلت..
وسام: الحصل انو...

وسكت لمن حست بصوت زول جاي اتلفت انا وياسمين ناحية الباب وكانت دي صفاء جات خاشه بي اندفاع وكان في دموع في وشها..انا وياسمين اتخلعنا نادينا عليها بس هي ما اشتغلت بينا ومشت طلعت سريرها وبقت تبكي بصمت..وقبل نفهم الحاصل جو وراها وداد وساره وعدن وسويدا واخر شي شاهيناز كلهم جو خاشين ووراهم نفحات القفلت الزنزانة اول ما هم دخلو..

ياسمين: شكلو وقت الزيارات خلص

ياسمين قالت كدا وانا كنت لسه بعاين لي صفاء.. ياسمين انتبهت لي سرحانه في صفاء قالت لي

ياسمين: ما تخافي حا تكون بخير
وسام: انا قبيل شفتها وهي طالعه من الزنزانه بس ما عارفاها مشت وين انتي عندك فكره
ياسمين: ما عارفه بس اكيد طلعت للزياره
وسام: بس حسب علمي هي ما عندها زياره
ياسمين: لالا عندها بس خاصه شويه
وسام: كيف يعني ما فهمت
ياسمين: اسفه ما بقدر احكي ليك اسألي صفاء يمكن تجاوبك

هزيت راسي بتفهم ..وعرفت من خلال كلام ياسمين انو صفاء طلعت عشان عندها زياره.. طيب ليه جات بتبكي!!.. واتلفت عشان اسأل ياسمين بس فجأه باب الزنزانه فتح ودخلت نفحات ومعاها مشرفه كانت لابسه لبس مخالف ليهم لونو بني عاينت ليها بي استغراب وقبل ما اتعمق في افكاري نفحات اتكلمت بصوت عالي وقالت..

نفحات: اسمعوني هنا كلكم وركزو معاي كويس وافتحو لي اضنيكم ديل عشان انا كلامي ما بكررو مرتين وكل البقولو يتنفذ بالحرف فاهمين؟؟

البنات هزو ليها راسهم بمعنى "حاضر" وكلنا كنا بنعاين ليها بي استغراب وتساؤل في انها عاوزه تقول شنو حتى عدن وسويدا كانو مستغربين عكس شاهيناز الكانت واقفه بي برود ولمحت ابتسامه صغيره في وشها ..!! رجعت عاينت لي نفحات البدت اتكلمت وقالت

نفحات: بكره حا يجينا ضيف مهم جداااا عشان كدا عاوزاكم تكونو مصحصحين معاي من النجمه وتلبس كل واحده منكم اللبس دا

قالتها وجدعت لينا كيس كبير ملان لبسات كانت لبسه باكستانيه لونها بيجي كدا ساده ومعاها طرحه!!.. رمتو لينا وكملت كلامها وقالت

نفحات: تلبسو اللبس دا بكره من الصباح ومن يوم الليله دا حا يكون لبسكم يعني لبسكم البتلبسو فيهو دا تنسوهو لي خالص من يوم الليله.. وبعد تلبسو اللبس دا بكره تطلعو الساحه وحا تلقو المشرفات واقفين حا ينظموكم ويوروكم المفروض تعملو شنو..فاهمين؟؟؟؟

كلنا قلنا "مفهوم" ونحن حرفيا ما فاهمين دا شنو البحصل وليه لازم نصحى بدري وكمان نلبس اللبس دا وكيف يعني دا حيكون لبسنا من يوم الليله..؟؟؟ حرفيا كان راسي حا يطق من الأفكار لا وكمان الأفظع دا منو الزول المهم الجاي بكره وبسببو حا يحصل كل دا؟؟؟ ..وهنا كانت وداد أسرع مني وسألت نفحات وقالت..

وداد: منو الجاي بكره يا مشرفه نفحات؟؟

نفحات عاينت لي شاهيناز ابتسمت بي خباثه وعاينت لي انا كمان الما كنت فاهمه شي واخر حاجه عاينت لي وداد المنتظره اجابه منها وقالت ..

