قصائد منبريه مكتوبه 📚

انتـشلني امن الظـلام الرحـمة اعيـونك
ومـن الدنـيه ضمـني بخـيمة اجـفونـك
بنعـيمك ارد اعـيش ومـا اريـد الشـيب
يـاخـذ ذنـبـي واتعـفـه اعـله ماعـونـك

امـن ابـقه مـالي كـل ناصر
ابـدنيه وبيـهه بـس حـايـر
فمـن لـي غـيـركَ الغـافـر == حسين

طـلـعّ گـلـبـي مــن لــونـه
خـلـيه يـرسـه مـن جـونـه
ويـمـيـل الـ ويـن تــردونـه == حسين

اذ تــقـبـلـونـي == بتعابير وجه بي ندامه
صراط اليعذب == اعبره الصراط الامامه
غفير اليجيلك == لنورك تحيـطه ابـظلامه

يامؤنسه الدموع == ارجو عطفُكَ
أذ اتـرُكُ يـداك == مْـن لي غـيرُكَ == حسين
===========================

تهت وابـ عالم اعـمه ومن صحت وينك
من طـين الـ هـلـك رديـتـنـي الـ طيـنك
ومن گـلب الخلـك واهـل الخلك الغوث
وكل جـمره خـلي ابـ چـفي بـس ديـنـك

ابـ فــظــلـك ما ازل واعــد
{الله} {ونـحـرك} الـ الشاهد
واظـل اعـلـه الـبـچـي راگـد == حسين

بـعد اضـياعـي والـ شــفـته
گـلـبـي ابـ كـل ادب جـبـتـه
شـعـنـدي وهـوه بـس انـته == حسين

استجــير برحمتك == اجيت اعله طين القرابه
بمـحاسن ضيـائك == أغـيث الكلب من سرابه
يـحـق والحـقيـقه == اريــدن اعـيش الخـرابه

ومن هو سواك == رحيمُ أبعبدكَ
أذ اتـرُكُ يـداك == مْـن لي غـيرُكَ == حسين
===========================

العقل وايكمله طـريقك يا طـريق الحق
ومثـل عيـنك ولا بالـدنـيه عيـن اصـدق
الادب منـك اخـذ اسـمه الادب اوصــار
اعله كل اللسـان خـادم منـه لـو ينـطـق

گـلــت عـــن الادب قـــولاً
مــن تـخـرج عـلـى قـومــاً
الــبشر خلـيهه الك فــظـلاً == حسين

وهـاذه انــه ابــأدب يــمك
اريــد اذبح شــكوو يلجـمك
{المــذبوح} {التعب} اسمك == حسين

حــنين ومحـنتـك == فـلا ريـب تـرد الاجـالـك
مــلـيــكاً عــلــيه == واريد ابقى عبد الـ دلالك
الـكـلـشـي بــيــه == ونـدب يا حـبيـبي حلالك

اكملني ابكمال == من نورِ وجهُكَ
أذ اتـرُكُ يـداك == مْـن لي غـيرُكَ == حسين
===========================

جـانـت روحـي ما تـعـرف شـني روحـك
وامكابل ليلي ما مـهتـم على اجـروحـك
اعله كلبـي وما شـلت جـرحـك ولا مـره
وانته شــاله كلــبك ضــامي مذبوحــك

دخـيل اصــغر نـحر عــدك
يـباقــي بلا ضــهر وحــدك
خـلــيــنـي اضــل عـٰبــدك == حسين

فــرّغ گــلبـي مــن نــاسـي
وامــســح جــفـك ابـ راسي
وخــل تلفظــلك انـفـاسـي == حسين

اعله وضعي القبلته == اشيسد فظلك وانه حاير
بكـسـرتـي واخـافن == اكون اعله صدرك حوافر
يا رحيــم الاجــالك == عبد واقذف اعليه مشاعر

طلبتُ الرجاء == وارجو ضميرُكَ
أذ اتـرُكُ يـداك == مْـن لي غـيرُكَ == حسين
===========================

غـرزّ جـرحي خــل يضــمه اعله عبدالله
وعــرفـني اعله چــلـمــة {يا غريب الله}
خلــيني ابأدب مـن احـجـي مصـايبــكم
شـني الطـلعن شـني الـعثرن شني الهزله

شني الـنثرن شـعـور اعـليك
شني اللطمـن خـدود اعليك
شني السـفرن وجـوه اعليـك == حسين

حـگه ونــحــرك وضــيــمه
دلالــك طــالــع ابـ هــيـمه
مــا ظــلـت ولا خـــيــمــه == حسين

رَأَيْــنَ النِّــسَــاءُ == جـوادك رجـع يصـهل انـياح
ضليمه الضليمه == الحسين اعله كلبه تعب طاح
ياحرم الهــواشـم == وكــع ضـامي سـيدنه اوراح

