💐🍃💐🍃💐
🍃💐🍃💐
💐🍃💐
🍃💐
💐 196 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 💐🍃

بعد مرور ساعتين
ذياب فتح باب سيارته بيطلع لكن تفاجأ وهو يشوف سلطان ينزل من سيارته ،
قفل باب سيارته وتوجه لسلطان
سلطان مد يده : اهلا يا ذياب
ذياب صافحه : اهلا
سلطان ابتسم : كويس يلي شفتك ، اسمعني ذياب هذي رابعه مره اجي وكل مره اجي سحاب ما ترضى تقابلني تكفى ذياب انا ابيها ترجع ما بقى ع ولادتها شي اقنعها انه بش تشوفني و نتفق و انا راضي بكل شروطها
ذياب هز راسه وفتح له باب البيت : تفضل سلطان حياك الله ..
سحاب بعد ما اقنعها ذياب وحاول فيها رضت انه تقابل سلطان غيرت ملابسها وطلعت من الغرفه وقفت و رجعت لغرفتها اخذت شيله و غطت ع راسها نزلت ودخلت المجلس : السلام عليكم
سلطان ابتسم بفرحه اول ما شافها فتح يدينه بيضمها لكن تجاهلته وجلست مقابله : هات وش عندك ؟
سلطان : اشتقت لك يا سحاب
سحاب ابتسمت بسخريه : كلامك ما عاد ياثر فيني حتى غيابك هالمره ما ورث اللهفه ، تتوقع ليش ؟
سلطان مسح ع وجهه :سحاب انا ادري انه غلطت عليك وجاي اعتذر لك
سحاب بحده : على ايش بالضبط جاي تعتذر ؟
سلطان : على كل شي ، سحاب ارجعي وخلينا نكمل حياتنا مع بعض و انا اوعدك انه كل شي بيتغير وانا موافق اشتغل عند ذياب بس تكفين ارجعين معاي
سحاب : تبي تشتغل اشتغل ما تبي بكيفك هالشي راجع لك انا مو راجعه معاك وخلص اتخذت قراري وبتطلق منك رسمي بعد ولادتي انا كرهتك يا سلطان وعفتك احس ما عاد ابيك ابدا وصلنا لنقطه صعبه جدا انا وياك ما نصلح نكمل مع بعض
سلطان : سحاب تراجعي عن كلامك تدرين انه نحنا نحب بعض
سحاب قاطعته : أي حب ! أي حب يا سلطان انت ضربتني و اذيتني و حرمتني من الجامعه وتجاهلتني كثير كثير وتحملت وقلت عادي لكن وصلت معاك انك تشك فيني انا صح غلطت وحملت قبل الزواج لكن هذا مو معناه انه انا بنت ما ينوثق فيها انا غلطي الوحيد انه حبيتك و وثقت فيك لكن دفعت الثمن بغلطتي وهذا انا رجعت بيت اهلي قبل لا ينولد طفلي ، انا عطيتك قلب لو غيرك خذاه ما نام من حرصه ..
وقفت وكملت كلامها : الله معك سلطان
سلطان وقف وهو متنرفزه من كلامها: ولدي يلي ببطنك ابيه يكبر معاي وفهمك كفايه
ناظرته ببرود : ابشر ما طلبت شي انا بولد وانت تعال خذه و ربيه و اذا كبر وسالك وين امي قوله انا كنت انسان سيء لدرجة امك تخلت عن أي شي يربطني فيها !
.
بعد مرور أسبوع ؛
هالاسبوع كان جدا جدا صعب وسيئ بالنسبه لسحاب حست بالتعب النفسي و الجسدي رغم محاولات سلطان انها ترجع له و رغم إصراره الدايم الا انها رافضه تمام الرفض ،
كانت نايمه فوق سريرها حطت يدها فوق بطنها وبدت تمررها بهدوء هاللحظة حست برفسات ولدها وجتها مشاعر غريبه نزلت دموعها ومسحتها بسرعه وهمست : انتِ قويه يا سحاب وخليك عند قرارك لا تستلمي ولا تضعفي
اندق الباب و دخلت دانه : عادي ادخل ؟
سحاب جلست بصعوبه و حطت مخده ورا ظهرها : هلا دانه تعالي
دانه ابتسمت دخلت و سكرت الباب و جلست بطرف السرير : كيف حالك ؟
سحاب : كويسه ، غريبه جايه غرفتي في شي ؟
دانه : يعني ما اجي عندك الا اذا في شي ؟
سحاب : يعني إستغربت للأمانه
دانه وهي تمثل الطيبه : جيت اطمن عليك و قلت بسولف معاك شوي عاد والله طفشت من هالبيت محد يقعد معاي ولا احد يسولف ، خالتي اذا شافتني سوت نفسها انها ماشافتني والاء الثانيه رافعه ضغطي لازم تسمعني كلام بالطالعه والنازله
سحاب : دانه لا تلومينهم ترا من حبهم ل لينا …
دانه قاطعتها : ليش تحبونها هالكثر وش سوت لكم ؟
سحاب رفعت كتوفها : ما ادري وش سوت ولو بتذكر وش سوت يمكن ما أتذكر شي لكن اول شي سوته كانت كافتنا شرها وطيبتها وحنانها كان فايض بهالبيت دايما تذكرنا بالخير ودايما نذكرها بالخير ، لينا كان وجودها غير بهالبيت كانت لمن تروح بيت خالتي و تنام نفقدها و نتصل لها لانها صارت منا وفينا ، لينا ما كانت زوجة اخ فقط لينا بنتنا و ابوي كان دايما يقول كنت أتمنى ربي يرزقني بنت غير سحاب و رزقني ب لينا ، لينا غلاوتها غير بقلوبنا كلنا يا دانه فلا تحاولين تاخذين مكانها لانه مكانها محد ياخذه
دانه تضايقت من كلام سحاب و حست الغيره تاكلها اكل لكن رغم كل هذا بينت العكس و ابتسمت : بس انا يا سحاب ما ابي اخذ مكان لينا ولا ابي اصير مثلها بس ع الأقل تقبلوني يعني اقعدو معاي سولفو معاي والله ضاق صدري بهالبيت ..

💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