Telegram Analytics

TGStat хизмати янгиликларидан бохабар бўлиш учун обуна бўл!

SearcheeBot

Telegram-каналлар оламидаги сизнинг йўлбошчингиз.

TGStat Bot

Telegram'дан чиқмай туриб каналлар статистикасини олиш

TGAlertsBot

Каналингиз репостлари ва эсловлари ҳақида хабар беради.

Statistika Saralanganlar

تراث القصائد الحسينية

Kanal geosi va tili: Eron, Forscha

Toifa: ko‘rsatilmagan

قصائد تراثية مكتوبة

Связанные каналы | Похожие каналы

Kanal geosi va tili

Eron, Forscha

Toifa

ko‘rsatilmagan

Statistika

Postlar filtri

O‘chirilganlarni yashirish

Repostlarni yashirish

تراث القصائد الحسينية

27 Jan, 16:09

#تراث

أگبلت هاشم تسچ بظعونها
للشهاده إبكربله يردونها
ــــــــــــــــــــــــــــــــــــــ
أگبلت هاشم تسج لرلاض الطفوف
وتشري وياها المنايا والحتوف
للظعن لمن تصد زينب تشوف
حافين إشبول هاشم دونها
ــــــــــــــــــــــــــــــــــــــ
تصد للعباس تزهر غرته
عن يمين الظعن تخفج رايته
إتگول ممشى الليث حيدر مشيته
وسطوته كل الملا إيعرفونها
ــــــــــــــــــــــــــــــــــــــ
تصد للأكبر إبچفه مرهفه
عن يسار الظعن عوده وظفه
يمشي ممشى الطهر جده المصطفه
والهواشم زيب إيبارونها
ــــــــــــــــــــــــــــــــــــــ
تنظر الجسام متوسط الظعن
نور وجهه ومرهفه يتلامعن
يمشي ممشى المجتبى عوده لحسن
والنشامه إرماحها إعلى إمتونها
ــــــــــــــــــــــــــــــــــــــ
والصحب كل فرد منهم مرتدي
بالفخر وبنور وجهه يهتدي
ودون محملها الطرماح إيحدي
وهاشم اليوث الوغى إيحفونها
ــــــــــــــــــــــــــــــــــــــ
إبظعن زينب حافين أهل الفخر
ملع ضي إوجوهها إيخجل الگمر
هاشم إو خواضة الموت الحمر
والحرايب خاتمين إفنونها
ــــــــــــــــــــــــــــــــــــــ
إستبشرت زينب ونادت يا هله
بخوتي البوجودها الممشى حله
إبهالمعزه وهالجلاله الكربله
إنزلوها وكلهم إيحامونها
ــــــــــــــــــــــــــــــــــــــ
ماشخص لخيالها إبعينه نظر
والخدرها لا تگول أحد جسر
إلا بعد الظهر عاشر بالشهر
من هوى حسين وتزلزل كونها
ــــــــــــــــــــــــــــــــــــــ
حين فگدت شخص واليها الحسين
للمعاره فرت وتدمع العين
إتصيح با تالي العشيره طحت وين
يا ذخر زينب ونور عيونها
ــــــــــــــــــــــــــــــــــــــ
وليلة الحادي عشر أمست شلون
لا حسين ولا أهلها الينتخون
لا بگه العباس لا جعفر وعون
ولا علي ولا جاسم إيلبونها
ــــــــــــــــــــــــــــــــــــــ
ولا أصحاب ولا أطناب ولا خيام
ولا گرابه ولا عشيره ولا عمام
بين طفله وطفل تتلاوع أيتام
إتطعت من العشيره إظنونها

الشاعر الحاج المرحوم كاظم السلامي

(339)
#اللهم_عجل_لوليك_الفرج

1.3k 0 37 14

تراث القصائد الحسينية

26 Jan, 07:16

لاتنسوا ولي نعمتنا وحبيبنا
مولاي صاحب الزمان
من الدعاء عند مولاي موسى بن جعفر روحي فداهما

