✍مخزن قصائد للشعراء✍

يا جرح الزمـان .. يا مصـدر أمــان
يا أجمل سليب .. يا معنـى الحنان
ــــــــــــــــــــــ
لحظة الـذبـِح .. منها والصبح
سلمك زمــامه
الدم نزل نده .. منها و إبتده
مِشعَل الكرامه

حَتّه كتّالَك تِعَجَّب .. ساعه صافن بيك
ورَمْلَت الطف قَبِّلَتَك .. واستحت تچويك

من ضاگت دِماك .. ضاعت وي سِمَاك
لليوم الرمــال .. تقــره بمُحتـواك
ــــــــــــــــــــــ
وانته تنسِحِگ .. ينولد عشگ
يدخل الضماير
وانته تحتِضِر .. ينزف العطِر
يإسر المشاعر

عطرك الـ شَمّتّه زينب .. والگلب محروگ
والسَنَه العاشَتها بعدك .. بيها ماتت شوگ

وميمونك عجيب .. والأمر الغريب
من شافك ذبيح .. مات من النحيب
ــــــــــــــــــــــ
جسمك الوِصَلْ .. والصبح ذِبَل
يعلن المناحه
رمحك ارتفَع .. والزمن سِمَع
مُستَهَل جِراحه

والدهر ضل مستعِدلَك .. والشعور يهيج
إنته رِكضتلَك ملائك ..ركضَة اطويريج

والكون ابعزاء .. يبچي الـ كربلاء
دُوْرَت حاجِبيْك .. محنيّه السماء
ــــــــــــــــــــــ
امجنِنْ البَشَر .. تمشي من بَحَر
والنَحَر تِجِيله
عدها مُعتقَـد .. ما غيرك ابد
يا أحَبْ وسيله

مانِلُوم الوادم إنطَتْ .. عالضريـح إيدين
من سفينة نوح أكبر .. خنصرك يحسين

يا أجمل صريع .. والنحر الگطيع
يابحر الدموع .. والمَركب وسـيع
ــــــــــــــــــــــ
وانته تِنْظِلُم .. ينولد لَطُم
عمره للقيامه
وانته تنسلِب .. ينولد مُحِب
يعشَگ الخدامه

احنه ماشاهَدنه طُولَك .. كل دقيقه انموت
ومن يِحِل يوم أربعينك .. تِنهِجِـر لبْيُوت

يبو گلب الحنين .. خيمة زائرين
وسِر هاي الحياة .. إمحرّم وأربعين
ــــــــــــــــــــــ

مهدي التقي

112 0 0

✍مخزن قصائد للشعراء✍

8 Oct 2023, 14:32

يليل التاسع إصبر والحچي إهـواي
علي الأكبر عقيده وعطّش الماي
يعطَش وهوه طوفان ؟
دين إبهيئـة إنسـان !
ـــــــــــــــــــــ
يليل التاسع أوگف .. فَصِّل كلشي بالّطف
لعلي يراد تسعه من الليالي
هم عندك خبرهن .. المقتل مختصرهن
سطرين اعله دينه ما حچالي

الآيه .. سوره الحسين وچن علي الآيه
إمرايه .. وگبال أبوه من يوگف إمرايه

الهاتف حين ناده الأكبر إشگال ؟
بس هاي الروايه إبتسعَةْ إليَال
منطق كِـلّه قرآن
دين إبهيئة إنسان !
ـــــــــــــــــــــ
لَتْحطّ إلعلي حَدّ .. سولف عن محمد
علي مو منّه مآخِذ بس جماله
چان اشكبره بالطف .. شاب وچنه مصحف
علي بالطف وگف صاحب رساله

إمصيبه .. صح من توذّر چانت إمصيبه
هيبه .. إبنصّ المُعسكر چان إله هيبه

عَلَى الحگ گلّه بويه دام ماشين
سهله انموت كلنه ويسلم الدِّين
صاح ومَدْ لَه شريان
دين إبهيئـة إنسان !
ـــــــــــــــــــــ
سولفلي اعله دينه .. علي يشبه علينه
سولف عن سماحة علي الاكبر
إشرح عن وجوده .. شيگول ابسجوده
شنو معناة نسخة جَدّه حيدر

ساجد .. بالصفّ الأول بالحرب ساجد
عابـد .. من زغره للطف وانقتل عابد

بَعَد تسبيح فاطم بِرَز وانصاب
يشبه علـي وهـذا وذاكَ محراب
ينزف طيبه وإحسان
دين إبهيئـة إنســان !
ـــــــــــــــــــــ
شِبْه حسين يمشي .. مآخذ منه كلشي
علي العابد الزاهد مثل أبيّه
يَـ ليل التِسعه قَيّد .. أبوه للجنّه سيّد
وعلي سيّد شباب الغاضـريه

جامِع .. كل الخصال البالسِبط جامِع
طالِع .. چان أعله مَبدأ مو أَشِرْ طالِع

خطّ حسين خطّه ومن خرج صاح
يا ناس احنه جينـه لَجْل الإصلاح
هيچ إشرح علي چان
دين إبهيئـة إنســان !
ـــــــــــــــــــــ
علي غِيره وحميّه .. مو شَرْبَة أميّه
ذاك الكاس الأوفى يشوفه أحله
من عباس هِمْتَه .. خادم ضعن عمته
إشما زينب تأمره يگلها سهله

