إستشارة طبية

يشكو العديد من الأفراد من رائحة الفم الكريهة في رمضان والتي يمكن أن تكون مزعجة ومحرجة للغاية وتتسبب بنفور الأفراد الآخرين. لكن لا داعي للقلق فمن الممكن أن تساعد بعض النصائح البسيطة في التخلص من هذه المشكلة.

اسبابها تتضمن جفاف الفم ،سوء نظافة الفم ، بعض الاطعمة مثل البصل الثوم التوابل و غيرها ، التدخين والامراض المزمنة .



🌹🌹إليك بعض النصائح التي تُساعدك في التخلص من رائحة الفم الكريهة أثناء الصيام:

🌛المضمضة بالماء جيدًا لضمان وصول الماء لكافة أجزاء الفم.

🌛تفريش الأسنان بمعجون يحتوي على الفلورايد مرتين يوميًا، .

🌛استخدام خيط الأسنان لتنظيف الفراغات الموجودة بين الأسنان وإزالة بقايا الطعام.
🌛استخدام المسواك للحفاظ على نظافة الأسنان وبقاء رائحة الفم عطرة خلال ساعات الصيام.
.
🌛استخدام غسول فم خالٍ من الكحول، للقضاء على الجراثيم المسببة لرائحة الفم الكريهة دون أن يتسبب في جفاف الفم.
🌛تنظيف اللسان باستخدام فرشاة مخصصة للسان.

🌛المضمضة بـ 1 - 2 ملعقة من زيت جوز الهند لمدة 10 - 15 دقيقة، وذلك قبل الذهاب إلى النوم أو بعد تناول وجبة السحور على أن يتم ذلك قبل تنظيف الأسنان بالفرشاة والمعجون.


🌹🌹نصائح بعد الإفطار للتخلص من رائحة الفم الكريهة



🧡 تناول وجبة إفطار متوازنة تحتوي على الفواكه، والخضروات، والألياف، والبروتين.

🧡اختيار الأطعمة التي تحتوي على نسبة عالية من الماء، مثل: البطيخ، والخيار، والتفاح، والكرفس، فمن الممكن أن تساعد هذه الأطعمة على تنظيف الفم وإزالة بقايا الطعام والبكتيريا.

🧡تناول الفواكه الغنية بفيتامين C، مثل: التوت والجوافة، إذ تساعد في تقليل فرصة الإصابة بأمراض اللثة والتي يمكن أن تكون سببًا لرائحة الفم الكريهة أثناء الصيام.

🧡تجنب الأطعمة والمشروبات السكرية، خاصة على وجبة الإفطار.
🧡تناول الأطعمة الغنية بالبروبيوتيك، مثل: اللبن.
🥲تجنب الإفراط في تناول الكافيين والملح، فذلك يمكن أن يزيد من خطر الإصابة بالجفاف.
🧡مضغ العلكة الخالية من السكر بعد تناول وجبة الإفطار للمساعدة في تحفيز إنتاج اللعاب. وينصح باختيار أنواع العلكة التي تحتوي على مادة الإكسيليتول (بالإنجليزية: Xylitol).
🧡شرب كميات وفيرة من الماء بمعدل 8-10 أكواب بعد الإفطار وحتى وقت السحور.

ودمتم سالمين

اليوم احجيلكم عن موضوع الأكزيما او ممكن نسميه اسم الطف و هو الاتوبي
Atopy
اللي هو تحسس البشره
او الاكزيما
او المشك
او جفاف البشره
اهم معلومه عنه
انه كلما جف الجو كلما زادت و اشتدت
اي نعم
الشتاء الجاف هو موسمه
و الأشياء اللي تساعد انه يزيد
هي
ملابس الصوف
كثر الغسل و التغسيل
العطور القويه
الغسولات القويه
بعض الاطعمه اللي انت تلاحظيها انه تزيد تحسس البشره مثل البيض و الحليب البقري و الموز
.
.
طيب دكتور ما تروح؟
طبعا تروح بعمر سنتين تختفي ان شاء الله
ممكن تطول بعدها بس اغلبها تروح بعمر سنتين بالأخص اذا وراثه
هنا ممكن تطول اذا اكو وراثه
او اذا استمرت نفس العوامل الفوك
.
.
العلاج :
اولا تجنب المواد اللي كلنا عليها مثل الصوف و ملاحظه الحساسيه الغذائيه و احتمال حتى طبيبك يغير الحليب
ثانيا: تقليل الغسل بالمي البارد
و تقليل استخدام الكلينس المرطب الا المرخص لذلك
ثالثا: الترطيب الترطيب الترطيب
بأبسط المواد المنزليه
مثل الفازلين كم مره باليوم
اذا شفتي الفازلين ما يفيد
استخدمي اي مراهم بسيطه تحت يدك للترطيب
و هوايه شركات عالميه دا تسوي مراهم ترطيب جيده جدا
بس هنا راح اكول ما شفت افضل من المرطب الجديد مال بايولاين
تعتبروه اعلان
تعتبروه نصيحه
تعتبروه خلاصه بحث عن النتائج الافضل خلال هاي السنين الطويله
براحتكم
بس هذا المنتج حقيقه انجاز
اقصد اللي بالصوره
يجمع اخر ما توصل اله العلم بخصوص الاكزيما مثل اضافه البروبايوتك للمرهم
هذا شي جديد صارلنا سنتين نحجي عنه و عن دور البروبايوتك بالمناعه و النظام المناعي
اضافه المواد الطبيعيه فقط فقط فقط
و صرنا نعتمد عليه وحده بدون علاجات
و طبعا بالاضافه انه هو تابع لشركه مرموقه صارلها ٥٠ سنه بالاتحاد الأوربي
المنتجات هي ٣ وحده غسول جسم و راس وحده مرطبه للوجه و الاخر للجسم
المنتج مو علاج
فقط مرطب و غسول يلائم حالات التحسس الجلديه
رابعا: ماكو اي مانع من استخدام مرطب الجو اللي هو الجهاز اللي يطلع بخار بالغرفة ( المبخره )
خامسا: تنشفين البشره بالضغط مو مسح حتى لا يتاذى الجلد مجرد ضغط بسيط
سادسا: قد يستخدم طبيبك العلاج و هو عباره عن مراهم مختلفه اغلبها ستيرويديه فالتزمي بيها و لا تستخدميها فتره اطول من المطلوب و بكميات ضئيله جدا يعني لا تخلين هوايه
سابعا: البروبايوتك عن طريق الفم طريقه حديثه لتحديد الاكزيما ممكن الاستفاده منها ليش لا
لان بالاضافه للاكزيما تفيد بالحمايه من الامراض
تحياتي الكم
د. سيف سمير البياتي
اخصائي طب الأطفال

فقدان الوزن

هذا الموضوع شفت ديحجون بي هواي بمواقع التواصل وافقد كذا كيلو بالشهر او خلال عشر ايام نزلت كذا كيلو

نجي للموضوع من صوره علميه ، طبعا فقدان الوزن الصحي هو من نصف كيلوغرام إلى واحد كيلوغرام اسبوعيا يعني شهريا 2-4 كيلو ، شافو بهواي دراسات انه اللي ينزلون وزنهم بهذا المقدار يصير عدهم ثبات بالوزن مقارنة بالفقدان السريع للوزن اللي ممكن يرجع يصعد بصوره سريعة.
رب سائل يسأل إذا نزلت وزني بصوره سريعة شنو راح تكون المضاعفات.


