الناشر مصطفى المياحي

حي الله قائــــــد كربله وراعيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،
بچفوفه شال الرايـــــــه وتعناها
تركــب الخيل اعله الزلـم خلاها
واحـــد يگل للثاني يالله مشينه
مانسلم العباس لــــــــــــو طباها
يگضيها ناوي اعله الزلم يگضيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شيخ الهواشــم بالحرب محلاته
لليوم تحچي الوادم بصولاتـــــه
عباس انتـــــــــه لو علي يگلوله
مو بيــــده يكتل يكتل بخزراته
وي التـــــــــراب الوادم يذريها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
زينــب بديها حضــرتله الرايــه
وگاللها اله الجيش اجيبه ومايه
دگ سدره گدام الحرم دگ سدره
والزلمه يوصــل يـــــم المسنايه
ياخــــذها گام بسيفه ويرد بيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حي الله اخوي النشمي زينب صاحت
هــــد ابن ابوها ونص زلمهم طاحت
رواينـــــــي زودك يالفحــل راويني
كالتله زينــــــب والهواشم غارت
سواها والله المحـــــد مسويها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي



@HxzEU1

#قناه_نشر_القصائد_المنبريه

اشگد مشتاگ الك اني
وكل جمعه التجي متاني
راح العمر راح

مدك يختلف جزره الشوگ حسره امشيلك عمر
شيب افراگك ابراسي اعز ناسي مليت الصبر

اليطيح اگبال عين الناس اهوي ادنگ اتعينه
اشلون الي يطيح اعليك انتضار يخلص اسنينه
وين الگه احن منك
تنساني ادري ماضنك
يل شوگك اجراح// راح العمر راح

مدلي اچفوفك الحلوه خاف اهوه اگبال المايحن
شلي ابصحبت الوادم هواي نادم وبغيابك اون
الوادم من تسوي افضال تسولف بيهه منيه
ونته الما تمن ابيوم افضالك زايده عليه

كافي ابشوگك اتألم
ابملگاك اغفه وتحلم
گلب چم سهم لاح راحرح العمر راح

العافك شله بسنينه منو ايعينه حبيبي الماجفه
شايلك گلب مغرم الك يرهم انتضار امحلفه
تحب المانساك ابيوم واليمشي عل اتريده
الحبك كون يعرف زين غيرك محد يفيده
ابذكرك تنزل النعمه
من اسمك تستحي النسمه
مجافاتك رماح راح العمرراح

بيك انشدت امالي وبحالي اسنينك عاشرت
مثل ام ضيعت واحد وتشاهد بصوره بقت
يصبح الفلا بي ليل يمته انصبح ابوجهك
رسمنه اجروحنه ابحيطان بس مانوصل الرسمك

هنياله اليشم عطرك
مانملك مثل صبرك
كضينه الاصفاح راح العمر راح

سلام البهادلي

#للبقيع

*يايوم مهدينه__بيده يبني الصحن*


يا يوم يظــهر راعي الثار
يبــــرد گلبنه الملتهب نار
ولرض البقيع انروح ثوار
نبني قبب لگبـور الاطهار

نبــنيها انعلــــيها كل المــنارات
وتتزاحم شيعتنه تأدي الزيارت
ونسمع مواكبنه .. للخدامه اطلعن
*يايوم مهدينه .. بيده يبني الصحن*


برض البقــــــيع ايعـــلگ الوا
ايحني الابواب ابدمــــع عينا
ويفتي المجالس تنحيي اهنا
ويقــــــراله باســم وحنه ويا

بالمجلس دمعتنه نبچيها بحساس
ويانه الگــــبر امه هم يلفي عباس
ويرجع اجفوفه .. البالطف اتگطعن
*يايوم مهدينه .. بيده يبني الصحن*


ومثل اربعين احسينه اتصير
مشــــايه. بيها العالم ايحــير
نفرش جمر بالدرب ونســــير
وموكب لطم يطـــلع وتطبير

مانتعب مانهتم مهمه الدرب طال
مانرجـع وفايه عـنه احـنه ينگال
ورايات ثورتنه  ... بالدرب رفرفن
*يايوم مهدينه … بيده يبني الصحن*



امن المهدي نسمع صوت الآذان
برض البقـــــيع بأجـــمل الحان
وتحـــظر تصلي الانس والجان
تتـــــوافد النه امنــــين ماچان

الصـادق والبــاقر لمن نجـي انزور
انعاهدهم نفديهم ونضحي بنحور
ومن نوصل انقدم .. كلشي لجل الحسن
*يايوم مهدينه … بيده يبني الصحن*