ذا هو المذبوح == قــالُ اســمُكَ
أذ اتـرُكُ يـداك == مْـن لي غـيرُكَ == حسين
===========================
سجاد ابراهيم الكعبي

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

ميمر . لوفاة السيده خديجه ع

……………………………………………………………

بيها انعرف . معنى الشرف
ماي الستر  .  منها انغرف
يكفيها هذا العنوان . ام البتول الزهره

……………………………………………………………

ام الزجيه ويعني ام الجنه
حور الله بسم ام الشرف تتغنه
مريم تكلها ومثلج انا اتمنه

ام فاطمه   . يا عالمه
فضلج عِله . فوگ السمه
بالجنه ضاوي و مكتوب . اسمج خديجه الكبره

……………………………………………………………


بثنين الاسلام انعرف واتعلّه
بسيف الامير العل رگاب اتخله
واموال ام الزهره جانت تله

مالي وفده . لأحمد غِده
منها الكرم . صار وبِده
لا ولله ما يسوه المال . من وجه احمد نظره

……………………………………………………………


رغم الفقر بس دوم عاشت ورده
احذاها النبي كل الحزن يتبده
گلبه اليفور وبس اسمها ايبرده

يبث العزم . بيه الاسم
يفوح العطر . منّه ويشم
ولو ياخديجه احمد صاح . الظلمه تصبح گمره

……………………………………………………………


جبريل نازل للرسول ايگله
من الله يحمد هالسلام اتوصله
لم الزجيه والها بيت اتخله

من القصب . ما بيه صخب
وفراشه من . فضه وذهب
گللها يحمد مكتوب . مو جنه بسمج عشره

……………………………………………………………


ماتت امن الضيم ابظلم متعذبه
واحمد صفه مكسور ظهره و گلبه
روحه خديجه وصفت تحت التربه

اصبح يون . ذابل جفن
اعليها انكتب . عام الحزن
يذكرها ليل اوي نهار . وبگلبه مية جمره

……………………………………………………………


بسنين خمسه ازغيره ظلت بتها
بالليل تگعد يمها ما شافتها
ظلت تنوح و تشتم اوسادتها

كسرة جنح . عاشت جرح
امها ومثل . وجه الصبح
چلمة اليمه اكبر آه . صارت الفاطم حسره

……………………………………………………………


يا سيدتنه و الج ننقل صوره
بنتج وره الباب ابحقد معصوره
والعين حمره وعالوجه مسطوره

دفع الجذع . كاسر ضلع
السگط الطفل . صبّي الدمع
محسن الماشاف اگماط . آ يا شهيد العصره

……………………………………………………………
✍️ ( سيد خضر الزاملي )

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

بالقيامه،،،هيج ارفعلك إديه
بالقيامه،،،ارتجي تباوع عليه
انته يحسين الشفيع
والله لوتتركني أضيع

الله باچر يرضه عني دام حبك شايله
لان بسمك دوم أحچي وبيك اتقرب اله
وياحسين تعيش بيه وبيه عاشت كربلا
ولان گايل انته نهجي وهل نهج مابدله

الله يدري........شگد الك بيه عشگ
الله يدري....،،،عاشگك وحچي الصدگ

انته باب الله الوسيع
والله لو تتركني اضيع


والله ابد ماعندي غيرك چنت أگولن لوحجيت
وجنت اتصور وفاتي وانته اشوفنك اجيت
ياحسين بصوتي اصيح ودنگت راسي وبجيت
بايع الدنيه واهلهه وحبك الغالي اشتريت

يا أمامي،،،،حاير بذنبي الچبير
يا أمامي،،،،انه بس بيك استجير

انه لجلك روحي ابيع
والله لوتتركني اضيع

لو گرب موعد وفاتي وابتدا يوم الحساب
يا حسين ادعي وأصيح وادري بالدعوا تجاب
دمعتي الباچيهه لجلك باچر تهون المصاب
ونار ماتدنه يمي وبيه من عندك تراب

باچر انه...نار ماتدنه ليه
باچر انه...اندبك هون الرزيه
وابجي للنحر القطيع
والله لو تتركني أضيع


باجر لموتي من أسافر مايهم هول الگبر
اشلون أخاف وياحسيني انه كاتب ع الصدر
ومن يسألوني بحسابي وشجنيت من العمر
خادم حسين اگلهم وهوه للخادم ذخر

شگد ضلامه...وانته التنور اللحد
شگد ضلامه..ومن أذكرك انسعد
انه احلفك بالرضيع
والله لو تتركني أضيع


عاشرك عاشر لساني وياحسينا والسلام
وللگبر وياي اخذته وماخذ اشواگ وهيام
ومنكر أهناك اسمعه يگلي يالخادم سلام
شلون احساب وانته عطرك ريحه من حرك الخيام

حسين أمامك...أنته أصلا لا تخاف
حسين أمامك....حبه شلته ع الجتاف
النضر لجلك دميع
والله لوتتركني أضيع
بالقيامه

خالد عبدالسادة لبديري

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4