عِدت مَشهد ضحتك بَس لگيت رماد
طفه ويّ غيري بَس بوجهي طَشيته
وعَلي يفتل غرورك مو عشگ دخان
والعذيبي اليهَب عطاب سويته
هواك الشمعتي سولف بطول الخيط
شعل روحِي وحنينك بيه طفيته
اختنگ ليلك براسيّ ومَاتنفس طيف
وفجرك هوىٰ ايمرني وما اشتمّيته
أثر طعنتك زنجر والخناجر بيضّ
عكس گلبك وياي الماصفت نيته
أنا دمعة غريب بكُل سهوله تطيح
جدمي الذكرياتك ليش وديته !
فراغك والگبر يتشابهن بالعين
منو المنهن يعيش بروحي وصيته
بظهر كلمن يُمرني تسافر الدمعات
بَس انتَ عليك العُمر بديته
إذا تمشي بخيالي أتعثرك اللحظات
البيهن جدمك ويّ الغير مَشيته
بعد لَتودي طيفك ليلي مَابي شوَگ
أجاني وباب جفني بوجهَا سديته
انه مِن الورد ظَليت اضُم الشوف
لأن كُلشي يشبهك مَا اشتميته
بخيم صدري العطش زعّل هوايَّ حروف
حچيت وماي وجهي ماندليته
ألك چنت التفت وادري انتَ ماموجود
إذا ابّالِك حرف مِن أسمي عديته
بعد ما ألتفت لو سمّا بظهري اتطيح
حَسبالِك گبل ! لا گلبي چويته
گمت أخذ نفس وبريتي ينزل غيمّ
واندليت علتي وجرحي گظيته
روح الهوىٰ بظهرك والهويته يروح
مو بَس شوفي عنك سمعي غضيته
گبل ليلك وخلگي اتسابگن بالطول
العلي مَاكفه هَسة بروحي كفيته
انا بخد الندى تلگاني طايح مَاي
وصوت النفس يصهَل باذني خليته
هوى بروحي أمن اطلعة الموته يتنفسون
بَس عاندت روحي وبيهَا ضمّيته
مشيت وخيط واهَس چلّب ابمگفاي
ثگل مَستحاي وجدمي همّيته
روح أترس فراغك بالبروده البيك
أنا وجه الشم بالملگة غطيته