نمشي ونخلي العــالم ايشـــــوف
اويه المهدي نكسر حاجز الخوف
بگلوبنه جمـــــــــــــرات الطفوف
نوصل علي الســـــــجاد ونطوف

ونقراله ابلوعتنه وبطــور ياسين
ونذكره ابعماته ومصيبت حسين
وجمرات خيماته … الهل وكت ماطفن
*يايوم مهدينه … بيده يبني الصحن*

..  الخادم
كامل السعيدي

موشح…

يمته يرتفعن منارات البقــيع
وينصب شباچ فوگ إكبورهه
©©©©

تنتظــر شيعتـــنه رايـات الغيــور
وللبقــــيع انروح ونشـــيّد القبور
الصَّـــبر خلـص گام بركانه يفــور
انريد نگصد للبقــــــــيع انزورهه
©©©©

طـول اغيــابك ييوسف فاطمه
اظهـر وشد عل الأيادي اللّاطمه
انصارك ودونك يضحون ابدمه
ولجلك اتقـدِّم يمهدي انحورهه
©©©©

وهم تجـي مشــــــايه أبنا الشعوب
والمواكب تنصــــــب طول الدروب
مثل شمعه احنه ابمجالسكم نذوب
وكل بنـي سفــيان يخــلص دورهه
©©©©

والمجـالس تنصــب بِسم العليل
يقـــره بيهن باسم ومـــلا جليل
وتحظر الزهره ابمدامعها التسيل
واحــنه نتبـــرّك نضل من نورهه
©©©©

عدنه حاجات اشكثر وشگد عتاب
ابابهــم نحچــيها ونزيـــح العذاب
ياهو بينه الما جـــرع مر المصـاب
ضگـــنه مـن الدنيا همها وجورهه
©©©©

     الخادم
كامل السعيدي

اليوم ننصب فاتحه بهاي المسيه
حتى نلطم بيها ونواسي الزجيه
اجدد اعليها الالم    چم گبر الها نهدم
بالبقيع   بالبقيع
&&&&
اليوم مهدومه القبور اعله القبور
اليوم حتى العطر ميت بالبخور
من جديد اليوم مكسوره الصدور
بيش غثكم حتى هدمتو القبر
من جديد الخيل داست بالصدر
چنها زينب مشت واليحدي الشمر
اليوم احس بالخيمه محترگه بجمرهم
الدفعو الباب وقبل رجعو مثلهم
ما نست نار الخيم    چم گبر الها نهدم
&&&
هي نفس الايد عادت من جديد
بيهه نص من حرمله ونص من يزيد
الگبل حيدر علي مسويهم عبيد
باجر الاذان يمكم يعتلي
باجر تسمعون بس كلمة علي
البقيع بناسه باچر يمتلي
باچر اچم موكب الهم ينصب
غصب حگنه نجيبه من عدكم غصب
ينرفع الهم علم    چم كبر الها نهدم
&&&
هدميتو القبر ظنكم كلشي مات
ما دريتو بينه تنعاد الحياة
غير حب حسين ماكو اي نجاة
صح نزور گبورهم صح من بعيد
نزورهم ونرد عليهم من جديد
هناك بس حيدر علي حبه اليفيد
بالقيامه هناك يحضر حيدر النه
حبه جنه وبيده ندخل كلنه جنه
باجر تفوز الخدم    چم گبر الها نهدم
&&&
احنه هاي افعالكم نحسبها دين
باجر نكصصها كل هاي الادين
من نجيكم يالي ثارات الحسين
كلها گالت يا بچي والمن تلطمون
الكم بيوم القيامه ما يحضرون
والله احياء وبعدهم يرزقون
باجر ادورونها ادواره السلامه
ياهو يوگف الكم بيوم القيامه
باجر يصير العدم    چم گبر الها نهدم
&&&
البقيع يصير اله گبه ومناره
واحنه مشايه نجي نأدي الزياره
ننتظر مهدينه منمل انتظاره
ابو صالح بيده ينعد الامان
ينبني بيده البقيع اجمل مكان
يا ابو صالح الوقت مهدينه حان
كلها صارت ضده يا مهدي القبائل
صعبه من دونك تره تمر المراحل
گلوبنه متروسه هم     چم گبر الها نهدم
&&&
علي جبار الكعبي
الفاتحه لوالدي

عبـاس يا ابو الـهلا : يا خالـق المرجله

يتلفت عله الحرب : مثل الصگر بلسمه
هاذه المخلفه علي : والربته فاطمه
جوعان سيفه نزل :طب وشبع بلزلم
عن الوفه والشيم حتى السهم علمه

