انجمن نگین

د ایمان او شجاعت منار د بدرنګیو په زمانه کې: مرحوم امیرالمؤمنین ملا محمد عمر مجاهد رحمه الله تعالی.

لیکوال: مولوي نثاراحمد الیاس

په هرې پیړۍ کې، تاریخ یوازې نادراً داسې شخصیتونه تجربه کوي چې شتون یې د ملتونو مسیر بدل کړي او سکوت یې د نړۍ شور خاموش کړي. مرحوم امیرالمؤمنین ملا محمد عمر مجاهد رحمه الله تعالی، نه یوازې دا چې د مسلمانانو امیر او مشر و، بلکې د الهي لید یوه نښه، او د اسلامي امت د ارادې یو ژوندی تمثیل و.

هغه له ولس څخه راوتلی و، خو نظر یې د امت راتلونکی له لرې لیده. هغه د ولس په ضمیر کې دومره ژور ځای درلود چې نوم یې یوازې یو شخص نه، بلکې یو مفهوم سو: د مقاومت، غیرت، عزت او د شریعت د حاکمیت مفهوم. هغه د شهرت پسې نه و، بلکې د امت د راویښولو لپاره راغلی و.

هغه وخت چې د نړۍ مشران د رسنیو تر شور لاندې غرق ول، مرحوم امیرالمؤمنین مبارک ترې ډډه وکړه، خو حضور یې له زرګونه انځورونو هم قوي و. نه یې تبلیغ و، نه یې شعار، خو د ده نوم نړۍ واورېد. هغه خپل نوم د ښارونو په دیوالونو نه، بلکې د پاکو زړونو په لوحو کې ولیکه.

نن یې، دوولسم تلین دی مرحوم امیرالمؤمنین مبارک نور یوازې د جهاد د نسل متعلق نه دی. هغه د ټولو مسلمانانو ګډ میراث دی. د ده مبارک کارنامې، باور یې په الهي نصرت، اعتماد یې په ولس، او ساده ژوند یې د تاریخ په مکتب کې یو پاتې‌کېدونکی درس ګرځېدلی دی.

الله (ج) دي په جنتونه ونازوه مشره.
#ثالث_عمر
https://t.me/MNisarElias1212