نفحات: جاياكم مشرفه الجديده

قالتها وطلعت..
مشرفه جديده ؟؟؟..كيف يعني مشرفه جديده..قصدها انو المشرفه الحاليا واقفه في صفنا وانا شايفاها انسانه عادله حا تتغير؟؟؟...طيب ليه؟ وكيف حصل كدا؟؟..ووين سلافه من دا كلو ليه امس م ورتني..معقوله هي كمان م عارفه حاجه عن الموضوع دا ؟؟...بجد انا راسي حا ينفجر من التفكير بدايه بي تصرفات شاهيناز الغريبه والشرطيات اللابسات الزي الأخضر..وكلام نفحات قبل شويه والتجهيزات!!..انا م عارفه حا يحصل شنو بس شكلو بالجد خوف ياسمين وصفاء حا يكون في محلو..
وعلى زكر صفاء ..من التفكير الحصل م قدرت ارجع اسألها هي مالا؟؟ واصلا نسيتها لانو غرقتا في هم تاني وبالجد لأول مرا ممكن اقولها ليكم بس انا خايفه شديييييد وباين انو الجاي كلو شر..

_______

*#في الصباح..*

صحيت بي ازعاج البنات طالعين وداخلين كالعاده ..رفعت راسي لقيت ياسمين واقفه وبتعمل ف الشاي وكانت لابسه الزي الادتنا ليهو نفحات البيجي!!.. عاينت لكل البنات وكلهم كانو لابسينو..اتزكرت الحصل امس بالتفصيل وجيت اقوم ..بس سبقتني ياسمين وهي بتجي علي وبتديني ف الشاي وبتقول..

ياسمين: واخيرا صحيتي يا سنيوريتا

*#إهتــــــــزاز*
*#(بنـات الزنزانة)*
*#بقلم:نفيسة جلال*
*#عاشــقة الأســ🖤ــود*
*#البارت السادس عشر*


*"الفاجعة"*

وسام:
كنت خاته يدي في قلبي وانا بتنفس سريع بعد المنظر الشفتو دا؟؟..عاينت قدامي بخوف وبلعت ريقي وكنت بحاول اقرب شويه عشان ارجع اشوفهم تاني وكأني ما مصدقه انو هم هنا!!..قربت شويه ورجعت عاينت للبوابة والعلامه والمشرفات تاني ومن الخوف سريع دخلت الزنزانة ومشيت سريري كنت قاعده بتوتر وقلبي بضرب سريع من الخوف ..انا كنت حاسه والله كنت حاسه انو في حاجه بس بعد شفتهم بقيت متأكده انو الموت جاني برجولو.. انا صح ما عارفه هم هنا لييه بس شوفتهم رجعتني لي أسوأ كابوس انا عشتو وكيف اتعذبت يين يديهم!!..

وسام رفعت راسها وقالت: يارب يارب ما يكون الفي بالي صح وما يجو يسوقوني يارب اا..انا م عاوزه امشي مكان ما عاوزه امشي من هنا م عاوزه م عاوزه

كنت بهز في راسي وبحرك رجولي بتوتر وانا بشد في الملايا من غير احس.. ثناء ما انا بدعي ومتوتره كدا في بت جات داخله الزنزانة بطريقه خلعتني رفعت راسي وكانت دي..

وسام: ياسمين؟؟؟

اول ما شفتها ارتحت شويه لاني كنت خايفه شديد هي جات علي بلهفه وقالت لي
ياسمين: وسام بسم الله مالك؟؟

قعدت جمبي وهي بتقول كدا سندتا راسي في كتفها وغمضت عيوني وقلت..
وسام: مافي شي يا ياسمين
ياسمين: كيف ماف شي شوفي لون وشك دا مخطوف كيف

رفعت راسي عاينتا ليها ما كان نفسي احكي انا مالي عشان كدا قمت منها وانا بقول..
وسام: مالك جيتي انتي الزياره معقوله خلصت بالسرعه دي؟

قلت ليها كدا وانا بقيف جمب الشباك هي جات وقفت جمبي وقالت..
ياسمين: لا الزيارات م خلصت بس انا شفتك من تحت وانتي واقفه وفجأه اتخلعتي ودخلتي الزنزانة..منظرك خلعني وطوالي استأذنت وجيت اشوفك مالك..فعليك الله يا وسام وريني في شنو ..شفتي شنو لمن اتخلعتي كدا وخلعتيني معاك

