القصيده؛؛؛بحق الامام العسكري
بقلم؛؛؛ام علي المالكي


الليله يعالج المسموم
والدنيا خلص منها
__________________
خلص من گوم اعاديها
اخباره من يوديها
قصته سولفوا بيها

سامره كثر ونها
الليله يعالج المسموم
والدنيا خلص منها
__________________
ابو المهدي گضه مسموم
ووليده صبح مهظوم
من جور العده مهموم

داره مبتعد عنها
الليله يعالج المسموم
والدنيا خلص منها
__________________
گضه بالسم يجر اونين
مات وغمض العينين
انعازي جده ابو الحسنين

العمامه اوياه اوسدنها
الليله يعالج المسموم
والدنيا خلص منها
_________________
وليده گلبه شيجبره
ناده جدته الزهره
على المسموم اجر حسره

الدنيا اظلمت چنها
الليله يعالج المسموم
والدنيا خلص منها
___________________
نعازي المهدي الليله
نواسيه ونشد حيله
علينه امصيبته اثجيله

الشيعه زيدت ونها
الليله يعالج المسموم
والدنيا خلص منها
___________________
تمت القصيده بعون الله تعالى ونسألكم الدُعاء لي والوالدي
https://t.me/cdeut