"قصائد منبريه مكتوبه 📚" — @h_ameer2 Telegram-kanali

قصائد منبريه مكتوبه 📚

22 Nov, 17:09

م. ابو امير الفاطمي dan repost

لروح الطاهرة ام البنين عليها السلام
رحم الله من قرأ سورة سورة الفاتحة بنيه قضاء حاجتي

1.6k 0 2 47

#امتانيه

امتانيه الخدام زينب ..
تـريـد واحـد معتني من يم أخوها
امتانيه والگلب شيّب ..
چي غريبه انگال عنها استوحدوها
تريد واحد يمها ينحب ..
الغـربه يـدروهه شنـو بس الاجوها

ويـنـكم يل مـن أهلهه حاسبتكم
هسه زينب يـم رقيه امتـانيتـكم
اگبـال بـاب الأخضر اتريدلهه لمّه
وعلي مشتاگه سنه وماشايفتكم

اتريد ؤن الفاگدين .. تريد عطر امنالحسين
امتانيه ومشتاگه
انشاء الله اتزورونهه .. اهـنــاك وتشوفونهه
ابنارهه الحـراگه

=======××ـ

هاي زينب ياهو يمهه ..
ابشامهه الضيم وچبير امصابهه
امبين اعله الگبه همهه ..
اهنا چنها تگول روحي اشجابهه
ويلي ما خلص حزنهه ..
ولان مـحـد يمـهـه ينـسد بـابهه

ياوحشته ايصير من يفرغ صحنهه
چنهه مو بت علي شو ليهسه چنهه
وسفه مايرتاح گلب ام عون وسفه
وينـه اليگوم ويساعدهه اعله ؤنهه

هنانه مدري اشجابهه .. اتريد هسه احبابهه
ويـلي عالـمتعوبه
وعلي صار اهـــوايه .. شــوگهه اعله الــرايه
بالجرح مصيوبه

=======××ـ

احنه مشتاگين ليهه ..
احساب نحسب والمسافه ابعيده
العون كله من أديهه ..
و زينـب التـخـتـار يـاهـو اتـريـده
ابچوا اهوايه عليهه ..
اگــبــالـهه لـحـد يــؤن ابــهـيـده

يمـته نسمع صوت مـن احبابهه
بعد ما ضل شي وصلتوا البابهه
نوصل ابلهفه وجـمـر وانـزورهه
أمنيـتنـه انـطــيح يــم اعـتـابهه

ننعه وي الناعيات .. انشوف باب الساعات
بي الگبل وگفوهه
طگ صبـرنه اعليهه .. نــريد نــوصل ليـهه
وين عنه اخذوهه

=======××ـ

نوگف اباب العقيله ..
عن قريب إن شاء الله وننعاهه
قـربت أيـام الثگيله ..
هــايــه والله أيـــام مـا ننـساهه
الدمع بالحرگه نهيله ..
احنه مــا نــگـدر تـره ابفـرگاهه

الحيـل منـهه وهيـه رايح حيلهه
انشوف بالله اشلون يخلص ليلهه
بلــبواچـي انــريــد نـوصـل ليـهه
عنـهه بلـكـت هالجــروح انشيلهه

بالجروح امساهرين .. يمته نصبح زايرين
نلطم اعله وجوهنه
هـيـه كــل احـلامـنه .. تحچي بيـهه ايامنه
والمصاب ايلــوحنه

=======××ـ

- خيري الصفراني ✍️

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

3.2k 0 55 22

قصائد منبريه مكتوبه 📚

20 Nov, 20:11

المستهل مجارات

گومك يبوية ما رعوني
واخلاف عينك مرمروني

من يوم رحت استظعفونه
ابنار ومشاعلهم لفونه
يابويه ماچنك ابونه
روعو ولدي وروعوني

علدار هجمو وانه بالدار
وندفع باب المحترگ نار
ونابت ابصدره الزهره بسمار
ومكسور ظلعي ويعصروني

العتره من بعدك غرايب
وانصبت علينه المصايب
بالحزن بويه الگلب ذايب
فاطمة الحجة ويظربوني

يلتسمع احزاني ونيني
من عصرتي طايح جنيني
وخدي ازرگ ودم حمره عيني
والاثر شاهد على اعيوني

من المصيبه اثار بيه
كلدملجي صارت اديه
وابصوط العبد من رد عليه
من الظرب ورمت امتوني

واشبينه تدري اهل المدينة
ماچن اهل بيتك مسينة
يمشي علي وامچتفينة
وانكرو حيدر وانكروني

مچتوف قالع باب خيبر
ويندب وشوف العين يفتر
الحمزة وين اوين جعفر
هلساعه اريدن يحظروني