عاينت ليها وكنت مصدومه في الطيبه العندها دي يعني اسي هي معقوله خلت اهلها الجو عشانها كل المسافه دي وهي ما بتشوفهم كل يوم عشان تجي وتعرف انا مالي؟؟؟.. غطيت وشي بي يدي ومن غير اي مقدمات في دموع نزلو مني بس مسحتهم قبل ياسمين تشوفهم ولفيت وشي منها.. هي ختت يدها في كتفي وقالت

ياسمين: وسام الله يرضى عليك وريني في شنو م تقطعي قلبي

اتلفت عليها وانا خاته يدي على الشباك قلت ليها بصوت ضعيف..

وسام: شفت حاجه كنت بحاول اني اعيش وانساها
ياسمين: شفتي شنو؟
وسام: كابوسي في الواقع شفت الخوف الانا بهرب منو قدامي اليوم كنت فاكره اني اتخطيت وبقيت قويه بس شوفتهم رجعتني للصفر يا ياسمين

قلت كدا وانا بعاين ليها ..هي اتنهدت وقالت
ياسمين: واضح انو العليك كتير رغم القوه الانتي بتحاولي تظهريها دي بس ممكن من غير لف ودوران توريني في شنو بالظبط
وسام: بب..برا
ياسمين: في شنو برا
وسام: المشرفات الكانو لابسين لبس زيتي واخضر
ياسمين سكتت شويه اتزكرتهم وقالت: اي عرفتهم مالهم
وسام سكتت
ياسمين قربت مني وقالت: انتي بتعرفيهم؟
وسام عاينت لي ياسمين جوا عيونها وقالت بوجع وقهر: الناس ديل يا ياسمين انا م بعرفهم وبس ديل لو انا انسى اسمي مستحيل أنساهم ومستحيل أنسى العملو فيني ابداا..ابدا يا ياسمين
ياسمين: عملو شنو؟؟

وسام بلعت ريقها وهي بتحاول تنزل الغصه الوصلت حلقها وتمنع دموعها قالت..

وسام: الما عملوهو شنو يا ياسمين.. في الليله المشؤومه ديك الحصل فيها الحصل انا بي جريمتي اترميت في سجنهم ومن دخلت سجنهم انا ما شفت ولا لحظه من الراحه والسلام.. من جيتهم وهم كانو بعذبو فيني بي كل الطرق الوحشيه الممكن تخطر على بالك قعدت في السجن داك اسبوع واحد بس اسبوع لكن والله كان أسوأ اسبوع يمر علي ..الضرب في السجن داك كان أسهل شي ممكن يحصل معاي..كانو بحبسونا في أماكن ضيقه انا ومعاي بنات كتار في مكان ضيق شديد م بسع لي شخص واحد بدخلونا فيهو ٥ بنات ..كانو بصعقونا كهرباء في اي وقت هم عاوزنو وعادي بتمر علينا ليالي من غير اكل وشراب..كانو المويه البجبوها عشان نمسح بيها الأرض كنا بنشرب منها من العطش يا ياسمين..دا كلو وانا ما جيتك لي أسوأ حاجه وهي اغتصاب البنات من الشرطى والعساكر الرجال..من الرجال المفروض يكون أمن لينا بقو لينا رعب وخوف كان كل يوم لازم نسمع صريخ واحده ونتعذب نفسيا من الأصوات البنسمعها..انا ما حصل واحد جا قرب مني بس في يوم جاني واحد وو..

وسكت ما قدرت اكمل ولفيت وشي ودموعي نزلو غصب عني.. كنت بتزكر في الأيام ديك وانا ما قادره اخد نفسي من البكى الكاتماهو جواي ..في اللحظه ديك كنت موجوعه شديد كان نفسي اصرخ واقعد في الارض واقعد ابكي في حضن ياسمين..بس ما قدرت ما قدرت اعملها ومسحت دموعي وغمضت عيوني وانا بحاول اتناسى الأيام ديك بحاول اكون قويه على قدر ما بقدر و..

ياسمين: وو..وسام