#اللهم_عجل_لوليك_الفرج

2k 0 2 37

تراث القصائد الحسينية

25 Jan, 19:19

#تراث #نعي

لمولاي موسى بن جعفر روحي فداه

أيصوت الناعي ابگلب لهفان
وين النشامه من آل عدنان
الكم سجين ايهدم الأبدان
اصبح غريب او ما اله اعوان
مسموم مات ابسجن عدوان
وگبل الظلام انريد ركبان
من هاشم التوكف بالأكوان
او بيهم تشع حـومة الميدان
توصل الكاظم عالي الشان
تطب السجن كون ويـه الوذان
تشيل اجنازته وتطرد السجان

لاچن اكول اتخف الأحزان
ما مات مثل حسين عطشان
ولا لعبت عليه الخيل ميدان
ولا ضل ثلث تیام عريان
ولا عگبه انسبت للشام نسوان
ولا طبن ابضولة الديوان
شتمهن يزيد وضحك مروان

خادم الزهراء عليها السلام
المرحوم السيد جاسم الطويرجاوي

(338)
#اللهم_عجل_لوليك_الفرج

2.4k 0 99 35

تراث القصائد الحسينية

22 Jan, 21:42

من غلاف ديوان الشاعر معين السباك ❤️

3.6k 0 6 55

تراث القصائد الحسينية

21 Jan, 07:09

يا گلب ذوب ويا دمع عيني تفجّر
للّي گضى بسجن الرّجس گلبه مفطّر

4.3k 0 9 18

تراث القصائد الحسينية

20 Jan, 23:20

#تراث
لمولاي موسى بن جعفر روحي فداه

على الكاظم ينوح او يبچي الدين
وگع بالحبس وحده او ماله امعين

ياگلبي على الكاظم تلچم
يعيني اعليه سحي الدمع دم
غريب او بالحبس ويلوج بالسم
يتگلب يسار او نوب ايمين

بس ما طاح سدو بابه اعليه
ظل وحده ولا واحد گرب ليه
تگبل مد ايده او عِدل رجليه
گضت روحه يويلي اوفرگ البين

ظل ابنومته ليله ابحبسه
ميت بالحبس محمد يجسه
السندي ابهای مستانس ابونسه
نهض نهضة فرح يضحك السنين

نهض نهضة فرح ما تالي الليل
لعد باب الحوايج عازم ايشيل
شال اجنازته اعلى اربع حماميل
فوگ الجسر تتفرج الصوبين

على ظهر الجسر خله الشفيه
نادى اعليه المنادى اضحويه
هذا نعش امام الرافضية
تعالو اتفرجو فرجة مطربين

المرحوم الشيخ محمد حسن دكسن

(337)

#اللهم_عجل_لوليك_الفرج

4.3k 0 48 18

تراث القصائد الحسينية

20 Jan, 22:02

(اَللَّهُمَّ وَسُرَّ نَبِيَّكَ مُحَمَّداً - صَلَّى اللهُ عَلَيْهِ وَآلِهِ ـ بِرُؤْيَتِهِ)

السلام على من رؤيته
سعادة قلب رسول الله
سيدي ومولاي صاحب الزمان ❤️

3.4k 0 14 19

تراث القصائد الحسينية

19 Jan, 19:30

#تراث گعدية

لسيدي ومولاي باب الحوائج
الإمام موسى بن جعفر روحي فداه

مسجون إو غريب إو ما له چاره
إو ساقه المنجرح دم إيتجاره
(وإمكبّـل الساگين...ياباب الحوائج)
ــــــــــــــــــــــــــــــــــــــ
عادة ما بين الحمايل كل غريب إبدار غربه
إيطيح بشراك النوايب والنوايب تملي گلبه
لا بد إمن الناس عين إتعينه بيها إيشوف دربه

إو باب الحوائج غربته
سيف إو تگص إبچبدته
إو ماله معين إبشدته
غير صبره إو لطف ربه

حتى دمعة الكـاظم غريبه
تتفايض إمن إعيون المصيبه
إو تصرخ دمعة العين...ياباب الحوائج
ــــــــــــــــــــــــــــــــــــــ
لو گلت غربة الكاظم بالگلب يسعر جمرها
هاك إخذ يالمحب سجنه إو غربته إيهوّن أمرها
مو سجن طاموره حدر ألأرض يا مصعب عسرها