غِيرَه .. من راسه حَدْ جِدمه إنترس غيره
سِيرَه .. چا عمـره مو بـس كربله سـيره

وي دين الله عنده إهواي وگفات
هيچ إشرح جوانب مو عِطَش..مات
مو بس عمره ميدان
دين إبهيئـة إنسـان !
ـــــــــــــــــــــ

مهدي التقي

82 0 1

✍مخزن قصائد للشعراء✍

8 Oct 2023, 14:32

الهجوم على دار البضعة الزهراء (سلام الله عليها)

خَل تنفطُر سابِع سِمَه
كِسرَوا ضلِع من فاطمه
و اَصرخ ياديّان يارحمان إرحمنه
ــــــــــــــــــــــــــــــــــــــــــــــــــــــــــ
زينب وضيم الشِلتَه مَتشِيلَه اچتاف
ابخامِس سنه وشفت الذي ما ينشاف
هِجموا على دار الرسول الأجلاف
عِصروا النور وفُصِّلَت والأحقاف

أهل الغدر ما تستحِي
هِجمَت على دار الوحِي
ما حِسبوله احساب كسر الباب يهضمنه
ــــــــــــــــــــــــــــــــــــــــــــــــــــــــــ
جِمعوا حطبهم و اِلتهَب باب الدار
وعايَنِت وجه الوالده أصفر صار
البسمار حار امن اللهَب من النار
صوَّب صدرها و إنچِوَت بالبسمار

محسِن وگع ، ظَل منصرِع
و اتگمّط ابدم الضلِع
سكته ودمعي الصوت ليش الموت يحرمنه
ــــــــــــــــــــــــــــــــــــــــــــــــــــــــــ
شفت امّي خلف الباب خامِد حِسها
لمّن توِن رجل النَذِل ترفسها
يبچي الحسين وصاح لا تلمسها
خافن تموت وبعدي ما بايسها

يَحْبَيبه ناداها ورِكَض
والحسن من كيفه نِهَض
صاحوا كافي وروح خاف اتروح روح اُمنه
ــــــــــــــــــــــــــــــــــــــــــــــــــــــــــ
سِمعَت علي امچتّف مِشَه وألّمها
وطلعت تريد اتصِد وضع بِن عَمها
رَد إلها قنفُذ عالوجه يلطمها
گالتله آني فاطمه وشتّمها

تمشي وتطيح اعله الترُب
أزرگ متنها امن الضرُب
صاحت يابوحسين رايح وين ظَل يمنه
ــــــــــــــــــــــــــــــــــــــــــــــــــــــــــ
رجعت الزهره والمُهَج ملتهبه
گد ما تِگع حتى العَبايه امتَربَه
گالت ييُمّه ابخدّي شوفي الضربه
وگالتلي شِيلي محسِن امن العَتبَه

سِألِي الحسن خاف انقِهَر
لمّن نِظَر خدّي انسِطَر
يازينب ننصاب والأحباب تلچمنه
ــــــــــــــــــــــــــــــــــــــــــــــــــــــــــ
رَد حيدر امن المسجد وننتظره
اعمامته مفلوله وينوح ابحسره
وشفت اُمّي خلّت ايدها اعله السطره
ماريدك اتعاين اعيوني الحمره

دَنَّگ علي ودمعه نِزَل
طاح وأحِس گلبه خِجَل
يصرخ عِذريني امگيديني وألّمنه
ــــــــــــــــــــــــــــــــــــــــــــــــــــــــــ
گادوني اخوتي والصبر ضيّعته
وحتى الحجر لمّن نحِت شيّبته
يشبگني اخوي احسين و آنه اشبگته
وشابگني يوم العاشر اتخيّلته

أُمنه الحبيبه و رايحه
خلّونه نقره الفاتحه
يادهر الغدّار و احنه ازغار يتّمنه
ــــــــــــــــــــــــــــــــــــــــــــــــــــــــــ

٢٥ / ١٢ / ٢٠١٤
كرَّار حيدر الخفاجي

الناشر الحاج فلاح حسن

66 0 0

✍مخزن قصائد للشعراء✍

8 Oct 2023, 14:31

مقدمه للزهراء ع
++++++++++
اگضيتي عمرچ گاعده حدر المنابر
الليله انتي ام العزه وحسين حاضر
يازهراء. يازهراء
+++++++±+++++

حسين هنياله اليشوف ادموعه
لو بعدها الونه مامسموعه
امنيله يالزهره ويدگ اضلوعه
يكسر الخاطر يزهره بلوعه
يمه يمه لو بچه مجروحه ونته
تارسه المجلس عله الزهره نحبته
يا زهراء يا زهراء

هسه واگف شارك اللطامه
الدائره ابنصها ويدگ عالهامه
امحزم ابرمحه ويجرحه حزامه
يمسح ابايده دمع خدامه
لابس احمر ليش مالابس سواد
جالچ ابنفس القميص الفوگه باد
يازهراء. يا زهراء

حتما اويه حسين عباس ايحضر
باطرف المجلس خجِل طبع الگمر
للزجيه باللطم ليش اعتذر
راد چف ايلوح صدره وماگدر
ضل يدگ بزنوده فوگ اخدوده
شاف زينب بالعزه موجوده
يا زهراء يا زهراء

