🎭 رواياتي 📚 الوسام 2️⃣ 🎭

الناس من حولك جميعهم متورطون في عالم الجريمة بطريقة او بأخرى ولكنهم يدعون الصلاح،ويدعون انهم يريدون حماية ضحايا لا وجود لهم على ارض الواقع ،على سبيل المثال السيدة اني المنحدرة من عائلة ادامز السياسية ،شقيقة العضو السابق في الكونغرس الأمريكي ارتبط اسمه بعديد من القضايا المختلفة صاحبة اكبر مكتبة قراءة في كاليفورنيا تظنين انها تقوم بمساعدة مجموعة من الشباب المراهقين وعديمي الخبرة عبثاً؟بالطبع لا،إنها تشبه اخيها في خبث افعاله،انها بحاجة الى ان يرتبط إسمها بقضية مؤثرة بالمجتمع لأنها تسعى للكسب السياسي لها ولعائلتها،انها بحاجة لأن تطفو هذه القضية على السطح ولكن من يتأذى هو انتم وليس هي

وزوجك هذا،اجل اعني السيد سياف

بتلعثم قلت ليها:ما به زوجي؟

تدور حوله العديد من الإستفهامات ولكن اخبريني كيف تعرفتما؟
بنبرة خوف قلت ليها:مسز جينيفر هل هناك شيء لا اعرفه؟

اخبريني اولاً كيف تعرفتما؟

في العيادة التي قابلتك بها،كان يحضر جلسات العلاج الجماعية التي كان مستر روكفلر يحضرها عندما كنت مرافقة له،كنت اجلس على حديقة العيادة ذلك اليوم و..الخ

هذا كل شيء؟
اجل
ولم كان يحضر للعيادة النفسية ؟مما كان يعني؟ هل كان مدمناً؟ام ماذا؟

لا اعلم

هل تصدقين ان تعارفكما كان محض صدفة فحسب وليس امراً مخططاً له؟

ماذا تعنين؟

أليس غريباً ان يتحول مالك صالة رياضية منخفضة الإيرادات وذو دخل محدود ل محامي في اكبر شركات المحاماة في الولايات المتحدة ويتقاضي راتب شهري عشر اضعاف إيرادات صالته الرياضية سنوياً

م الغريب في الأمر مسز جينيفر؟توقفي عن التحدث بالألغاز واخبريني بالذي تعرفينه..

اعني انه تم إستدراجك لهذه العلاقة كما تم إستدراجك للعمل داخل ذلك الدار،وهنا عليك ان تطرحي لنفسك سؤالاً من الذي استدرجك لهذه البلدة لتقعي في فخ ذلك الدار وهذه العلاقة؟إن كان عليك البحث ف ابحثي عن الرابط المشترك بين السيد روكفلر وزوجك الحالي !
هل حقاً تعرفا على بعضهما من خلالك؟ام انهما يعرفان بعضهما قبل ان تأتي انتِ الى هنا؟وجوليا اعني ميليسا ما علاقتها بهما الإثنان؟
وما هو اهم من الذي لديه المعرفة الكافية بحجم هشاشتك ومن المستفيد من تدهور حالتك النفسية لتركضي اليه لحمايتك وتصبحي اكثر تعلقاً به وكأنه المنقذ بالنسبة لك؟لن تجد الشرطة الفاعل لأنها تبحث عنه بعيداً بينما هو امام ناظريها تماماً..

من الواضح انهم لجأو للتلاعب بالحالة النفسية لشهد

إنه هو لا أحد غيره ولكنني سأتكفل به هذه المرة!!!

من؟زوجها السابق؟

اجل،فعل هذا بشهد من قبل بعد إحداث حريق بالمنزل وإلحاق الضرر بوجهها

ولكنه لم يقم بتشويهها بالشكل الذي ينوي فعله بها هذه المرة،هذه عملية تحويل للشكل بالكامل وهذا جنون،م الدافع لفعل هذا كله؟اي ضغينة يكنها لها؟

إنه مريض ميغان،لذا يمكنه فعل اي شيء

ربما إذا استطعنا الحصول على مقطع تسجيل الفيديو والتدقيق به يمكننا التوصل لشيء ما لم تنتبه له الشرطة،وإذا استطعنا التوصل للفاعل بالطبع سيجد نفسه مجبراً على التحدث والإيقاع بهذا المريض

اتفق معك مستر بابل،وانا يمكنني المساعدة في هذا الأمر ابتداءً من الحصول على مقطع الفيديو الأمر سهل ،امتلك العديد من الأصدقاء في اقسام الشرطة المختلفة يمكنهم مساعدتي في الأمر

ليكن اذاً،سياف ابقى انت بجانب شهد ولا تفعل اي شيء انت هل سمعتني؟ربما يضرك هذا الغضب الذي اراه بين عينيك، نحن سنتولى الأمر لا تقلق،سنخبرك حال توصلنا لشيء ما

شكراً لكما ولكن لا اعتقد انكما ستجدان شيئاً

هذا م سنقرره نحن ولست انت ،هيا اذهب وابقى بجانب شهد ودعنا نتولى الأمر

حسناً،سأنتظركما

رجعت الغرفة لشهد كانت صاحية ووضعها احسن..
حبيبتي
وين مشيت؟
كنت مع مستر بابل وميغان كانو حابين يتطمنو عليك
طمنيني حاسة نفسك احسن؟
انا كويسة،حتى اني عايزاك ترجعني البيت يا سياف ممكن؟م مرتاحة هنا

تمام ،المساء ان شاء الله بنرجع البيت

الساعة 7مساء رجعنا البيت قبل م نرجع طلبت عاملة نظافة اتكفلت بترتيب البيت قبل رجعتنا
اول م وصلنا عاينت للتربيزة الكانت عليها علبة التورتة وسرحت لدقايق بعدين واصلت مشي ودخلت الغرفة غيرت ملابسها ورقدت في السرير وإتغطت وهي بتقول لي:خليك جنبي ممكن؟
رقدت ووشها مقابل وشي وانا بمسد على شعرها بيدي وبتحسس خدها..

كل م اغمض عيوني بتذكر اول يوم شوفت فيهو وشي في المراية وقتها انا كذبت عيوني ،صدمة إنه ملامح امي إتشالت مني وبقيت بشكل مجهول ،انا لغاية اللحظة لما اعاين لنفسي في المراية بتخلع وبتلفت كأنه بفتش في منو حوالي وظاهر انعاكسه في المراية،عمار كان بعرف إني بحب امي شديد ومتعلقة بيها،واكتر حاجة عاجباني في نفسي هو الشبه المبالغ فيه بينا،حتى إني كنت بشوفها فيني،كل م اشتاق ليها كنت بقيف قدام المرايا وبحس إنها قريبة مني.

حاولي نومي ،خليني اديك الحبوب بتاعتك عشان تقدري تنومي

م عايزة حبوب،م تغصبني عليها،انا كويسة بالجد وم عايزة انوم تحت تأثير الحبوب،بس خليك جنبي دة كل العايزاه

تعالي..
دفنت راسها في صدري
تمام،معناها حننوم مع بعض وبدون حبوب اتفقنا؟
....................
صحيت من النوم وم كان ليه اثر في البيت،دخلت المطبخ لقيته مجهز لي الفطور في التربيزة وكاتب على ورقة:صباح الخير يا أم 155سم ،امبارح م نمتي كويس م هان علي اصحيك،عندي إجتماع ضروري في المكتب لأنه بكره عندي اول جلسة محكمة لازم اجتمع مع الموكل م قدرت أأجل الإجتماع بس م بتأخر تمام؟
اول م تصحي رسلي لي رسالة طمنيني عليك ،الفطور جاهز والعصير كمان وجنبهم في الأدوية حاولي تاخديها،وخلي كل حاجة في مكانها م تتعبي نفسك وإرتاحي انا لما ارجع بلمهم بس لازم تفطري قبل الأدوية تمام ؟

بعد م خلصت فطور واخدت الأدوية ولميت السُفرة ورتبت طلعت من المطبخ ماشة على الغرفة جرس الباب دق،قلت لنفسي معناها جا راجع مشيت فتحت الباب..
مرحباً..صباح الخير شهد
مسز جينيفر؟مرحباً،صباح النور
تفضلي بالدخول..
انتِ ابقي بالسيارة سأعود بعد قليل
كانت مرافقاها واحدة سايقة ليها العجلة وجهت ليها الكلام دة بعد م دخلتها غرفة المعيشة...
هذه المساعدة الخاصة بي
لأقوم بتقديم شيء لك
لا ،تعالي اجلسي لنتحدث قليلاً لأنني في عجلة من امري

قعدت وانا بعاين ليها

سمعت بشأن م حدث لك مؤخراً إنه شيء مخيف ومروع حقاً ينبغي عليك ان تبقي اكثر حذراً

اجل

هل وجدت الشرطة اي اثر للفاعل

لا،ليس بعد

حسناً انظري شهد اذكر جيداً عندما قابلتني اول مرة،وساعدتني ايضاً،انتِ فتاة طيبة وهذه صفة ليست جيدة في كثير من الأحيان لأنها تجعلك عُرضة للإستغلال من قبل ضِعاف النفوس، تذكرين ماذا قلت لك قبل اليوم؟ابقي حذرة ولا تثقي بجميع من حولك حتى مِن مَن يدعي محبتك وانه يريد حمايتك،من الممكن ان يكون من يؤذيك بجانبك وانتِ لا ترينه..

اقدر لك م قلته جيداً مسز جينيفر ولكن لم افهمك هل هناك مشكله؟او شيء لا اعرفه ترغبين في قوله لي،اخبريني انا اسمعك؟

المشكله هي من حولك،جميع من حولك يقومون بإستغلالك وانت لا ترين هذا الشيء،تذكرين عندما قابلتني واخبرتني عن زوجك وما فعله بك؟هذه كانت قضيتك ولكن الأن م الذي تفعلينه؟اي مستنقع رميت نفسك به؟م الذي تريدينه ؟عن ماذا تبحثين؟

حسب كلام العساكر في السجن قالو انه اتقبض معاه تلفون وشاحن وحاجات ممنوعة في السجن يعني مخالف وإتحول للإنفرادي لمدة90يوم وممنوعة منه الزيارة او التواصل،بس م تستغرب هو عارف إنه حيحصل كدة ،زيارة عثمان ليه في السجن ليها تبعاتها عشان كدة هو طلب نوقف اي خطوة كنا حنخطيها الفترة الجاية دي

فعلاً،بس انت عارف اكبر مخاوفي!
بغض النظر عن انها مجرد توقعات بس فكرة إنها تعرف إنه في إحتمال لحقيقة عكس الهي بتعرفها تماماً م...

