Daandii Milkii(Jennataa)

“Yeroo ummanni isaan irraa ta’e "Namoota Rabbiin isaan balleessuuf yookiin adabbii cimaa isaan adabuuf jiru maaliif gorsitu?" jedhan yaadadhu (Gorsitoonnis) "Gooftaa keessan biratti sababa nuuf haa ta'uufi akka isaanis Rabbiin sodaataniifi" jedhan.” (Qur'aana 7:164)

🛑 7. Sababa ajrii fi keeyrii guddaa Rabbiin irraa argachuu namaa ta'a.

قال الله تعالى: ﴿ لَا خَيْرَ فِي كَثِيرٍ مِنْ نَجْوَاهُمْ إِلَّا مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلَاحٍ بَيْنَ النَّاسِ ﴾ [النساء:114].

“Nama sadaqaatti yookiin gaggaarii yookiin gidduu namaatti araarama uumuutti ajaje malee irra hedduu iccitii isaanii keessa toltuun hin jiru. Nama jaalala Rabbii barbaaduuf kana hojjate, fuulduratti mindaa guddaa isaaf kennina.” (Qur'aana 4:114)

🛑 8. Sababa addunyaa fi aakiraatti milkaa'uu namaa ta'a.

قال الله تعالى: ﴿ وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ الْمُفْلِحُونَ ﴾ [آل عمران:104].

“Isin irraa ummanni gara khayrii waamtuufi kan gaariitti ajajju badii irraa dhorgitus haa jiraattu. Warri sun isaantu milkaa’oodha.” (Qur'aana 3:104)

🛑 9. Du'aatonni (Namoonni karaa RABBIItti nama yaaman) warroota yeroo namoonni baay'een kisaaran tirfaa'eedha.

والدعاة إلى الله هم الرابحون يوم يخسر الناس، وهم السعداء يوم يشقى الناس.

RABBIIN Qur'aana suuraa Al-Asr 103 keessatti warroota bifa ykn amaloota afur kan suuraa sana keessatti dubbate sana qaban malee hundi dhala namaa hoongoo fi kisaaraa guddaa keessa jiraachuu hime.
Bifoota ykn sifoota sana keessaa tokko nama haqa namaa dhaamee, karaa haqaatti nama yaamee dha.
قال الله تعالى: ﴿ وَالْعَصْرِ * إِنَّ الْإِنْسَانَ لَفِي خُسْرٍ * إِلَّا الَّذِينَ آَمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾ [العصر:1 - 3].

🛑 10. Daaw'aan sababa cubbuun namaa namarraa harca'uu ykn balleessuu namaa ta'a.

روى البخاري ومسلم عَنْ حُذَيْفَةَ بْنِ اليَمَانِ رضي الله عنه، عَنِ النَّبِيِّ صلى الله عليه وسلم قَالَ: «فِتْنَةُ الرَّجُلِ[9] فِي أَهْلِهِ[10] وَمَالِهِ[11] وَوَلَدِهِ[12] وَجَارِهِ[13]، تُكَفِّرُهَا الصَّلاَةُ وَالصَّوْمُ وَالصَّدَقَةُ، وَالأَمْرُ وَالنَّهْيُ»[14].

🛑 11. Walumaa galatti daaw'aan (karaa Rabbiitti nama yaamuun) ajaja Rabbiif awwaachuu ta'a.

قال الله تعالى: ﴿ ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ ﴾ [النحل:125].

“Gara karaa Gooftaa keetii ogummaafi gorsa bareedaan waami. Ishee (falmii) irra gaarii taateen isaan falmi. Dhugumatti Gooftaan kee nama karaa Isaa irraa jallate ni beekaaInni qajeeltotas beekaadha.” (Qur'aana 16:125)

Barruu tana walii qoodaa keeyrii tana facaasaa.
Jzk ❤
Qopheessaan; Ifaa Dhugaa

https://t.me/Rafiiqul_Islaam/1226

SADARKAA GARA KARAA RABBIITTI NAMA YAAMUUN QABU

Gara karaa Rabbitti nama yaamuun (daaw'aan) hundee guddaa bu'uura amantaa Islaamaa irraa akka ta'e shakkiin hin jiru.
Isa kanaan wal-qabatee Qur'aanaa fi hadiisa hedduu keessatti sadarkaan isaa akka armaan gadii kanatti dhufee jira.