ما ينسمع بيها اليون
(المسجون بيها ممتحن)
ألله الله السجن
چبدة الكاظم فطرها

سجن المظلم إبليله إو نهاره
والمسجون ما يـاخذ قراره
وإمرضرض الجنبين...يا باب الحوائج
ــــــــــــــــــــــــــــــــــــــ
هذا وصف السجن كافي إو دمعتك لمصابه هلها
خاف إبينلك مصيبه والمصيبه متحملها
بالسجن يندب الكاظم للسلاسل من يحلها

مسجون وإمفارج هله
والضرب حيله نحله
والجمر جمر السلسله
مهجة الكاظم شعلها

إو روحه إمگطعه إبشفرة إهمومه
إو جرح الساگ تتفايض إدمومه
وإمكبل المتنين...ياباب الحوائج
ــــــــــــــــــــــــــــــــــــــ
غربة الكاظم إو سجنه هانت إبشدة حديده
إنحب إنحب يالموالي إو زيد ون الچبد زيده
وأرد أبينلك مصيبه إو خايف الگلبك تچيده

بالكـاظم إشسوه الدهر
والسندي ما تدري إشسطر
وإبيا وجه خله ألأثر
إبوجه ناموس العقيده

إو ظلت سطرة السندي علامـه
جمره إو تسعر اليوم القيامه
بگلوب الموالين...يا باب الحوائج
ــــــــــــــــــــــــــــــــــــــ
إشلون إربو طعش عام إگضيتها إبشده إو نوايب
بالسجون إتلوج روحك والگلب مجمور ذايب
وحدك إتجود إو تعالج لا عمام ولا گرايب

صبرك إبحلمـك متصل
من النوايب ما تمل
تاليـها بالسم تنچتل
إو هاي أمضه إمن المصايب

مسجون إو غريب إو يسمونك
إو من سجنك عبيد إيشيعونك
إو فگدك يتم الديـن...يا باب الحوائج
ــــــــــــــــــــــــــــــــــــــ
بالغرب مطروح نعشك والفلك دونك مداره
والملك صاعد إو نازل عالجسر نعشك مزاره
إو سل البگلبك إبگلبي إو جمر يتطاير شاره

والغـدر بالسم چتلتك
وإمحيرين إجنازتك
هزت العالم غربتك
بچّت إعيون النصاره

جسمك ظل ثلث تيام مرمي
إو ساگك من نزيف إدماك مدمي
إو يومك يـوم الحسين...يا باب الحوائج
ــــــــــــــــــــــــــــــــــــــ
شيعو نعشه عبيد ألأربعه إبظاهر الحاله
إو باطن التشييع آيه إو نصّت من رب الجلاله
إو نزلت إصفوف ألأملاك إتشيعك بإسم الرساله

وجبريل وأشراف الملك
بإسم الشهاده شاهدك
إو علم ألإمامه إو مسندك
للرضا صار إنتقاله

وإضلوع الرضا إلفگدك حناهه
والديـن إو هله معلن ب آهه
إو تتصارخ الكونين ... يا باب الحوائج

كاظم المنظور الكربلائي

(336)

