وحدة قعدت أكثر من سنة مخطوبة و مقالتليش و بعد سنة أعلنت خطوبتها درت روحي متفاجأة ومخليتهاش تحس أني عارفة ، وأنا صراحة مزعفتش منها
وأخرى كنت معاها وتجهز أوراقها للسفر و أنا درت روحي معلابالیش و بعد ما سافرت قاتلي وماحسستهاش و درت روحي أني أول مرة نعرف وفرحتلها بزاااف.....
واحدوخرا كانت حامل كان حلم عمرها تكون أم وأنا عرفت وكان في خاطري نقلها و نعبر لها شحال فرحتلها بصح مقدرتش لأنو معرفتش منها هي....

ببساطة رد فعلي ما هي إلا احترام لرغبتهم في أنهم يستعينوا على قضاء حوائجهم بالسر والكتمان .. وصية نبوية وفيها بزاف حكمة♥

حتى لو انا عرفت أو خبروني منحاولش نجبر هذاك الشخص يقول حاجة مش حاب يقولها ... خلي لي حاب يخبي حاجة يخبي
متكونيش معدومة الذوق وتقعدي تسقسي وتحوسي مور الناس..
ماشي لازم كي يخبو يكونو خايفين من حسد ، ساعات يكون الشخص فيه تفاصيل ، ومش حاب يهدر فيها
ممكن يكون مش قادر يرد على الأسئلة تاعك ، خصوصيات الناس معندهاش علاقة بدرجة القرب إطلاقا طالما انو ميضركش ولا يأذيك ..إذاً معندكش الحق تزعفي منو أبدا...

قال رسول الله : من حسن إسلام المرء تركه مالا يعنيه
وقال: استعينوا على قضاؤ حوائجكم في السر والكتمان"

لكَاتِبـته🌸🍒