امشي بجروح التنزف بدم
وجروحي هينه وطالعه بهم
بس كون ابو الحسنين يسلم
وظلمو علي اشگد وظلموني

علي الحميداوي الكربلائي

#اللهم_عجل_لوليك_الفرج

2.8k 0 31 14

قصائد منبريه مكتوبه 📚

20 Nov, 14:22

#سالفة

يگولون مره نزل على مدينة من المدن بلاء فتك بالناس وضيق عليهم الحياة

ف راحو لمرجع كان زعيم الطائفة بوكته گلوله الگه النا حل نسويه

گالهم انه درس هذا العمر كله وقريت وطالعت كتب وشاهدة هواي أمور

لا أعلم شيء افضل من كلمة (ياحسين)

#إنتهى

فلكل شيء قل ياحسين
وأندب رحمة الله الواسعة أباعبدالله
فقد أودع الله خير الدنيا والآخرة عند الحسين روحي فداه

صلى الله عليك يا أباعبدالله 🙏❤️

2.7k 0 12 40

قصائد منبريه مكتوبه 📚

20 Nov, 13:17

#نعي

طلعت ريت ما طلعت الزهره
الباب المحترگ شفناها حدره
ردت گوه والعثره اعله اعثره
مكسور الضلع والعين حمره
__
طلعت ريت ما وصلت جريبه
شفت امي بوسطهم جن غريبه
تطلع من مصيبه اطب مصيبه
ها گد ناس تگرهنه عجيبه
__
طلعت ريت ما طلعت شفتها
بين الحرگ والطگ تيهتها
يالتضرب ابهيده امنا اجتلتها
كسرت اضلوعها وطگ جملتها
__
طلعت ريت ما طلعت واحدها
ما ندري السلف مگلوب ضدها
ايد اعله الضلع وايد اعله خدها
مابيها وعلي ترفع ولدها
__
طلعت ريت ما عفناها تطلع
ما حسبنه ميته الزهره ترجع
صوت الضرب واصل لينه نسمع
وتكلهم فاطمه بس ياهو يقنع
__
طلعت ريت ما وكفت وره الباب
شفنه امنا وطفلها فوگ التراب
طاحت فاطمه امجلبه بالحجاب
ماراعوها ابد زمرت الحطاب
__

سيد بسام قابل الياسري

#اللهم_عجل_لوليك_الفرج

2.8k 0 50 10

قصائد منبريه مكتوبه 📚

20 Nov, 10:54

نصرة للمجاهدين في جميع بقاع الأرض وشيعة أمير المؤمنين

الصلاة على محمد وآل محمد

#اللهم_صل_على_محمد_وآل_محمد

2.7k 0 1 31

قصائد منبريه مكتوبه 📚

19 Nov, 19:03

حيره شلون اواسيكم
يا ساداتي ما عندي
گلب يحمل نواعيكم
ما بيّه حزن يشبه لياليكم
كل جروحكم تهضم
بس ها المرّه مختلفه
خسارة اُم
ام گلوبكم ماتت
القبل لا الها تنكسرون كلكم باچيه اعليكم
واذا چانت خلگها ايضيج تتسله بأساميكم

الحنينه ام گلب طيب وام ضلع ما طاب
الزهره الناحله الدفعو عليها الباب
امصاب الما يشبهه امصاب
امصاب الخله حيدر يضم سره ابّير
ابو نهج البلاغه و يعجزه التعبير
وثگيل السمه صار اويَ الهوى يندار وين ايدير
امصاب العافكم موته
گبل لا موت يلفيكم
حيره شلون اواسيكم

حيره شلون اواصلكم
وبيا دمعه اطب الكم
ودمعتكم يتامه حسين من ينذكر محسنكم
رضيع الكم على حر صدر ابوه غافي
وغفه المحسن على حر نار عتبتكم
لهاي وذيج ما بطلت دمعتكم
اول جرح غرّبكم
امصاب الصار بي گلب الحسن مجمور
وخمس سنين عاف حسينكم مكسور
واول دمع صب من عين عمتكم
من عدها وبده ناعي مجالسكم
ومن عدها وولا كفت بواچيكم
حيره شلون اواسيكم

ليش ١٣ معصوم ما منكم چبد يسلم
ليش اورودكم مو نده ايصبن دم
اسم الام يبچيكم
واسم الاب يبچيكم
واسم الاخت والخوه وكفيل وعم
ليش نحوركم تنكطع ما تنشم
ليش النار تندلكم خيم وبيوت
وما صح اليحاميكم
حيره شلون اواسيكم