🛑 1. Daaw'aan (Karaa RABBIItti nama yaamuun) irra bareedduu jechaa, kan fuula lafaa kana keessatti dubbatamtuu dha.

قال الله تعالى: ﴿ وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ ﴾ [فُصِّلَت:33].

“Nama gara Rabbiitti nama waamee fi hojii gaggaarii hojjatee “ani Muslimoota irraayi” jedhe caalaa namni jecha bareedu eenyu?” (Qur'aana 41:33)

🛑 2. Sababni keeyriin ummata nabi Muhammad keessatti hafeef, waan isaan garaa RABBIItti nama yaamaniifi dha.

قال الله تعالى: ﴿ كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ ﴾ [آل عمران:110].

“Isin caaltuu ummata namaaf mul'ifamtee taataniittu. Toltutti ajajju; hamtuu irraas ni dhorgitu; Rabbittis ni amantu.” (Qur'aana 3:110)

🛑 3. Daaw'aan (Karaa RABBIItti nama yaamuun) sababa rahmata Rabbii bal'oo sana argachuu namaa ta'a.

قال الله تعالى: ﴿ وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَيُقِيمُونَ الصَّلَاةَ وَيُؤْتُونَ الزَّكَاةَ وَيُطِيعُونَ اللَّهَ وَرَسُولَهُ أُولَئِكَ سَيَرْحَمُهُمُ اللَّهُ إِنَّ اللَّهَ عَزِيزٌ حَكِيمٌ ﴾ [التوبة:71].

“Mu’uminoonni dhiiratiifi Mu’uminoonni dubaraa gariin isaanii jaalallee gariiti. Toltutti ajaju; hamtuu irraas ni dhorgu, salaatas gadi dhaabu; Zakaas ni kennu; Rabbiifi ergamaa Isaatiifis ni ajajamu. Warri sun Rabbiin fuula dura rahmata isaaniif godha. Dhugumatti Rabbiin injifataa, ogeessa.” (Qur'aana 9:71)

🛑 4. Daaw'aan (Karaa RABBIItti nama yaamuun) sababa diinota injifachuu fi biyya lafaa kana keessatti mijjoo fi ol'aantummaa argachuu namaa ta'a.

قال الله تعالى: ﴿ الَّذِينَ أُخْرِجُوا مِنْ دِيَارِهِمْ بِغَيْرِ حَقٍّ إِلَّا أَنْ يَقُولُوا رَبُّنَا اللَّهُ وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيرًا وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ * الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلَاةَ وَآَتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الْأُمُورِ ﴾ [الحج:40 - 41].

“Isaan warra manneen isaanii irraa haqaan ala waan “Rabbiin keenya Allaahdha” jedhaniif qofa baafamaniidha. Odoo Rabbiin namoota garii isaanii gariin deebisuun jiraachuu baatee, silaa iddoon moloksee, bataskaanoleen kiristaanootaa, iddoon ibaadaa Yahuudotaafi masjiidonni maqaan Rabbii hedduu keessatti faarfamu ni diigamu turan. Dhugumatti, Rabbiin nama (amantii) Isaa tumsu, tumsuuf jira. Dhugumatti, Rabbiin irra jabaa, injifataadha. Isaan warra yoo Nuti dachii keessatti isaaniif mijeessine salaata dhaaban, zakaa kennan, toltuuttis (namoota) ajajaniifi hamtuu irraa (namoota) dhorganiidha. Booddeen waan hundaa Rabbumaafi.” (Qur'aana 22:40-41)

🛑 5. Sababa adabbii (qixaata fi abaarsa) Rabbii jalaa bahuu namaa ta'a.