#اللهم_عجل_لوليك_الفرج

4.4k 0 95 22

تراث القصائد الحسينية

16 Jan, 13:10

#تراث

وين ساجي الظاميه دلوني
وين اخوي ايشوف حالي اولوني
ـــــــــــــــــــــــــــــ
من يدليني على ضنوة علي
الچابني ابعهده وگمت من منزلي
وين الشبول التباري محملي
وين خلهم بالذل ايشـوفوني
ـــــــــــــــــــــــــــــ
وين يا عباس راعي المرجله
گوم شوف العز يبو الشيمه انوله
هين اعليـكم سنان وحـــرمـــله
يبن ابوي او رغما ايسلبوني
ـــــــــــــــــــــــــــــ
سلبوني وسلبو سكنه او تلوع
والعيون اتسايلت منها الدموع
هاي المروه صفت يهل الدروع
امخدرتكم زينب او يسبوني
ـــــــــــــــــــــــــــــ
انسبي ترضه يبو درع الثجيل
ايتام عدي وحرم ومقيد عليل
كون يوفي الوعد من شان الچفيل
گوم يمشكر وچف من دوني
ـــــــــــــــــــــــــــــ
تعتذر مني يعباس اشتگول
والمحامل جدمت فوك الزمول
والدي حيدر علي وامي البتول
اشلون للشام الرجس يهدوني
ـــــــــــــــــــــــــــــ
اشلون يهدوني اليزيد اشلون اروح
والجثث منكــم على الغبره تلـــوح
من يجيم الكم عزه اومنهو الينوح
انه زينب يخوتي شچوني
ـــــــــــــــــــــــــــــ
ما تشچيني يطاعون الجبيل
منته ابو فاظل شبل حامي الدخيل
من يباري المحملي يوم اليميل
ريت عميت يبن ابوي اعيوني
ـــــــــــــــــــــــــــــ
عمت عيني اجسادكم ظلت رهن
اشلون رچبي والحـــرم يتواقعن
لو نشدني الشامت اعلى اهل الضعن
خل اگله الشامتي خلوني
ـــــــــــــــــــــــــــــ
خل اگولن والعتب ماضن يفيد
والدرب حزمه وهـــل عله يريد
يالعلي والله امن اطب مجلس يزيد
يگول من هاشم قضيت اديوني

للشاعر المرحوم
الشيخ عبد الامير الفتلاوي

#اللهم_عجل_لوليك_الفرج

5.3k 0 84 20

تراث القصائد الحسينية

16 Jan, 07:32

#تراث

مولاتي زينب و مولاتي سَكينة
على جسد مولاي أبي عبد الله
صلوات الله عليهم

سكنه يعمه خل نِجِعده
او مابيني او بينچ نسنده
بلچن يفك علينه او ننشده
ياجرح مـاذيـه اومضهده
خاطر نداويه او نشده
وانخبره علينه اشصار واسده
تلگها يعمه شلون اجعده
او سهم الذي واگع ابچبده
اثاري الخرز ظهره تعده
لا چن اهوه اعلى هالمده
نگله الحرم صارت ابشده
والخيل لگدت فرد لگده
اوكلها السلبنه مستعده
انچان لنه عدل بعده
بس يسمع اتحرچه الموده
ويگوم لينـه اويحمي حده
وانچان ميت وحگ جده
شوفي اشنلاگي بعد فگده
گامت تندها او تشچي عنده
ولن الشمـر سيفه امجرده
دفعها او گضه اويه حسين گصده
اوردت يويلي اشلون رده

المرحوم السيد
عبد الحسين الشرع

#اللهم_عجل_لوليك_الفرج

5.1k 0 65 15

تراث القصائد الحسينية

16 Jan, 00:19

السلام على عين الحياة
وولي النعمة سيدي ومولاي
صاحب العصر والزمان
روحي وأرواح العالمين لذكره الفداء

4.8k 0 7 20

تراث القصائد الحسينية

13 Jan, 15:37

#تراث

يا صاحبَ القُبَّةِ البَيضاءِ في النَّجَفِ
مَن زارَ قَبرُكَ واسْتَشفى لَدَيكَ شُفِي

زوروا أَبا الحَسَنِ الهادي لَعَلَّكُمُ
تُحظَون بالأجرِ والإقبالِ والزُّلَف ِ

زوروا لِمَن تُسْمَعُ النَّجوى لَديهِ
فَمَنْ يَزرهُ بالقَبرِ مَلهوفاً لَديهِ كُفِي