(يدري بطلعته من الخيم مايرجع اله بماي )
     (كطع جفوفه ورجع سواهن النه فياي)

عبـاس يا ابو الـهلا : ياخالـق المرجله
&&&&&&&&&&&&&&&&&&&&&&&&&&&&&

يگلبها بلمعركة من الميمنه الميسره
اليتعده يم الحرم يم سيفه يوكف سره
الطلعت لسنهم گبل صعدها فوگ النخل
الشارد من المعركة لابسله شيله مره

(يعرفهم من اول حرف مابيهم أهمه رجال)
  (خافو كثر  ما بلشجر يتواجد الها خيال)

عبـاس يا ابو الـهلا : ياخالـق المرجله
&&&&&&&&&&&&&&&&&&&&&&&&&&&&&

واصل لذان الفرس دمهم دخيل الگمر
ياهو اليگول الخيم من يمها زلمه عبر
طبهم برايه وفرس ما بيده سيف الكلف
شد الشوارب سوه سواله خيمه شعر

( سواله جم خيمه شعر من الشوارب هاي )
  (جا غير ابن ام الوفه ياهو اليحارب جاي )

عبـاس يا ابو الـهلا : ياخالـق المرجله
&&&&&&&&&&&&&&&&&&&&&&&&&&&&&

صايل عليهم صدك صوله علي بالجمل
كد ما ركض علشمر للكوفه كالو وصل
اليكتله بلمعركة يحفرله كبره الفرس
الشاركو بلمعركة ليهسه ماكو اهل

( اخر كلام لفاطمه مخلفتله جم ديوان)
  (طالب دخل للمعركة وسوه الزلم نسوان )

كرار تحسين الخيكاني

الابوذيه:
راح الچنت احشمه وانتچي اعليه
ويروحـي لا تگطعي ونـتـچ اعليه
ومـــن ونّة النـاگــة ونـتـچ اعــلـه
ريت اعله المشو واگطعو بيه
~


انكسرنه وابد ماصح يابرلنــه
واشهد عن ركضنه يابر النه
وتـمنـيـنـه ايـتـعنـــه يابر النه
وينصب خيمته اويانه سويه
~


العلل طابت ومــــاطابت عللنه
وهِمنه وصوت المراكض عللنه
بالطف صحنه مــا تلحگ علي النه
تخلّص عيلتك من آل اميه

~~

الوكت طحن الرحه بالحال طاحن
والنوگ بصحاري اليسر طاحن
علوياتك اعله الگاع طاحن
مثل خرزات سبحه اعله الوطيه

حيدر بشار الدراجي

علي اميري سلطان النجف
علي أمامي غاية الهدف
ملك مثيلة ما لاگي ابد
جي مات بيها كبرت النجف

أولاً علي
وآخراً علي
ذوالكرم علي
وذوالنعم علي
دنييااااااي
رجواااااي

علي يا قاتل زلم علي يالماتنثلم
علي يامعنى العلم علي مولا
علي جفك قارعة ورب الكون وقعه
علي دستور واضعه علي مولا
@@@@@@@@@@@@@@@@@@@@

حيدري اول رهبر الحرب
ماعدي غيره قائد الگلب
علي وجوده تارسني فخر
اشهد لله صانع الدرب

اول الحجج
واخر الفرج
اول الكرم
وخالق النعم
مولاييييي
محجااااي

علي سيفك مرجله علي سورة كربله
بالرواسي اعتله علي مولا
علي غاية  ميسرة علي لون المحبرة
علي فحل القسورة علي مولا
@@@@@@@@@@@@@@@@@@@
كرار تحسين الخيگاني

عاصمة حبك سكنت شيعتك
ونطيح كلنه وتعله رايتك
فداك روحي يا سيدها
فزعه عطائك محله فزعتك

قلبي حيدري
وروحي كوثري
أنت مفخري
وعين ناضري
ملگاااااااي
والماااااااااي

علي قائد للحرب علي ماعده گلب
علي زلزال ورعب علي مولا
علي دم وزلزله علي يفرق عالفله
منه معروفه الهلا علي مولا
@@@@@@@@@@@@@@@@@@

يا معنى ديني يا أغلى علي
يالكونتني بعهدي الجاهلي
ياأية اللة العظمى بالأرض
يا مرتجانه يا أحلى ولي

عالياً ولي
ويارزق هلي
تايه بدرب
لگيته بس علي
يفيييييياي
يا راااااااي

علي قاموس الزلم علي معروف وشهم
علي واصلهم علم علي مولا
قارعة موسى الك يالمحمد رتلك
يا مغير بالفلك علي مولا