طبعا راح يصير فقدان لكتلة العضلات اللي موجوده ، تعب مستمر ، تكون حصى المرارة ، أيضا فقدان الوزن السريع يزيد من حده دهون الكبد ويسرع التهاب الكبد وبالتالي ممكن ان تنتهي بتشمع الكبد ، مشاكل كثيرة في انتظام المغذيات الاساسية للجسم و كتلة العظام ، بالاظافة لتأثيرها ع الحالة النفسية بحيث ممكن ان تعاني من قلق مستمر ، كآبه ، مرض الوسواس القهري .....الخ .


طبعا الموضوع جداً مطول بي تفاصيل هواي لكن حبيت اختصره بذني النقاط ولننسه فقدان الوزن مو اكثر من واحد كيلوغرام اسبوعيا ، وطبعا ابتعدوا عن نصائح غير الاختصاص بتنظيم برامج لنقصان الوزن


عافانا الله واياكم

في آخر أيامي باستشارية الجراحة، شفت امرأة بعمر الثلاثينات شايلة ابنها اللي عمره سنة، ودخلت تسأل عن دكتور الجراحة.

– ليش تريدين دكتور الجراحة؟
– أريد يفحص الولد.
– العيادة خلصت يا أختي، ليش ما جيتي الصبح؟
– ردت ببساطة: هي مو مستشفى؟ الدكاترة وين يروحون يعني؟

ردها استفزني بصراحة، وقلت لها بكل وضوح: تجين من الصبح وتاخذين دورچ وتجيبين باص، حتى يكشفون على ابنچ.

سكتت شوي وبان عليها الإحراج، وبعدين قالت بضحكة عادية: أوكي، باچر. وشالت ابنها وحملته مثل ما نساء الأرياف يحملون أطفالهم.

ثاني يوم، قبل ما تخلص العيادة بشوي، دخلت نفس المرأة تضحك:
– ها، جيت قبل ما تروحون، ينفع تفحصون الولد؟
– ليش متأخرة بعد؟
– والله يا دكتور، المواصلات! المهم الولد.

فحصت الطفل، وكانت حالته معقدة. عنده سلسلة عيوب خلقية تحتاج ثلاث أو أربع عمليات جراحية كبيرة، وكثير مراجعات بالمستشفى الحكومي. بس من مظهرها وطريقة زيارتها الأولى، ما توقعت إنها من النوع اللي يتحمل هيچ وضع. مع ذلك، كان لازم أشرح لها.

بدأت أشرح الحالة، وهي ما أظهرت أي تأثر. ما كانت مهتمة بتعدد العمليات أو صعوبة المراجعات. كانت تنتظرني أنهي كلامي حتى تسأل:
– العمليات ببلاش؟ لأن أبوه متوفي وأنا وحدي، أترك باقي أطفالي وأجي.
– أي نعم، العمليات مجانية.

تنفست الصعداء، ووعدت بالالتزام، وبالفعل التزمت.

مشكلتها الوحيدة كانت تأخيرها الدائم، وكانت ترد على أي عتاب بضحكة أعتبرها بلهاء. بس يوم سألتها ليش دائما متأخرة، جاوبتني بصراحة إنها تطلع من بيتها الفجر، تترك باقي أطفالها، وتمشي كيلومترات طويلة حتى توصل للطريق. هناك تنتظر أي سيارة نقل، وغالباً تركب مع سيارات مليانة عمال أو بهائم، وتغطي ابنها بخمارها حتى ما يتلوث بالغبار.

كانت تحكي هالقصص بدون انتظار أي تعاطف، وكانت تبتسم دائماً رغم كل الظروف الصعبة اللي تمر بها.

في إحدى زياراتها، سألتني:
– دكتور، صدري بيه ورمة صارلها فترة، ممكن تشوفها إذا عندك مجال؟
– تعالي، خلي أشوف.

بعد الفحص، اكتشفت إنها مصابة بسرطان الثدي، ووصل لمرحلة متقدمة. كانت تعرف بس تهمل نفسها عشان تهتم بولدها.

لما أخبرتها بالمرض وحاجتها لعملية استئصال وعلاج كيماوي، ردت بنفس السؤال:
– العملية ببلاش؟
– أي نعم.
– أوكي، أرتب وضعي وأجي.

بهدوء ورضا واجهت الخبر. بعد العملية، كانت تستعجل تروح لأولادها حتى ما ينامون بدون أكل.

مرت الأيام، وكملت علاجها الكيميائي والإشعاعي. وبعد فترة طويلة شفتها مرة ثانية تحمل ابنها مثل كل مرة، بنفس الابتسامة. سألتها:
– ليش جاية اليوم؟
– الجرح مكان العملية يعورني، بس جيت متأخرة والدكتور قال أرجع باچر.

قلت لها:
– لا، العيادة تفتح مخصوص إلك.

ضحكت وقالت:
– الله يجزيكم الخير، والله تعبناكم.

هاي المرأة علمتني درس كبير. أكو ناس يعيشون حياة ما بيها مجال للرفاهية أو حتى الحزن. يناضلون يومياً بدون ما يشتكون.

كانت ابتسامتها أكبر رسالة رضا، وهي فعلاً بطلة بمعركة الحياة الصعبة اللي تخوضها.

منقول من احد الزملاء

اني أم عراقية من امهات العراق
اني طبيبه و حابه تنزل رسالتي من خلال صفحتك :
هاي صورة حليبي
اي اي اني ام مثلكم
ومن العراق
واول طفل وموظفة و ولدت بعملية طارئة
بس مجرد قررت بالحمل اريد احسن شي للطفل
قررت يشرب حليب طبيعي واخذت مضخة حليب
واول ايام جان اصعب ما يكون
اوجاع العملية من صفحة
واني ماعرف ارضع والطفل مايعرف من صفحة ثانية
والحليب قليل ومايشبع الطفل
بس بمساعدة اهلي وزوجي واستعمال المضخة من اول ساعات بعد العملية ( كل ساعتين ) زاد الحليب وصارت الرضاعة اسهل واسهل وكام يزيد وكمت اجمع الحليب مثل ما تشوفون

رسالتي لكل ام
انطي لطفلكم الخيار الاحسن مو الاسهل
❤️

منقول من صفحة د. سيف سمير البياتي ع الفيسبوك

اليوم اثناء التصفح في احدى الكروبات طبعا بيها اطباء صيادلة اطباء اسنان

لفت نظري احد المنشورات يسأل عن قطرة لتنزيل ابو صفار ( البلروبين) للاطفال حديثي الولادة ، والادهى اكو صيادلة مجاوبي أي والقطرة متوفره ، طبعا استغربت كثيراً لأن لا توجد فكره كهذه في الكتب التي درسناها ، اليرقان الولادي أما فسلجي أي ممكن يصعد عن قسم كبير من الاطفال وينزل من تلقاء نفسه او يحتاج علاج ضوئي وطبعا لازم علاج الضوئي المتوفر في المستشفى وسأكتب لماذا في منشور آخر ، الخيار الثالث هو تبديل الدم وهذا طبعا إذا وصل البلروبين الى مستوى ممكن يترسب بالجهاز العصبي