ابمجلسچ يتلاگه وي ام البنين
جايبه اوياها العليه للحسين
اتگابلن هيه ورقيه بالانين
وبمصاب الزهره كلهم حاضرين
وياي امشي للمدينه چن تگول
انه وانته نبچي يم گبر البتول
يا زهراء. يازهراء
++++++++++
والرضا هم يحضر الليله الغريب
والحبيب ويلتقي ويه الحبيب
يحضر الموعود من يعله النحيب
اينادي صوت المنتضر امن يجيب

بالفرج ادعولي من هذا الحضور
بجاه ضلع الزهره عجل بالضهور
يا زهراء يا زهراء

_____
الشاعر ثائر الربيعي
••حلم مذبوح ••
الناشر الحاج فلاح حسن

83 0 0

✍مخزن قصائد للشعراء✍

6 Oct 2023, 19:48

#تصميم
لوكو بوسترحسيني شعار

لـطلــب⇙⇙⇙⇙⇙⇙⇙
@Alidgyu

118 0 0

✍مخزن قصائد للشعراء✍

5 Oct 2023, 05:14

ياعشك اهلنه الكلبك اخذنه

ــــــــــــــــــــــــــــــــــــــــــــــــــــــــــــــــــــــ

ورثنه من اهلنه لك كل عشكنه
عله الفطره حبنه هوينه هوينه

شكرنه الله كلنه خدم عدك احنه
بعزائك كبرنه وبجينه وبجينه

احنه غزر بينه ملــــــــــحك من كلينه بزادك
وانت من كــــــــد ماحنين تحبنه مثل اولادك
نحبك ومابينه نحـــــمل ساعه وحده ابعادك
كــــــــــودنه الكلبك وخذنه ويخسر المارادك

ونحبك احنه الكلبك اخذنه

ــــــــــــــــــــــــــــــــــــــــــــــــــــــــــــــــــــــ

حصاد الخدامه الدمع عل يتامه
نعيش بكرامه بخدمته بخدمته

يواهس لطمنه عله الزهرة أمنه
يتوسم صدرنه بلطمته بلطمته

احنه خالقنه الله حته انصير من خدامك
انت من تعطش نجيك انطيح مي جدامك
ندعي كون يطك كلبنه سهم من اسهامك
هاك اخذ مدمعنه بيدك رشه فوك اخيامك

ينبضت كلبنه الكلبك اخذنه

ــــــــــــــــــــــــــــــــــــــــــــــــــــــــــــــــــــــ

اشكثر بينه واهس نحب المجالس
معلــــــمنه عابس نحبك نحبك

ينسمت هوانه جمالك خذانه
شكثر دللانه يكلبك يكلبك

دللتنه اهـــــــواي انـــت وكبرتنه بخيرك
والله اكبر زحمه نعشك يبو الاكبر غيرك
انت ابونه وبالزغيره وبالجبيره انشيرك
ياحـــلم وبعين زينب مو سهل تفسيرك

يراحت تعبنه الكلبك اخذنه

ــــــــــــــــــــــــــــــــــــــــــــــــــــــــــــ

مدام انت يمنه الخلك ماتهمنه
يراحت تعبنه يضامي يضامي

لك يابو الاكبر العشك بينه يكبر
طلب ماهو اكثر يضامي يضامي

انريدك اتســجلنه باجر وي حبيب وجونك
احنه ناس انموت لو من يمنه درت اعيونك
الخدم مثل الهوه يــــــابو سكينه يشتمونك
الدنيه مــــــــــارادوها كلها وانت ليريدونك

بسمك هتفنه الكلبك اخذنه

ــــــــــــــــــــــــــــــــــــــــــــــــــــــــــــــــــــــ

وحك جف عضيدك احبك وريدك
احط ايدي بيدك منيتي منيتي

حلم عمري اشوفك وقبل جفوفك
ابد ما اعوفك وصيتي وصيتي

احمد الله انه وشكره جـــي صرتلك خادم
وجي احبك حيل انــــــه حاسديني الوادم
بضهر ابوي انــــــــه بعدني وبجمالك هايم
كلشي بيها الدنيه فاني وانت تبقى الدايم

جمالك سحرنه الكلبك اخذنه

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

171 0 1

✍مخزن قصائد للشعراء✍

5 Oct 2023, 05:14

كون اكسر اضلوعي الك واللطمه مو كافي
لو ينگطع نحري الك يحسين ما وافي
دم اودمع كون بدموع العيون

انت الكريم الغركتني بخيرك وافضالك
اشهد وجودي وكل حياتي ياحسين بجالك
بخير اعيش اني وهلي وانت بخرابه اعيالك
ريت السيوف تگطع اب اوصالي مو اوصالك

من اشرب الماي واذكرك تخجل اشفافي
اني ارتوي وانت بضمه وفوگ الترب غافي

الحرگه اعله الضعون بدموع العيون

من زغري ربوني هلي ورادوني من خدامك
من يطلع اهلال الشهر كالولي شد احزامك
وانه انتظر فوك الجمر يمته تجي ايامك
ليلي وصباحي سيدي يوميه اعيش الامك

من الرضاعه محبتك مو هسه حبيتك
من المهد حتى اللحد خادم انه بيتك
وعل خدمه ممنون بدموع العيون

عطر المجالس واللطم بيهن تطيب اجروحي
واشتاگ لثياب الحزن ولمجلسك ولنوحي
متهمني كل هاي البشر اليهمني بس مذبوحي
ياروحي انته سيدي واشلون افارگ روحي