قلتها بنفسك مجرد توقعات وإفتراضات

الإفتراضات دي لو طلعت صح كيف حنقدر نوريها لشهد يا استاذ؟منو الحيقدر يواجهها بيها؟

امجد اكيد حيكون مجهز نفسه للخطوة دي

لو سألتني عن رأي يا استاذ حأقول ليك امجد مفروض يدرس الخطوة دي اكتر من مرة قبل م يخطيها وانا بتمنى إنه م يتضطر يخت اخوانه في الصورة ويقفل الصفحة دي

م تنسى امجد بتعامل بعقلية رجل القانون،سنيين وهو ساعي ورا الموضوع دة،كبر والموضوع دة في راسه وم حيخليه الا يجيب اخره

وشهد نفس الشي!عموماً في حقيقة واحدة نحن متأكدين منها الان وهي كل الأشخاص الكانو في محيط البيت الليله ديك متورطين بطريقة ما في الجريمة ، بس منو الإرتكب الجريمة ومنو المتستر العلم عند الله..

وعند ابوهم بالتحديد!..اتنهد وكمل كلامه ب:لو شكوكنا بخصوص الوضع الصحي لأبوهم طلعت في محلها حتكون إجابة لإستفاهات كتيرة

إتكلمت مع صحبي الدكتور في تركيا،بنرتب في موضوع زيارته ليهم في البيت مبدئياً بعدها حيحولهم للمستشفى الهو شغال فيها وحيشرف على الموضوع بنفسه بس خلي الموضوع بينا

إنتهت المكالمة بيني وبين استاذ امجد بعد م اتبادلنا افكارنا بصوت مسموع

وانا غرقان في افكاري سمعت صوت باب مكتبي بضرب..
تفضل
مرحباً بك في مكتبك سيد سياف
مرحباً ميغان سعيد بزيارتك
وجب عليَّ الحضور وإحضار هدية ما

هل هذه لي؟هذا لُطف منك حقاً،انا ممتن لكل م قدمته لي ميغان ،حقاً شكراً لك

لم افعل شيء انت تستحق هذا سيد سياف،اسمح لي بالذهاب الان ولكننا سنلتقي كثيراً لأنني انا ايضاً اعمل بجوارك الأن في نفس الشركة

حقاً؟تعملين هنا؟اين؟

انا اعمل في الجزء الأخر من الشركة،في قسم وكالة التحقيقات الخاصة ك صحفية إستقصائية

ااااا عظيم،هذا عظيم حقاً ،انا سعيد لأجلك ،تهانينا

شكراً لك،ولكن سأنتظر زيارتك لي في مكتبي

بالتأكيد،شكراً على الهدية مرة اخرى

شغلها المفاجئ في الشركة اثار إستغرابي شويه بعدين ركزت مع الهدية وألهمتني ب فكرة..عاينت للزمن لقيت فاضل ربع ساعة على دوامي،اول م انتهى الدوام طلعت وانا مستعجل لأنه مفروض امشي الصالة بس قبل الصالة كان عندي مشوار مهم لأني مقرر اعمل مفاجأة لشهد
اخدت وقت في الصالة،إتصلت عليها م كانت بترد،اتوقعت انها في المطبخ خلصت مراجعة شغل في الصالة ورجعت البيت...
وصلت غرفة المعيشة كانت قاعدة في الكنبة وشكلها غريب وبترجف وضامة رجولها على وشها..

شهد انتِ كويسة؟في شنو؟
عاينت على يميني اتجاه م هي مركزة نظرها مباشرة،كان في قطعة كعك او تورتة مطبوع عليها صورة ومكتوب عليها 26/12
قعدت جنبها وهي لسة مركزة نظرها في نفس الإتجاه
مسكت يدها كان جسمها زي التلج وانا بقول ليها شهد..
ماف شي عايني لي هنا انا جنبك
نزلت غطى علبة التورتة بسرعة،وبإستعجال لبستها اخدتها للمستشفى دخلتها قسم الطوارئ وانا بقول للدكتور المسعف: إنها تعاني من القولون العصبي
كانت ماسكة يدي وبتقول لي:م تخليني براي هنا،سياف م تخليني براي

حاضر،ما حأخليك
عدت 24ساعةحتى قدرت تهدأ وتكون احسن وتتجاوب مع الدكتور ومعي،كانت في حالة صدمة ونوبة بتاعة خوف عشان كدة كانو بدوها مهدئات،
اليوم التاني بعد مراجعة الدكتور اتحسست خدها بيدي
-انتِ كويسة؟
=26/12 تاريخ ميلادي..
-م حيحصل شي ،حتكوني بخير
=لا م حأكون بخير،هم عملوها قبل كدة ،ولسة قبل ايام قليلة كانو حيعملوها،معناها في عيد ميلادي حيعملوها دي رسالة واضحة منهم

- ماف حاجة من دي حتحصل،اهدي بس

=سياف انت شفت الصورة؟اهدأ كيف وانا شكلي الجاي حيكون زي شكل عبدة الشياطين؟!وشي دة م حيكون ياهو وشي حيحولوني تماماً انت فاهم؟

-دخلت في نوبة بكى إتضطريت على اثرها انادي الدكتور عشان يرجع يديها مهدئ لأنها شبه إنهارت مرة تانية

زارني مستر بابل بعد م عرف بوضع شهد وكانت معي ميغان وقتها وهو بسألني عن تفاصيل الحصل كان متحفظ شوية قدام ميغان
قلت ليه: لأعرفكما ببعضكما البعض هذا مستر بابل،صديقي،وهذه ميغان تعمل في قسم الصحافة الإستقصائية في الشركة التي اعمل بها

تشرفت بمعرفتك مستر بابل

وانا ايضاً ميغان
اذاً اخبرني سياف هل هذا كل شيء؟هل ابلغت الشرطة عن الأمر؟
اجل ولكن الشرطة بعد فحص كاميرات المراقبة لم تجد شيئاً،الذي احضر العلبة للمنزل كان يرتدي خوذة الدراجة الخاصة به ولم يظهر اي شيء من وجهه،والدراجة لا يظهر منها شيء واضح حتى انها اختفت عندما تم البحث عنها..

اذاً ماذا سيحدث ؟

لا شيء على ما يبدو اذا لم تجد الشرطة الفاعل ف لاشيء سيحدث

القباحة ف الأفضل نحكم صوت العقل والمنطق افضل من الصراعات نعاين لقدام وندفن القديم صح يا امجد؟

انا حاحترم صمتك المرة دي، فكر في كلامي وأخد راحتك ومن ناحيتي حأخدمك وحأوفر ليك البيئة المناسبة للتفكير،الزيارة الجاية ان شاء الله عايز اسمع إجابات تنهي الموضوع دة ونخت نقطة لنهاية السطر دة عشان م عايزنه يمتد اكتر من كدة ،إنت مكانتك عندي زي حسام وأكتر وعشان كدة بقدر اتجاوز عن هفواتك زي م بتجاوز اغلاط حسام م تنسى الحاجة دي
يلا في امان الله.

After 5min :
الو استاذ ميرغني كيفك؟
قبل شويه كان معي عثمان ،ايوا هو نفسه
انا حالياً م عندي وقت لأنه الواضح اني حتنقل من هنا ف عايزك تسمعني كويس..

..................................

-الحاجة العايزك تعرفها إنه شهد م بس اختنا،شهد دي حاجة غالية علينا شديد و على المستوى الشخصي علي انا والأهم إنها في مكانة بتي ودايماً انا فخور ورافع راسي بيها بين الناس م لأنها شاطرة او ناحجة ومكان م ختت رجلها م بتزرع فيه الا الخير ،لأنها اختي في المقام الأول ولأنها بقت لينا أم بعد وفاة امنا،وأخت كبيرة بتوجهنا للصح والغلط ربتنا رغم إننا الأكبر سناً،وبقت لأبوي رفق طول فترة وجودها جنبه ،احتوتنا كلنا وكانت مخليانا مكتفيين بوجودها وم حوجتنا لأم بديلة ولا حسستنا بغياب امي،هي اساس بيتنا وعموده وبيتنا لو لغاية الان موجود ولامينا لأنها كانت موجودة فيه ،شالت اعباء اكبر من عمرها وعملت دة كله وهي عمرها 17سنة،ف انا بثق فيها وانا مغمض ودايماً معاها في الصح والغلط وبالنسبة لي هي قدوة وإستاندر للبت الحتزوجها في يوم، عشان كدة انا لما قلت ليك وحيدتنا دي مهرها غالي م كنت قاصد المهر ك قيمة مادية انا بقصد قيمة اختي ذات نفسها،قيمتها م بحددها شي مادي وللأمانة يا ود الحلال انا سألت عنك وم سمعت عنك الا كل خير انت واهلك بس اختي انا بشوفها كتيرة على اي زول وعندي اسبابي،عندكم في امريكا حاجة اسمها ياناصيب،ف كوني اقول ليك موافق اديك لي كأنك فوزت في اليانصيب السنة دي وانا كأني خاطرت بكنز محتفظ بيه والسبب إني حابي اديها مساحتها في الإختيار المرة دي لأنها قالت لي انا عايزه الزول دة م قالت مناسب معي ، للأسف في تجربتها السابقة م كان راجل كفاية عشان يعرف قيمتها بس العايزك تعرفه إنه بتنا مهرها إنه تكون ليها راجل مسؤول وقويم اخلاقياً وسلوكياً،هي طلعت من بيت م كانت فيه ذليلة ولا حبيسة في البيت وثقتنا فيها جابتها بإننا اديناها مساحتها في اختياراتها في الحياة،ولا في يوم إتلوت يدها عشان حاجة ولا حصل وصلتنا لمرحلة إنه رفعنا صوتنا عليها ،ف دة جزء قليل من قيمة الحاجة الأنا مقدمها ليك وكان في يوم قالت م نفع معي تلفون واحد منها او منك يكفي جداً انه ينهي الموضوع

كنا قاعدين انا وهو على كنبة حديقة في الشارع العام بنقرا في رسالة امجد ليه ..
-حبيبي دموعي م عايزة تقيف م عارفة بس قلبي م ارتاح بعد قريتها،كأنه خايف من حاجة صح يا سياف؟

ماف شي ،خوف اخو على اخته بس م اكتر م اي شي تقلقي منه

-ان شاء الله خير يارب

=يعني حالياً نحن رسمياً قدام النور والجمهور في عداد المتزوجين وبدل امجد حاسجلو في تلفوني ابو النسب

-ضحكت وانا بقول ليه: وانا حتسجلني شنو؟

=م عارف محتار بين اتنين،البيت ولا الأولاد؟

-ضربته في كتفه

=خلاص حأسجلك 155سم حلو صح؟

-تاني ضربته ،على فكرة انا طولي 160سم

=ضحك وهو بتفحصني من فوق لتحت وبقول : متأكدة؟

- يعني لو م 160 حيكون 159

=يااااااا شهد

-طيب 158اخر كلام

=ضماني لصدره وهو ببوسني في راسي وبقول لي:المهم انه الموضوع عدى على خير،م بتتخيلي التُقل الكان في قلبي منه

-يعني كنت خايف؟

=م خوف بس يعني..