هاي الخيارات هي الوحيدة المتوفره اما ينزل من تلقاء نفسه او علاج ضوئي او تبديل الدم ، أما غير هذا الخيارات فكلها غير صحيحة و فكرة قطرات تقلل من نسبة اليرقان هي كذبه

نرجع الى موضوع القطرة التي رأيتها في احد المنشورات ، فقرأت مكونات هذه القطرة كانت اربع او خمس مكونات ، طبعا احد المكونات كان قد سبب اعتلال الدماغ في احدى الدراسات المنشوره!!! ، واحد المكونات أيضا ممنوع تحت 12 سنه ، فكيف بطفل لا يتعدى عمره الأيام


طبعا والنقطة المبكية و الكارثية في الموضوع ان الذي وصف القطرة هو طبيب اختصاص ، طبعا اقولها بحرقة قلب هذه كارثة فضيعة لأنني متأكد أن هذا العلاج لم يوصف لمصلحة المريض وانما لمآرب اخرى طبعا هذا ينطبق ع اغلب الوصفات اطفال وبالغين بحيث لا تخلو وصفه من المكملات الغذائية ( اثنين او ثلاثة وقد تصل الاربعة في بعض الأحيان) ، يعني تقريبًا حوالي نصف الوصفة لا يحتاجها المريض هذا وان دل على شيء فيدل على انعدام الاخلاق المهنية ، وطبعا سببها غياب الرقابة سواء من قبل نقابة الاطباء وزارة الصحة نقابة الصيادلة...الخ

وفقنا الله و أياكم لما فيه الخير والصلاح

_مامااااا 😭😭😭

_ها بنتي شبيج

_ماما صديقتي بالمدرسه كفشتني من شعري وكالت لي شعرج محلوو وكل البنات ضحكوا عليه 😭😭😭

_تعاي تغذي ماما وهسه تنسين

_مااا ماريد غده 😭😭

_تعاي هاج نستله

🙁🙁 ا

وتكعد تاكل نستلة وتهز برجلها ومبرطمه..

شنو الاكل العاطفي؟🤔

هو اللجوء إلى الاكل لإسكات حاجات غير الجوع.

يعني ضايج ⁦☹️⁩وياكل حته تروح الضوجه

متعصب 😤وياكل حته يفرغ عصبيته

حزين😢 وياكل حته يشعر بالسعادة

وغيرها من المشاعر والإحاسيس الي مالها صله مباشره بالجوع الحقيقي

هالحاله طبعا موجودة وبكثره بالمجتمع..

و جذور هذه العادة الخطره هي في سنوات الطفوله...

رسالة للاب 👨 والام👩 والجدة🧓 :

الطفل من يجي مقهور وزعلان ⁦☹️⁩ خلي يعبر عن حزنه وحاوره وكله شنو الي زعلك.. وشسوالك فلان.. وانت من وراه ضجت .. وابقى كلمه بالموضوع خلي يعبر عن مشاعره السلبيه ويفرغها ... ثم حاول أن تخفف عنه بالاحضان أو بالكلمات المشجعه أو بالتفكير بحل المشكله أو الإتجاه الروحاني بالدعاء وطلب المساعدة من الخالق سبحانه ..

اما سيناريو من يجي الطفل مقهور وتعال هاك اكل نستله 🍫

اكل جبس🍟

هاك علج

تريد بعد ببسي؟؟

هاي عادة دنزرعها بالطفل بان يفرغ مشاعره بالطعام.. وطبعا غالبا طعام غير صحي

المثال الي مفروض يصير :

_ماما صديقتي كفشتني ووو

_منو هاي صديقتج؟ شسمها؟؟ 🤔

_نور

_شلون كشفتك وليش؟؟

_تقلد على شعري وتكول عليه اندومي وجرته...

_هذا التصرف اسمه التنمر... ومو بس نور اكو هواي مثلها ...

المتنمر يحس ان هو اقل من الناس او الناس احسن منه او يريد يرز نفسه ويسوي لروحة قيمه وهو ماواثق من نفسه ...

وتحضن الطفله وتكلها التقليد على الاشياء الي الله خلقها تصرف غير مؤدب وغير لائق والي يسوي شخص سئ الى ان يتوقف عن هذا الفعل ويستسمح الناس الي اذاهم بكلامة

_بس ماما اني شعري محلو كله مكعكل😭

_ومنو كلج بس الشعر الشرح حلو؟ رب العالمين خلقتنا كل واحد اله جماله .. الابيض حلو⁦🧕🏻⁩ والاسمر حلو⁦🧔🏾⁩ والاسود حلو ⁦🤵🏿⁩.. السرح حلو والكيرلي حلو والماعدها شعر هم تبقى حلوة..

بس الاهم من هذا كله هو الاخلاق.. اذا واحد حلو وأخلاقه محلوه الناس حتكوم تشوفه بأخلاقه وشوي شوي يصير بشع بعيونهم

وانتي حلوه وتخبلين وشعرج هم يخبل .. مره ثانيه اذا ضوجتج رزليها ولاتنطيها مجال .. ولزمي ايدها قوي لاتخليها توصل لشعرك ... وكولي لها بصوت قوي ما اسمحلك وباوعي بعيونها مو تخجلين وتخافين

يلا خلي نتدرب... هسه اني صرت نور وحسوي نفس الي سوته

وتبدي الام تساعد بنتها تتدرب حتى تتقن السيطره على مشاعرها وتتقوى ويصير الموضوع سهل عليها من تطبقه مع نور...

وراها من تهدا وكلشي ينحل

يلا ينفتح موضوع الاكل والغدة

وطبعا وراها نحاول نفتح الموضوع بطريقه غير مباشره من باب زيادة الثقه بالنفس عن طريق مدح الطفله ومدح شكلها وعرض صور لنساء يعتبرهن المجتمع جميلات ويحملن بعض صفاتها..

طبعا هذا ع سبيل المثل وليس الحصر.. المهم خلي يعبر عن مشاعره ولاتكبتها بالاكل

وهذا الشي حتى قبل أن يبدي يتحاور الطفل يعني من عمر مبكر كلما يجيك زعلان لاتسد حلكه بالاكل 👍 ... حاول تخلي يعبر عن مشكلته وراها وجهه للاكل...

مع الملاحظ مرات الطفل بعمر 2-4 سنوات يكون جوعان ومايعرف يعبر ان هو جوعان فتصير عنده نوبات غضب هنا الام تكون ذكية وتحاول تفرق بين الغضب والعصبيه بسبب الجوع لو اكو شي فعلت حقيقي مضايق الطفل.. ممكن تقدم له سناك بسيط وبعدها تحجي وياه اذا شافته رجع طبيعي يعني مجرد جان جوعان واذا لا بعده متعصب ومتوتر لاتبقى بس توكله وانما تحاول تحجي عنه مشاعره الى ان يستقر 🌼

مودتي 🌹

د.اسماء

أنا مهندسة وقد تم تعييني في مكان مرموق

تقدم للزواج مني زميل من زملائي.اسمه يوسف.