قال الله تعالى: ﴿ لُعِنَ الَّذِينَ كَفَرُوا مِنْ بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوْا وَكَانُوا يَعْتَدُونَ * كَانُوا لَا يَتَنَاهَوْنَ عَنْ مُنْكَرٍ فَعَلُوهُ لَبِئْسَ مَا كَانُوا يَفْعَلُونَ ﴾ [المائدة:78 - 79].

“Isaan Ilmaan Israa’iil irraa kafaran arraba Daawuudiifi Iisaa Ilma Maryam irratti abaaramaniiru. Kun waan isaan (Rabbiin) faallessaniifi kan daangaa dabran turaniifi. Hamtuu hojjatan irraa kan wal hin dhorgine turan. Wantoonni isaan hojjataa turan waa fokkate.” (Qur'aana 5:78-79)

🛑 6. Karaa RABBIItti nama yaamuun sababa itti gaafatamummaa Rabbii jalaa bahuu namaa ta'a.
قال الله تعالى: ﴿ وَإِذْ قَالَتْ أُمَّةٌ مِنْهُمْ لِمَ تَعِظُونَ قَوْمًا اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا قَالُوا مَعْذِرَةً إِلَى رَبِّكُمْ وَلَعَلَّهُمْ يَتَّقُونَ ﴾ [الأعراف:164].

https://t.me/Rafiiqul_Islaam/1225

Gaafii gaafatamne...
Islaamummaan jaarraa (sentury) 7ffaa dura jiraachuu isaatiif ragaan maali ?

Duraan dursee; gaafiin kun gaafiiwwan namoonni Islaamummaan ala jiran irra deddeebiin kaasan keessaa isa ijoodha.
Kiristiyaanonni hedduunis Islaamummaan kan jalqabne Nabi Muhaammadiini (s.a.w) jedhanii nama hubachiisuuf yaalu, inumaayyuu ilaalchi dogongoraa kuni hanga har'aatti manneen barnootaa keessatti kan baratamaa jiruudha.

Isa kanaaf deebisaan koo isa armaan gadiiti.

🛑 1. Islaamumummaan amantaa dhalootaati, kana jechuun daa'imni kam iyyuu yemmuu dhalattu Islaamummaa qofa irratti dhalatti. Qur'aana 30:30) Hadiisa (Sahiiha Bukhaarii 4775, fi Sahiiha Muslim 2658). Ragaan kunis islaamummaan jaarraa 7 dura jiraachuu nuu mirkaneessa.

🛑 2. Maggaasa maqaa Islaama jedhuu.
Mogaasa maqaa “Islaam” jedhu kana yemmuu xiinxallinu iccitii jabaa, kan yaada nu kaafne kanaaf deebisaa quubsaa ta'u arganna, akkamitti yoo jedhame? Hiikni jecha 'Islaama’ jechuu Rabbiif ajajamuu, Rabbiif butamuu fi isaaf masakamuu erga ta’ee, Rabbiif ajajamuu, Rabbiif buluu ilmi namaa kan jalqabe jaarraa 7ffaa jechuun ni danda’amaa? Hin danda'amu.

🛑 3. Nabi Muhammad jaarraa 7 keessa kan ergaman yemmuu ta'u, ergamoonni isaan duraa hundi muslima.
Isa kana irratti ragaan hoo maali gaafiin jettu akka kaatu nin beeka.

1. Ummata kanas ta'ee kan jaarraa 7 dura jiraataa ture irraayis Islaamummaa malee amantaa biroo irraa qeebaluu dhabuu. (Qur'aana 3:85)

2. Amantaa sirriin rabbiin biratti beekamtuun dur irraa kaasee hanga xumuraati Islaamummaa qofa ta'uu. (Qur'aana 3:19)

3. Ergamaan Nuuh jedhamu muslima ta'uu isaa. (Qur'aanni 10:72) ni dubbata. Ergamaa kanaa fi jidduu eegamaa keenya fageenya jaarraa kudhaniitu jira jedhama.