ناذر حياتي المجلسك يحسين تدريني
خادم ردت ويه الخدم كونك تخليني
ويه اليواسون بدموع العيون

متحيره أقلام الشعر عن الحسين شتكتب
اكتب ردت عن منحرك لاكن جروحك تعتب
الف وتسعميت جرح بيش ابدي وشلون احسب
حتى القصيده ويه القلم گامت تنوح وتندب
الف وتسعمية جرح كلهن تبچيني
بس للبچي ونوح وحزن ناذرهن سنيني
ويه اليخدمون بدموع العيون

من هل سنه اني انتظر جيت العزاء القادم
سجلني من اهل العزه واحسبني يمك خادم
اليخدمك يصبح ملك خلها تلومه الوادم
انت عزائك مدرسة خلاني واعي وفاهم

يحسين اني بخدمتك ماعندي كل غايه
وي دمي يسري هالعزه واعشگها القرايه
بيك انا مجنون بدموع العيون

محمد صادق الدراجي

122 0 2

✍مخزن قصائد للشعراء✍

5 Oct 2023, 05:14

نزله للأمام العباس عليه السلام
..
ابو فاضل. ابو فاضل .......... ابو فاضل.. ابو فاضل

طبها المشرعه بزوده وفنه اليگرب حدوده
حالف ينترس جوده وصل يم النهر
بيده رفت الرايه منطي لزينب احجايه
اخذ من النهر مايه. كفو من الگمر
ابو فاضل. ابو فاضل .......... ابو فاضل.. ابو فاضل
...................................................................
چثث تطاير بسيفه يصول بوحده وبكيفه
من الجيش اخذحيفه بعد راعي العزم
ياهو بقوته وحيله ابد ما يغفه عل عيله
زلمتهم لبس شيله اذا بيهم زلم
ابو فاضل. ابو فاضل .......... ابو فاضل.. ابو فاضل
..................................................................
فرسان العرب كلها طب المشرعه وذلها
واعد زينب وگلها أرجف كربله

الفكر يدنه لخيامه يعني تقوم القيامه
كلها اگصار گدامه فقط هوه اعتله
ابو فاضل. ابو فاضل .......... ابو فاضل.. ابو فاضل
..................................................................
طبها بخزرة اعيونه ماكدرو يلزمونه
عالي ومايلوحونه ابن فارس بدر

وجه بوجه لاگاها تبجي الزلم خلاها
كل القاده ذلاها كسر خشم الشمر
ابو فاضل. ابو فاضل .......... ابو فاضل.. ابو فاضل
..................................................................
ياهو الراد يدناله ابوفاضل تعناله
من ظهر الفرس شاله كطع منه النفس

صاح ابصوت ابرزولي ها فنكم تطعلولي
اشعدكم زلمه جيبولي اسحكه بالفرس
ابو فاضل. ابو فاضل .......... ابو فاضل.. ابو فاضل

محمد صادق الدراجي

80 0 1

✍مخزن قصائد للشعراء✍

5 Oct 2023, 05:14

كل مغرب انتظره _ تسبيحت الزهره _
عمري على عمره_ انه ام البنين
****
حسين من يوم العرفته _ عندي هذا احله يوم
تعودت بس بسمه الهج _ حته من اكعد واكوم
سافر وكلبي لجمني _ عيوني مامر بيهه نوم
ناذره لوجه الله نذري _ عمر من يرجعلي اصوم

لجيته اعكد الشيله _ بس يرجع ادعيله _
مايدري جم ليله _ ماغمظت العين
****
اليحب لازم يظحي _ بهل المثل عندي قصد
حسين اعز من روحي عندي _ وحته اعز من الولد
الموت كل مغرب يجيني _ عالدرب خالي اصد
من يرد سالم واشوفه _ الدنيه اترسهه ورد

اشبع بجي ابابه _ كاتلني يغيابه _
ارد اشبك اثيابه _ واشتمهه مرتين
****
حسبه تاخذني وتردني _ منه ما جاني جواب
بظعن ابو اليمه بنيني _ لوجهه مطيتهم ثواب
انتظرته ساعه ساعه _ ويمرد ابروحي الغياب
بالشمس يوميه اكعد _ انتظر سيد الشباب

من الدار امل واطلع _ بلكت خبر اسمع _
كالو فلا يرجع _ بسج تنشدين
****
محظره لليل اليجيني _ شموع احظرهه العصر
ابابه اشعل شمعه شمعه _ وابقه بحسين انتظر
ياهو يوصله ويخبره _ راح اموت من الهجر
فراك ولدي شوايت الله _ فراكه ظكته فراكه مر

حيل نشغل بالي _ انشد عله الغالي _
مو زين ابد حالي _ منتظره الحسين
****
بدمعي اسير عالعليله _ لدار ابو صدر الوسيع
تبقه تبجي بحظني تكعد _ وشايله اهدوم الرضيع
جن خريف سنيني صارن _ عكب ما جانن ربيع
من كثر مابحسين افكر _ كمت بين اجروحي اظيع

كلما تلاكينه _ زادت بواجينه _
عنه محاجينه _ نخلصهه بونين
****
تمت _ علاء الزيدي

74 0 1

✍مخزن قصائد للشعراء✍

5 Oct 2023, 05:14

ابلا امل جاي انتظر الراحو ايردولي
بس ثوب السود والحزن وذكرت الم خلولي
عن عيني صح غابو بس بالكلب عاشو
@@@@@@@@@@@@@
راحو وخلوني بغرب والحسره تاكل بيه
ليل ونهار انه انتظر من احبابي انطر جيه
للغالي لو حن الكلب يطبك هواها الريه
ضليت شجره بلا ثمر محد يحن اعليه

