د سپوږمۍ رڼا کې غلي شول آهونه
ژړوي مې ارمانونه ستا یادونه

په څپو کې د باد ستا عطر محسوس شي
راژوندی مې کړي دردونه، ستا یادونه

هر یو څاڅکی د ژړا د زړه له تله
کړي رایاد ها تیر خیالونه ستا یادونه

چې له شپول د تورو شپو غیږ کې راټول شي
راسپړي زاړه زخمونه، ستا یادونه

دا په څنډه کې د وریځ ستا سیوری ښکاري
پاروي تللي وختونه ستا یادونه

د رڼو ستورو نڅا وي په اسمان کې
د یو بل کوي سیلونه ستا یادونه

در ولي مې ستا تر څنګ محسن احسانه
چې کوم دا ستا فکرونه ستا یادونه

محسن احسان