4. Nabi Ibraahim ykn Abrahaam muslima ta'uu isaa. (Qur'aana 2:127-132), (Qur'aana 2:140). (Qur'aana 3:67). Turtiin yeroo jidduu ergamaa kanaati fi ergamaa keenya nabi muhammad beekkamuu dhabus adda fagoo akka ta'e kitaabban seenaa irraa hubanna.

5. Ergamaan Luux jedhamus muslima ture. (Qur'aana 51:31-36)

6. Nabi Yaaqub ykn Yaaqoobis muslima ture, ilmaan isaatiifis Ilslaamummaa dhaamtee du'e. (Qur'aana 2:133).

7. Ergamaan suleymaan ykn solomoon jedhamus mulima ture. (Qur'aana 27:30-31)

8. Ergamaan Yuusuf jedhamus muslima turuu isaa. (Qur'aana 12:101)

9. Ergamoonni yookaan anbiyoonni ilmaan Islaa'ilis muslima turan. (Qur'aana 5:44). Hanga yeroo ergamoota asiin olitti dubbatamanii kanaatti amantaan Yahuudummaas ta'ee Kiristaanummaa fuula dachee kana irratti hin argamu. Amantaan har'a ''Judaism" jedhamuun beekkamtus dhaloota nabi muusaa ykn muusee booda argamte, akkasumas amantaan "Christianity" kunis dhaloota Yesus Kiristos booda woggaa 42 booda argamte. Kanaafuu amantaan yeroo sana jirtu kan ergamoonni Rabbii hunduu barsiisaa turan Islaamummaa qofa.

Yoo lakki amantaa Islaamaatii mitii, amantaa biroo barsiisaa turan jette ragaa akka naa dhiheessitun barbaada...
Yoo ammas isa kana jechuufis ragaa dhabdee, jarri kun hunduu amantaa tokkos hin qaban jette, ani ammas ijjannoma jalabaa sanarra jira, sun ragaa fidi isa jedhe sani...
Isa biraa kan jettu yoo qabaatte, anis yaada kee sana irratti waan jedhu siin jedha.

● Mee ammas koottu ragaa koo siif dabalaa, tarii nama dhugaa barbaadu yoo taate, ragaalee ani siif kennu kunneen bakka ati barbaadaa jirtu sanaan si gahuu dandeettii.

10. Nabi Muusaa ykn muusee beektaa ?
Raajicha guddaa waggaa 40 guutuu saba Israa'el gaggeessaa ture amantaan isaa maal akka ture, (Qur'aanni 10:84) irratti muslima akka ta'e nuu himee jira.

11. Yesus Kiristoos hoo beektaa?
Yesus ykn Iisaan ergamaa Rabbii kan muslimtoonni hundi jaalatanii dha. akkuma Ergamoota Rabbii hundaa jaalannutis isas jaalanna, innis muslima ture, duuka buutonni isaas muslima turan (Qur'aana 3:52)

Cuunfaa dubbii; Ergamoonni kuni hundi warroota jaarraa 7 dura jiraataa turanii dha, garuu sana ta'uu waliin amantaan isaanii Islaamummaa ture jechuu dha.

Kanaafuu; Islaamummaan nabi muhammad dura jiraachuu yookaan jaarraa 7ff dura jiraachuu argitee amma? Jedhiin...