-فهمتك،كنت خايف تخيب ظن امجد فيك صح؟

=صح!!

-مسكت يده وضغطته عليها وانا بعاين ليه

=عايزة تقولي شنو سامعك انا؟

-قبل م نتلاقى انا كنت عبارة عن كائن بياكل ويشرب وينوم ويشتغل بس،م كنت حاسة بالحياة ابداً،انت اول زول بكيت قدامه ،وأول زول ضحكت قدامه،،انا كمان زي امجد م عايزة ظني فيك يخيب..

انا إنسان بخطئ وبصيب بس اوعدك إني لو م كنت البَوصلة حأكون المَعلم البارز في حياتك وم اروحك ابداً

عموماً انت مفروض ترجع الشركة وانا حأرجع البيت ،لما قلت رسالة امجد م قدرت انتظر وجيت على طول

=م تخافي ان شاء الله خير،خليك معي شويه انا عندي وقت فاضي

-لأ ،ارجع الشغل إنت ،نتلاقى المساء في البيت تمام؟

=ان شاء الله

.............................
سياف& أ.ميرغني☎️

شهد حست إنه في حاجة غلط في رسالة امجد وانا حاولت ابسط ليها الموضوع بس انا مقلق عليه اكتر منها يا استاذ ،م اتواصلت مع اصحابه من العساكر او غيره يحاولو يدوك ولو معلومة صغيره عنه؟

مات السيد روكفلر لأنه كان شجاعاً واراد إنقاذ عشرات الضحايا،وكذلك معلمي ادريان،تعلم المستنقع الذي إنتشلنا معلمي منه؟كان من الممكن ان نكون انا وانت جزء من ضحايا هذا العالم القذر لذا توقف،فقط توقف وإذهب من هنا انت لست شجاعاً بما يكفي للتواجد بيننا ،انت جبان لويس،هل تسمعني؟انت فتى جبان ولست برجل لذا إذهب من هنا

كلنا كنا مصدومين وبنعاين ليها وللويس

والان اذا فرغتم من الشجار فيما بينكم هل يمكننا التحدث بما هو اهم وبهدؤ؟

"كان تعليق من مسز اني بنبرة بتوحي بنفاذ الصبر!!!"

انا اسفة مسز اني ولكن الأمر بالنسبة لي شخصي لذا اناااااا..

افهمك جيداً ليز،لا بأس،انا ايضاً الأمر شخصي بالنسبة لي طالما انه يتعلق ب ادريان
انظر لويس تعلم انني من اي عائلة انحدر صحيح؟،انا اكثر معرفة بأمور السياسة وقذارتها ،لن يُسمح لهذه القضية بالتحديد بأن تطفو للسطح
ولكن اصبح لدي سؤال لك انت ولجميع المتواجدين على هذه الطاولة من قال اننا نسعى لكشف الحقائق للشرطة ؟
هل لدي اي احد منكم اجابة؟
لا اجابة؟
كان الصمت سائد في الغرفة..
قلت ليها: امممممم..
نسمعك شهد
م اريد قوله هو رأي شخصي فحسب،اننا لا نقوم مقام الشرطة والمحققين الفدرالييين لتحقيق العدالة ومعاقبة الجُناة لأنهم يمتلكون خطط بديلة دائماً، يمكنهم التضحية ببعض الأشخاص والزج بهم داخل السجن ولكن لا يمكنهم إيقاف عشرات الصفقات لذا م نريده الان بعد معرفتنا بما يدور في ذلك العالم هو انقاذ عشرات الأبرياء من قبضة هؤلاء الأشخاص اولاً،ربما لا نستطيع ايقاف عمليات الإتجار بالبشر،ولا نستطيع ايقاف استخدام الأطفال والفتيات للجنس والحروبات،وايقاف تجارة الأعضاء،وإيقاف عمليات تجنيد القتلة المتسللين،بالطبع لن نفلح في كل هذا ولكن على الأقل في نهاية هذا العام يمكننا انقاذ ما يمكن انقاذه مثل هؤلاء المسنين،بشكل شخصي وقعت على عاتقي مسؤولية هؤلاء المسنين لفترة من الوقت رغم جهلي بما كانو يفعلونه بهم الا انني كونت علاقات جيدة مع كل واحدٍ منهم والان اشعر ان مسؤولية إخراجهم من هناك وإعادتهم لعائلاتهم وحمايتهم تقع على عاتقي ايضاً حتى لا يتم استخدامهم كواجهه للعمليات القذرة ،وايضاً يمكننا إيقاف تلك الليلة المظلمة التي نجهل ما يحدث بها ولكنها بالطبع ليلة مظلمة للعديد من من الأشخاص،اعني ما تسمى ب ليلة في ديسمبر..

في اللحظة دي كانت في ضربة قويه على الطاولة من مستر بابل وهو بأشر علي بصباعه وبقول هذه هي!!!
هذه هي الإجابة التي نريد!
هل فهمتم؟
...نحن لن نقوم مقام الشرطة،نحن سنوقظ الشرطة والمجتمع من غفلتهم،دور الإيواء يفترض ان تكون اماكن امنة لفاقدي السند والمشردين وليست اماكن لإبرام الصفقات لتجارة الرقيق..

مرو في مخيلتي المبتعثات البجيبهم عمار ف قلت ليه بحسرة :والمنح الدراسية ينبغي ان تكون فرصاً سعيدة للمبتعثين الحالمين من دويلاتهم وليست كابوساً لا يمكن الإستيقاظ منه

كمل مستر بابل كلامه ب: تقوم هذه المجموعة بفعل شيء اشنع مما يتخيله الإنسان،انها تستخدم دور الإيواء ك المزارع لتربية الخراف بشكل موسمي ومن ثم بيعهم عند وصولهم أعمار مناسبة للبيع

اذاً السؤال هو ما هي ليلة في ديسمبر؟

نحن لا نعلم ما هي ليلة في ديسمبر ليز ولكن بالتأكيد سنعمل على وضع بصمتنا على هذه الليلة هذا العام
بالطبع لن نقوم بعمل الشرطة ،يكفي ان نكون مُخربين لأحداث هذه الليله

عملت دائرة على الورقة القدامي وكتبت فيها "المسنين"رفعت الورقة وقلت ليهم: إذاً لتكن اول عملياتنا التخريبيه هي إعادة هؤلاء المسنين لعائلاتهم

افيقي قليلاً من برجك العالي،فالعالم لا يدور حول تحقيق رغباتك

كان رد إنفعالي وعدواني من ساتشي تعليقاً على كلامي،إتسعت حدقات الموجودين بنظرات تملؤها الحيرة والإستغراب..

ساتشي هل انتِ بخير؟
سألها اكيمي وهو بعاين في تعابير وشها

بنبرة متناقضة واكثر هدؤ ومتلعثمة قالت :انااااااااا،انا فقط احاول ان اقول ان الأمر ليس سهلاً كما تتخيله شهد هذا كل شيء

مسز اني قالت :اتفق مع شهد في ما قالته وإن خالفها الجميع الرأي،ولكن لندرس الأمر اولاً بدون اخطاء هذه المرة،ودون تعريض هؤلاء الأشخاص للخطر

ساتشي قالت :اذاً م هي الخطة؟هل هذا يعني ان الأمر سيتم قبل حلول شهر ديسمبر صحيح؟

لا توجد خطة بعد عزيزتي ساتشي،لا شيء واضح ،ربما يستغرق الأمر وقتاً اكثر من شهر ديسمبر
.............................................
Sudan/koper prisoners
امجد&عثمان
قعدتنا طالت وانت ساكت وانا خلصت كلامي بس م حسيتك مركز معي ف خليني اديك خلاصة كلامي خلال الساعتين المضت دي..
الموضوع حيتقفل انت حتطلع من السجن وحترجع الأمور لمجاريها،رتبتك حترجع وحتترقى لرتبة اعلى،شغلك حيرجع وممكن تختار الولاية والفرقة العايزنا ننقلك فيها ،نحن في النهاية اهل وحبايب وجيران كمان وحنرجع نسابة لأنه اختك وعمار شبه متفقين وخلافاتهم شبه حلوها ،الخلافات العائلية بتحصل بسبب المشاكل الزي دي بس في الأخير هم بتصالحو ونحن بنشيل وش

عليه.
لدي بعض الملاحظات بخصوص القضية ودعيني اقول انها اسئلة وليست بملاحظات ولكن يمكنك اخذ وقتك في الإجابة عليها ما زال لدينا متسع من الوقت للجلسة الأولى..
ما نملكه ضده الان هو شيء واحد وهو انك لأخر شهر في عملك ك موظفة علاقات عامة في الشركة التي كنتِ تعملين بها تفيد التقارير انك لم تكوني مدمنة لأي نوع من المخدرات او الكحول او العقاقير المخدره وهذا يعني ان التقارير الطبية لادمانك الكحول كانت بعد توقفك عن العمل وحبسك بالمنزل، لذا السؤال هو لماذا يقوم رجل بفعل هذا الجُرم بزوجته وتوريط نفسه ؟
اعني لماذا يقوم رجل بحبس زوجته بالمنزل واعطاءها العقاقير المخدرة والتسبب في إدمانها ومن ثم تشويهها بالحرق وتغير ملامح وجهها ومن ثم الإنفصال عنها وادخالها مركز لإعادة التأهيل..
كنت بعاين ليه بدهشة كدة..
اعلم ان شرح هذا الأمر صعباً بعض الشيء عليك ولكن انت موكلتنا ويجب علينا ان نكون ملمين بتفاصيل القصة منذ البدء حتى نكون على علم مع من نتعامل وم الذي علينا قوله في قاعة المحكمة صحيح؟
حركت رأسي بإيجاب
هل كان يعاني زوجك من اي إضطرابات نفسية او كان متعاطياً او مدمناً؟

لا ،هو طبيب

في التعاطي لا يوجد استثناءات يمكن للطبيب ان يكون مدمناً للكحول

اعلم ولكن هو لم يكن يتعاطى اي نوع من المخدرات

حسناً هل كانت تمر علاقتكم ببعض المشكلات سيدة شهد؟
لا،ليس تماماً،علاقتنا كانت جيدة جداً ولكن..
سكتت وانا بعاين لسياف..
انا لا اريد الضغط عليك يمكنك اخذ وقتك ،لقد قمنا برفع القضية للمحكمة وعمل الإجراءات اللازمة،والان نحن في انتظار تحديد موعد الجلسة الأولى..