ليش اكبر مصايب صارن بها الكون
هنه المرن اعليكم
وليش أي فاجِعه تمر أي بشر بالناس
مثلها الگه سدت بيكم
ليش اولا جرح با الكون يخطيكم
شعجب يهل الله ما صح اليراعيكم
مو الكم خلقها الگاع
شو غربه طواريكم
اذا منكم إمام اسمه ( الرضا ) ومسموم
منو اليطلب مراضيكم

شعجب قرآنكم من ينجمع ما ينحسب قرآن
شعجب امكم الزهره تبني بيت احزان
شو جبتوها قربان بضهر قربان
حتى لو طلع مسجونكم بإفراج
يطلع ميت ويتشمت السجان
ليش بكل جسر اذكر اجنازتكم
وليش بكل نهر ابچي اعله جربتكم
وليش مْن اسمع بْعَودَة امسافر عاد
يكسر گلبي غايبكم
ويم كل باب دمعة ام الاگيكم
مظلومين مظلومين
يا ساداتي شــــرثيكم

عدكم بعد طالب ثار
غاب وطالت الغيبه
يجي وثاراتكم يطلب
بس ياهوه يطلب ثار طول اغياب مهديكم
حيره شلون اواسيكم
حيره شلون اواسيكم

اللهم عجل لوليك الفرج

انور الموسوي

3.3k 0 23 23

قصائد منبريه مكتوبه 📚

19 Nov, 12:11

يمه خل انطيچ ضلعي
انه اهون من اموت
يمه ذن چفين اديه
ادعي بيهن بالقنوت
الموت اهون يالحبيبه
الي من هذا السكوت
ييمه ..
الدنيا ماترحم بشر ماعنده ام
كلمة الأمك مشت تچوي العظم
وعطرچ بكل ركن بالمنزل نشم

هذا الحنان يضمه التراااااااب .. يمه
ياريت ماموجود هالباااااااااب .. يمه
شيصير يمه الضلع لوطااااااب .. يمه
__
يمه بين اعيونچ اني
جنت كل ساعه اطوف
ليش كل ما اصد هسه
وجهچ اتدورينه خوف
شني الي تضمينه عنه
جوه ايدچ مااشوف
ييمه
سامع ايِطيب الضلع من ينكسر
وكسرة الماعنده ام ماتنجبر
كون عيني ولاعيونچ تنسطر

ياريت ضلعي نصاب بسمااااار .. يمه
وانعصر هم واتچوه بالناااااااار .. يمه
يهونن علي لو وجهچ اندااااااار .. يمه
__
البيت من تموت امه
حتى حيطانه تنوح
لو جرح واحد يصيبچ
احنه ننصاب بجروح
غير ربيتينه بيدچ
وي ايدچ خل نروح
ييمه
لو كسر بالغصن شيضل بالورد
والتموت امه يعيش المن بعد
الأبو الخيمه لكن الأم العمد

من هجمو عله الدار والله .. يمه
من علي طلعت اه من ااااااااه .. يمه
طاح الجنين وطاح وياااااااااه .. يمه
__
حلم عدنا يصير اخونه
وماتحقق هل حلم
خاطر يباري خواته
من يمر بيهن هظم
حتى مالحك ييمه
كطره منه تطيح دم
ييمه
احنه موبيت الوحي وخير العمل
والله مانستاهل البينه حصل
ينحرك دار وكسر ضلع وطفل

بعده محمد جدنه مامااااااات .. يمه
وتزاحمت عالباب دفعااااااااات .. يمه
طلعت وأن من بين الاصواااات .. يمه

