مساء الخير 🌹

🟠بعد كذا شهر من التمرين بأستمرار وقوة وشغف هيجي عليك وقت هتحس بأنعدام الرغبة والشغف والطاقة... وألام غير مبررة في مفاصل جسمك وعضلاتك من الأستخدام المتكرر ليها Overuse .

🟢هنا هتحتاج تخفف من حدة تمارينك وتعمل Deload .

طيب إيه ال Deload

🔶هو بصورة مبسطة هتقلل من الأوزان والمدة اللي بتتمرنها عن المعتاد لمدة اسبوع .

🌟يعني ببساطة لو بتتمرن بوزن 40 كيلو هتتمرن ب 20 ... لو بتلعب 4 جولات للتمرين هتلعب 3 ... لو بتتمرن 5 ايام في الأسبوع هتتمرن 3 ايام... لو بتجري عالتريد ميل 25 دقيقة هتجري 10 دقيقة

🌟بتستفاد إنك بتتمرن وبتحافظ علي لياقتك وفي نفس الوقت مقطعتش التمرين خالص. وبتدي فرصة لجسمك وعقلك إنه يستعيدوا كل طاقتهم علشان تقدر تستمر بدون زهق من الروتين او إصابة من الإستخدام المتكرر للعضلات والمفاصل والحمل والضغط اللي بتحط جسمك وعقلك فيه

دمتم بصحة وعافية 🌸🌸