راحو بدون اسباب وكلشي بجفاهم غاب
عالاقل منهم لو عطر احبابي ايودولي
@@@@@@@@@@@@@
طبع الهلا اتعوفه ابغرب يكدر يدبر حاله
بس انه ماعدي امل والحيل باقي وشاله
مهظومه جن شيخ ابسلف والعبد جفا ادلاله
وحسين من عني مشا ذكرا ولا خلاله
لمن شفتهم يجفون حسيت ماعدي عيون
حسبو كلشي بالدرب بس انه ماحسبولي
@@@@@@@@@@@@@@
ما ارد اعاتب والعتب ادري يأذي المجفين
بس ارد اكلهم ياهلي حالي بعدكم مو زين
لا حيل عدي ولا صبر ولا دمعه ضلت بالعين
ضليت بس روح ونفس وانه بعداد الميتين
مابيه حيل اعله الصوت العافو هله حكه يموت
لحبابي ونيت اشكر بس همه ماونولي
@@@@@@@@@@@@@@
مافكر ابروحي ابكثر مافكر ابطاريكم
مو دم دليلي ياهلي لا كلبي ينبظ بيكم
بعيوني احطكم مو دمع لا شوف اشوفن بيكم
كل هذا ومقصره احس شماسوي ماوفيكم
اليمكم الف هيعونه وبيكم يكحل اعيونه
هم مثل ما انه اون وبجي انتو هم تبجولي
@@@@@@@@@@@@@@
والله اليتم ذله اليتم يالبيه ماوصيتو
يالبس مناحه وبس دمع ابحالتي اشخليتو
اشكد الكم اشتاك الكلب وانتم ولا حنيتو
يهل الوفه وين الوعد بالوعد ماوفيتو
من افراكم مو مليت ابلايه اهل وحشه البيت
جاي انحني وحالي ذبل والفركه باكت طولي

جليل البديري

80 0 2

✍مخزن قصائد للشعراء✍

5 Oct 2023, 05:14

اربعطش شمعه _ لاربعطعش عمره
بخرته بالخيمه _ بسم الله والزهره
كلت افرح بيومه// بس نادته الحومه
*****
كشخ ابن الحسن بعمامته الخظره
وعن عين الحسد آيات اله اقره
شعلت اربعطعش شمعه عله كد عمره
كتله اليوم اريدك عمك اتنصره

تشابكنه بالخيمه _ودنك يحب ايدي
عمك بقه الوحده _ روح اركض اوليدي
حظرت اله اهدومه // بس نادته الحومه
*****
جبت راية عمامه وكظهه المعدل
مو بشموعه اشوفه بسيفه يتغزل
بثواب الزهره كتله جاسم توكل
إذا سالم تجيني احسبني راح ازعل

اوكع جبل يبني _ احفظ هالحجايه
فرح وجه عمك _ وحيل ارفع الرايه
دمك غله سومه // بس نادته الحومه
*****
نبض عرك الهواشم عركت الكصه
وكال حسين اله بدمي بعد حصه
المواقف صح فرص مادام اجت فرصه
يلسان الشمر القاسم اجه يكصه

لمن لبس درعه _ يستشهد اتمنه
كله يبو اليمه _ ماريدن الحنه
واحسبهه محسومه // بس نادته الحومه
*****
صحت عماته كومن ركضن بلهفه
تعالن للمنيه القاسم نزفه
بعد اشويه دمه حنته بجفه
بعد اشويه تنحز ركبته الترفه

ودعنه خياتي _ واشتمن بعطره
اشجم سهم رايح _ يتلاكن بصدره
وتتغير ارسومه // بس نادته الحومه
*****
جابه الخيمته حسين ويهل دمعه
وين ام الولد خل عالولد تنعه
شعل عد راسه بيده اربعطعش شمعه
يصيح الراح راح وبعد شيرجعه

اتمدد بطوله _ ويلاه ابو سكينه
يتلمس بشعره _ ويظمه لحظينه
شمحلاهه هالنومه // بس نادته الحومه
*****
شلت بيدي بخوره والكلب هايم
وبخرت السهام الي بصدر جاسم
كافي من البجي خلو الولد نايم
شاب ومن جماله حسدته الوادم

معجبني بخلاقه _ ماينسمع حسه
جاسم كلت يكبر _ ردت افرح بعرسه
من وليدي محرومه // بس نادته الحومه
*****
تمت _ علاء الزيدي

