ندخل في المهم

كلنا عارفين ان الأغاني حرام و طبعا انا هقفل القناة بس قولت أقول كلمتين لعل و عسي حد يقتنع و لو بنسبة ١٪
مبدأياً أنا كنت عارفه ان الاغاني حرام قطعاً بس كنت مستهونه اوي بالذنب و مفهمتش حجمه بجد غير لما اضطريت ابعد عن الاغاني في وقت ضغط المذاكره و اسمع قرآن(كنت ثانويه عامه السنه اللي فاتت جبت ٩٢ علمي علوم مش مهم ده موضوع جانبي بس لو تسائلتو 😂) بدأت وقتها اتأثر بالقرآن جداً جداً و من وقتها و انا مبقتش بدخل اشغل اغاني من نفسي ابداً
المسلم بيحرص علي ما ينفعه و مبيرميش نفسه في النار ( نار ان قلبك يبقي متعلق بحاجة غير ربنا و كلام ربنا مش مجرد نار آخرة لا و الله دنيا و آخرة )
انت اصلا مش هتفهم معني انك تبقي خفيف و مش حاسس بهم غير لما تبعد عن الأغاني و تحافظ علي صلاتك و الله بجد الاغاني دي حِمل بيزود الهم مفيش منها اي فايده حتي فليه بجد ؟