إذا وَصَلْتَ فَاحْرِمْ قَبْلَ تَدْخُلَهُ
مُلَبِّياً وإسْعَ سَعْياً حَولَهُ وطُفِ

حَتَّى إذا طِفْتَ سَبْعاً حَولَ قُبَّتِهِ
تاءمَّلْ البابَ تَلْقى وَجْهَهُ فَقِفِ

وقُل سَلامٌ من الله السلامِ على
أَهلِ السلامِ وَأهلِ العلمِ والشرَفِ

إنِّي أتيتُكَ يامولاي َ من بلدي
مستمسكاً من حبالِ الحَقِّ بالطرَفِ

راجٍ بأَنَّكَ يا مولاي تَشفَعُ لي
وتسقيني من رحيقٍ شافيَ اللَّهَفِ

لأَنَّكَ العُروةُ الوثقى فمَن عَلُقَت ْ
بها يداهُ فَلَن يُشقى ولَم يَخِفِ

وإنَّ أسماءكَ الحُسنى إذا تُليت ْ
على مريضٍ شُفي مِن سُقمِهِ الدَّنفِ

لأنَّ شأنَكَ شأنٌ غير َ مُنتَقَصٍ
وإنَّ نورُكَ نورٌ غيرَ مُنكَسِفِ

الحسين بن الحجاج

(335)
#اللهم_عجل_لوليك_الفرج

6.2k 0 47 34

تراث القصائد الحسينية

13 Jan, 07:00

تراث القصائد الحسينية dan repost

#تراث
قصائد تراثية لمولى الموحدين
سيدي ومولاي أمير المؤمنين
روحي فداه

1 .. مفروض عالناس حبك ياعلي
2 .. شيگول الگلب دسمع يا حيدر
3 .. علي عالي اعله كل عالي
4 .. أسأل من المعبود ... لا عذب أمي
5 .. احتارت بفضلك يداحي أبوابهـا
6 .. اي والذي اختارك ياگطب الأفلاك

#اللهم_عجل_لوليك_الفرج

5.4k 0 27 11

تراث القصائد الحسينية

12 Jan, 17:10

#تراث

لمولى المتقين أمير المؤمنين
صلوات الله عليه

لَو أنّ عَبدًا أتَى بالصّالحَاتِ غَداً
وَوَدَّ كَلّ نَبِيٍّ مُرسَلٍ وَوَلي

وَصَامَ ما صَامَ صَوّام بِلا ضَجَرٍ
وقَامَ مَا قَامَ قَوّام بِلا مَلَلِ

وحَجّ ما حَجَّ مِن فَرضٍ ومِن سُنَنٍ
وطَافَ مَا طَافَ حَافٍ غَيرَ مُنتَعلِ

وطَار في الجوِّ لا يَأوي إلى أحَدٍ
وغاصَ في البحرِ مأموناً مِن البللِ

يَكسو اليَتَامى من الديباجِ كُلِّهِمُ
ويُطعم الجائعينَ البُرَّ بالعَسَل

وعاشَ في الناس آلافاً مؤلفةً
عارٍ من الذنبِ معصوماً من الزللِ

ما كان ذلك يَوم الحشر ينفعُهُ
إلا بحُبِّ أمير المـؤمنين عَلي

نصير الدين الطوسي

(334)
#اللهم_عجل_لوليك_الفرج

5.6k 0 82 35

تراث القصائد الحسينية

12 Jan, 13:16

https://t.me/affeff

نعي +ابوذيات

نعي + ابوذيات

5k 0 3 4

تراث القصائد الحسينية

11 Jan, 14:18

تراث القصائد الحسينية dan repost

#تراث
من القصائد التراثية
لمولاتي عقيلة الطالبيين زينب سلام الله عليها

. لم أنس زينبَ بعد الخدرِ حاسرةً
. كوضت بالشام زينب ياوليها
. ايام ايام هاي الدنيا ايام
. زيـنـب يـا غـريـبة الله اشــمـصـيـبـة
. هاي دار النوايب عتبوها
. أدور عليك يبن امي ولا واحد يدليني
. زينب شــافــت الميمون مجبل والگلـب فرفر
. زينب ياعلي زينب الخيل من اوصلت حدها
. يبن أمي إنگطع گلبي وعيني ظلت إربيّه
. نادت زينب الحره .... لاچن تجذب الونه
. يحسين الخيم يحسين...گوم ولحگ عليهه
. لمن طاح من چفك علمنه
. يبو زينب تعال وشوف حالت زينب الليله
. زينب گصدت إتحشم وليها
. زينب يـالتنشدوني عليها
. من طبن خوات احسين دیوان ابن مرجانه
. يـابـن أمـي الـيـسـر فـضـت أيـامـه