__
اللـهم بلوعة اولاد فاطمة عليهم السلام عـجـل لـوليـك الفـرج

محسن الحمداني

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

3.4k 0 47 17

قصائد منبريه مكتوبه 📚

18 Nov, 19:48

كأني بالملائكة يخطابون امير المؤمنين ع

كلميني... كلمة طلعت من يتيم بحرگته
كلميني… احسين ابو اعيون الحنينة بچّته
ياعلي عن الجسد .. وخّر اولادك بَعد
~~~
حسين صيّح كلميني والعرش هزّه
حگة هاي امه الحنينة الكلش اتعزّه
ياعلي اعذرني اعله چفني اتگلة الامجهزَه
امن الچفت طلعن اديها بحرگة الفزّه

كلميني… غير من گالاها طيحلة سمة
كلميني… فتِشَت و تحركتله فاطمة
صاحب الموت استعد .. وخّر اولادك بعد
ياعلي
~

اليمة تطلع منّه تچوي وبيها حنّية
غصّت الدنيه بكلمته و حرگت الريّة
بوية متأكدلي هيه خاف مو هيّة
ألچفن ما تلبس امي تلبس النيّة

كلميني… هيه ست احروف بس بيها حچي
كلميني... من حچاها انكسر گلبة امن البچي
الميت بصوته گعد .. وخّر اولادك بعد
ياعلي
~~
هوّ المعّود عله امه ايكتله فرگاها
وامه مو اي ام يوادم حته ينساها
الثاني يوم الناس تبچي وتنسه موتاها
وهو طاحت ايده يدعي ايموت اوياها

كلميني… الگالها وي الهجر داخل حرب
كلميني… شنهي من كلمة التعدللها گلب
اجنازتك حطلها حد .. وخّر اولادك بعد
ياعلي
~~~~
بالهوة الكاتل يذبها ذمة اشموعة
الما يفارگ فوگ راسة الشيبة ممنوعة
يمة بس گعدي يگلها ويچوَن ادموعة
عوزچ اشچم ضلع اخذي صدري وضلوعة