𝗤𝗼𝗽𝗵𝗲𝗲𝘀𝘀𝗮𝗮; Ifaa Dhugaa

https://t.me/Rafiiqul_Islaam/1190

ODUU GAMMACHIISAA

Barnoota Madaallii Amantaa

•درس مقارنة الأديان
•ሃይማኖታዊ ንጽጽር

Jechi Wal-madaalli Amantaa jedhu Afaan Arabiffaatiin  مُقَارَنَة أديان yoo jedhamu hundee jecha "qaarana" "قَارَنَ "  Jechuunis waliin madaale jedhuu irraan kan dhufe yoo ta'u Afaan ingiliffaatiin Ammoo "Comparative Religion" Wal-madaalli Amataa jedhamee beekama. damee kana jalatti Bu'uuraalee Amantaa Islaamaatii fi kiristaanaa  keessattuu waa'e tokkichummaa Rabbiiti fi waa'ee Kitaabilee Qulqulluu  wal-fakkeenya isaanitii fi garaa garummaa isaanii kan qu'annu ta'a.

Barnoonni kan kennamu
Appoolojistii Islaamaa  Ustaaz Jamaal Kaadir yoo ta'u namoonni galmaa'uu barbaaddan:-

Admin kanaa gadii dubbisaa!

@Urjiinfurguggatamte_2
@First_to_Islam
@Rafiqul_Islaam
@IbnuAdinaan




Share godha waliin gaha

https://t.me/Rafiiqul_Islaam/1067

𝐘𝐄𝐒𝐔𝐔𝐒 𝐖𝐀𝐀𝐐𝐀 𝐘𝐎𝐎 𝐉𝐄𝐍𝐍𝐄 𝐄𝐄𝐍𝐘𝐔𝐔𝐍 𝐘𝐀𝐀 𝐀𝐁𝐁𝐀𝐀 𝐉𝐄𝐃𝐇𝐄𝐄 𝐊𝐀𝐃𝐇𝐀𝐓𝐀𝐀 𝐉𝐈𝐑𝐀𝐀 𝐌𝐄𝐄 𝐇𝐀𝐀 𝐈𝐋𝐀𝐀𝐋𝐋𝐔𝐔

"Yaa abbaa, kun akka fedha kee yoo ta’e, xoofoo dhiphinaa ani fudhachuudhaaf jiru kana ana irraa fuudhi; garuu akka ani jaalladhe utuu hin ta’in; akka ati jaallatte haa ta’u! jedhe. “Yommus ergamaan Waaqayyoo tokko isa jajjabeessuudhaaf waaqa irraa itti mul’ate. Muddama isaa keessattis ittuma cimsee kadhate; dafqi isaas akka coccopha dhiigaa lafatti gad rooba ta’e”."
[Luqaas 22:42-44]

Yesus Kiristos osoo akka Kiristiyaanonni jedhan; cubbuu isaaniitiif du’uu fi fannoo irratti fannifamuuf dhufee maaliif du’a jibba ?. Ammas erga kaayyoon dhufeef kana ta’ee, maaliif du’uu dhabuu Rabbii isaa kadhata ?

"Gara sa’aatii salgaffaatti Yesus sagalee guddaadhaan “Elii, Elii lamaa sabaktanii?” jedhee waammate; kunis, “Waaqayyo ko, Waaqayyo koo maaliif na dhuufte?” jechuutti in hiikama."
[Maatewos 27:46]

[Yeroo Rabbiin jedhes [yaadadhu]: “Yaa Iisaa! Ani si raffisaadha. Gara kiyyattis ol si fuudhaadha. Isaan kafaran irraas si qulqulleessaadha. Isaan si hordofanis hanga guyyaa qiyaamaatti warra kafaran irratti ol taasisaadha. Ergasii deebiin keessan gara kiyya; waan isin isa keessatti wal dhabaa turtan keessattis gudduu keessanitti nan murteessa.”]
(Qur'aana Suuratu Aal- Imraan 3:55)

Hubachiisa dabalataa kan Yesus Kiristos fannifamuu dhabuu isaa nuu mirkaneessan;

❖ Du’uu isaa kan dubbate Maatewoosii fi Luqaasiidha. Luqaas immoo ofii isaatiyyuu barataa isaa hin turre, maatewos immoo du’a isaatii fi rarraafama isaa hin argine, barattoota kaanneen wajjiin baqatee ture, wanti amantaan tokko irratti ijaaramu immoo ragaa qabatamaadha. Yoo raga qabatamaa hin qabaatin ni darbama.