نعي

. هذه دارهم تُهيج شجوني
. وينه العلينه اليوم ينغر
. اختك الكوفه امن اجت ليها
. القلب شاجر على ابن امي وداوي
. لجيم العزه وأصبغ اهدومي
. ردتك الوادي الطف تحضره
. صاحت يوادي كربله عنك مشينا
. لعند الشام من لاحت علايم
. إنچان اتريدني أنسه و أبطل النوح وونيني
. حط الراس جدامه اونشد عن النسه اوعني
. يبات الگلب يحسين محزون
. سلامٌ على الحوراء ما بقي الدهرُ

#اللهم_عجل_لوليك_الفرج

5.7k 0 44 20

تراث القصائد الحسينية

10 Jan, 14:42

لـم لا حـسامك ينتضى | ابيات ندبة للامام المهدي (عج) — زمان الحسناوي zaman alhasnawi

4.5k 0 21 4

تراث القصائد الحسينية

10 Jan, 08:09

#تراث #ندبة

يا ابنَ الوصيّ المُرتَضى
لِمْ لا حُسامُكَ يُنتضى

طال انتظارُك سَيّدي
نهضاً فَقَد ضاقَ الفضا

حَاشاكَ لستُ أقولُ عن
ثاراتِ جدِّكَ مُعرِضا

ما الصبر يابنَ المرتضى
في القلبِ نارٌ من غضا

يا حجةَ اللهِ الذي
في طَوعهِ أمرُ القضا

ما ذا التصبّرُ والحسي
نُ بكربلا ظامِ قضى

قد ظلّ عارٍ بالعرا
والجسمُ منهُ رُضّضا

والرأسُ منهُ بالقنا
كالبدرِ لّما أنْ أضا

وعليلُه بقيودِه
والغلُّ أضحى مُبهضا

وبناتُ فاطمةِ بها
ظعنُ الأعادي قَوّضا

تستاقُ ضرباً بالسيا
طِ متى دَعت بالمُرتضى

الشاعر
الشيخ حسين بن الشيخ
علي القديحي البلادي
ت 1387 هـ
(333)
#اللهم_عجل_لوليك_الفرج

5.2k 0 36 20

تراث القصائد الحسينية

9 Jan, 14:02

#تراث #أبوذيات

مولاتي العقيلة زينب روحي فداها

انياب الدهـر عـظني ولاچـن
بـلا وليـــان خــلني ولاچـــن
لاني ام الخدر چني ولا چن
ابوي المرتضى وامي الزجيه

المصايب من زغر وياي شبن
و نیران ابظمير احشاي شبن
اليگلي اشبيچ اگله افگدت شبان
علي او جاسم وخوتي أهل الحميه

بعد وياك ما يحصل ولا ماي
يخويه او زاد من عگبك ولا ماي
متت عطشان يبن امي ولا مــاي
ضگت والماي مهر امي الزجيه

ابزماني ما شفت يحسين راحـاي
او بگیت اصفج عليك ابوجل راحاي
تگلي للــخـيـم يـا خــوي راحــاي
ارد اشلون وانت على الوطيه

المرحوم السيد جاسم الطويرجاوي

(332)

#اللهم_عجل_لوليك_الفرج

4.9k 0 106 28

تراث القصائد الحسينية

9 Jan, 00:35

#تراث

[موشح ]