كلميني .. لا اموتن موته صدمة اعله العمر
كلميني .. خضّرت بيدي الرسايل للهجر
ال(بعَد) شتفيد البَعد .. وخّر اولادك بعد
ياعلي
~~~~

وگطعت الوگفة وجعها منتشر بيها
لحّگ اعله امك تعال وشوفها شبيها
بچة املاك الله كلها من يحاچيها
الدنية ماتوگف عله احد وگفت اعليها

كلميني… انتي مو مالة جنايز انتي الي
كلميني… من تنهَّد عالچفن بچّه علي
والدمع للرب صعد .. وخّر اولادك بعد
ياعلي

~

حسين أمة شَيله شَيله بريته حاسبها
شفته متعوده اعله اديها اتصلي ويحبها
ينغمي اعله امه بگبرها وحيدر اينبها
بلّحد كلما يحطها بيده يسحبها

كلميني… عش حمامة بيتچ امتّرس نِشِد
كلميني… افراشچ ابيتچ اشعندچ باللحد
لأمة حنّان الولد .. وخّر اولادك بعد
ياعلي
~~
علي هادي الخزعلي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

3.5k 0 57 13

قصائد منبريه مكتوبه 📚

18 Nov, 18:11

01:43

3.3k 0 38 17

قصائد منبريه مكتوبه 📚

18 Nov, 18:11

كأني بالسيدة زينب (عليها السلام) بعد استشهاد الزهراء وهي تركض الى ابيها تارة و الى اخوتها اخرى وتنادي...(گابلوني)💔

مو مخيم واج واركض
واليتم ما منه طلعه
بويه حيدر راحت امنه
ودمعه جرت بينه دمعه
حسين خويه راحت امنه
روحه ماضن بيها رجعه

يبو محمد گابل عيوني تعال
زينب اختك راح من عدها الدلال
الليله شمس امي يحل بيها المغيب
هاي اول مره احسن حملي مال

گابلوني ... واليتيمه اتدور مگابل بواچي
گابلوني .... هواي وجرن بالگلب ذني المحاچي

༺༺༻༻༺༺༻༻

ياهلي كلفه الزغيره
تشوف امها تموت يمها
اثمنطعش ورده تبدت
ردت لو بچفوفي المها

بعد بيها هواي عشره
وبابها الكاتل حلمها

حسين خويه شلون اصدك مستحيل
الموت مو ساعه هجر كلش طويل
يعني تغفه عيوني ماشوف البتول
وافز ما الگاها شيصبر الدليل

گابلوني ... الليله ما ضلت هموم و ما شلتها
گابلوني .... راحت امي الـ ما تعوف بيوم بتها

༺༺༻༻༺༺༻༻

بويه حيدر شيل راسك
لا تفت گلب اليتامه
وارفع ايدك ادعي ربك
ترجع أمي بالسلامه
بويه من بعد الزچيه
هذا يا ليل اللننامه

بويه شوف عيون بتك يا حنين
ذبلت و بايگ معانـيها الـونيــن
لاحگه أعله الضيم چا مو من صباي
هواي مضموات اليه من السنين

گابلوني ... هاي ليله بالسلامه ما تطوف
گابلوني ... لو اموت الليله لو اعمي التشوف

༺༺༻༻༺༺༻༻

حسن خويه الليله زينب
تمرد الفرگه چبدها
يا چبير عيال حيدر
هاي فجه الـ ما نسدها
راحت امي يا عضيدي
راحت وملچوم خدها

حسن خويه الحرمه مو مثل الرجال
من يهدها الضيم ما توگف محال
واني هداني الوكت بأمي يخوي
و النوايب صارن بثگل الجبال

گابلوني ... الليله من ضيم البواچي جفوني سود
گابلوني ... الليله اختكم رايــده امها و ما تهود

༺༺༻༻༺༺༻༻

حسين خويه الليله اموتن
شمس ما تطلع عليه
ساتر اجفوني تهدم
وفاضت دموعي من اديه
هيه مو حي الله حرمه
الرايحه مني الزچيه

حسين خويه التاكل بروحي العمر
اثمنطعش مو مال باب و تنعصر
هاي وادم ما رعت حگ الله يوم
الورده اليشمها مُحَمد تنكسر؟

گابلوني : الليله شاغت روحي وانعاب الدليل
گابلوني : الخشب بعيون اليتامه شگد يعيل

༺༺༻༻༺༺༻༻

محرم السيدة فاطمة

گابلوني_سماعي_دمعة

ابو نوح الكناني

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

3.5k 0 90 15

قصائد منبريه مكتوبه 📚

17 Nov, 23:58

يا زهراء

شلون راح تنام زينب هالمسه
وعنها راحت امها سيدة النسه
،،،،،،
راحت امها وسافرت درب البعيد
البيت موحش وانهدم ركنه السديد
وتسمع باطرافه ون الما يهيد
الوجه شاحب والشفايف يابسه
،،،،،،،
من وصل للبيت ابوها من الدفن
تلكته ودموعها تصب عالوجن
شلون اعيش وخيم عليها الحزن
تكله امي الهوى الجنت اتنفسه
،،،،،
الهوى امي وبلياها اختنك
وبأسمها الكلب نبضاته تدك
ريت اموت شلون عنها افترك
بقيت وحدي والفلك دار وقسه
،،،،،،
جني بالحره تحاجي الطاهره
روحي لفراگچ ييمه موجره
بغربه جني وليلي صرت مساهره
