ابتسامه صباحيه
😂😂😂😂😂😂😂😂😂😂😂😂😂😂😂😂😂😂😂😂😂
قال : اول ما تزوجته و بعد شهر صادف رمضان و بحكم اني مغترب و كنته قبل الزواج ساكن في بيت عزابة راقيين جدا.. ف قلته اعزمهم فطور رمضان اول خميس في رمضان كلمته زوجتي تعمل اكل بلدي بس ..لما قلتا ليها كدا لاحظت انها بتعاين لي بي عيون واااسعة و ما بتتكلم انا قلته جاها هبوط ولا شنو سالتها مالك قالت لي لا مافي شي.. المهم يوم العزومة جيت من الشغل الساعة خمسة و نص مساء لقيتها ملخبطة بالعجين في كل لبسها و سالتها اها الوضع كيف قالت لي تمام التمام قلته ما شاء الله تبارك الله.. المهم قلبي اكلني من طريقة كلامها دخلته المطبخ اشوف الحال و ياااا للهول من الشفتو....عاملة العصيدة في قوالب سلطة الفواكه يعني العصيدة تاكلها في لقمة واحدة وانا عازم عشرة رجال و الملاح تخيلو ملاح تقلية بالبامية ما بي ويكة ..و البامية بي سلامة طولها يعني البامية زي ما هي من المزرعة للضيوف ..و لسسسسة نية....و العصيدة الحقيقة هي اقرب للنشاء من العصيدة ... انا اصبت بي اندهاش لا زهول ولا اعتقد صدمة عدييل كدا والله والله اول مرة لساني يقول كلمات انا زاتي مافهما غايتو لقيت نفسي بتكلم وراجع لي ورا لحد ما وصلت الحيطة ..المشكلة خلاص الازان قرب و الضيوف بيكونو اسة وصلو بابنا و المطاعم بتكون قفلت ..يا ناس انا بقيت زي الطفل الضيع اهلو هلع و خوف و زعل و حيرة يعني باختصار كل المشاعر والاحاسيس السيئة... و فعلا وانا في الوضع دا الباب دقة.. الضيوف وصلو ....مشيت افتح الباب و يدي ترجف المهم والله قلته ليهم شنو ولا هم قالو شنو ما عارف العشرة رجال بيدخلو من الباب لقيت نفسي بدافر فيهم عشان اطلع طبعا انا قصدي الحق اي مطعم اجيب لي منو شي يتاكل و الله هم مستغربين في حالي لاني عرقان و بتلعثم و بدافر عشان اطلع اجيب الانغاذ و لا الاسعاف ..المهم دخلو براهم وانا بي رجليني جري على الشارع العام والله نسيت اني عندي عربية اتلفت يمين و شمال الشارع كووولو مقفل لانو باقي اقل من خمسة دقايق للازان ...من بعيد شوفته سوبرماركت صغير سيدو هندي عايز يقفل ..جري داهمتو لمن الهندي اتخلع .. قلته ليهو صديق بلييز انا عايز اكل ..هو افتكرني مجنون عايز اكل قام قال لي شوية شوية انا يعطي اكل ...و مشى جاب لي سندوتش حقو قال لي اتفضل .. انا مسكتة السندوتش و محتار في امرو دا شنو .. شوية كدا و فهمتا قصدو ..نو ..نو مدير انا ما عايز اكل لي انا انا عايز اشتري اكل .. المهم هو عندو بس سمبوسة (اكل الهنود) .. قلتا ليهو انا عايز كل السمبوسة دي.. لماها لي في كيس قال لي بي عشرة ريال ... افتش في جيوب جلابيتي ...الاتنين فاضيين طبعا قروشي في المحفظة و المحفظة كالعادة في العربية و العربية و الضيوف في البيت ...اللحظة ديك حسيت بمعني كلمة الذل .و الهوان...
