• غزل (۳۹)
• هؤوله‌_هؤویشه‌نه‌لی سؤز


بو یئرده بیر کیشی‌وار دالمیشام داریخماسینا
قارا باسان گؤزونون ‌کیپریک‌آلتی باخماسینا

قارانلیق ایچره نه‌یی آختاریر نه یی آراییر؟
قارالتی‌لاردا ‌باخیر باتمیش‌اولدوز آخماسینا؟

قاداق‌گؤزو‌گئجه‌یه‌،هر ایشیق‌دا ایلغین‌ اولور
گونش‌ دئیه‌نده‌بری‌شیمشکین‌ده شاخماسینا

یئری یالیندی‌سرت‌بیر کؤیول‌یاشام کئچیریر
تولازلاییبدی اونو تانری دونیا داخماسینا

شوه‌فلک بئله‌دیر گؤرتوگه‌سی‌سانجی لی‌دیر
آلیزلادیقجا‌ دؤزور بیر دؤنرگه تاخماسینا

دیلیم‌ده‌دوغرو‌ بوسؤز،هؤوله‌ـ‌هؤویشه‌نه‌لی‌قالیب
بو یئرده‌کی‌کیشی‌من!کیم دالیر داریخماسینا؟


بهزادبیات‌فرد
#حسرت‌زنگانلی


🆔 @hasratzanganlii