وب اراضي الحزن جن دهري رسه

،،،،،،
يمه انتي العالمه لهاي الاحوال
عشتي مرتين الالم شفت الاهوال
لجن ما جتفوا محمد بالحبال
ولا خديجه البابها الجبت ارفسه

،،،،،،،،،،،
الباب دفعوها وشفت شنهو الجره
صحتي فضه اه ضلعي كسره
وصحت يمه ونار قلبي مسعره
شلون دار الوحي الباطل دنسه
........
حايره وظلت تدك بالراح راح
التفكد امها عليها ما يطلع صباح
وعله ونها كل ملك بالكون ناح
الدهر، سهمه اعله زينب قوسه
،،،،،،،،،
كل طفل يحتاج حضن امه الحنين
منه ياخذ قوته يلاوي السنين
والجره والصار عله ام الحسين
ورثته الحره وكلبها يوجسه
،،،

لو نطالع هالزمن وشما حصل
نشوف زينب هالعزيزة بلا اهل
من بعد طف كربله ضاع الامل
وبصبرها الخدر ظلت تحرسه
، ،
والاشد من تنسبي لدار اللعين
وتدخل لمجلسه ومجتوفه الليدين
بالعصا تشوفه يطك راس الحسين
اويشتم ب امها وابوها بغطرسه

علي احسان هيچل الكربلائي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

3.5k 0 61 15

قصائد منبريه مكتوبه 📚

17 Nov, 13:43

شيصبره الفارگ عافيته شلون
كل مغرب تنزل وي دمعه اعيون
يحن لمه يحن
حزن يتبع حزن
****
خيمه وتلمنه الوالده وبفيها نگعد چنه
وبحضينها من احتمي چن گاعده بنص جنه
يا صوتها ايرد النفس ما ودي اشبع منه

يمه شمحله هالذكر
عطرچ .. اطيب كل عطر
صوتچ .. احله من الحلم .. صوتچ
راحت .. مني للگبر
امي وانباگ العمر
راحت .. ضلت بس اسم.. راحت

اليفگد امه ايعيش بغربه ونوح
كل ضحكاته وكل افراحه اتروح
عله الفرگه يون
حزن يتبع حزن
****
هضمتني ايام المرض من انظر الحالتها
تتشاهد بجر النفس تعصر گلب شهگتها
ولمن اجيها تبتسم وتضم علي علتها

صارت .. اعليه تنتچي
اعليها .. گمت اشبع بچي
تمشي ..تلزم بالظهر ..تمشي

بأول ..خطوة تنلچم
وحيلي ..وياها ينهدم
ضلعي .. وي امي انكسر ..ضلعي

يازينب تعبتج گالت حيل
ويهالباب ايظل يعصرچ ليل
همل دمع الجفن
حزن يتبع حزن
**
موضوع كسرچ يستمر يم النهر يتكرر
آنه وحسينچ ننكسر لو كافلي راسه انطر
عبد الله باچر محسنچ السجاد يشبه حيدر

للطف .. يلحگني الكسر
الثاني .. يرجعلي شمر
تگضي .. كل ذيچ الزلم .. تگضي
زينب مثلچ تنولي
تنادي .. دخيلك ياعلي
مثلچ .. باچر انشتم .. مثلچ

فضه اتسندلچ لو طحتي وعون
وباچر كل اخواني تروح شلون
ترد باچر وإن… حزن يتبع حزن
****
فراگج مصيبه الوحده ويرسملي صورة باچر
اليوم ضلعچ ينكسر باجر وراي العاشر
قاروه چنها وتنكسر اضلوع الحسين بحافر

مهره .. يرجعلي خلي
ثوبه.. بالدم ممتلي
والگه .. بثوبه اشچم ضلع .. الگه
يترس .. بالدم كربله
وجسمه .. موذر بالفله
صعبه .. كلش ينجمع .. صعبه

ضلعچ يرجع باجر هم مكسور
وبابچ يرجع كالخيل ابعاشور
انسحن گلبه سحن. ..حزن يتبع حزن
****
يمه الحرگ بابچ امس باچر يرد لخيامي
يا يمه احسّن بالعصر لمن تفر ايتامي
وبسمارچ ايخضر سهم يذبح حسينچ ضامي

بنتچ .. تطلع للسبي
وتكفل .. كل ذيچ العبي
يذبح يا درب اليسر .. يذبح
وادخل .. للشام الرجس
وانظر .. عدهم چن عرس
عدله .. واتمنه الگبر .. عدله

سلمان ايردچ يم بيتچ چان
وياهو ايردني البيتي وماكو اخوان
اخوتي بلا دفن .. حزن يتبع حزن
****
هشام الشيباني

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

4.1k 0 39 11

قصائد منبريه مكتوبه 📚

17 Nov, 04:04

2_5314789542220291288.ogg

01:24

3.6k 0 33 11

قصائد منبريه مكتوبه 📚

17 Nov, 04:04

حال مولاتنا زينب العقيله عليها السلام
بعد رحيل مولاتنا الزهراء عليها السلام

======================

حزن تارس زوايه البيت
وچانت زينب العباس عمرها چان خمس أعوام
گوا نامت من الضيم
رادت راحه تلفيهه مثل الناس عود تنام

نامت وما چنهه نامت
بالحلم چم ضيم شافت
شافت العاشر يصيح = الماي

الگاع والخيل وزلمهه
كلهه تسبيهه بحلمهه
وزينب تصيح عله امهه =اهواي

يايمه الحگي لزينب
الحلم خوفني واريد احضانچ اليوم