73 0 1

✍مخزن قصائد للشعراء✍

5 Oct 2023, 05:14

اشكرج _ يم البنين الحنينه
كفيلي _ دله السهام اعله عينه
فداهن _ عالمشرعه اثنين ادينه
****
من الزهره ودتلج شكر _ شرضعتي ابنج بالزغر
شرضعتي عباس
مكمطته بكماط الوفه _ شسوه من أخيه كلفه
متعجبه الناس
السبعين الف لمن طلع _ من طوله رجعو ليوره
لو ما من حسين استحه _ يكلبهه راد بخنصره
أخيه _ يركض ركض من يكلفه
تكطع _ وما تيه الرايه جفه
وصيتج _ نفذهه بالطف اعرفه
****
خلفتي جيش من اربعه _ كسرو حصار المشرعه
شكد ولدج اسباع
راسج عله الغيم ارتفع _ عباس اخبرج من وكع
ماشالته الكاع
شاف السهم اعمه الاجه _ صاحاله شيخ المرجله
من اعيونه وحده للسهم _ انطاهه ثواب بكربله
يكله _ واعدني واحفض كلامي
اخذهه _ بس ابتعد عن خيامي
عيوني _ ذني ثواب الامامي
****
يم البنين انتي صدك _ سويتي قيمه للعشك
وظحيتي لحسين
ابنج عجبني بفزعته _ صوغه جبتلج رايته
يا ام البنين
عصات موسى برايته _ شايلهه عباس بفخر
دخيل الله صاحو معجزه _ بالجربه خلاه النهر
معاجز _ صارتله تسلم يمنته
الشريعه _ خلاهه كلهه بجربته
دخيله _ بجفوفه بسته وشكرته
****
الربيته بيدي من الزغر _ لبسني تاج من الخدر
اشتاكيت اله اهواي
فاركني وعيوني انعمن _ اجفوفه اعله مودي تكطعن
الما ظايك الماي
كتله اوكف بداعت علي _ امك يغالي شوصتك
كلتيله اريد بكربله _ تفدي الخويه بركبتك
ابشرج _ ما قصر ويانه حاشه
تلقب _ يسمونه ساقي العطاشه
احبه _ كافلني كل عمره عاشه
****
ماشيته راسه اعله الرمح _ يطلع صبح كبل الصبح
يحرسني كل ليل
والزهره ابشرج حظرته _ بشيلتهه جفه ضمته
وظلت تون حيل
يم البنين اعله الوفه _ تجازيج باجر فاطمه
ابنج إذا اسمه الكمر _ معناهه انتي اسمج سمه
اخيي _ فوك الرمح وشحلاته
يخزره _ ابن امه يوصل خواته
وحقج _ للخوه قدم حياته
****
تمت ____ علاء الزيدي

122 0 2

✍مخزن قصائد للشعراء✍

22 Sep 2023, 05:22

بهالمصيبه عنده مأتم صاحب الزمان
العسكري راح وتيتم صاحب الزمان
بدمعه وبنحيب
ودّع الحبيب
...
المهدي هالليله جمره تفور بصدره
كلنه نادينه الله يعظم أجره
هذي اول مصيبه يشوف بعمره
والده الغالي بيده يوسده بگبره

نحضر اليوم بعزاءه ويلي عالغريب
المهدي نسمع ندائه ويلي عالغريب
جرحه ما يطيب
ودّع الحبيب
...
العسكري اتجرع السم تهدم حيله
المعتمد سمه يوم الحشر يا ويله
ليش ما نلطم وننحب ونبچيله
الكون يبچي لمصابه دمه هالليله

ناحت اليوم الوسيعه وناحت السمه
الناعي صوّت بالفجيعه وناحت السمه
واجب النحيب
ودّع الحبيب
...
من نصب تعزيه لن يشاهد حرمه
عالنعش طاحت وبالمصيبه اتشمه
فاطمه الزهره حضرت تنادي يُمه
سم چبدتك احسه بدليلي سمه

حضرت بسامره تبچي فاطمه البتول
من ضلعها گوه تحچي فاطمه البتول
المنتظر غريب
ودّع الحبيب
...
فاطمه اتگله يالمهدي انظر وضعي
هذا عاشر ولد يمه ابچي وانعي
صار چم مره يبني ايتهشم ضلعي
لياوكت يبقه يوليدي يهمل دمعي

ثاري من عندك اريده بسيفك الامل
والصفعني تگطع ايده بسيفك الامل
يسعر اللهيب
ودع الحبيب
...
وبعد عندك مصيبه وجرح شيروفه
راس الحسين لهسه برماح نشوفه
وابو فاضل هوت عالشريعه اچفوفه
والأشد عمتك بالحبل مچتوفه

چم نحر بالغاضريه يندب العجل
وگلب مهظومه وسبيه يندب العجل
وچم جسد سليب
ودع الحبيب
...
خادم الحسين ( عليه السلام)
#كرار #حسين #الكربلائي

506 0 0

✍مخزن قصائد للشعراء✍

22 Sep 2023, 05:21

اللهم أخرجني من حولي إلى حولك ومن ضعفي إلى قوّتك ومن إنكساري إلى عزتك ومن ضيق إختياري إلى براح إرادتك.

اللهم بشرنا بشائر من رحمتك وغفرانك يااكرم الاكرمين

#جمعة_مباركة
🌿💚

306 0 0

✍مخزن قصائد للشعراء✍

22 Sep 2023, 05:21

گومي بعجل يالزهره
للعسكري بسامره
ودّع حياته مسموم
...
انتي يامن ضلعچ الطاهر تهشّم
نوحي و بسامره گومي نصبي مأتم
فاطمه هالليله مهديكم تيتم
العسكري من غربته حيله تهدم

بالسم تگطع چبده
بروحه يعالج وحده
يوم المصايب هاليوم
...
العسكري يا فاطمه مشبوحه عينه
بروحه ظل يعالج ورادج تجينه
الگال عنچ فاطمه حجه علينه
يون والعالم سمع نوحه وانينه