أنا شخصية عقلانية .. ولست عاطفية

بحثت مع أمي ظروفه

ميسور الحال .. والداه محترمان.

تم الزواج .

أغرقني بمشاعره .. التي لم أعرف كيف أستقبلها

أنا شخصيه عقلانيه .. ومنهجيه .. أما هو فشخص عاطفي جدا" لدرجة البكاء أحيانا".

أنجبت رقية .

هي ووالدها .. يحبان الأحضان .. والحركة .. ومتكلمان .. ويتحركان دوما. وليسا عقلانيين .!

وكنت أكره ذلك.

ثم أنجبت ريهام .

مثلي تماما عقلانية تتحدث بحساب .. أشعر معها بالارتياح. بصراحة أعترف أني كرهت من داخلي شخصية رقية .. لكن .. كان عندي أمل تتغير .. لكثرة الانتقاد وتتحول لشخص هادئ.! لكن ما حدث هو أنها بقيت حركية....لم نتفق على شئ. كنت اكره ذلك!

كنت دوماً أقارن بين ريهام العاقلة وبين عشوائية الأخرى .. أو بالأحرى .. بين رزانة ريهام وتهور رقية

زوجي كان أميل لرقية .. وكان يصفني بالجفاء العاطفي.

كنت أرتقي في عملي. سعيدة.

لكني للاحظت مع تقدم البنات بالسن ميل رقية إلى أبيها وحضنه وتباعدها عني وكرهها لانتقاداتي

أما ريهام فهي مريحة وعاقلة.

- لكن فجأة ! مات زوجي في حادث مروري ..

وكانت رقية بالإعدادية .. وريهام سادس ابتدائي

شعرت أن سهماً اخترقني

رحيل الزوج بالفعل عصيب تذكرت جفائي معه ..

وشعرت بحرقة قلب .. لكن ....رقية منهارة تماما " وبعد الانهيار مندفعة ومتهورة وتشعر أنها بلا ضابط ولا رابط. وريهام حزينة.

فوجئت ان رقية .. دوما في انعزال ..وتتباعد عني وعن أختها. أصرخ في وجهها .. تصرخ في وجهي!!!!

ثم مرة هددتني أن تترك البيت .. واتهمتني بعدم حبي لها. و بالفعل ..... تركت البيت...!

كنت كالمجنونة .. أبحث عنها .. إلى أن كلمني والد صديقتها وأخبرني بوجودها مع ابنته وزوجته.

بكيت بحرقة .. ربما أكثر من يوم وفاة زوجي !

ما الذي ينفر هذه البنت مني؟ ؟ ؟

أنا محددة حازمة صارمة لكن لست طويلة اللسان ولا أضربها .. إلا نادرا"......!!

مثلها مثل أبيها نفس العاطفة المفرطة التي لا أحبها

طلب والد صديقتها أن يراني ويتحدث معي. هو طبيب نفسي قال لي أن رقية محبة أحضان

وأنها تفتقدني وتشعر بكراهيتي لها وتفضيلي لريهام عليها. قلت له طبيعي لأن ريهام أعقل

قال لي جملة عجيبة (رقية مختلفة عنك .. أحبي اختلافها) أولادنا ليس من الضروري أن يشبهوننا....!

الحياة تحتاج الجميع

(رقية مشوهة النظرة لنفسها وتقول أنك لا تحبينها)

شعرت بالضيق الشديد

قلت للطبيب (أحبها والله لكن ...) قاطعني (ابنتك مختلفة الطباع عنك هذا ليس سوءاً فيها )..

لم اقتنع ! وعادت فأعطيتها محاضرة طويلة في الأدب .. وبكت كثيرا"

لاحظت بعدها انها أصبحت أكثر انعزالية .. ساكتة دوما" تحتضن ذكريات أبيها

ريهام مريحة وتفهمني

وأفكر دائماً؛؛؛؛؛؛

ما فائدة هؤلاء العاطفيين أنهم عبء على العقلانيين

هي وأبوها الله يرحمه شخصيات مريعه.!!

مضت حياتنا في صراع.

تزوجت رقية من شخص عاطفي مثلها دوما" يقول لي يا ماما وانت مثل أمي. المهم أنها ذهبت من البيت

ريهام حبيبتي تزوجت من دكتور بالجامعة. ..

أصبحت وحدي.

بعد فترة .. فاجأني السرطان.

ردود ريهام العقلانية اهدأي تجلدي.

رقية تبكي من أجلي. و تدعو الله لي كثيرا.

عندي موعد الطبيب.

رقية تحمل ابنها الرضيع وتكون عندي بسيارة زوجها قبل الموعد. أما ريهام فتعتذر لأنها لديها تعب الحمل وأيضا" لا تستطيع ترك ابنها وحده!

أول مرة بحياتي

وانا مريضة بالسرطان .. أعرف أن العواطف لها قيمة

حضن رقية يهون عليّ آلامي. رغم أني لم أحبه.....أبدا"

أشعر أني وأنا في الخمسين .. طفلة..............

زوج رقية يقول لي من قلبه سلامتك يا ماما.

كيف كرهت العواطف والعاطفية؟ ؟؟ ؟.

ريهام حزينة .. لكن دعمها بحساب ..تماما" مثل شخصيتها

أما رقية وزوجها دعمها وعطفهما بلا حساب ... !

- بكيت من قلبي وتذكرت سابق حياتي ........احتضنت رقية ...كم هو جميل حضنها...... بكت وبكيت....

هل في العمر متسع لأستمتع بما لم أفهمه؟ ؟ ؟

أم أن الأجل قد دنا.. ؟

دعوت الله من قلبي يارب اشفني وامنحني العمر كي أسعد بابنتي المختلفة عني. ..

وبالفعل تم شفائي والحمد لله رب العالمين. ..

أنا ورقية لا نفترق.......أشعر اني اكتشفت كنزا"..!!!

كلامها يؤنسني وحضنها يهدئني.

لا تكرهوا اختلاف أولادكم .. بل أحبوا اختلافهم.... وتقربوا منهم

لا تشوهوا نظرتهم لأنفسهم بسبب أنهم لا يشبهونكم

أنا ورقية نحيا أسعد أيامنا.

-لكاتب لا نعرف اسمه.

تعديل.. النص لـ د. إيناس فوزي.

لكن ينصح البدأ قبل عمر سنتين ونصف لان الدماغ يكون باعلى مستويات المرونة حتى يكدر يميز كميات بشكل لحضي

وإني كشخص بالغ تمنيت لو متعلمها.. يعني كمثال شخصي اني بالمدرسه متفوقه جدا بالرياضيات🧮 وحل المسائل وغيرها .. لكن مافد يوم كان عندي تصور حقيقي عن الارقام ب"كميتها" مثل ماهو معلم الطفل.. 👶

احنا تلعمنا الرمز .. وهملنا كميته الحقيقه..