يايمه وراي العاشر
بمشاعل يركض بعد ما ريدن النوم

======
فزت تبچي الطفله
ومبچاها خفي الصوت حلم خلاها مذعوره
فزت فزت المحروگ
رادت تشبگ الزهره وردت تبچي مكسوره

رادت تسولف حلمهه
لمهه والموقف لچمهه
بس تذكرت امهه مات = بليل

تگلهه رادت عن مصايب
الهزايل والخرايب
وفوگ اخوها حسين شافت =خيل

يايمه تنادي وينچ
الحلم خوفني == اريد احچيلچ الصار
يايمه يراحت زينب
اذا مو لمي ==اسولف المن احتار
==========
راحت دخلت الغرفه
وتشتم گامت بسكته بفراش امها مهضومه
عن لا يسمع الونات
حسين وينكسر گلبه حنينه وتبچي محرومه

لاكو ام تسمع وجعها
ولا اكو اخت تمسح دمعها
شافت الهم من زغرها =ضيم

تشتم بهدم الزچيه
وتحچي والچلمه سبيه
يمه بعدچ ياهو اليه = ضيم

محتاره =صفت محتاره
تگول لياهو ويداوي بيهه الاوجاع
يايمه الهظم كاتلني
مشيتي وعفتي زينب تشبع اوداع
====
مكسوره صفت زينب
لا ام لا اكو راحت بال وسابيهه ضلام البيت
تبچي وتحچي مهضومه
اليفگد امه واشلون ام لو ابچي عمر يايمه ماوفيت

تنادي ها يا روحي هيدي
ماتت امي فوگ ايدي
اشلون انه البس جديدي = اشلون

امي هايه الماكو منهه
بدنيا ما ابدل حضنهه
اشلون اكف بچيي وحزننه = اشلون

ما انزع = سوادي واضحك
واموت بحزني ريت العمر لا طال
يايمه عليچ اعيوني
نذر تبچيلچ وحالي عليچ ياحال

=====================
✍️ابو فضه الحميداوي

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

4k 0 44 20

قصائد منبريه مكتوبه 📚

17 Nov, 00:40

يا دهر يالجارح دليلي
لا حيل ضل وأمشي اعلى حيلي
وحيلي من اديه سلبته الكاع

ألكلشي مخلوق اعلى موده
الوحده بقى وعبرو حدوده
وكدره ومقامه يا دهر ضاع

يادهر گلي الحيدر شضام
عَيشته بـ اهات الليالي
منه خذيت الـ ألهه موجود
وبغاليه صوبت غالي
الماطاحن دموعه الا لـ لله
حالي بقى يبچي اعلى حالي

مني خذيت يادهري
كلشي جميل من عمري
فاطمة راحت مني
وصبري جزع من صبري
،،،،،،،،،،
يا دهر هم أذيت مثلي
وهم صوبت خل مثل خلي
حامل تطيح ابردمة الباب

من طاحت الزهره وجنيني
وعيونها صارت بعيني
وحتارت بصبري وبالحجاب

يادهر هم مر بيك فد يوم
أنولت حرمه يم وليها
اولا تكدر اتفزعه ويسل سيف
والكوم ملتمه عليها
اهنا مات حيل جفوفي لمن
للخادمة رفعت أديها

اهنا علي فاضت عينه
اكبال العدو جفينه
ترجف قهر ويشاهد
ما أله ناس تعينه
،،،،،،،،،
يادهر ماخذ مني اهواي
أنسي وفرحتي ونضر عيناي
وبملحك اتصب فوك الجروح

ماخذ وطن ساتر دمعتي
وخانكني يادهري بغربتي
انه العشت بس عشت مذبوح

يادهر من كد غدرك وياي
خليتني اتمنى منيتي
الما ينعد امن الزلم ياحيف
يتجاسر ويجرح حميتي
وحباله تلتف فوك الجفوف
تماده سوطه على ام بيتي

عيالي اصدها بعيني
تبجي وانه امكيديني
المحد لوا جف حيدر
الما ينحسب يلويني
،،،،،،،،،،،
يادهري ايامك عجيبه
شايف بشر عنده مصيبه
وبمصابه محد لفه ايعزيه

لا اهل وكفتلي ولا اخوان
انه ودمعتي وبير الاحزان
ويايومي مدري اشلون اعديه

يادهري ماكو مثلي مظلوم
وهمومه حرمته منامه
انه اليسلم على بشر بس
ماكو بشر ردت سلامه
وماكو اليصبره ويجلي الهموم
وبالبير ضل يدفن كلامه

حزني طفاهه الواني
تبجي عليه احزاني
مو بيتي روحي انهجرت
يا موتي جا شمتاني
،،،،،،،،،،

عباس اديب المالكي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

3.2k 0 21 5

قصائد منبريه مكتوبه 📚

16 Nov, 22:48

ماتت امنا
ابتا ياعلي
ماتت امنا
ابتا ياعلي
****
ماتت يحيدر فاطمه ومات الحنان اوياهه
اضلم صبح حتى الضوه من غمضت عيناهه
ماترد لو تبچي الجفن ياحيدر الممشاهه
لو جبل صبرك ياعلي هم يهدم الفرگاهه

من عين السما
دمعٌ من دما
من عين السما
دمعٌ من دما
****
راحت الچانت ياعلي هيه التطب بنفاسك
تتنفس الزهره چنت العايشه بحساسك
ماتت الجنه ياعلي وسهم الهجر شو جاسك حته الحچي شيب تره مو بس بياض ابراسك

النور انطفى
صفعٌ ام جفى
النور انطفى