حزنج يعيش بروحه
لضلعچ چبيره جروحه
بالباب ضلعچ مهشوم
...
فاطمه يا فاطمه بسرعه تعالي
عاشر اولادچ گصت بيه الليالي
گومي صيحي بالحزن جيتك يغالي
ليا وكت يبقه عليكم نوحي عالي

صوتج يبضعه ينادي
ودعت كل ويلادي
لو منذبح لو مسموم
...
العسكري لمن جرع كاس المنيه
لغيبته سامره نصبتله عزيه
والحسن يم الحسن داره خليه
وشيعوها جنازته اهل الحميه

المهدي ينوح لوحده
غير الصبر ماعنده
ومفارگه اعيونه النوم
...
المهدي لو شفتيه إِحچيله اعله وضعچ
سولفيله الصار يالزهره ويسمعچ
فاطمه يا فاطمه راويله ضلعچ
يشوف سطرة عينج من ايشوف دمعچ

احچيله طاح اجنيني
ويا يُمه سطره بعيني
مظلومه تحچي لمظلوم
...
يالزچيه احچيله عن الغاضريه
اشلون داست فوگ جده الاعوجيه
سولفيله عمته زينب سبيه
وبالخرابه اعله النحر ماتت رقيه

يمته يسل سيف البين
واينادي يا ثار احسين
ناطرنه يومه المعلوم
...
خادم الحسين ( عليه السلام)
#كرار #حسين #الكربلائي
( ابو كميل)

293 0 1

✍مخزن قصائد للشعراء✍

22 Sep 2023, 05:21

سامره هذا اليوم نصبت عزيه
والعسكري يا ناس داره خليه
ويلي ... ويلي
غاب الامام العسكري الليله
...
يا شيعه هذا اليوم يوم المصيبه
وبعرشه رب الكون واسه حبيبه
للعسكري الموعود نسمع نحيبه
جمر الحزن بالروح يسعر لهيبه
ويلي ... ويلي
غاب الامام العسكري الليله
...
بالغربه چبده انصاب آه والف آه
هذا الجرح چتال يا گلب ينساه
ظل ينحب القران وآياته تنعاه
دين الله صوته يصيح يا حجة الله
ويلي ... ويلي
غاب الامام العسكري الليله
...
استشهد و كل الناس حضرت تودعه
وبلايه عمايمها طلعت تشيعه
يمه يصب جبريل دمعه اعله دمعه
والغالي من ايروح منهو اليرجعه
ويلي ... ويلي
غاب الامام العسكري الليله
...
هلبت يصح خيّال وبگلبه ناره
برض المدينه يصيح وين الغياره
هاشم ابنكم هاي خاليه ادياره
وين اليجرد السيف يطلب بثاره
ويلي ... ويلي
غاب الامام العسكري الليله
...
لاچن نگول اتهون من سكن گبره
بس الغريب حسين محد يحضره
عاري ثلث تيام ظل دامي نحره
والعسكري مات يجريله عبره
ويلي ... ويلي
غاب الامام العسكري الليله
...
خادم الحسين ( عليه السلام)
#كرار #حسين #الكربلائي
( ابو كميل)

216 0 3

✍مخزن قصائد للشعراء✍

22 Sep 2023, 05:21

للأمام العسكري ((ع))

شـكـبـر جـرحـك يـوالـيـنـه
يـعـيـش بـكـل زمـن بـيـنـه

ابـد مـاطـاب ابـد ماطـاب
*---------------*---------------*

يـبـو الـمـهـدي الجرح يسعر
ودمـعنـه لـحـزنـك اتـفـجـر
خلص عـمرك وسـط عسكـر
يـنـور الـلـه الـچـنـت تـزهـر

تـعلـمـنـه على الـدمـعـه
الحـزن يا ثامن التسعـه
*----------------*----------------*

تـحـزمنــه ولبـسنـه اسـود
الـلطـم يـالـوالـي ما يـبـرد
تــره بـيـومـك مـحــرم رد
وعلينـه الـنـوح يـتـجـدد

مصـابـك غيّب البسمـه
بـالعيون انـطبع رسمـه
*----------------*---------------*

الـعـزاء لـجلـك يـضــل دائـم
فـجـعـنــه بـسَـمّـك الـظـالم
اليظن ننسى الـحـزن واهـم
نـظـل نبـچي لـبـچـي القـائم

ابـدمـع عـيـنه نواسيهه
وضـمايـرنه الجـرح بيهه
*----------------*----------------*

وحــق الـخــالـق الـبــاري
الك دمع الـجـفـن جــاري
عـلـيـك ولـلـبـقـى عـاري
الحزن بـركان ضل ساري

عهد لـلمـوت ما يـطـفه
الـدمع يـحـلالك انعرفه
*-----------------*-------------------*

ابـمـدامعنه وثياب الـسـود
نـواسي الـقـائم الـمـوعـود
على امصابك نجرْح اخدود
مـجـالسنه ولطمنه اشـهـود

يِـزِيـد النـوح بالـذكرى
ونـردد بـسْمَك بـعبـره
*-----------------*-----------------*

جـره اليـومـك دمَه المدمع
ابــد مـا نـبــرد ونــجــزع
يـوالـي وچـبـدك امـگـطـع
اليلوم اعلينه خل يـسـمـع

العـزا دايـم بقـه عدنـه
وخِلَد حـزنك يسيدنـه
*-----------------*----------------*