"نتطرق بالبوستات القادمه عن الحساب الكمي بشكل تفصيلي اكثر أن شاء الله"

🤔زين هل الدين الاسلامي يعارض هذا المنهج ؟ مثل ما قريت بعض الاراء؟

💡حسب علمي البسيط لا اتوقع ذلك ..والدلين يحث على طلب العلم بكل زمان ومكان .... 'اطلب العلم من المهد الى اللحد" ولم اجد نص يدل على كراهيه تعليم الاطفال مبكرا.

🤔زين مو الطفل صغير شي اكيد حينسى كلشي !

الهدف الرئيسي من منهج جلين دومان مو أنه يتعلم أو لا

مو أنه يتذكر أو لا

مو أنه تتفاخر بي يعرف كذا وكذا

الهدف الرئيسي هو تمرين دماغ الطفل في الفتره الذهبيه (من عمر سنه الى ٣ سنوات)

هذا العمر اذا الدماغ ماتدرب الكثير من الوصلات عصبيه ستختفي من غير رجعه .. يعني فعليا تمرين الدماغ يخلي يصير اذكى بكثير من كل النواحي.. سريع البديهة.. سريع الفهم سريع الحفظ سريع التعلم وغيرها من معالم الذكاء

🤔زين يعني هسه لازم نسوي لاطفالنا؟⁦⁉️⁩

ماكو شي اسمه لازم .. اكو شي اسمه رغبه ..

اذا هيج شي يسلط ضغط على الام او الأهل ويخليها متوتره طبعا لتسوي وماله داعي ..

الاساس هو الحفاظ على العلاقه الجميله بين الاهل والطفل.

اني شخصيا بديت أقره واطبق قريبا من باب اللعب فقط.. يعني اعاملها معامله باقي الالعاب الي يلعبها.. مرح وحب وتسليه وليس كما يتصور البعض جلسه تعليم على رحله وصبوره وعوده 😆

🤔زين طريقه تعليم القراءه فاشله لان تخلي يحفظ شكل الكلمه وليس الحروف؟⁦⁉️⁩

غير صحيح .. تعليم القراءه الها اكثر من طريقه منها طريقه الكلمات ومنها طريقه الحروف..

اتذكر حتى بالمدرسه جانت اكو قراءه نوع حروف وقراءه نوع كلمات..

الطريقتين صحيحه. . لان تعليم الكلمات حتخلي يستوعب اكو مقاطع تتشارك .. وبالتالي يبدي يستوعب اكو حروف ومن ثم يفكك الحروف ويتعرف عليها حرف حرف.. الطريقه الثانيه بالعكس .. النتيجه الطريقتين صح

🤔زين انتي جربتي ؟

نعم جربته اول مرة على ابني الاكبر بعمر سنتين واخته بعمر 7 شهور واخته الاخيرة من الولادة والنتائج ما شاء الله مبهره حرفيا والحمد لله والصغيرة طبعا الي بديت من الولادة اذكاهم كلهم رغم بعدها 3 سنوات لكن عقلها يوزن بلد هههههه

وكلما اتماهل بي واشوف نتائج يوميه جديدة على ابني الكبير ارجع اتشجع واكمل مع الصغيره.. وهاي من مزاياه انه من تقدمي وتخلصين يبقى تاثيره مستمر وسنه وره سنة يبين على الطفل اشياء تعلمها وهو صغير ويضيف علها خبرات ومعلومات اخرى يعني ابد ابد مايضيع الجهد الي تسوي ...مصيره يبين ولو بعد حين

ملاحظة : التعليم بشكله التقليدي (مدرسه ورحلات وحاجزين الطفل وامتحانات واحفظ وعيد ويلا ) هاي الي تسبب ضغط وهي اصلا تسبب أن ينخفض عدد الوصلات العصبيه لان تحصر طريقه التفكير ..

أما التعليم بطريقه مرحه دون تلك الضوابط يختلف تماما ولايسلط الضغط على عقل الطفل ولايحصره.. ولا اقصد فقط منهج دومان وانما اي طريقه اخرى مرحه ⁦♥️⁩

وهسه بكروبات الامهات حرفيا حرفيا بدون مبالغة (الامهات تلطم) علمود امتحان صف اول ابتدائي!!!!!

وهذا شي مو منطقي ولا عقلاني نهائيا

وللتوضيح ابني صار صف ثاني ولا فد يوم كعدنا نقره علمود (امتحان) يقرا ويتعلم يوميا وبشكل طبيعي بدون اي اهتمام ب(الامتحان) لان المهم يتعلم مو مهم يدرس للامتحان فقط 😊والحمد لله مستواه فوق الممتاز وهذا من فضل رب العالمين والجهد الي بذلناه اله من جان صغير

وحاليا ماعندي معركة الواجبات ولا الامتحانات لان واثقه من فهمه واستيعابه وما احتاج اي اثبات ثاني 🙏🏻

🤔شنو رئيكم لحد الان بالمقدمه؟ عدكم اسئله ؟ خلوها بالتعليقات ونجاوب عنها قريبا ان شاء الله

وانتي تحبين التعليم الحر لو المنهجي؟

مودتي 🌷

د.اسماء

بناءا على خبرته وملاحظته انه الطفل الي عنده خلل بعقله وره فترة من التدريب والتحفيز يصير طبيعي او قريب جدا من الطبيعي وفي حالات اخرى يتفوق على الطبيعي

هاي الملاحظة خلته ينصدم ويكول هو بي مشكلة وهيج صار لعد شبي الطفل الطبيعي ليش مايصير خارق؟؟ 🤔🤔

♥️نحجي اليوم عن العالم جلين دومان♥️

وعدتكم نحجي عنه بالمنشورات السابقة واليوم صار عندي مجال ارتب لكم هذا المنشور وكل فترة نشرح شي بسيط ان شاء الله

من هو جيلين دومان؟؟؟؟ 🤔

💡جلين دومان هو معالج فيزيائي ورائد في مجال نمو دماغ الطفل. في عام 1955 أسس معهد تحقيق القدرات البشرية (IAHP) ، وهي منظمة غير ربحية تقدم برامج تعليمية وكتب مصممة لتحسين وتسريع النمو العقلي والبدني للأطفال العاديين فضلا عن الأطفال المصابين بأضرار في الدماغ.

📌هواي عبالهم منهجه يخص فقط الاطفال ذو الاحتياجات الخاصة أو المعاقين ذهنيا.. لكن في الحقيقة هو بدأ العمل على ادمغة الاطفال المصابين ومن خلال دراسته وعمله المكثف كدر يطلع بخطة تشمل كل الاطفال، سواء سليم او مصاب

🤔شنو الي سواه بخصوص الاطفال المعاقين أو ذوي الاحتياجات الخاصة؟

من خلال معهده وبناءا على خبرته كدر يعالج الكثر من الأطفال بوقت قياسي في حين كان علاجهم شبه مستحيل.. هسه تكولون شلون؟🧐

💡الاطفال الي عدهم خلل في الدماغ 🧠يعني عدد الوصلات العصبيه غير مكتملة ومن خلال التدريب المتواصل على حسب منهج خاص كدر الدماغ يبني وصلات عصبيه جديده 🆕 وساعد نفسه في أن يكون أقرب إلى دماغ الطفل الطبيعي في زمن قياسي جدا ..👍 حتى هناك أطفال لديهم إعاقات جسديه كدروا يتغلبون عليها ..