على التل وگفت اوشبحت عينها
زينب وكامت تحشم احسينها
ــــــــــــــــــــــــــــــــــــــ
نادته وعيونها من دم تكت
وين ياريحانة الهادي صرت
عدل بعدك يو يبن حيدر متت
او صرختك بالخيل ياحر وينها
ــــــــــــــــــــــــــــــــــــــ
انچانّك حي يسلون الطهر
بادر ادرچنه امن ايادي اهل الغدر
وانه ياخويه اسلمت لله الأمر
جرت بعيالك على تهوينها
ــــــــــــــــــــــــــــــــــــــ
نوت للميدان بت حامي الدخيل
اوشگت اصفوف العده او طرت الخيل
لگت واليها على الرمضه جديل
حايطه اعليه العده صوبينها
ــــــــــــــــــــــــــــــــــــــ
ما الجسمه شافت اعله الگاع أثر
غير زور ارماح شابح چالشجر
اونبت نشاب وجبل فوگه صخر
والسيوف ابچثته جافينها
ــــــــــــــــــــــــــــــــــــــ
گامت تميل أمن اكتاره السلاح
او تشلع النشاب منه والرماح
حين وجهه العينها من الدفن لاح
آه يامن للطلايع عينها
ــــــــــــــــــــــــــــــــــــــ
وگفت اعليه ما وگفها كل أحد
غير ابو الزهره عله الحمزه الأسد
او شافته بناظر يصب مثل البرد
دمع محمر يسفح بخدينها
ــــــــــــــــــــــــــــــــــــــ
نادته يحسين حاچيني گبل
ما تروح الروح مني والعگل 😭
سكت عنها بكثر ما بحشا ثگل
هَم على أعياله او على صواوينها
ــــــــــــــــــــــــــــــــــــــ
نادته النوبه يعزنا ياالأبي
عاد جاوبني ابحگ جدنه النبي
سكت ما جاوبها الليث الطالبي
يدري چن أهل الرده والينها
ــــــــــــــــــــــــــــــــــــــ
نادته النوبه ودمعها الچالسيول
عاد حاجيني ابحگ جدنه الرسول
يسمع أخته لچن ما يكدر يگول
او حال مابينه الضمه او ما بينها
ــــــــــــــــــــــــــــــــــــــ
نادته النوبه ابمدامعها الحمر
عاد كلمني بحگ امنه الطهر
فتح عينه او خاطره اعليها انكسر
والها ون واهي عليه اونينها
ــــــــــــــــــــــــــــــــــــــ
يختي يازينب شعبتيلي الگلب
او زدتي كربي فوگ مابيه كرب
حاجيتج شخصي او ولاچن الحرب
حاجتچ ضاعت ولاني حينها
ــــــــــــــــــــــــــــــــــــــ
ردي يازينب يبيت فحل الرجال
للمباني وعاد حفظيلي العيال
نادته هيهات يحسين ومحال
ارد ياخير الوره ويازينها
ــــــــــــــــــــــــــــــــــــــ
اشلون ارد عنك يسلوان الطهر
او ما النه غيرك ذخير اولا ذخر
بين ما تنخاه اولن سوط الشمر
طگ ظهرها ولوح ابمتنينها
ــــــــــــــــــــــــــــــــــــــ
او صرخ بيها الظالم الجلف الردي
عني اتنحي يزينب وابعدي
لا أذبحچ أبحد امهندي
والمنيه براحتي اتشوفينها
ــــــــــــــــــــــــــــــــــــــ
وعت بت الفحل من غشية البين
والهه والتفتت ايسار ويمين
لگت خيها احسين ويلا ياحسين
رگبته الما تنلوي لاوينها
ــــــــــــــــــــــــــــــــــــــ
صفگت امن النايبه يد اعله يد
نادته ابحرگه واغدت تلطم الخد
يارسول الله يبو الزهره يجد
اميه من عندك استافت دينها

الشاعر المرحوم
الشيـخ عبود غفله

#اللهم_عجل_لوليك_الفرج

4.8k 0 53 25

20 ta oxirgi post ko‘rsatilgan.

15 436

obunachilar

Kanal statistikasi

Kanalda mashhur

#تراث فهرس قصائد الفصيح 1 .. بأبي الظامي على نهرِ الفرات 2 .. لم أنس زينبَ بعد الخدرِ حاسرةً 3 ....

#تراث لإستشهاد سيدي ومولاي الإمام الهادي روحي فداه يا وفاد للهادي مگصدين مات او گضت روحه او ف...

مقام كربلاء المقدسة عن ابي عبد الله عليه السلام :إن أرض الكعبة قالت : من مثلي وقد بُني بيت الله ...

#تراث يا صاحبَ القُبَّةِ البَيضاءِ في النَّجَفِ مَن زارَ قَبرُكَ واسْتَشفى لَدَيكَ شُفِي زورو...

#تراث من القصائد التراثية لمولاتي عقيلة الطالبيين زينب سلام الله عليها . لم أنس زينبَ بعد الخدر...