كرار تحسين الخيگاني

ثگيل

رسمت الطف عله عيوني دمع يحرگ شكو بارد
أرسمت خيمه تريد الماي وخو صوب انهر رايد
مشه وضلت أخت تهمل دمع مو حي دمع واحد
بحيث أدموعها يبچن گلب صخره وشكو هامد
--------------
مشه وماحسبته يغيب مثل شمس الغروب أتچل
بگفاه بدت دمعها عيون وخواته بون هظم يكتل
مشه ومارد ولن لحضه رچوبه بموزمه يصهل
وسمع زينب بچتله وگام وخله البالگبر تجفل
--------------
عله اللوحه رسمت أخيام نسه وبيها أبو محدب
وعليه متجمعه صوبين وهوه بيا علي يندب
أحتار أبين خيم زينب وبين الوادم التسلب
ينده ياعلي أحضرها هاي الوادم أتعب
--------------
ساعه ولن نويت أرسم أخوها ودعاهه وراح
ولن طفله أندهت عمه عمود لخيمه يمكن طاح
وشفت ثكله بعمر خمسين تنادي شويه يالذباح
مو كلهه عله العطشان خلو ساعه بس يرتاح
--------------
عله اللوحه العطش بين يكسر خاطر الناضر
خيم ماكو وأماني راح زينب تحچي للحافر
شعندك وي صدر ميت شگلت من دسته يالحافر
وجه ليلي وگلت باجر أكمل بس سبي باجر
--------------
خلص ليلي ودمع عيني يهمل فايض أبرسمي
أرسمت بمناشغ وياحيف كون التنسبي أمي
اطلعت زينب بهزل لشام وماعدها اخو يحمي
العزيزه چانت أتنادي بسبيه بدلو أسمي
--------------
بختام اللوحه طفله أتموت وختم بيها ماأگدر
ماضل جُرئه أسولف هاي بس راح احجي وتعذر
بختام اللوحه يالوادم موقف واحد أتصور
موقف شيب سنيني (زينب بالحبل تنجر).....

رسول رياض

((امهم فاطمه))


بقيـــــع آل النبي
يظل بس مطلبي .. بقيع .. بقيع
نطالب كـــل أبي
كفى هـذا السبي .. بقيع .. بقيع

امس سابينهم واليــوم ســابين
أُميه وشـنهي من العتـره تردين
ماكافي الذبح مو شَيب حسين

هدمتـــو الـــدار ياشر البريه
يـــولاد الجمــــل يــا ناصبيه
ذولي اولاد حمـــــاي الحميه
وامهم فاطمه الزهره الزجيه

ياسائراً بنا .. بقينا لنا

""""""""""""""""""""""""""""""""""""""""""""""""'''""""

بقيـــــع وننتضــر
جزع حـتى الصبر .. بقيع .. بقيع
متى يكـون الامـر
وندگ ساس الگبر .. بقيع .. بقيع

قصرنه ولحـــــد الان مهدوم
گبرك يالحسن يازين الرسوم
معذور اليلوم وبينه خيلـــوم

اليلـــوم بيا وجه ويلوم بينه
وعلي السجاد گبره امغيبينه
يمته انصيح اجيناكم وجينه
يمته انشيــد الگبــه الحزينه

ياسائراً بنا .. بقينا لنا

""""""""""""""""""""""""""""""""""""""""""""""""'''""""

الوجود الجعفــري
يســــــر الناضــري .. بقيع .. بقيع
الملامــــح تنقــري
ويشوف المبصري .. بقيع .. بقيع

صبرنه اعوام عالذل فوگ الاعوام
مـــــاكافي الهتك مايرضا الاسلام
أزالــــــو من الارض اوتاد الاحكام

الباقر گبــــره بس اتـــراب نيبه
وجعفـــر سـيــــدي للكـون هيبه
ودمع ام الوفه شيبه اعله شيبه
ام عبــــاس والــــروح الحبــيبه

ياسائراً بنا .. بقينا لنا

""""""""""""""""""""""""""""""""""""""""""""""""'''""""

الطلاسم خضرن
الســـوالف شيبن .. بقيع .. بقيع
متــــى هــذا أذن
يفك بابه الحسن .. بقيع .. بقيع

هاي اليمته تشرح حال الجــروح
الطير الماله شجره يصير مذبوح
دمعه البيها جمـــره تخنگ الروح

وهــــــاي سنين مـرت واحنه احنه
كبرنه اعله الحچي وللشيب رحـنه
موش بعالي صوت الناصي صحنه
نروح اهناك بــــس بالسكته طحنه

ياسائراً بنا .. بقينا لنا

عبد زينب
محمد الابراهيمي