وهذا بحد ذاته يعتبر فخر وانجاز لهذا العالم..

وتكدرون تشوفون فديوات اله على اليوتيوب كيف اطفال عدهم مشاكل جسديه أو عقليه وكيف تغلبوا عليها بوقت قياسي ..👍

نرجع لموضوعنا ..

🤔بخصوص الاطفال العاديين.. شنو منهجه؟

منهجه بناءا على خبرته وملاحظته انه الطفل الي عنده خلل بعقلة وره فترة من التدريب يصير طبيعي او قريب جدا من الطبيعي وفي حالات اخرى يتفوق على الطبيعي

هاي الملاحظة خلته ينصدم ويكول هو بي مشكلة وهيج صار لعد ليش الطفل الطبيعي مايصير خارق؟؟

هذا الاستفهام خلاه يرجع يدرس عقل الأطفال من جديد بس هالمرة الاطفال الطبيعين وجمع بيانات ضخمة وكدر يسوي مخطط يوضح المستويات الي يمر بيها الدماغ من الولادة

وتوصل الى: الاطفال يسرع نموهم العقلي ، ويبطأ

تبعا للمحفزات والمحيط الي يعيشون بي

وعليه سوه برنامج يتضمن تدريب وتحفيز للاطفال من الولادة وحسب المستويات العقلية الي يمرون بيها حتى يحصلون افضل نمو للدماغ وعليه الطفل حرفيا يصير (خارق) ويختلف بشكل ملحوظ جدا عن اقرانه الي مايحصلون على اي تدريب او تحفيز

🤔زين شنو فرقه عن منهج منتسوري؟

منهج منتسوري مصمم من قبل الدكتورة ماريا مونتسوري ، هدفه للحصول على طفل مميز ومستقل ويتعلم من اللعب لكن من خلال مؤسسة كاملة مثل الروضه وبيها اركان وموظفين يقدمون هاي الاركان

هواي اسمعهم يكولون مونتسوري اسهل وابسط ومن اسئلهم يا ركن قدمتي او يافترة عمرية مشيتي بيها؟ يكون الجواب مثلا نقره قصص او نلعب العاب ذكاء ... وللتوضيح العاب الذكاء المشهورة مالها اي علاقه بمنهج مونتسوري ويخلون اسم منتسوري عليها بس من جانب تسويقي ... اما المنهج الاصلي ف بي ادوات هواي كلش ومتسلسل ومنتظم

ف طريقة التعليم الحر باستخدام القصص والعاب الذكاء لاتسمى منهجية منتسوري وانما تسمى تعليم حر

📌اما منهج دومان فهدفة تطوير الدماغ نفسه وتغيير الهيكيلة العصبية وموجهه للامهات حتى تطبقة بالبيوت على الرغم من وجود مؤسسة جلين دومان الي ينطي تدريب وتعليم وخطه ويخلي الاهل يكملون التدريب والتحفيز

🤔هل يستحق التجربه؟ ⁉️

💡فعليا نعم يستحق لكن هناك كثير من المعوقات

1️⃣اولها: يحتاج وقت ⏱️كثير للإعداد والتحضير والتدريب .. لكن اذا تكدر الام تحصله جاهز وتطبق مباشر كلش كلش يفرق عليها

2️⃣ثانيا: هواي متصورين أنه هو يضغط على الطفل أو يتعبه أو فد شي ضد الفطره.. لكن هو في الحقيقه العكس تماما..

هو مع الفطره بشكل مبالغ به ..

هو بحث عن الفتره العمريه الي يصير بيها تطور معين في دماغ الطفل واستغله حتى ينشط الدماغ اكثر واكثر ويخلي يبني وصلات عصبيه اكثر واكثر وبالتالي يتطور بشكل مذهل .. وبالتالي هو يحصر النشاطات بفئات عمريه وليس بشكل مفتوح.. وهذا ايضا يعتبر عائق .

3️⃣ثالثا: هو كل منهجه فكرته الرئيسه النشاطات والمرح لكن بمنهاج معين وليس عشوائي .. وبالتالي يحتاج نوع من الالتزام والتسلسل ⛓️ للحصول على نتائج الي وعد بيها..

🤔زين رئيي الخاص بي؟⁦⁉️⁩

اني شخصيا احترمته جدا من قريت اغلب كتبه.. لكن من ناحيه تطبيقيه حلو اذا كدروا الأهل يطبقون جزء منها مو شرط كلها ..

واذا جانت عدهم امكانية وطبقوه كله ف بالعافية عليهم 😍

واول ماقريت قريت منهج الحساب الكمي فد شي جدا راقي ..