حسناً شكراً لك

سنجتمع مرة اخرى قبل موعد الجلسة للتحدث بشكل افضل انتِ اليوم متوترة قليلاً وهذا امر طبيعي

طلعنا من غرفة الإجتماع واول م رجعنا مكتب سياف بقيت اعاين ليه بإحباط قال لي :تعالي وضماني عليه

خفت يا سياف،م قدرت احكي وم اقدر اثبت عليه شيء ،لو قلت السبب الخلاه يعمل فيني كل دة عمار م حيخلي شي وم يعملو انا متأكدة

نحن في الوقت الحالي م حنوجه ليه اي اتهامات بتخص افعاله التانيه وحنكتفي بالقضية البتخصك بس ،وطبيعي نحن ك محامين نكون ملمين بتفاصيل القصة بس في المحكمة نذكر الشي البخص القضية بس ونتكتم على الباقي، م تخافي اصلاً خوفك منه دة هو المخليه يتمادى في افعاله معاك

كنت بعاين لسياف وانا مقلقة بس م على نفسي،عليه هو..
.........................

New York:
عمار&كاثرين
- لقد فشلت..
=ليس تماماً لقد نجحت في واحدة وهي الأسوأ
-ولكنك فشلت في الأخرى
=فعلت ما بوسعي لينجح الأمر كما ترغبين

-ولكنه لم ينجح،وهذا يقودني للتساؤل لماذا نجحت في واحدة وفشلت في الأخرى؟لم اعتاد فشلك في تنفيذ عملية ما ،ما الأمر؟هل لأن الأمر يتعلق بفتاتك؟

=ليست فتاتي!!!

-اذاً لم فشلت؟!

=حسناً لماذا انتِ هنا الان وبيدك زجاجة نبيذ؟للإحتفال بفشلي؟
-لا يا عزيزي،لنشرب نخب انني سأتولى امر هذه الفتاة بنفسي بعد الان

=هل تمازحينني؟الم نتفق بأن تبقي بعيدة عنها و انا من سأتولى الأمر

-فتاتك تسبب لنا العديد من المتاعب في العمل،منذ ظهورها ونحن نتضطر لتغيير العديد الأمور فقط لأنها لا تتوقف عن ملاحقتنا والعبث بالأشياء التي تخصنا

=كان عليك التفكير بهذه الأشياء مسبقاً قبل إحضارها الى تلك المدينة والى ذلك المكان كاثرين،هذا حصاد م قمت بزراعته،هذا خطؤك انتِ وانا سئمت من تحمل اخطاءك ،انا لم استخدم حصانتي لحمايتها بعد ولن افعل، سابقاً تركتك تفعلين بها ما شئت تذكرين؟سبق وقلت لك افعلي بها م شئت شرط ان تبقى على قيد الحياة..

-اذاً دعني اتولى امر إزاحتها عن طريقنا للأبد،تعلم ان الأمر ليس صعباً بالنسبة لي

لا انا من سأفعل وبطريقتي هذه المرة لا بأفكارك

حسناً لديك فرصة ،فرصة واحدة فقط إن اخفقت انا من سأتولى الأمر بعدها

.............

San Francisco/Bookshop

على طاولة إجتماع مستديرة..

تبقى خمسة اشهر فقط على دخول ليالي ديسمبر الباردة

تقصد تبقى 5اشهر فقط على شهر الجريمة لويس

اناااااا اشعر بقليل من الإحباط،ليس بقليل بل بالكثير من الإحباط،نَكِد في العمل بجهد كبير ولكن بدون نتائج مرضية

ها قد عاد لويس لعادته

هل انا مخطئ؟افضل م يمكن عمله هو تسليم كل م لدينا من معلومات واسماء متورطين للشرطة وتركها للقيام بعملها،نحن مسبوقين بخطوة دائماً،امضى السيد روكفلر العديد من السنين في البحث وعندما اوشك على الوصول ماذا حدث؟
مات،قُتل داخل ذلك الجحيم،والعم ادريان ايضاً ويمكن ان يحدث هذا لأي احد منا،شهد كانو على وشك تغيير ملامح وجهك للمرة الثانية ولا احد يدري م الغاية من فعل ذلك...لماذا نقوم بالتضحية بأنفسنا؟

لويس كان واقف وبتكلم بإنهيار وإحباط شديد، ليز سألته:هل انت خائف؟
سكت
اجبني هل انت خائف لويس؟
كان ساكت وبعاين لينا

رفع لي كباية من المغسلة وهو بقول لي: عدة البيت ساهلة لما تكون لشخصين بس،لكن ما بتكون ساهلة لما تمسكي غسيل لعدة مطعم كامل خصوصاً لو الدنيا كانت شتاء،دي واحدة من اصعب الأشغال الإشتغلتها لما وصلت هنا اول مرة
كنت بعاين ليه وانا ساكتة
كمل كلامه كأنه بوضح لي اكتر:طبعاً هنا عشان تعيش وتعيل نفسك لازم تشتغل اي شغله عشان تاكل وتشرب اول،وعشان تدفع حق السكن عشان م تعيش مُشرد في الشوارع،وطبعاً م سكن خاص بتسكن سكن مشترك لغاية م تقدر تظبط وضعك لأنه براك م حتقدر على منصرفاتك و الضرايب وغيرها،الوضع حيكون صادم بالنسبة للواحد في البداية لأنه بكون جاي بطموحات واحلام وحاجات كتيرة راسمها في مخيلته بعدين بنصدم بالواقع،انا غسلت عدة في مطاعم،بعدين بقيت مساعد طباخ انضف الخضار وغيره ،بعدين مندوب توصيل،بعدين عامل في مغسلة ملابس مرة ومرة مغسلة عربات،بعدين اشتغلت عامل في صالة رياضية كنت برتب الألات في الصالة لما مواعيد العملاء تخلص نهاية اليوم واحياناً عامل نظافة في نفس الصالة امسح وافوط الالات واوقات كنت بحرسها وبنوم فيها وعمري م فكرت انه ممكن في يوم تكون عندي صالة خاصة بي بس الراجل الكنت شغال معاه حببني في الشغل دة ،كنت بدرس وبشتغل في نفس الوقت،بعدين كنت مستفيد من مستواي في الإنجليزي والعربي ف كنت بشتغل ترجمة في المواقع بمقابل والعائد م بكون كتير بس مفيد لأنه كنت بكون محتاج للدولار او السنت الواحد هنا،بعدين اتعلمت حاجات إضافية زي التصميم والبرمجة وغيره يعني في فترة ما دخلت مجال الفريلانسر من اوسع ابوابه وبقت دي شغلة إضافية لأي شغل اساسي اشتغله ودخلها حلو جداً وطبعاً لغاية قريب كنت بشتغل الشغل دة م وقفت...

اول مرة يفتح لي قلبو ويحكي كدة كنت بسمعة بإهتمام بعد سكت قلت ليه:
_طيب وعمك؟!مش عندك عمك في لندن ؟

=عمي م قصر طبعاً يعني هو وقف معي لغاية م وصلت هنا ودايماً هو في حالة إنه بعرض علي إنه يساعدني بس انا برفض لو قبلت مساعدته واعتمدت عليه م كنت وصلت لهنا اليوم،انا طلبت منه يخليني وم يساعدني لأني عايز كدة،الواحد بهاجر وبخلي اهله وبرمي حاجات كتيرة وراه غصباً عنه عشان يعتمد على نفسه م عشان يخيب ويعتمد على غيره وإلا فايدة الهجرة شنو ؟

انتهى كلامه بعد ملاحظته للزمن ومواعيد دوامه،انا كنت مرافقاه للشركة بخصوص اجتماع بخص القضية بتاعتي ضد عمار،طول الطريق كان ماسك يدي وضاغط عليها وهو في قمة سعادته وإبتهاجه،يمكن م حصل شفته وهو مبتهج كدة
اول م وصلنا عاينت حوالي وقلت ليه: كل المبنى دة تبع شركتكم؟
ايوا نعم، هو جزء منه شركة محاماة ،وجزء وكالة تحقيق خاصة..

وكالة تحقيق خاصة؟

ايوا وكالة للتحري والإستقصاءات

ونحن في الأصانصير قرب علي ومد يده وقال لي:
_تعالي

رجعت خطوتين منه وقلت ليه:
=لأ نحن في مكان الشغل م في البيت خليك محترم

ضحك وهو بمرر يديه في وشي وبصلح لي طرحتي وبقول لي بنظرات خبث:عندك شعر طالع برة الطرحة وعايز اصلحه بس كدة..
حوالينا كانت حركة الموظفين المختلفين مُلفتة وهم لابسين الزي الرسمي منهم الشايلين فايلات ومنهم الواقفين بتناقشو مع بعض ومنهم المنشغلين بالحواسيب،كأنها بيئة الشغل الكان نفسي اكون فيها من فترة..

وصلنا مكتبهُ، السكرتيرة اول م وصلنا وقفت وقالت ليه:صباح الخير مستر سياف اخبرني مستر مورفي انه بعد 15دقيقة سيكون في غرفة الإجتماع

صباح النور،حسناً ،اعرفك هذه زوجتي شهد..
شهد هذه ماري،السكرتيرة الخاصة بي
تشرفت بمعرفتك سيدة شهد
انا ايضاً ماري
حسناً سأكون في غرفة الإجتماع في الوقت المحدد

دخلنا المكتب رفع الستارة المنظر من خلال إطلالة مكتبه كانت رهيب شديد والمكتب زاته ك تصميم وديكور حلو شديد قلت ليه:اللهم بارك،انا متأكدة إنه وصولك لهنا م كان بالساهل،رغم جهلي ب انت مريت بشنو في الحياة دي وتحفظك على حياتك ومعرفتي القليلة بشوية الحاجات الشاركتني بيها اليوم بس عندي قناعة إنه ربنا سبب ليك الأسباب عشان انت بتستحق المكان دة..

ماف تحفظ على حياتي صدقيني يا شهد،حياتي قدامك كتاب مفتوح لكن على الأقل نرتب حياتنا ونستقر اول عشان تقدري تقريه الكتاب دة،نمشي غرفة الإجتماع؟

انا حأكون معاك؟

اصلاً الإجتماع معمول عشانك

طيب حاضر...دقيقة قربت عليه رجع خطوة ورا وهو بقول لي:خليك محترمة نحن في مكان الشغل..

