رجوع زينب الى دار الحسين عليهم السلام
~~~~~~
يادار الولي چنچ نسيتيني
انه ام الخدر يالماعرفتيني

🕸🕸🕸🕸🕸
زينب هاي انه يادار ولياني
غيرني الزمان ابموتت اخواني
هسه ام الحزن والظيم عنواني
محنيه اجيتج ما تشوفيني
🕸🕸🕸🕸🕸🕸
اهناك ابكربله انمرد دلالي
على الوليان اجيت مغبره احوالي
ادري والنزل منهم صبح خالي
بيچ اشكد كعدنه ماذكرتيني

خادمة أهل البيت ام أبراهيم الحلفي
🕸🕸🕸🕸🕸🕸
بيج اشكد كعدنه وسولفت لحباب
انه رديت الج ومصوبه اصواب
راحو كل اهلنه والكمر غاب
والج يادار اواسيج وتواسيني

ام ✍🏻زين العابدين لمحمداويه
🕸️🕸️🕸️🕸️🕸️🕸️🕸️🕸️
يادار المجد ياحيل اذتني
مظلمه خلاف راعيها وبچتني
حيلي منهدم الحيطان شبگتني

تگلي اهلچ مشو گامت تحاچيني


ام ✍🏻علي المالكي
🕸️🕸️🕸️🕸️🕸️🕸️🕸️🕸️
عاميني الدمع ونوح والحسره
كلبي اعله الاهل مكسور الف كسره
انه كسري جبير وما اضن يبره
ولج يا دار انوحن حيل خليني
ام ✍🏻رحمه الگاظميه
🕸️🕸️🕸️🕸️🕸️🕸️🕸️🕸️🕸️
زينب هاي انه يادار الحزان
حسافه هالدهر خذ مني الاخوان
مكسوره اجيت مشيبه الجفان
يادار اخوتي هاليوم عزيني
✍🏻سلمى أم جعفر
🕸️🕸️🕸️🕸️🕸️🕸️🕸️🕸️
رديت ابهضم والروح خلصانه
صحت ابصوت وين العاشو اويانه
محد كام للباب اوتلكانه
صحت انه ابهضم والدمع عاميني
ام ✍🏻علي السماوي
🕸️🕸️🕸️🕸️🕸️🕸️🕸️🕸️
تمت بعون الله بقلام شاعرات رابطة سيد الشهداء عليه السلام غير مبري الذمه الي يحذف الاسماء او يتلاعب بيها
https://t.me/cdeut