الآن .. حَـمِـي الـوَطِـْيـسُ‼

كلمة قالها النبيﷺ في غزوة لما الحرب اشتدت وبقت بعد كده مثل

الكلمة دي معبرة تماما 👌عن حالنا دلوقتي مع العدو الأكبر ((الشيطااااان))

مع اقتراب موسم الأصفاد اللي منتظراه .. مافيش قدامه مفر دلوقتي هو وأعوانه غير القتال باستماته....
عاوز يلحق يحقق أي مكسب ..فتلاقي أعوانه انتشروا في كل مكان باللي يقدروا عليه

_منهم اللي هيشتغل من دلوقتي انه يضيعلك رمضان ودوول اللي بتشوفيهم على القنوات في فقرة ((انتظرونا عشان نضيع عليكم رمضان ))🙄

_ومنهم اللي هيحاول يشتغل على المشاكل والخلافات بين الاخوات والازواج وكل المسلمين ..المهم خلافات ومشاحنات والسلام
ومنهم ....ومنهم...
أي طريق هيقدر يدخلك منه هيحاول باستماته

👈وعشان كده إنتي حلك في شعبان عشان تكسبي المعركة دي....
_تضيقي مجرى الشيطان في الدم بالصيام

_تفتحي مصحفك وتحافظي على وردك واذكارك وتعملي حصن حصين ضد الشياطين👌

_تقفلي على الشيطان أبوابه المنتشره في القنوات إياها ..اقفليها من دلوقتي ماتنتظريش يجي رمضان ..ماتسيبيش فرصة للشيطان

_تصبري على أي أذى تقابليه مع الناس واعرفي ان دي من المحاولات المستميته للشيطان

⛔مرّ شهر رجب وجه شهر شـعبان .. حيث يحمى الوطيس!
خليكي فاكرة كدة دايما

كوكب_بنات