❖ Maatewosii fi Luqaas, akka kitaabban seenaa Kiristiyaanaa jedhutti; Wangeelota isaanii yemmuu barreessan Wangeela Maarqos waan of harkaa qabaniif Wangeela isaa kana irraas immoo yaada
hedduu irraa akka fudhatanii fi koppii godhatantu dubbatama. Sababni isaas Wangeelli jalqaba barreeffame Wangeela Maarqosidha. Innis immoo ofii isaatiyyuu barataa Yesus hin turre.

❖ Macaafni Maatewos afaan ibraayistiin barreesse waan du’a Yesusi fi rarraafama isaas hin dubbatu, kan afaan Girikii immoo kan inni barreesse miti, nama biraatu hiike, namni hiikes hin beekamu.

❖ Barattoonni Yesus tokkoo iyyuu kan Yesus bira dhaabbate hin jiru, hundinuu ni baqatan. [Maarqos 14:50], [Yohannis 16:32] irra ilaalaa.

❖ Namoonni isa qabuuf dhufan ni gaggaban, yeroon sun immoo yeroo inni gama samiitti ol-fuudhameedha. [Yohannis 18:6]

❖ Macaafni Kakuu Moofaan waa’ee du’a isaa rarraafamuu isaa hin dubbatu.

❖ Namni rarraafamu abaaramaadha. [Ergaa Gara warra Galaatiyaa 3:13]

Walumaagalatti fannifamuu isaa Qur’aanni Kabajamaan ifaan ifatti mormee jira. Macaafni Qulqulluun amma harka Kiristiyaanotaa jirus kanuma gargaara malee hin faallessu nama hubateef.

Yihuudicha Yesusin gane nama “𝗬𝗶𝗱𝘂𝘂𝘇𝗮𝗹-𝗜𝘀𝗸𝗮𝗿𝘆𝗼𝗼𝘇” jedhamu Rabbiin bifaa fi
haasawaan akka Yesus Kiristos wajjiin wal-fakkaatu taasisee Israa’eloonni Namticha ganaa kana fannisuun ajjeesuu isaanii Wangeelli Barnaabaas addeessee jira.

وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَٰكِن شُبِّهَ لَهُمْ ۚ وَإِنَّ الَّذِينَ اخْتَلَفُوا فِيهِ لَفِي شَكٍّ مِّنْهُ ۚ مَا لَهُم بِهِ مِنْ عِلْمٍ إِلَّا اتِّبَاعَ الظَّنِّ ۚ وَمَا قَتَلُوهُ يَقِينًا

[Ammas waan isaan “nuti Masiih Iisaa ilma Maryam, ergamaa Rabbii, ajjeefnee jirra” jedhaniif (isaan abaarre) Isaaniitti fakkeeffame malee isa hin ajjeefne; hin fannisnes. Dhugumatti, isaan isa keessatti wal dhaban isa irraa shakkii keessa jiru. Yaada hordofuu malee isa irratti beekumsa homaatuu hin qaban. Qabatamaatti isaan isa hin ajjeefne.] (Qur'aana 4:157)

بَل رَّفَعَهُ اللَّهُ إِلَيْهِ ۚ وَكَانَ اللَّهُ عَزِيزًا حَكِيمًا

[Dhugumatti Rabbiin gara isaatti ol isa fuudhe. Rabbiin injifataa, ogeessa ta'e.] (Qur'aana 4:158)

Kanaafuu nu Muslimtoonni woggaa woggaan akka Yesus Kiristos hin ajjeefamin, hin fannifamin ragaa bahaa jiraanna.

𝐀𝐝𝐬 𝐂𝐡𝐚𝐧𝐧𝐞𝐥𝐬: 👇👇
https://t.me/Seyiful_Islam
https://t.me/Rafiiqul_Islaam
https://t.me/Furqaan_Official