تبشر بها بانرد الصاع باالصاعين
والا خلسناجفول العز للنسوان

#ناجي_القطيبي

والله لو تسقفو صنعا بطيّارين
انّ المدد لهل غزّه من يمن لِيْمان

لوتقصفو ناووي مِحْنا بمفتجعين
مادام واحنا مع ربّي عظيم الشان

اتجهّزو يابن اسرائيل من ذلحين
للهجره العكسيه قد،وعدربي حان

وتركيا،الداعشيه والاوربيّيّن
مايمنعو صدق وعدالله فى القرءان

#ابوجهاد_صبر

بالله بانهزم أمريكا وبن يامين
وبقوة الله نقهر قوة العدوان

احنا اليمن ذي لنا من ربنا تمكين
واحنا اليمن ذي جعلنا كل حلف اهتان

لاوين لاوين قولوا للمريكيين
شعب اليمن قوته من قوة الرحمن

#الشاعر_ابوصالح_الحربي

‌‎احنا رجال ابن بدر الدين وفلسطين
وجنــــود رب الوجود الواحد الديان

هيهات نرجــــع وحاشا ننثني ونلين
عن موقــف الحق كلا لو يكن ما كان

يا الله هيئ لنا بـ العون والتمكين
من أجل ننسف عروش الكفر والطغيان

#مناع_شريم

هذه اليمن واليماني وين وانته وين
بانحتشد حشد مليوني في الميدان

ما لك خيارات وانت اختار بين اثنين
توقف حصارك على غزه مع العدوان

ولا انتزعنا لك الاكباد جنب العين
هذه المسيره وقايدها علم ربان

هدد لك الروس,ياملعون ولا الصين
ما بانوقف عن الاسناد مهما كان

#ابوبدر_ذيبان

هنا اليمن يا عديم الفهم والتخمين
هنا الصمود التحدي موطن الشجعان

حشودنا في ميادين الشرف باقين
مثل الشماريخ تشمخ تقهر العدوان

مشهد ثبات الرجال الوافية للدين
متجسد اخلاص منه تقشعر ابدان

و موقف الحق راسخ دعم لفلسطين
والنصر والفتح من عند القوي المنان

#عبدالخالق_سدهان

حكم الوفا مثل حكم النون والتنوين
في شعبنا وانظر السبعين له عنوان

نقرأ مع الحـرب بعد الـزلزلة ياسـين
واسأل اذا شئت بن زايد وبن سلمان

احـــــنا لـغزة فـدا زيتونها والتين
والمــجد لله والـــعزة مع الرحــمن

#عارف_شرده

هذا اليمن من تعداه يقسمه نصين
وشعبنا يعرفوه الأنس هو والجان

انصار ربي وأنصار النبي والدين
قولو لحلف اليهودي هو والامريكان

العين بالعين وبانقلع لها الثنتين
ومن قصفنا يذوق الذل والخسران

#اكرم_النيعاني_ابونبيل

شعبنا في يدينه سيف ذوحدين
قل لندن وبن صهيو ولمريكان

ردنا كل مانتو تقصفو ردين
ياقواء الشر والاعيان بالاعيان

سهمنا الحيدري يبلغ وراء الالفين
يضرب اهداف ماقد جات بالحسبان

بانخلي الملاجاء بالجثث يملين
والسماء تحتجب من باسنا دخان

#جـمال_عـــوضه

اي والله ان الكرامه رافد التمكين
والعز ذي في دمانا منفذ الشريان

لا احنا من الصهينه والامركه اسفين
ولا بـريطانيا اوكان مـــن ما كان

لن يرهب ابن اليمن يارب اسألك عين
انت الـعظيم القوي الحافظ الرحمن

زلزل عروش الطغاه وارسل لهم ذلحين
طيرآ ابابيل لا يـــبقي لهم سكااان

#عدنان_جحوح

هيهات تتوقف الساحات والسبعين
عن نصر غزة ومسرى المصطفى العدنان

لو تقصفوا شعبنا بالذري والنترين
أو تزحفوا له علن بسائر البلدان

ما ردنا قصفكم عن نصرة افلسطين
فحنا مع الله بانقهر قوى الشيطان

#عزيز_محمد_البروي

هذا اليمن ما يوازيه روسيا والصين
ولا بلاد الشهيد مليون ولا ايران

بأس اليمانين قوم الوعد والتمكين
ياويلكم ويل منا زمرة الشيطان

من حارب الحق يبشر بالقضى ردين
وبالفنى سنة الله دايم الازمان

#ابوهادي_عقاب

الى خنازير بن صهيون والكلبين
لوتطلقوا كل ما مامعكم من النيران

معكم اولوالبأس والشده يمانيين
المستحيل الذي مايعرف الاذعان

الله جعلهم لكم سوط العذاب الشين
هم وعد رب الخلايق ذي تجلى الآن

بقيادة ابن النبي بنحرر الكونين
من شرصهيون وبريطان وامريكان

#سليم_نشوان

تهديدكم زادنا قوه وعزم ودين
احنا مع الله ياكُفــار مهما كان

والله وعد اولياه بالنصـر والتمكين
احنا اوليا الله وانتم اوليا الشيطان

هذا اليمن من زمن تبع الى ذلحين
ما أنحنا غير للخالق عظيم  الشان

#صقر_سبحان

شعب اليمن قد مضى في نهج سيدي احسين
وعنْه مابا يحيد ولو يكن ما كان

وانظارنا كلنا التحرير لفلسطين
واخراج صهيون منها هو والامريكان

ولا نبالي لو الواحد قُسِم نصفين
فينا ثقة مطلقة بالله عالي الشان

ولا لنا شيء سوى وحدة من الثنتين
يانصر ولا الشهادة في رضى الرحمن

#امير_العويري

رجال كمن اسد مقدام واحمر عين
القصف اصبح لهم روتين يالعدوان

لو تطلع الفين في الفين في الفين
من طايراتك وتشعل ارضنا نيران

ماهزناواسالوا من حرب عشر اسنين
واتخبروا عنّها زايد وبن سلمان

#اسامة_المعباء

الشعب ثابت بموقف من سنة الفين
واثنين من يوم ماعاده وسط مران

واليوم قد هو بكله داخل السـبعين
سبعين مليون هدو عصـبه الطغيان

احنا مع القـــدس بانبقى ويا اهلين
بالقصف ما ننثني لو تضربوا اطنان

#صنعاء_وغزة معآ والنصر لشعبين
بفضل خلّاقنا النــاصر عظيم الشان

#ابوزينب_فارع

القصف جنب الحشود متراجعت شبرين
ولاحشـــد شعبــنا ياويـل الأمـــريكـان

وابن اليمـن ماوقـف في البـر والبحـرين
الا وقــد سل لأجــل المعـــركه سيفــان