ضحكت وقربت عليه صلحت ليه الكرفتة وجاكيت البدلة بعدين مسكته من كتفه وقلت ليه :مشينا ؟

ضحك وهو بقول لي:احم شكلك نسيتي إنه انتِ هنا موكلة وانا محامي..

في غرفة الإجتماع..
سيدة شهد نتشارك انا والسيد سياف قضيتك ،قضايا ضحيا العنف الأسري واحدة من القضايا التي تلقى اهتماماً واسعاً هنا ،لذا اول م اريد ان اطلبه منك هو عدم الخوف او القلق او التراجع عن الأمر،اخبرني السيد سياف بعديد من التفاصيل وايضاً اخبرني بشأن مخاوفك من الأمر، قمت بدراسة ملف القضية جيداً،ما فعله زوجك السابق بك ليس جريمة واحدة بل هي عدة جرائم لن ينفد من قبضة القانون إذا استطعنا اثبات التُهم

#ليلة_في_ديسمبر76

ششششهد!
مرحباً هتن كيف حالك؟
بخير وانت؟كنت افكر في الإتصال بك وتفقد احوالك

انا بخير ،اااااااااا إتصلت لأخبرك انه اخبرني قبل قليل بانه يحبني وانه يتقبلني كما انا

=عظيم،هذا خبر عظيم للغاية وماذا قلت انت؟
-شكراً لك
=ماذا قلت؟
-قلت له: شكراً لك
=هل حقاً هذا ما قلته للرجل؟

-ارتبكت كثيراً ،لم اتوقع انه سيقول انه يحبني،ولم اعرف م الذي علي قوله لذا شكرته فحسب،ماذا افعل الان؟انا اشعر انني انني...تعلمين هذا الشعور صحيح؟وكأنها المرة الأولى التي تقال لي فيها هذه الكلمة وكانها المرة الأولى التي اشعر فيها بهذا..

=فقط اهدئي قليلاً،سيتفهم انك مرتبكة ،تصرفي بقليلاً من الهدؤ فحسب ستسير الأمور على ما يرام لا تقلقي

-هل اذهب اليه ؟
=لا تفعلي،سيأتي اليك وحده
-هل سيفعل؟وماذا إن لم يفعل؟

=سيفعل

-حسناً،شكراً لك ،اردت التحدث الى شخص ما فحسب لأنني لم م اعرف ماذا افعل

قفلت الخط ووقفت مع نفسي دقايق بعدين خلطت عصير جزر لأنه هو بحبه واخدته ليه ..

لما دخلت الغرفة كان لابس نضارته و ماسك اللابتوب وجنبه اوراق ومركز انتباهه كله فيها ،ختيت العصير جنبه وطلعت بدون م اتكلم، رجعت غرفتي وانا راسي يودي ويجيب هل زعل لأنه ردي على كلامه كان سخيف؟
هو فعلاً سخيف يعني تخيل زول يقول ليك انا بحبك تقول ليه شكراً ليك،حاجة قمة التخلف
لو اخد موقف وواضح انه ماخد موقف كيف ممكن اصلح الحاجة دي؟..
عدت الدقايق بسرعة وانا بفكر لغايه م جاتني غفوة خفيفة صحيت بحركة يديه بتحاوطني وهو بقول لي: نمتي؟

اتلفت عليه بسرعة وانا م بين صاحية ونايمة...بعد استوعبت انه هو فعلاً قلت ليه: افتكرتك حتنوم في غرفتك
عايزاني انوم في غرفتي؟
لأ ابداً،بس افتكرت كدة
كنت مشغول شويه وراسي جايط،ودة عيب انه الواحد يكون محامي ،وكمان في واحدة من موظفات الإستقبال عندي في الصالة حصل ليها حادث واليوم كان مفروض امشي مع الموظفين عشان ازورها في المستشفى واعمل الواجب وم قدرت ف اتصلت اتكلمت معاها عشان اعتذر وكدة بس دة كل الموضوع ،بالمناسبة شكراً على كباية العصير ،كنت محتاجها فعلاً
عاينت ليه دقايق وانا ساكته..
مشيت يدي في خده وانا بقول ليه:،انت صاحب كويس،كوتش ورئيس عمل ناجح ، ومحامحي شاطر كيف قادر تكون كلهم كدة؟

ضحك وهو بقول لي:ربنا م بدي كل حاجة يعني انت لا بد من انه تكون ناجح في حاجات وفاشل في حاجات، الطبيعة البشرية ذات نفسها م بتقبل انه الإنسان يكون مثالي وناجح بنسبة 100% في كل حاجة وياخد كل حاجة في الحياة دي ولو لقيتي زول كدة اعرفي إنه في حاجة غلط، ،بالنسبة لمحامي ناجح انا يا داب ابتديت اكتشف قدراتي في المحاماة وحبيتها بفضلك انتِ،في حاجات صغيرة يمكن انتِ م منتبهه ليها بس اضفتيها لحياتي بدخولك ليها وليك الفضل فيها
وكمان بخصوص مخاوفك..
خلينا نسميها مخاوفنا
انا بحترم مخاوفك لأني بقيت مُلم بأسبابها،وانا كمان عندي مخاوف من العلاقة دي بس م مخاوف بسبب الأحداث النحن حالياً عايشنها دي ولا سببها انت ابداً..

طيب سببها شنو؟

حأحكيها ليك في الوقت المناسب ان شاء الله

بتردد رجعت مشيت يدي في خده وانا بقول ليه:
امي زمان كانت بتقول لينا:العاقل اذا دعا لنفسه بقول:اللهم سخر لي خلقك،وكنت بردده على طول الدعاء دة، عرفت حكمته بوجودك سياف

بسخرية قال لي:جد؟شكراً

اندهشت للحظة من رده الساخر،بعدين إنتبهت انه هو بحاكي فيني ف ضربته في كتفه بغيظ وهو بضحك وبضمني لصدره وبحاوطني بيديه
كل العارفاه إنه انا بحب وجودك جنبي شديد سياف،بحب وجودي هنا بين يديك،بحب اثر ريحتك البكون عالق حوالي في الغرفة،الملابس و..
إلتهم باقي الكلمات من فمي وعلى اثر ذلك غرقنا في لحظة حميمية ادركت فيها معنى ان لا تسع الدنيا اجنحة الشخص
انا بمنزلي الان
حيث الدار امنة والرفيق حنون
انا في العالم الذي كنت احلم به
الأن فقط اشعر وكأنني انا للمرة الأولى

في الصباح كان بشاركني في ترتيب المطبخ بعد م فطرنا ،وانا قاعدة بقلب في اللابتوب بتاعه بعد م كنت بشوف الإيميل بتاعي اذا جاتني ردود على عروض الوظائف القدمت فيها ولا لأ

وانا مواصلة تقليب في اللابتوب وسرحانه دخلت في فولدر كان فيه صور ليه ،كنت بقلب في الصور واحدة ورا التانية لغاية م لقيت صور مختلفة ليه وهو لابس مريول وبغسل في عدة كتيرة،كنت بقلب وبعمل زووم على الصور كان من بين الصور في واحدة فيها صوابع لواحدة رافعة يدها في وشه وهو لابس المريول وفي خاتم في يدها واضح إنه هي الكانت بتصور وهو كان بضحك ..إستغربت لدقايق بعدين قلت بتردد ليه سياف!
نعم؟
دي شنو الصور دي؟

صور شنو م فهمت؟

لفيت عليه اللابتوب

اهااااا،دي صوري في واحدة من الأشغال الإشتغلتها لما وصلت هنا،كنت بغسل عدة لمطبخ واحد من المطاعم هنا والصحون الحوالي دي كان موسم وفي زحمة في المطعم يومها..

كان بعاين لي وهو بحاول يقرا تعابير وشي

ايوا مالو؟
بعد إعادته اكتر من مرة اتوقفت على نقطة شغلك في الشركة واتناقشت في النقطة دي في اي اول يوم لي مع زميلي في المكتب، قدرنا نتواصل مع الشركة الكنتِ شغالة فيها فترة زواجك وقدرنا نتحصل على كل فحوصاتك الطبية الدورية من بداية شغلك معاهم لغاية اخر شهر وقفتي فيه،الخايب الثغرة دي كانت رايحة عليهو،كل النسخ الأخدناها بتؤكد تماماً إنه م كان في ولا ذرة مادة غريبة في جسمك ودة بثبت عكس كلام الخايب زوجك الإتهمك بالتعاطي والإدمان ،عليه نحن حالياً رافعين عليه قضية تعنيف اسري والقضية حتشمل عدة نواحي"ايذاء جسدي ونحن عندنا ادلة ملموسة على الحصل ليك من حرق وتشويه،حبس وتخويف،اجبار على الإدمان،تأثير نفسي"
القضية دي بالذات حتجره لحبل المشنقة بعد م تشوف النور لأنه على خلفيتها حتظهر جرايم كتيرة هو مرتكبها
كل العايزة منك م تخافي ابداً مبدئياً بعد كدة حيبطل يتعرض ليك لأنه حيعرف نفسه مُدان ومرصود

كنت بعاين ليه وانا متوترة

الشي الوحيد الممكن يضايقني هو خوفك دة م حنتردد نخطي الخطوة دي المرة دي، جا وقت انه تواجهيهو بحق وحقيقة حتى هو م ندمان على العمله بالعكس عايز يعيد الكره ويتمادى فيه

الأنا مستغرباه بجد انت بتعمل كل دة عشاني بجد؟يعني م خايف على نفسك؟عارف انت بتواجه شنو ومنو وانه دة شي إنتحاري؟انا مقدمة ليك شنو عشان تعمل كل دة ؟

مسك يدي الفيها الخاتم وهو بعاين ليها مسافة بعدين قال لي:والله انا زاتي م عارف بعمل في شنو كل العارفة انه في واحدة شبر ونص مزعزعاني وم قادر افوتها نهائي وم بقدر افوتها
عمي زمان لخص الحب في جملة واحدة وقال لي:الراجل مننا بشوف الواحدة وبقول في نفسه بسس دي الأنا عايز ابقى ليها الغطى والستر البقولو عليه،يا داب فهمت هو قاصد شنو

م تبطلي تعايني في المراية وبطلي تقولي لنفسك م قادرة اتقبلني وم قادرة احبني ،انا هنا متقبلك ،وانا هنا بحبك وشديد كمان،ف اسمحي لي احبك بالطريقة البقدر اعبر فيها عن محبتي للشخص البخصني بدون تساؤلات ، انا لقيت طريقتي الوحيدة للتعبير عن الحب هي اني اخليك مطمئنة وامنة واحميك دة انا كدة ،كل العايزه منك تساعديني عشان نقدر نتجاوز اي مخاوف مع بعض واوعدك إنه حنتجاوزها وحتبقى الأيام دي مجرد زكرى بس زكرى عظيمة لواحدة قوية وشاطرة

ها انا ذا بعد كُل هذه المخاوف من الزواج ،
انتهى بي المطاف مَعَ شخصٍ يَراني كُل شيءٍ لهُ
صَديقتهُ المُفضلة،
إبنتهُ الأولى،
مصدر أمانهُ ليبوحَ لي بما يُشغل عقله
يرى أن عِناقي قادرٌ على أن يُمحي الحُزن من قلبه كأنه لم يُشعر بهِ أبدًا ❤🦋

جناح الفندق الإنتِ فيه كان محجوز كله حجز مفتوح واذا اتجاوزنا موضوع الحجز بإنه المهووس جنتل وكدة الأغرب انه في غرفتين بس محجوزات معاك في الجناح غرفة لدكتورة تجميل إسمها ليزا،والغرفة التانية لمساعدتها،م قدرنا نفهم العلاقة شنو ؟كيف يخصص ليك جناح كامل وفي نفس الوقت تكون في ناس م عندها علاقة بيك مشاركنك في غرف الجناح؟...