صفعٌ ام جفى
****
الدار فرغت ياعلي ماتت الجانت بيهه
تترس اسماعك بالهلا من چنت تدخل ليهه
ماتت توون من الضلع حيل الكسر ماذيهه
ابدمعات ترثي فاطمه لو عين تبچي اعليهه

ولعرش بكى
للرب اشتكى
ولعرش بكى
للرب اشتكى
***
ماتت وچفهه اعله الضلع ولعين چانت حمره
اتغيرت ملامح فاطمه من اثر ذيج الصطره
چم اه جرت بالنفس چم حسره وچُم عبره
اضلوع امنا امهشمه ولمنهشم شي يجبره

ضِلعٍ هٌشِمى
يُجبَر ياتُرى
ضِلعٍ هٌشِمى
يُجبَر ياتُرى
****
ندري اليموت وينتهي يسكن انينه اوونه
لانفس يبقاله بعد اولا صوت تسمع منه
ماتت اونتهه بقت تندب يضلعي امنه
ياحيدر انته النه الصبر وغيرك بعد ياهوه النه

اثار الورى
في ذاك الثرى
اثار الورى
في ذاك الثرى
****
علي سليم الحسناوي

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

3.2k 0 53 6

قصائد منبريه مكتوبه 📚

16 Nov, 18:21

01:46

3.5k 0 50 16

قصائد منبريه مكتوبه 📚

16 Nov, 18:21

كلام السيده زينب بعد رحيل أمها الزهراء :

يا يمـه بيتي ابلا ضوه
مكسـوره گـابلت الهوه
شـيردها گعـدتنه سوه .. يمه
معقوله اعيشن بالجرح
ويصبح اخـلافج صبح
يـزهره يذبـحـني ذبـح .. يمه

حيره .. هاي الديره
عفتي دارچ يالـزجـيه وغـربيتي
غـربه .. ضيم وغربه
روحي خذتيها وعلي لمن مشيتي

ويلي اعلضيمي اشلون بلوه
يا يمه صـرنه انــگــوم گــوه
طش الشـمل يا يمه الـتراب
راحـت ليـالي الكـلهه حـلـوه

======ـ

مـدفونه وابعينچ دمـع
گالــولي مكسـورة ضلع
ؤن الـگـلـب ما يـنسـمع .. يمه
هاي انه زينب والوكت
شيبني وبسرعه اذبلت
مو انـتي انه الي متت .. يمه

وينچ .. راحت عينچ
وحته تابوت الحزن يبچي عليه
حالي .. امدوهن حالي
يمه ويـاچ اندفـن لـو صح بأديه

كلما وصلت الـبـاب اخافن
ما حن ييمه اعليچ ما حن
مطبوگ يمه اعليچ ياحيف
وامتوني يمه ابؤني طاحن

======ـ

ضليت احـوم ابـمنـزلي
يملي الـدمع عيني ملّي
كل ساعه يشبگني علي .. يمه
ذابحـني مسمار الحـزن
وكلـمــا اشـــوفــنه اؤن
واذّكـــر احچــايــة وآن .. يمه

بلوه .. طحنه ابلوه
وهذا حيدر مختنگ من البواچي
گوه .. ايسولف گوه
امنالهجر وامنالبعُد وامن المحاچي

الچـــان التـهـابه الــدنيه كلهه
تالـيــته مـن دم عـيـنه هـلـهه
خَربّ مَشيته افراگ الاحباب
اول طــلابــه ومـــا يــحــلـهه

======ـ

مشتاگه الچ يمه الگلب
وقـرانچ ادمـوعه تصب
وهـايه سبحتچ والترب .. يمه
مابي مـحـنـه ولا هـلــه
هــذا الــوكت ينكط بلّه
بــاجــر ورايــه كـربــلـه .. يمه

وسفه .. واكبر وسفه
ابلا دلال اشلون يم حسين ضعني
غيره .. مامش غيره
يمي وادم تضحك وينسمع ؤني

يا يمـه ويــاي انه اريــدچ
يزهـره اضيع ابـلايه ايدچ
انه الاميره العـدهه خـوان
لو انضـرب شنهـو اليهيدچ

=======ـ

- خيري الصفراني ✍️

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

3.9k 0 102 19

قصائد منبريه مكتوبه 📚

16 Nov, 17:49

#نعي
للزهراء عليها السلام

يا سالفتنه التارسه البيت
ووردتي الغيرج ما اشتميت
ماي ودمع فوكج تبديت
ماضن تلم طولج توابيت

بالغسل چفيني شلتهه
ومن فوك كسرج عبرتهه
وعن الكسر عيني درتهه
وفوكج عيوني وشلتهه

ياام الجنين الصار مكتول
وماضاك من حلكج دللول
يالما كملتي 18 حــــول
عمرج ورد وبنعش مشيول

ياام بيتي يالما لايحج عيب
من ذبل عودج خضر الشيب
داويت جرحج ما رضه يطيب
يختلف عن جرح المصاويب

الشاعر مصطفى حرب

#اللهم_عجل_لوليك_الفرج

3k 0 67 13

Telegram Analytics

TGStat Bot

SearcheeBot

TGAlertsBot

قصائد منبريه مكتوبه 📚

Kanal geosi va tili

Toifa

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

قصائد منبريه مكتوبه 📚

41 749

Kanalda mashhur

Sayt tili

Telegram Analytics

TGStat Bot

SearcheeBot

TGAlertsBot

قصائد منبريه مكتوبه 📚

Kanal geosi va tili

Toifa

41 749

Kanalda mashhur