30 نصيحه لأول 30 يوم بعد الولاده
1. اول يوم نامي هوايه
لا تعتمدين ابدا اذا نام طفلك بأول يوم و تفرحين و تكولين ابني ينام هوايه فبعدك ما شايفه وره الاربعين
ليش شكو وره الاربعين؟
قمه المغص
و هنا اطلب من كل اللي يكولون نطهره وره الاربعين
انه افضل وقت للطهور هو من عمر يوم إلى ٤٠ مو بعد الاربعين
المهم نامي هوايه بأول يوم
2. رضعي طفلك حسب حاجته من اول يوم و اعرفي شون حاجته
مالك علاقه بالجدول و انه لازم كل ساعتين يرضع الطفل
ابدا
الرضاعه عند الحاجه
3. تعلمي من طفلك
فمو كل البكاء هو جوعان
تعلمي كيف تفرقين بكاء الطفل بسبب الجوع عن الأشياء الاخرى
4. حضري قطرات الغازات
ما تدرين شوكت تحتاجيها
و افضلها الكوليف و قطرات السيمثكون
و تعلمي شون تنطين الكوليف و شون تنطين قطرات السيمثكون و الجرع مالتها
5. حاولي تتجنبين الحليب و مشتقاته اذا كنت ترضعين طبيعي علمود تقل الغازات عند طفلك
6. الاوفرات كلها خل تكون سهله الفتح
ما عندك وقت للازرار
اشتري الاوفرات اللي بيها سحابات و طباكات
7. قسمي الشغل بينك و بين زوجك
و اطلبي اي معونه
فإذا انت ترضعين طبيعي خل تبديل الحفاظات عليه
8. اشتري ضوء خافت بلون اصفر بنهايه الغرفه ضروري
و بالعراق اشتريه لايت قابل للشحن
9. لا تنسين التربيت على الظهر بعد كل رضعه و دائما سويها
10. لا تبادلين الحفاظ راسا بعد الرضعه انتظري شويه
11. اي طفح حفاظات بأول يوم بدلي ماركه الحفاظه
12. مو تنسين تشترين مرهم مع كل تغيير حفاظ أساسه الزنك و هن هوايه
13. علمي طفلك على ضوء النهار و ظلام الليل مبكرا
14. اختاري البلوزات و التيشرتات اللي بيهن طباكات على الاكتاف لان راس طفلك كبير ما يكفي هذه البلوزات و لا يعبر منها
15. اشتري حماله طفل امينه
مهمه و مهمه جدا
و تسوى كل دينار بيها
16. اشتري الكماط السهل الجاهز
و عوفي كماط اهلنا
17. استخدمي الضوضاء البيضاء مثل صوت المروحه او المكنسه الكهربائيه او السشوار
18. انسي واجبات المنزل الاخرى
ما راح تلحكين
19. لا تهملين الملهيه
الملهيه اني و انت ما نحبها
بس فوائدها بأول ٣ أشهر تخلينا و تجبرنا نحبها
لذلك لا تكولين لا قطعيه الها
بس اذا رضاعه طبيعيه اجليها بعد الشهر
20. كثري صور بالأخص اول ايام من بعد الولاده
21. اطلعي اذا تكدرين خارج المنزل
فكابه بعد الحمل خانقه
22. دائما حضري ملابس اضافيه بالجنطه الك و لطفلك لان ما تدرين الحوادث شون تصير
23. استخدمي ملطف الجو ال humidifier
مفيد جدا اذا الطفل عنده خنفره ( انسداد الأنف )
24. من تفشلين باي شي و ما تدبر راجعي الطبيب
طبيب الاطفال
يراجعني اني مثلا طبيبات بمختلف الاختصاصات لان الطفل لا يعرف له أحد بقدر طبيب الاطفال بالأخص اذا كان طبيب الاطفال اب او ام
25. جربي الرضاعه الطبيعيه مع غطوه الرضاعه الطبيعيه حتى و انت بالبيت حتى تعرفين كيف تستخدميها و انت خارج المنزل
26. استخدمي الزيوت الامينه بعد كل حمام للترطيب بس اختاري الأمين مثلا زيت اللوز الحلو
27. تأكدي من حجم الحفاظ
لان اكثر الحفاظات ضيقه على الاطفال
خليه للطفل مرتاح
و اختاريها نوعيه زينه
28. تعلمي كيف تقصين اظافر طفلك بصوره امينه
29. ابدي بروبايوتك من اول يوم للحماية من الأمراض و استمري عليها اول ١٠٠٠ يوم من حياه طفلك لتعزيز المناعه او ببساطه رضعي طبيعي
30. سوي الصفحه شاهد اولا
د. سيف سمير البياتي اخصائي طب الاطفال

📣 قواعد حديثي الولادة - 40 قاعدة مهمه جدا

١- رضعي طبيعي

٢- بلا ثوم على أساس ينزل ابو صفار

٣- كثري شرب الماء

٤- بلا مي و شكر

٥- ڤيتامين "د" من أول يوم ٤٠٠ وحده يوميا اذا رضعتي طبيعي

٦- اللقاح بأول يوم و بأول ساعه و اذا تأخرت لا تتجاوزين عمر الاسبوع

٧- اتركي السره مكشفه

٨- ممنوع الحفاظة تغطي السره.

٩- تأكدي انه طفلك اخذ فيتامين K بأول ساعه بعد الولاده

١٠- رضعي طبيعي .. بس.

١١- بلا شكوى و تململ انه الطفل يبجي لان ما يعرف غير شي يسوي

١٢- تحليل الغربله ضروري ضروري ضروري .

١٣- حديث الولادة إنسان و بيحتاج النظافة ..و يغسل عادي بس لا تنسين اهم شي ما يطخ المي السره

١٤- ممنوع بوس الطفل من الفم.

١٥- الختان بأول شهر احسن شي و كلما أصغر احسن.

١٦- تطعيم التدرن "لقاح الكتف" ..نفضل بأول اسبوع

١٧- زياره طبيب اطفال قريب ضروريه ضروريه ضروريه

١٨- تكحيل الطفل بكل عقلك يكبر العين ؟
هي خلقه رب العالمين مالها علاقه التكحيل

١٩- التهاب العين راجعي عليه خصوصا بأول اسبوع و اذا الإفرازات كثيفه

٢٠- تابعي هذه الصفحه يوميا و اقري البوستات القديمه

٢١- ركزي مع وزن طفلك ساعة الولادة ..احفظيه، و تأكدي منه لان راح يقيس مدى النمو بكل مرحله

٢٢_٦٠٪ من المواليد يصير وياهم ابو صفار و علاجه باغلب الحالات هو الرضاعه بس هذا ما يمنع مراقبته كل فتره

٢٣- ابو صفار يحتاج رضاعة و متابعة أو دخول مستشفى و علاج ضوئي لا يحتاج ثوم و لا بصل .

٢٤- المولود إنسان ..إحساسه بالجو مثلك..بلا المبالغه بالتغطيه و التدفئه و اللف الزايد

٢٥- الشهكه و انسداد الانف و الحازوقه ظواهر طبيعية شويه شويه تقل

٢٦- اشياء تقلقك : الطفل رافض الرضاعة أو ما كادر يرضع ، لونه ازرق بالأخص فمه، نفسه ثكيل و سريع و صعب أكثر من ٦٠ نفس بالدقيقه .

٢٧_اهتمي بنفسك و صحتك حتى تقدرين تهتمين بمولودك..اكلي أكل صحي و متوازن ، بلا أدوية من غير داعي، اشربي ماء هوايه و بلا كهوه و كثره منبهات طفلك ما يعرف يتعامل ويه الكهوه

٢٨- حديث الولادة بينام كتير بس متقطع..نومك راح يتغير هو هذا العادي

٢٩- حديث. الولادة يسمع من و هو جنين فاخر شهور الحمل فاقريله و غنيله قدر الامكان

٣٠- لازم طفلك يصير عنده خروج في أول ٢٤ ساعة ..لو ما صار استشيري الطبيب.

٣١- أنماط الخروج مختلفة عند حديثي الولادة..اكو طفل بعد كل رضعة يصير عنده خروج و اكو طفل يعمل مرة في اليوم. و اكو كل ٣ ايام مره و اللي على الرضاعه الطبيعيه ممكن يمر اسبوع يلا يصير عنده خروج

٣٢- النوم على البطن ممنوع ..إلا بعد الرضاعة للتجشؤ و انت كاعده و طفلك كاعد .

٣٣- غيري الحفاض من ٥ إلى ٦ مرات يوميا و جففي جيدا. و ادهني منطقه الحفاظه باي مرهم يحتوي على الزنك.. بهيجي طريقه راح تحميه من التسلخات.

٣٤- لو بنت اتأكدي من وجود فتحة المهبل..لو ولد اتاكدي من وجود الخصيتين و شوفي فتحة البول للذكر في مكانها و لا لأ..