م لقينا حاجة نتوقف عندها غير حجز الجناح وغرفتين الدكتورة ومساعدتها وبعد البحث عن الدكتورة إتضح انها صديقة مقربة للخايب عمار وفي علاقة لصيقة م بينهم وعندها عيادة في المستشفى الهو شغال فيها،والحاجة دي عقدت شكوكنا اكتر ،بحثنا اكتر قدرنا نصل لمعلومة إنه الدكتورة اصلاً كانت نازلة في الفندق قبل م انتِ تجي، وبتتردد على مستشفى تجميل على بُعد امتار من الفندق،يلا المستشفى دة كان فيه حجز عملية تجميل بإسمك ضمن قائمة عمليات الدكتورة دي والفضل في المعلومات دي كلها يرجع للشلة كلهم من مستر بابل لغاية اكيمي،يعني يا عزيزتي انتِ لا كنتي مسافرة عشان مؤتمر ولا شيء فهمتي؟
اصابع يدي اتجمدت في اللحظة دي
رفع راسه وهو بقول لي عرفتي ليه انت بقول ليك الحمدلله الحمدلله انك كلمتيني ؟

بقيت اتكلم بكلام م مفهوم ،كان حيعملها تاني؟عايز يشوهني تاني ويغير لي ملامح وشي،هو عايز يخليني اعيش مجهولة هوية كدة ،يعني مقابل رجعة لين كان عايز يعمل الحاجة دي؟حيعملها،لو المرة دي م نجح المرة الجاية حيعملها،دموعي بقت جارية..

شايفة؟عشان كدة م كنت عايز احكي ليك ،مسك لي يدي وهو بقول لي م حيحصل،م حأخليه،م حسيبك انا لمن يقدر يعمل كدة،انا سافرت نيويورك وانا متأكد من انه هم حساباتهم مختلفة من حساباتنا ،يعني كانت عندي خلفية حتى عن يوم العملية في لستة الدكتورة،عشان كدة قلت ليك موافقتي سفرتك ووجودك في الفندق كله كان عشان يفتكر إنه ماشي صح
بس تفتكري لو انا م عندي حسابات تقديرية لكل خطوة وم عندي خلفية عنها حأخليك تسافري؟
م حيحصل يا شهد
ليزا دي انا بعرفها هي صديقته فعلاً مرة عزمها عندنا عشاء في البيت،ومرة انا زرتها في عيادتها،هي العملت فيني كدة واخدت مني ملامح امي وهسي بعد م ابتديت اتصالح مع نفسي وشكلي دة كمان عايز ياخدو مني،هو ليه بعمل كدة؟انا بجد عايزة افهم ليه بعمل كدة ؟انا لسة م قادرة اتقبلني،لسة م قادرة احبني وعايز يعيشني الحاجة دي تاني،اهون عندي يجنني ويرميني في اي مصحة مما يعمل فيني كدة

تعالي..

ضماني عليه وهو بقول لي،اوعدك م حيحصل،طول م انا موجود نحن الحنرميه في المكان المفروض هو يكون فيه مش هو اليرميك،اوعى تضعفي او تبيني ليه إنك خايفة منه ،هو مريض وطالما مريض مكانه واحد من اتنين يا السجن يا المصح نخلي الدولة هي الحتقرر حترميه وين ،م عايز اسمع منك ولا حرف من القتليهم هسي ديل ولا عايزك في يوم تبيني ليه انك خايفة منه انا مشيت وين وفايدة وجودي شنو لما تخافي؟
حنحظره من كل مكان في التلفون اول حاجة وان اتضطر الأمر نكسر الخط تمام؟

اتفقنا؟
حركت راسي بإيجاب

المساء ونحن قاعدين باب بيتنا دق..
سياف فتح الباب..
سمعته وهو بقول ليها:لا بأس تفضلي بالدخول ميغان..
جات داخلة سلمت علي وهي بتقول لي:انا حقاً اسفة ان كنت قد اتيت في وقت غير مناسب
لا مشكلة مرحباً بك..
مشيت جبت ليها موية وعملت قهوة وقعدت
لقد اتيت لأمر ضروري ربما هو مفيد لكما بعض الشيء،اممممم وقعت حادثة منذ يوم وهي الان تتصدر عناوين الصحف المحلية والعالمية..

سياف قال ليها اي حادثة؟
سقوط مراهق من اعلى احدى المباني المحيطة بساحة تايمز سكوير في مانهاتن،جميع معطيات الحادثة تشير الى انها حادثة انتحار الى ان خرج والده عن صمته وهو يقول انه وفاة إبنه ليس انتحاراً وإنما هي عملية إغتيال
والد الفتى هو رئيس قسم النساء والتوليد بمستشفى New York hospital المشهور،الرجل غير انه زميل مهنة يعد صديق مقرب لزوجك السابق الدكتور عمار..

في اللحظة دي جاتها مكالمة ،قالت لينا عذراً،شالت تلفونها وطلعت في اللحظة دي سياف ملامحه كانت بتعلوها الدهشة وقال:معقول وجوده هناك في نفس اليوم والتوقيت صدفة ؟
قلت ليه مالك في شنو؟
ضغط على يديه بعيونه وهو بقول لي ماف شي..
ميغان جات راجعة بعد دقايق وهي بتقول لينا اعتذر ولكن لدي تغطية عمل مهمة للغاية علي الذهاب لأجله اسفة سأتحدث إليكما في وقت لاحق..

بعد م طلعت سياف كان عنده اجتماع اونلاين خليته وطلعت قعدت قدام باب بيتنا،بعد نص ساعة جا طالع الغرفة لقاني واقفة قدام مراية العربية وبعاين لنفسي بنظرة هزيلة ومستاءة،لما شوفتو بقيت اتلفت،وقف قصادي ومسكني وهو بقربني عليه وبقول لي:مالك؟

ولا شي بس كدة

عايزة اقول حاجة يمكن تكون مهمة ويمكن لأ،تعالي قعدنا قدام عتبة الباب و قعد جنبي وهو بقو لي:متذكرة التسجيل بتاعك الكنت مسجلو ليك لما كنتي بتحكي عن كل حاجة حصلت معاك؟

امك محتاجة انها تشوفك ،هي اكتر شخص خاف عليك الفترة دي ف لازم نمشي واشنطن

طيب انا حاجاتي في بيت الراجل،في العربية م عندي غير الشنطة الفيها الحاجات الشخصية بتاعتي بس،بعدين هو زاته مسافر برة المدينة بعد ساعة انا بس مفروض ارجع معاه البيت

شنطتك فيها الجواز؟

ايوا

تعالي ناخدها
وقفت وراها وهي بتفتح العربية بتشيل شنطتها ومشت بالإتجاه الواقف عليه الخايب ومدت ليه المفتاح وهي بتقول ليه:انا اسفة،حأرجع اتواصل معاك واوضح ليك يبدو إنه في سؤ فهم حاصل ماما سبب فيه واتحركت من جنبه وجات علي،لما وصلنا جنب العربية فتحت ليها الباب ركبت وطلعت تلفوني واتصلت على شهد اول م فتحت الخط قلت ليها:عايزك تطلعي حالياً على المطار
بسم الله يا سياف خير في شنو؟
بدون اسئلة كتيرة،بأسرع م يمكن عايزك تكوني في المطار وتحجزي في اقرب طيارة راجعة سانفرانس

طيب فهمني

حأفهمك لمن افضى حالياً اعملي القلت ليك عليه حالاً
طيب حاضر
قفلت منها وركبت العربية وهو واقف بعاين لينا

....................................................
Los angels Airport:

اعزائنا المسافرين يفيدكم قسم الأحوال الجوية بالمطار انه ونظراً لسؤ الأحوال الجوية تم تعطيل إقلاع جميع الرحلات الى حين تحسن الطقس،الرجاء التحلي بالصبر نتمنى لكم اوقات سعيدة..
بسبب عاصفة رملية وسؤ في الأحوال الجوية قعدت اكتر من24ساعة إنتظار في مطار لوس انجلوس، اخر مكالمة لي مع سياف كانت انه إتأكد إني في المطار ومنعني منعاً باتاً اطلع منه او ارجع الفندق طلب مني انتظر بس لغاية الجو يهدأ والرحلات تقلع،عدت ساعات طوال وتاني م لقيت اي خبر منه وم فاهمة الحاصل شنو لأنه م اداني تفاصيل او فرصة افهم رغم انه تلفونه فاتح وبستلم الرسايل... الساعات دي اتعرفت فيها على كم شخصية من النسوان من مختلف الجنسيات منهم الطالبة والمتزوجة والموظفة قعدنا واخدنا وادينا مع بعض واتشاركنا القصص وانا بعاين لكل واحدة فيهم وبعيد في احداث حياتي وقت كنت طالبة واكبر مشاكلي المذاكرة،ووقت كنت موظفة واكبر مشاكلي التارقت واني اصل في مواعيدي ، ،ووقت كنت متزوجة عمار وحامل واكبر مشاكلي كانت اني كيف اقدر اوفر لطفلي بيئة صحية للتربية وكيف اقدر اكون ام صالحة ودخلت كورسات مخصوص عشان الحاجة دي ،سرحت لدقايق وانا بقارن بين مشاكلي بين الأمس واليوم،مر الوقت و كأني كنت في امتحان واللجنة اعلنت انتهاء الزمن بسماع الموظفة وهي بتنبه الناس على انه يستعدو ،
قبل الرحلة م تقلع رسلت رساله لسياف نبهتهه فيها على مواعيد وصول الرحلة اللي حتكون في منتصف الليل...
وصلت المطار وم اتوقعت اللقاه في وشي منتظرني قدام بوابة المطار وهو مقلق وملامحة شاحبة ومرهقة انا للوهلة الأولى خفت اول شافني جا علي وضماني علي وإتنهد..
انت كويس؟
مالك في شنو ملامحك دي كدة؟حصل شنو فهمني لين رجعت؟

