بعض المصطلحات المتكرره في الشغل ومعناها
1- Legacy

يعني تكنولوجيا قديمه ذي مثلا E1s

2- Modernization

يعني تحديث لل network عن طريق تطبيق تكنولوجيا احدث أو تغيير الشبكه للاحدث

3- Infrastructure

يعني البنيه التحتيه للشبكه . بمعني اصح مكونات شبكه الموبايل مثلا واللي عباره عن مجموعه من المواقع والكباين والأجهزة والكابلات وهكذا

4- Transmission line

خطوط النقل ذي مثلا كابلات الفايبر أو النحاس أو ال Twisted pair ونقدر كمان نقولها علي الميكروويف باعتباره wireless Tx line

5- Ran

ده مصطلح متكرر . معناها radio access network والمقصود بيه جانب الشبكه اللي بيستخدمه ال user للدخول علي الشبكه

الجانب ده في شبكة الموبايل بيتمثل في ال
2G , 3G , 4G 5G antenna + RRU + BBU

6- BBU

دي معناها base band unit وهي أحد مكونات كباين شبكة المحمول وبتكون مسؤوله عن ال signal processing وتعتبر هي العقل اللي بينفذ اغلب العمليات علي الاشاره

7- Magazine
دي كلمه بنقولها علي كابينه ال Transmission وتحديدا كابينه الميكروويف

8- SFP
اختصار small form factor pluggable وبيسموها الفلاشه وبتكون عباره عن module بيحول الاشاره الكهربيه الي ضوءيه والعكس وبيستخدم في توصيل الكروت مع كابلات الفايبر وبيستخدم في ال RRU , BBU وكمان في ال Transmission