((شو بس راس))
ها
عباس
شو بس راس
عني أتغيب
چا بيش اطرد الوهواس
ظلي انداس
ذاك الچان ماينچاس
حيره أتعوف ضعنك وانته ابو النوماس
هَيلك وين
وين الياس
نورك وين والنبراس
عفتنه أمهبطين الراس
عفتني شلون يالعباس
امشي مگیده مابین
ناس وما اضنهم ناس
يالمتوسد اعله ارماح
ترست الكاع خويه احساس
ونطيت الهوى من نفسك الأنفاس
ها عباس
هاي النوگ
أختك عالهزل متلوگ
من حلگ الاسد انته التجيب أحگوگ
شو بس راس يالمسحوگ
چا وين الضوه المعلوگ
چا وين الندى المشبوگ
شو بس راس وآنه يشيل بيه الشوگ
خويه عالرمح ملحوگ
وصلنه وجاي اشوف السوگ
جاي اسمع الدف عباس
ودلالي غده مفتوگ
شو بس راس والوادم بضعني اتسوگ
رمشك عالرمش مطبوگ
انزل لاتضل ليفوگ
شو راويني هذا الحاجب المشگوگ
شو دليني خويه اليوجعك ياسوگ
بيا ديوان گلبك بالحچي محروگ
من ياچلمه گلي خاطرك مخنوگ
شو بس راس
يالتدري الضعن مبيوگ
وبحبال العشگ مشبوگ
وبنار الهجر مثل الخيم محروگ
شو بس راس
بس أدري وحليبك أنته مامرتاح
هاگد صاح
راسك
تحچي خويه أشراح
دمعك سگه اشگد ارماح
خويه اصياح
اسمعك گتلي زينب طاح
ذاك الطفل من ضهر الهزيله وطاح
أي يابعد زينب طاح
يبو سهم وأثر ماراح
ظل مرتاح
أبدالك راح اكض اصفاح
لو نفرض اديك وياك
بس هذا الرمح ماعنده خويه اصفاح
خويه الشام كلها اشباح
مابيهم بشر ياخويّ
تمساح بكتر تمساح
شو بس راس
وآنه من الحجر مليت
يتامه ازغار شمسوين
أنه حرمه أنه أسويت
مجبوره ويه راسك احچي ونداريت
يالمگبع أثر خطواتي ياعباس
شو أحچي
ولا رديت
شنهو العوگك يازهرةّ اهل البيت
شو بس راس ماصديت
مو تسمعني بسمك يالگمر ناديت
حاچيني ترى حنيت
خليني أنسه درب الشام
بس حاچيني يبن الخير
الأسمي بنبرتك حنيت
وتمنيت ..
يالعباس بالعباس وتمنيت
شو بس راس
وللشام بهزل طبيت
وبنار وحجر ياخويه ونشمريت
يل ماترضا شو بس راس
شو بس راس ماهديت
سكته وبالگلب ونيت
ياماي الوفه اتبديت
ألمك بيش يالبل گاع وتبديت
لميتك لچن عباس
بس خويه وصل لميت
وخليتك نهر يم النهر خليت
وجبتك راس وتعليت
شو بس راس ...
عبد زينب
محمد الابراهيمي
ها
عباس
شو بس راس
عني أتغيب
چا بيش اطرد الوهواس
ظلي انداس
ذاك الچان ماينچاس
حيره أتعوف ضعنك وانته ابو النوماس
هَيلك وين
وين الياس
نورك وين والنبراس
عفتنه أمهبطين الراس
عفتني شلون يالعباس
امشي مگیده مابین
ناس وما اضنهم ناس
يالمتوسد اعله ارماح
ترست الكاع خويه احساس
ونطيت الهوى من نفسك الأنفاس
ها عباس
هاي النوگ
أختك عالهزل متلوگ
من حلگ الاسد انته التجيب أحگوگ
شو بس راس يالمسحوگ
چا وين الضوه المعلوگ
چا وين الندى المشبوگ
شو بس راس وآنه يشيل بيه الشوگ
خويه عالرمح ملحوگ
وصلنه وجاي اشوف السوگ
جاي اسمع الدف عباس
ودلالي غده مفتوگ
شو بس راس والوادم بضعني اتسوگ
رمشك عالرمش مطبوگ
انزل لاتضل ليفوگ
شو راويني هذا الحاجب المشگوگ
شو دليني خويه اليوجعك ياسوگ
بيا ديوان گلبك بالحچي محروگ
من ياچلمه گلي خاطرك مخنوگ
شو بس راس
يالتدري الضعن مبيوگ
وبحبال العشگ مشبوگ
وبنار الهجر مثل الخيم محروگ
شو بس راس
بس أدري وحليبك أنته مامرتاح
هاگد صاح
راسك
تحچي خويه أشراح
دمعك سگه اشگد ارماح
خويه اصياح
اسمعك گتلي زينب طاح
ذاك الطفل من ضهر الهزيله وطاح
أي يابعد زينب طاح
يبو سهم وأثر ماراح
ظل مرتاح
أبدالك راح اكض اصفاح
لو نفرض اديك وياك
بس هذا الرمح ماعنده خويه اصفاح
خويه الشام كلها اشباح
مابيهم بشر ياخويّ
تمساح بكتر تمساح
شو بس راس
وآنه من الحجر مليت
يتامه ازغار شمسوين
أنه حرمه أنه أسويت
مجبوره ويه راسك احچي ونداريت
يالمگبع أثر خطواتي ياعباس
شو أحچي
ولا رديت
شنهو العوگك يازهرةّ اهل البيت
شو بس راس ماصديت
مو تسمعني بسمك يالگمر ناديت
حاچيني ترى حنيت
خليني أنسه درب الشام
بس حاچيني يبن الخير
الأسمي بنبرتك حنيت
وتمنيت ..
يالعباس بالعباس وتمنيت
شو بس راس
وللشام بهزل طبيت
وبنار وحجر ياخويه ونشمريت
يل ماترضا شو بس راس
شو بس راس ماهديت
سكته وبالگلب ونيت
ياماي الوفه اتبديت
ألمك بيش يالبل گاع وتبديت
لميتك لچن عباس
بس خويه وصل لميت
وخليتك نهر يم النهر خليت
وجبتك راس وتعليت
شو بس راس ...
عبد زينب
محمد الابراهيمي