ايوا لين في بيتهم مع امها الان
بحماس قلت ليه بجد؟حصل كدة كيف ومتين وليه م وريتني ؟
حأحكي ليك بس نرتاح شويه ونصل البيت
طيب هي كويسة طمني؟وكانو وين في سانفرانس هنا؟اوعى يكون المهووس دة عمل ليها شي،اديني اتصل على الاء اتطمن عليها

الزمن متأخر+م يحتاج تتصلي على الاء هي بخير صدقيني خلينا نصل ونرتاح حأحكي ليك التفاصيل

اول م وصلنا البيت بحيل متهالك رقد في الكنبة ،وانا دخلت غرفتي استحميت وغيرت وطلعت لقيته لسة في مكانه وصاحي..
تعالي
قعدني في الكنبة وخت راسه في رجولي ومسك يدي وختاهم في شعره..
ما من عوايده يكون كدة،قلبي وخزني عليه
سياف انت كويس؟
ساعتها كان نام..
لما جا الصباح لقيت روحي في المطبخ بجهز في الفطور في تربيزة البلكونة ،اليوم اصلاً كان عطلة نهاية الإسبوع ف بعد خلصت تجهيز مشيت اصحيه لقيته صحى،خلصنا فطور وانا عندي فضول اعرف تفاصيل الحصل كله بس حاساه لية م تمام
وانا قاعدة في الكنبة جا رقد في رجولي نفس الرقدة وغمض عيونو
انت كويس يا سياف بجد؟امبارح نمت كويس

كويس انا يا شهد،كنت مستنيك تجي واشوفك وارقد الرقدة دي عشان احس انك في البيت معي فعلاً،م فاهم دي التعويدة ولا شنو بس لما تكوني مافي في بحس نفسي في السهلة،تخيلي انا المن وقت قريب حياتي قايمة على ورقة محتواها 1,2,3 تجي حاجة طولها155 تخليني في عدم وجودها ما فاهم اي شي ولا قادر اتصرف..

ضحكت وانا بقول ليه:160 هييي ،بعدين انت انتظرت في المطار كم ساعة امبارح؟

م مهم انتظرت كم المهم انك معي في البيت

احكي لي حصل شنو يا سياف ولين رجعت كيف،واذا اصلاً كان في امكانية انها ترجع ليه انا سافرت كان ممكن م اسافر وهي ترجع م فاهمة ليه حصل دة كله؟

سمحنا ليك بالسفر وكانت مخاطرة فعلاً بس برضو نوع من التموية لأنه واضح إنه عمار كان متابع تحركاتك من الألف للياء ف م كنتِ حتقنعيه انك موافقة اذا م سافرتي بس هو كان عنده هدف مهم شديد من السفرة دي..

عاينت للسيد بابل وانا بقول ليه:يبدو انني حصلت على إجابة على سؤالي،لا سيما ان يرتبط المكان الذي تواجد فيه بجريمة ما
سيد سياف علينا الذهاب الان حسب قراءات التتبع انهما يبتعدان ابتعد عن المكان...هيا من هنا
كنا ماشين وسط زحمة من الناس وهو رافع تلفونه ومتحرك وبقول لي انهما يبتعدان علينا الإسراع ليس هناك وقت...جيني هل تسمعينني؟انهما يبتعدان كثيراً ونحن نسير بالأقدام..
شكراً للرب...حسناً ،سنأخذ تاكسي
مشينا بقى اشبه بالهرولة ونحن متتبعين حركتهم بجهاز التتبع،اتخطينا الشارع الرئيسي بشارع فرعي وفجأة مستر بابل فتح باب عربية واقفة وهو بقول :لماذا لا تقومين بتغير هذا الطراز القديم من سيارتك عزيزتي جيني..
كانت شابة في منتصف التلتينات
الطراز ليس مهماً بقدر قدرتها على تخطي الصعاب ،انها مارسيدس عزيزي...عاينت لي وهي بتقول:هل سيصعد صديقك ام ماذا؟
ركبت وانا بقول ليها:هل نعم اين ذهب؟
سنلاحقه لا بأس..
اتحركنا واخدنا وقت ونحن ماشين والسرعة كانت اضعاف سرعة سواق التاكسي القبيل رغم انه فعلاً مافي مقارنة بين العربيتين،واصلنا لغاية م بقينا شبه قريبين منهم حسب قراءات التتبع وفي لحظة وقفت العربية قدام مستشفى ضخم
لماذا توقفنا هنا؟
جيني قالت لي:لأن اشارات التتبع تتوقف هنا،هذه هي سياراتهم تلك التي امامنا مباشرة

عايز انزل بإندفاع قالت لي:يبدو انهما بداخل المستشفى سننتظر قليلاً بعض الشيء،ابقى مكانك
اخدنا وقت ونحن واقفين لغاية م ظهرت قدامي لين وهو،نزلت بإندفاع جا من وراي صوت مستر بابل وهو بقول لي:
لا تتصرف بتهور والا ستقع في المشكلات كن حذراً..
خطيت خطواتي تجاه العربية وانا مسرع ومندفع لغاية م بقيت على بُعد خطوات منهم وهي ماسكة مفتاح العربية وبتفتح الباب ندهت عليها لين؟!..
عاينت لي بإندهاش وهو نظراته كانت مختلطة يمكن اخر حاجة اتوقعها انه يشوفني..
كانت خاته سماعات الرياضة الكبيرة حوالين رقبتها مسكتها في يدها وجات علي مُسرعة وملامحها مخيم عليها التوتر..
عمو سياف؟دي شنو الصدفة الحلوة دي
بتعملي شنو انت هنا ؟
انا مفروض اسأل السؤال دة
شخصية لين مكارة وبتدعي الغباء

حأجاوبك بس قبل كل شي عايزك تمشي معي حالاً م عايز اسمع ولا حرف منك لغاية م نرجع البيت

بيت؟
زي م سمعتي يا لين حنرجع البيت وخليك مكانك هنا اوعى تتحركي او تلحقيني..

عمو سياف ثواني في شن...

إتخطيتها ومشيت على إتجاهه وقفت قصاده وانا بدخل يدي في جيوبي وانا بقول ليه:م حتقدر تستفرد بي دي لأنه انا عمها،وم حتقدر تلوي يد ديك وتستغلها اكتر من كدة بأي شكل كان لأنها زوجتي ومحسوبة علي قانوناً

انت عارف إنه انا م عندي معاك مشكلة شخصية؟

قربت عليه وانا بقول ليه:لكن انا عندي،لأنك بتضايق وبتلف وبتدور حوالين الحاجات البتخصني،زول تاني في مكاني لو لاقاك قدامه كان كسر وشك لكن انا رجل قانون وعشان انا رجل قانون تأكد تماماً إنه افعالك ومضايقاتك دي انا حريص على إنه اردها ليك واحدة واحدة في وقتها المناسب،وخلي بالك انه المرة دي انت اخدت شرف اني اقيف قدامك كدة واعتبرها اخر مرة لأنه المرات الجاية كل الوقفات الحتكون لينا مع بعض انت ادرى بيها حتكون وين..

اتحركت من جنبه واديته ضهري ومشيت على لين ومسكتها من كفة يدها وكانت دي المرة الأولى الألمسها فيها وانا قاصد من فترة طويلة شديد

عمو سياف طيب دقيقة اسمعني،انت بتعرف الراجل دة من وين؟

حأسمعك ونحن في الطريق

لا ،م حمشي معاك شبر لو م وريتني بتعرف الراجل دة من وين ومشكلتك معاه شنو؟

مسحت وشي بيدي بنفاذ صبر وانا بقول ليها حأحكي ليك لما تجي معي

م بقدر اجي معاك دة عميلي وانا مرافقته الشخصية ومف...

لين حتسمعي كلامي وتجي معي ولا لأ؟

طيب المشكلة شنو فهمني اول وليه الإسلوب دة والسلوك دة يطلع منك انت؟

لما نمشي ونقعد مع امك حأوريك المشكلة شنو

ماما؟كالعادة معناها ماما اتصلت عليك وهي ورا دة كله صح؟انا وريتها انا م طفلة عشان تحدد لي مفروض اعمل شنو ومفروض لأ ،ولا عندها حق في انها تحدد لي مفروض حياتي تمشي بالطريقة الهي والإنتو بتقولو عليها بطلو الوصايا التعملو فيها دي انتو م في السودان لو ناسييين ،منو قاعد يصرف علي او يسألني ناقصك شنو او احتياجاتك شنو؟بعدين انا بقيت بت كبيييرة م محتاجة اجنحتكم الفاردنها حوالي دي

اي رد فعل انفعالي او نبرة صوت ما في مكانها كانت حتزيد الوضع سؤ وحتزيد الشد والجذب م بينا

لقيت نفسي بنبرة تشبه اسمها بقول ليها:لين لسة انتِ معتبراني زي اخوك الكبير ولا لأ؟
شايفاني بخاف عليك وبهمني امرك ولا لأ؟

سكتت لحظات بعدين بنبرة هادية قالت لي لكن يا سياف دة شغل

تعالي معي نرجع البيت ونتفاهم في موضوع الشغل دة،اسمعي كلامي المرة دي بس انا م حصلت ضغطت عليك في شي وكنت معاك في كل تصرفاتك الغلط قبل الصح وكتير بقيف ضد يوسف والاء في حاجات م بتتحمل اني اتدخل فيها صح؟