الهندي رأفتا بحالي قال لي مافي مشكلة جيب فلوس بعدين. خطفتا كيس السمبوسة من يدو و جري على البيت .. وانا في نص الطريق ..ازن الازان ..و ازيد في السرعة قسما بالله انا و جلابيتي و كيس السمبوسة اللحظة الندق الدلجة.... وقعنا.. كلنا...سبحان الله اشوف السمبوسة عاملة شعاع منتشر في الهوا ... لا يا ربي لا السمبوسة لا .. قمتا الملم في سمبوستي بي ترابها وجلابيتي انشرطتت و ركبتي مجروحة و اثر الدم في الجلابية ... دخلتا على الضيوف لقيتهم بيتونسو و خاتين صحن البلح في النص لما شافوني قايلين ضربتني عربية ... سلامتك يا زول سلامتك ... نوديك المستشفى ..صراحة اللحظة ديك كنته محتاج دكتور يديني منوم فوري عشان اليوم دا يعدي ...قلتا ليهم لا لا مافي داعي ... و دخلتا على زوجتي لقيتا قاعدة تبكي في نص المطبخ و الارض ملايانة عصير اندفق منها .. يا الله يا الله تبت اليك و ابوؤ اليك بكل زنوبي....دخلتا على الضيوف و شبشبي من العصير بيعمل صوت زت زت زت الغريبة صوت شبشبي كان اعلا من صوتي انا .. بي ابتسامة قريبة للبكاء قلتا ليهم يا جماعة اعفو لينا مرتي مريضة و ما قدرت تعمل حاجة وانا كنته في الشغل ..يعني بالمختصر اتمو صيامكم الى الليل ...ضحكو و عرفو الحاصل ..المهم صلينا المغرب ... طبعا المغرب دا كان لازم اعيدو ..لانو ما متذكر اني صليت زاتو ...لحد الان اي واحد من العزابة العشرة لما نتقابل بيقول لي رمضان كيف ...ههههههه طبعا من ديك انا بقيت بتشاءم من اني اعزم اي زول ...يا شباب قبل تتزوجو تاكدو و جربو زوجاتكم عشان تعرفو امكانياتهم
.و يا امهات انتو كسودانيين ارجوكم علمو بناتكم اساسيات الحياة الزوجية كلها قبل ما تزوجوهم
منقول.😂😂😂😂😂😂😂😂😂😂😂😂😂😂😂😂😂😂😂
😂😂😂😂😂😂😂😂😂😂😂😂😂😂😂😂😂😂😂😂😂
قال : اول ما تزوجته و بعد شهر صادف رمضان و بحكم اني مغترب و كنته قبل الزواج ساكن في بيت عزابة راقيين جدا.. ف قلته اعزمهم فطور رمضان اول خميس في رمضان كلمته زوجتي تعمل اكل بلدي بس ..لما قلتا ليها كدا لاحظت انها بتعاين لي بي عيون واااسعة و ما بتتكلم انا قلته جاها هبوط ولا شنو سالتها مالك قالت لي لا مافي شي.. المهم يوم العزومة جيت من الشغل الساعة خمسة و نص مساء لقيتها ملخبطة بالعجين في كل لبسها و سالتها اها الوضع كيف قالت لي تمام التمام قلته ما شاء الله تبارك الله.. المهم قلبي اكلني من طريقة كلامها دخلته المطبخ اشوف الحال و ياااا للهول من الشفتو....عاملة العصيدة في قوالب سلطة الفواكه يعني العصيدة تاكلها في لقمة واحدة وانا عازم عشرة رجال و الملاح تخيلو ملاح تقلية بالبامية ما بي ويكة ..و البامية بي سلامة طولها يعني البامية زي ما هي من المزرعة للضيوف ..و لسسسسة نية....و العصيدة الحقيقة هي اقرب للنشاء من العصيدة ... انا اصبت بي اندهاش لا زهول ولا اعتقد صدمة عدييل كدا والله والله اول مرة لساني يقول كلمات انا زاتي مافهما غايتو لقيت نفسي بتكلم وراجع لي ورا لحد ما وصلت الحيطة ..المشكلة خلاص الازان قرب و الضيوف بيكونو اسة وصلو بابنا و المطاعم بتكون قفلت ..