٣٥- الأب: وينك يا معود ؟! ..مشتاقين و الله

٣٦- صحيح الرضاعه الطبيعيه مانع حمل بس تأكدي من منع الحمل الا اذا كنت راغبه بطفل آخر
خلي فاصل بين طفل و آخر و تأكدي من منع الحمل بعد ولادتك للطفل

٣٧- طفلك يبجي هوايه ..عليك تخمنين شنو السبب و مع الوقت راح تفهميه.
جوعان _رضعيه ،، شبعان و منفوخ _حركي رجله بايسكل و طبطبيه،، عنده مغص دلكيه ،، يريد احد يشيله شيليه ..ماكو شي اسمه عوفيه يبجي حتى يتعود على الشيل..هو إنسان و عايز اهتمام مو اكثر

٣٨- ارتفاع درجه الحراره و السعال في حديثي الولادة مو طبيعية و مو حميدة ..لازم دكتور و تحاليل.

٣٩- حبي طفلك ..ولد أو بنت..أسمر أو ابيض ..سليم أو مريض.

٤٠- مع نهاية الشهر الأول الطفل يبدأ يبتسم لو لاعبتيه ..لو يبجي و تكلمتي معه راح يهدأ ..
اتعاملي معاه على إنه إنسان محتاج غذاء و ماء و مشاعر
د. سيف سمير البياتي
اخصائي طب الأطفال
كم وحده من الأربعين سويتي؟

#جهاز_قياس_السكر_بدون_وخز..
دراسة بريطانية تؤكد أن أستخدام جهاز ( فري ستايل لبري) قد ساهم في تقليل نوبات هبوط السكر لمرضى السكري من النوع الأول بنسبة ٨٠ بالمئة..
جهاز فري ستايل عبارة عن جهاز إلكتروني ومعه شريحة لاصقة بالجلد.. ويتمكن الجهاز من قراءة مستوى السكر بالجسم بمجرد تمريره على الشريحة اللاصقة حتى لو كانت تحت الملابس ومن دون الحاجة الى وخز الجلد وبعدد لا محدود .. ويعطي معدل قراءات السكر خلال يوم او اسبوع او شهر او ثلاثة أشهر ويمكن ربطه على الحاسوب لمعاينة جداول قراءات السكر
يجب تبديل الشريحة اللاصقة كل أسبوعين..
ومن أشهر الأشخاص الذين يستعملون الجهاز رئيسة الوزراء البريطانية السابقة تيريزا ماي..
طبعاً الجهاز موجود في دول جوار العراق.. وموجود في بغداد بسعر أغلى قليلاً..
وقد تم أعتماده في دول الأتحاد الأوربي..
.. طريقة تركيبه موجودة في اليوتيوب..
وياريت اللي مستعمله يتكلم عن تجربته مع الجهاز..
الجهاز مصنوع منه ثلاث أجيال
الاول القديم للقياس ولايربط مع الهاتف الا بأستخدام جهاز ملحق ..
الثاني يقيس السكر كل دقيقة ويربط مع الهاتف ويرسل تحذير الى الهاتف في حال الصعود والهبوط
الثالث الأحدث وله نفس مواصفات الثاني وحجمه اصغر ويمكن ربطه عن طريق الانترنيت بعدة هواتف
👈👈 ملاحظة مهمة .. انا لا أبيع ولا أعمل أعلان للجهاز.. فقط أنقل الحقائق العلمية لفائدة متابعي الصفحة .. لذلك لن أتكلم عن مكان بيع الجهاز ولا عن سعره..

مع الامنيات بالصحة والسلامة 🌹
د. داود سلمان
أستشاري طب الأطفال والهرمونات والسكري

🔴اول اكله للطفل
دائما اكول ما اكو جداول بالاكل للاطفال و انلغت
بس اكو قواعد اساسيه نبني عليها خيارتنا باختيار اول اكله للطفل
اول قاعده هي شوكت نوكل الطفل ؟
٤ اشهر لو ٦ اشهر
اللي يكولك ٦ اشهر مو خطا لان منظمه الصحه العالميه تكول الاكل من ٦ اشهر و فقط حليب الام بأول ٦ شهر
و اني من جماعه الاكل بال ٤ اشهر لان البحوث الجديده تكول انه التحسس يقل اذا اكلتي طفلك بال ٤ اشهر إلى ٦ اشهر
و طبعا وفقا لشروط
أولها انه الطفل ضاعف وزن الولاده
و ثانيا انه بدأ يسيطر على راسه و يرفعه
و وثالثها انه من ينام على بطنه يرفع صدره
و أخيرها انه من تخلين الملعقه بحلكه ما يدفعها بلسانه
.
.
لهنا اني كاتب عن هذا الموضوع
طيب شنو الاكلات اللي تنطي بالبدايه
حتى تختارين اول اكله تاكليها لطفلك اختاري اقل اكله تسوي تحسس و انتوا اكتبوا شنو هذه الاكلات؟
عن نفسي جدا افضل تبدين بالرز
و بالأخص المنزلي
لان غني بالحديد
و سهل الهضم
معتدل الطعم
و بعدها ضيفي للرز الخضراوات اللي تعرفين انه ما تسوي تحسس و ما سامعه انه تسوي تحسس مثل منو؟
البطاطا
القرع
الجزر
الشجر
الفاصوليا الخضراء
و غيرها
و من الفواكه اختاري نفس الشي مثل الخوخ
و بعدها سهله كل ٤ ايام ضيفي اكله جديده
و اللحم؟
الدجاج اولا يدخل بتكوين الشوربات من البدايه
و بعدها اللحم
انصدم من امهات يكولون ما نوكل لحم الا بعد السنه !!!
زين مو الحديد خلص بال ٤ اشهر إلى ٥ اشهر
اقلها وكلي بعد ٦ اشهر اذا خايفه
البيض؟
براحتك بعد ٦ اشهر و لا تنسين القاعده
منو يسوي تحسس الصفار لو البياض؟
إذن الصفار اولا لان يسوي تحسس اقل
بعد ٤ ايام عادي ضيفي البياض اذا الامور اوكي
منتجات الحليب؟
بعد ٦ اشهر
يعني بالمختصر بعمر ٤ إلى ٦ اشهر انطي الاكلات اللي هي اقل اكلات على مقياس التحسس و بعد ال ٦ اشهر شويه شويه زيدي
ارجع و اكول
اذا انت قررتي تبدين بالشوفان او الفواكه او اي شي تحبين فأنت مو غلط
هذه خيارتك و هي محترمه
بس اني خليتلك الخطوط العريضه للأكل
و انت حره
بس اهم شي لا تنسون
الحليب مهم و ضروري اول ٦ اشهر
بعد ٦ اشهر تتراجع اهميته
و بعد السنه يصير ثانوي جدا
و ما نريد نشوف مميه بفم اطفالنا بعد السنه و ٣ اشهر حتى نحافظ على تركيب أسنانهم الحلوه
آخر شي الاكل الجاهز لو اكل البيت؟
اكل البيت
اكل البيت
اكل البيت
اكل البيت
اكرر لو ما يحتاج بعد؟
اكل البيت لان جاهز طازج نظيف ما خايفه عليه من الخزن و سوء الخزن و المواد الحافظه
و اكيد اصرف و اقتصادي أكثر
د. سيف سمير البياتي اخصائي طب الاطفال