✍ خادم العسكري ع
الشاعر رعد الچريخي

201 0 0

✍مخزن قصائد للشعراء✍

22 Sep 2023, 05:21

يهاشم مو وكت نوم
چبير الساده مسموم
وتراب سامره ايعتب .. يا آل عبد المطلب
چبير الساده مسموم
...
شدو بظهور الاصايل يا سلاطين الارض
خل بيارغكم تسد عين السمه طول وعرض
طلابه عدكم يالهواشم بالسوالف ما تفض
العسكري فرض الله ينعد وانمرد چبد الفرض

تعالو يا هله بساع
احضرو بيوم الوداع
وانتو المثلكم ينّدب .. يا آل عبد المطلب
چبير الساده مسموم
...
اتلتطعش مصباح ، واحد من بعد واحد طفه
بين ذبح وسم گضيتو العيش إلكم ما صفه
اتطشرت كل العشيره يا بني هاشم أفه
ليش علتكم چبيره وانتو للوادم شفه

يريحة فاطمه ليش
ولا يهنالكم عيش
واليوم راحلكم ذرب .. يا آل عبد المطلب
چبير الساده مسموم
...
العسكري بديار غربه مات مسموم الچبد
وماكو غير المهدي يمه منحني يروح ويرد
يومكم يهل المحنه خل مواضيكم تهد
القصر كون اليوم يوگع فوگ راس المعتمد

ولد عدكم يالعزاز
غريب يريد جناز
لجيتكم بچفه ايحسب .. يا آل عبد المطلب
چبير الساده مسموم
...
صدگ هاي الدنيه غبره وابد ما تسوه العتب
تشتري الناس الرخيصه وباعت الناس الذهب
ماتت الوادم الخَيره وعاش من هب ودب
كون هاي الدنيه تگضي من علي حگه انسلب

من اهد ما كسرو ضلوع
گضينه اسنينه دموع
كلساعه نار الكم تشب .. يا آل عبد المطلب
چبير الساده مسموم
...
اتيتم المهدي برحيله وشيّعه بليل الحزن
دفن جسمه وصاح ويلي عله الظل بلا دفن
آه يا صدر المحنه البالحوافر منسحن
شما ذكر زينب يذب اعمامته وسكته يون

حزين بحسرته ايبات
اعله عماته السبيات
صعبه خيمكم تنهب .. يا آل عبد المطلب
چبير الساده مسموم
...
خادم الحسين ( عليه السلام)
#كرار #حسين #الكربلائي
( ابو كميل)

206 0 0

✍مخزن قصائد للشعراء✍

22 Sep 2023, 05:20

( ميمر ) . الاعلام عندما يريد الرمز لسامراء يرمز لها بـ ( الملويه) متجاهل الامامين . فكتبت هذه القصيده.
……………………………………………………………

شمس وكمر • جن وبشر
انخلقت لجل • اربع عشر
بيهم علت سامراء . موش ابعلو الملويه

……………………………………………………………

مو للبنايه العلو علو الهامه
رگبتمن اطول أسد لو نعامه
هو الامير وهي حدر اجدامه
سامره مرفوعه اعل شكل اعمامه

اعمامة علي   • الهادي الولي
وابنه الحسن • ظل معتلي
واعمامه بسم الموعود . بيها الارض مطويه

……………………………………………………………

اعلام الوطن يتجاهل بأخباره
لسامره و الملويه هي الشاره
يتجاهل الهادي و مضيفه وداره
مثل اليضم الشمس حدر اكتاره

گبه ولوه • اتوزّع ضوه
منها الهوه • يشتم هوه
منها الگمر ياخذ نور . منها الشمس مضويه

……………………………………………………………

الملويه شاهد عل الرجس واحقاده
عالشيعه مبنيه و رگاب الساده
جواها جم سيد الصاح و ناده
صاغوها روس الشيعه الها گلاده

تشبه هند    • تنگط حقد
امن الرافضه • تاكل كبد
ملويه للاعدامات . جم سيد و علويه

……………………………………………………………

سامره عاشت كالبقيع ابفتره
مرقد اليمه وبيد ذيج الزمره
مامش علي بصوت الاذان اليقره
ومحد يصلي اعل النبي و عالزهره

راح الحكم • واهل الظلم
رده العزه   • و رد اللطم
ردينه نصرخ يحسين . يا زينب المسبيه

……………………………………………………………

سر من رأى وتعرف شنو معناها
بالگبه يفرح كلمن الشافاها
والحضرة جن جنة عدن طبّاها
جن بالمدينه ام الحسن زاراها

اتحس الصحن • بيه الحسن
لحيدر علي     • الزاير حضن
حسين و مجانه السرداب . للمهدي عينه أربيه

……………………………………………………………

يالفجّرت نعرف شنو الناويها
حضرة الهادي اوي الارض تسحيها
الملويتك ويصفه الامر تاليها
احسابك غلط يبن التعرين بيها

الگبلك منع • ايد وگطع
مية ذهب   • زاير دفع
هد الفرات اعل حسين . بس ظل يطوف ابميه

……………………………………………………………
✍️ ( سيد خضر الزاملي )

132 0 0

20 ta oxirgi post ko‘rsatilgan.

1 839

obunachilar

Kanal statistikasi

Sayt tili

Как набрать 10 000 подписчиков в TG?

Telegram Analytics

SearcheeBot

✍مخزن قصائد للشعراء✍

Kanal geosi va tili

Toifa

1 839