يا ناس انا بقيت زي الطفل الضيع اهلو هلع و خوف و زعل و حيرة يعني باختصار كل المشاعر والاحاسيس السيئة... و فعلا وانا في الوضع دا الباب دقة.. الضيوف وصلو ....مشيت افتح الباب و يدي ترجف المهم والله قلته ليهم شنو ولا هم قالو شنو ما عارف العشرة رجال بيدخلو من الباب لقيت نفسي بدافر فيهم عشان اطلع طبعا انا قصدي الحق اي مطعم اجيب لي منو شي يتاكل و الله هم مستغربين في حالي لاني عرقان و بتلعثم و بدافر عشان اطلع اجيب الانغاذ و لا الاسعاف ..المهم دخلو براهم وانا بي رجليني جري على الشارع العام والله نسيت اني عندي عربية اتلفت يمين و شمال الشارع كووولو مقفل لانو باقي اقل من خمسة دقايق للازان ...من بعيد شوفته سوبرماركت صغير سيدو هندي عايز يقفل ..جري داهمتو لمن الهندي اتخلع .. قلته ليهو صديق بلييز انا عايز اكل ..هو افتكرني مجنون عايز اكل قام قال لي شوية شوية انا يعطي اكل ...و مشى جاب لي سندوتش حقو قال لي اتفضل .. انا مسكتة السندوتش و محتار في امرو دا شنو .. شوية كدا و فهمتا قصدو ..نو ..نو مدير انا ما عايز اكل لي انا انا عايز اشتري اكل .. المهم هو عندو بس سمبوسة (اكل الهنود) .. قلتا ليهو انا عايز كل السمبوسة دي.. لماها لي في كيس قال لي بي عشرة ريال ... افتش في جيوب جلابيتي ...الاتنين فاضيين طبعا قروشي في المحفظة و المحفظة كالعادة في العربية و العربية و الضيوف في البيت ...اللحظة ديك حسيت بمعني كلمة الذل .و الهوان...
الهندي رأفتا بحالي قال لي مافي مشكلة جيب فلوس بعدين. خطفتا كيس السمبوسة من يدو و جري على البيت .. وانا في نص الطريق ..ازن الازان ..و ازيد في السرعة قسما بالله انا و جلابيتي و كيس السمبوسة اللحظة الندق الدلجة.... وقعنا.. كلنا...سبحان الله اشوف السمبوسة عاملة شعاع منتشر في الهوا ... لا يا ربي لا السمبوسة لا .. قمتا الملم في سمبوستي بي ترابها وجلابيتي انشرطتت و ركبتي مجروحة و اثر الدم في الجلابية ... دخلتا على الضيوف لقيتهم بيتونسو و خاتين صحن البلح في النص لما شافوني قايلين ضربتني عربية ... سلامتك يا زول سلامتك ... نوديك المستشفى ..صراحة اللحظة ديك كنته محتاج دكتور يديني منوم فوري عشان اليوم دا يعدي ...قلتا ليهم لا لا مافي داعي ... و دخلتا على زوجتي لقيتا قاعدة تبكي في نص المطبخ و الارض ملايانة عصير اندفق منها .. يا الله يا الله تبت اليك و ابوؤ اليك بكل زنوبي....دخلتا على الضيوف و شبشبي من العصير بيعمل صوت زت زت زت الغريبة صوت شبشبي كان اعلا من صوتي انا .. بي ابتسامة قريبة للبكاء قلتا ليهم يا جماعة اعفو لينا مرتي مريضة و ما قدرت تعمل حاجة وانا كنته في الشغل ..يعني بالمختصر اتمو صيامكم الى الليل ...ضحكو و عرفو الحاصل ..المهم صلينا المغرب ... طبعا المغرب دا كان لازم اعيدو ..لانو ما متذكر اني صليت زاتو ...لحد الان اي واحد من العزابة العشرة لما نتقابل بيقول لي رمضان كيف ...ههههههه طبعا من ديك انا بقيت بتشاءم من اني اعزم اي زول ...يا شباب قبل تتزوجو تاكدو و جربو زوجاتكم عشان تعرفو امكانياتهم
.و يا امهات انتو كسودانيين ارجوكم علمو بناتكم اساسيات الحياة الزوجية كلها قبل ما تزوجوهم
منقول.😂😂😂😂😂😂😂😂😂😂😂😂😂😂😂😂😂😂😂