اتنهدت وهي بتقول لي طيب انت عايزني اجي معاك واشنطن ولا كاليفورنيا؟

انا في المطار اتجه على وين؟...تمام
طلعت من صالة المغادرة لبوابة المطار
وقفت قدام بوابة المطار بعاين وسط عدد من الناس الواقفين ورافعين لافتات مكتوب عليها اسماء مسافرين منتظرين وصولهم،من ضمنهم كان في شخص رافع لافتة مكتوب عليها اسمي،وقفت بتردد مسااااقة اعاين ليه وانا متوترة لغاية م رفعت ليه يدي واشرت عليه
كان لابس زي رسمي واضح عليه موظف من الافريكان امريكان..
سيدة شهد عبدالله؟
اجل
مرحباً بك في لوس انجلوس
شكراً لك
تفضلي من هنا...اخدني لغاية العربية وفتح لي الباب
ركبت وانا بعاين حوالي
عاينت في تلفوني ولا حتى رسالة من سياف م جاتني
اتحركت العربية،بعد ربع ساعة وصلنا فندق كان قريب للمطار، اول م نزلت في موظفة استقبلتني ببوكيه ورد وبعدها قالت لي :من هنا سيدتي
اخدنا اصانصير وطلعنا لغاية م وصلتني الغرفة وهي بتقول لي اتمنى لك إقامة سعيدة معنا
واضح إنه عمار كان مجهز كل شيء من حجز الطيارة لغاية اجراءات نزولي في الفندق

اول م دخلت كانت في حاجات في السرير ،اكياس هدايا جنب بعض..
شلتهم على جنب بدون م افتحهم اتصلت عليه م رد،تاني رجعت اتصلت عليه اول م فتح الخط قلت ليه الساعة كم حيكون المؤتمر؟وحيكون وين؟وانت زاتك وين؟
قال لي :مشتاقة لي عايزاني اجي عندك؟
بصوت هاديء قلت ليه عمار الساعة كم حيكون المؤتمر؟

المؤتمر م حيكون في لوس انجلوس اساساً لكن ،انتِ هنا عشان ترتاحي بس بكرا حأديك التفاصيل

م فهمت كيف يعني المؤتمر م حيكون في لوس انجلوس؟عمار انت بتمروح فيني؟انت عارف جيتي هنا دي شنو مكلفاني وحتكلفني شنو؟عارف حجم المشاكل الأنا حاكون فيها بعد ارجع؟

قصدك مشاكل مع راجلك؟مفروض تتحسب ليك عرسة اولاً حتى نعتبرها مشاكل زوجية يا شهد وانتِ ادرى بإنه زواج شكلي! عارفة عقوبة القانون الأمريكي شنو على الحاجة دي حال تم اكتشافها؟

زواج شكلي دة في خيالك بس

عموما خلينا في المهم انا حاولت ابعدك من زحمة سانفرانسيسكو ليوم واحد إرتاحي حالياً والفندق فيه اي نوع من الخدمات الممكن تحتاجي ليها وكمان في حفلات موسيقية لو مليتي اطلعي اتمشي ،ويستشستر حي جميل وأمن، اول م كل شي يكون جاهز بخصوص المؤتمر حأتواصل معاك

متييييين؟

خلال ال24ساعة الجاية دي بس يا شهد،عندي موضوع مهم حأخلصة وحأرجع اتواصل معاك،اتطمني خلال ال24ساعة دي انا م حأسبب ليك اي نوع من الإزعاج

بنفاذ صبر لقيت روحي بقول ليه:
تمام ،تمام يا عمار حاول م تراوغ مراوغتك دي معي تاني

كدة فهمت ليه سياف وافق على جيتي هنا براي وهو مطمئن بدون اي اصرار منه على مرافقتي او مرافقة ليز لي واكتفى بشوية توجيهات لي وطلب مني استجيب لأي شي بقوله عمار واتماشى معاه بس،معقولة يكون عارف انه عمار م حيكون هنا سلفاً؟
طيب الفكرة شنو من جيتي هنا وانا بفتح الستارة باب الغرفة دق..
بتردد مشيت على الباب
سيدتي خدمات الغرف هنا..
فتحت الباب كانت جايبة لي العشاء
بعد م طلعت لاحظت ضمن الأطباق طبق فراولة مرشوش عليها سكر،شلتها بغضب ورميتها في السلة وانا بقول :تافه وقذر

....................
New York Airport:

لم انت قلق ؟
ماذا لو لم تجري الأمور كما خُطط لها؟انا لا اثق بهذا الرجل ماذا لو لم تكن تقديراتنا للأمر صحيحة؟

سيكون كل شيء على ما يرام لا تقلق...انت لا تعلم من هي جيني لذا انت قلق،استرخ قليلاً فحسب

مرحباً جيني،اجل ،نحن في الطريق،اخبريني بالمستجدات هل كل شيء على ما يرام؟ حسناً اخبريني انا اسمعك،انت متأكدة انه خارج المنزل؟اين؟
لا مشكلة هذا جيد بعض الشيء ،سنكون هناك بعد نصف ساعة من الأن،احبك جيني، الى اللقاء..

ماذا تقول؟

اخبار جيدة،الرجل ما زال بالمدينة،

هل هناك تغير في مجريات الأمور؟

خرج الرجل من وكره وهذا عظيم للغاية

اين هو؟

تقول جيني انه في ميدان تايمز سكوير

ماذا؟لماذا ؟

برأيك لماذا يأتي الناس لنيويورك ويخصصون الوقت للذهاب الى ساحة تايمز سكوير؟بالطبع للتسكع وقضاء الوقت

طلعنا من المطار واخدناواقرب تاكس مستر بابل قال ليه:نريد الذهاب الى مانهاتن ميدان تايمز سكوير ولكن حال استطعنا ايصالنا في اقل من نصف ساعة سأضاعف لك الأجر اربعة مرات لأننا في عجلة من امرنا بعض الشيء

لمعت عيون السائق لما سمع بمضاعفة الأجر وربط حزامه وهو بقول لينا سنسلك ببعض الشوارع الملتوية حتى لا نعلق في الزحام،اربطا احزمتكما جيداً..

لما وصلنا كان في انتشار للشرطة والمكان مطوق بشريط الشرطة ومانعين المرور..وفي تجمعات للناس وإزدحام
اتوقف الدم في عروقي للحظات
بحيل متهالك سألت م الذي جرى هنا؟
سيد بابل قال لي: اهدأ سيد سياف

اقرب زول جنبي مسكته وسألته من فضلك م الذي حدث هنا؟
حادثة انتحار بشعة ،قام مراهق برمي نفسه من احدى المباني هنا

#ليلة_في_ديسمبر75

ونحن راجعين في الطريق اصريت على سياف يتصل على الاء ونشوف الحاصل شنو واذا في جديد او لا،وهو بدون جدل اتصل وخلى المكبر فاتح..
يا سياف مساء الخير
مساء النور يا الاء كيفك تمام؟
الحمدلله
في جديد؟
لا م رجعت اتواصلت معي تاني ورسلت واتصلت عليها كتير بس م بترد

طيب يا الاء عايزك ترسلي لي رقمها المتواصلة بيه معاك دة الان،ضروري جداً
حاضر
هسي عايز الرقم يصلني تمام؟
تمام ثواني ويكون معاك
و الله يرضى عليك اول م تتواصل معاك لو في اي جديد اديني خبر عشان نعرف نتصرف لأنه يوسف لغاية اللحظة م اخد باله من غيابها دة انتِ فاهمة صح؟

بتنهيدة قالت ليه: فاهمة،طيب ان شاء الله خير

قفل الخط وهو متضايق ومواصل في السواقة

هنا انا حددت موقفي..
قلت ليه : ممكن توقف العربية على جنب يا سياف؟
ليه؟
وقفها بس دقايق
حاسة بنفسك م كويسة ؟
كويسة انا وقف العربية عايزة اتكلم معاك في موضوع بس
وقف على جنب الطريق وهو بقول لي:خير مالك شنو هو الموضوع الما بتحمل تحكيه لي وانا سايق دة؟

بتردد وخوف مديت ليه التلفون وانا بعاين ليه

بنظرات إستغراب شاله مني
عاين للمحادثة لدقايق وهو ساكت وبدأ يفتح في الريكوردات بدون م تظهر على ملامحه اي ردة فعل وعادها مرتين وبهدؤ خت التلفون بعيد منه وواصل سواقة وانا بعاين ليه وساكتة منتظرة اي رد فعل منه،اي تعليق بس م عمل كدة،فضل محافظ على هدؤه لغاية م وصلنا البيت
اول م دخلنا بصوت متخوف وانا ماشة وراه قلت ليه:سياف ممكن تسمعنى؟ انا رسلت ليه بس عشان لين اقسم بالله العظيم،يمكن غلطت وما مفروض اعمل كدة من غير م اكلمك،لكن انا لما عملت كدة م اتوقعت انه يدخل او يرجع يرد علي اصلاً و..
كل القاله لي:فاهم اسبابك يا شهد م محتاج تشرحي بالعكس انا مرتاح لأنك كلمتيني الان وم اتصرفتي ساي، حنحاول نفكر برواق وان شاء الله كل شيء حيكون تمام اتفقنا؟

كان هادي شديد اللحظة دي وفي قمة ثباته الإنفعالي حتى انا اتوترت زيادة وم قدرت احدد انا خايفة منه ولا عليه، قلع جاكيت البدلة والكرفتة ورماهم في الكنبة وفتح زرايره وكفكف ايادي قميصة ودخل الحمام وم قفل الباب وراه، وقف قدام المغسلة وبقى يرش الموية في وشه بصورة متكررة وانا واقفة بعاين ليه،اخد دقايق وهو بعمل الحركة دي وبعاين للمرايا،لما انتبه لي انا واقفة قصاده عمل روحو بتوضأ وشال البشكير نشف بيه وشه وجا طالع قال لي المغرب فاتني حأصلي وارتاح شوية وانتِ كمان ارتاحي..

حاضر، اممممم انت كويس؟
خت البشكير في كتفه وهو بفتح في زراير قميصه وبقول لي انا تمام يا شهد واتحرك على غرفته
الصمت كان سائد م بينا لأكتر من كم ساعة هو في غرفته وانا في غرفتي م كنت قادرة افكر في شي بس مقتنعة تماماً انه الخطوة العملتها دي كانت صح ،وانا مرتاحة لأني كلمته،وإتأكدت من حقيقة مشاعري تجاهه لما لقيت اني م عايزة وم قادرة اعمل حاجة من وراه تاني وانا كل العايزاه اني اشيل الحواجز م بينا

...........................................

مرحباً،هذا انا سياف
بخير وانت؟
اريد ان اتحدث معك بأمر ضروري هل يمكننا ان نلتقي بعد ساعة من الان؟اجل ضروري للغاية
حسناً،سأكون هناك خلال ساعة من الزمن
شكراً لك

..............................
وانا في المطبخ جا قال لي انا حأطلع شوية كدة وبرجع

طالع وين انا بجهز في حاجة ناكلها،ومتين نحن رجعنا م ارتحت

الراحة دي في الجنة يا شهد

بقيت اعاين ليه بعد الجملة دي بتهكم،ملامحه بتقول انه مرهق ومهموم بس ببين عكس دة

لما شافني ساكتة قال لي م بتأخر على بال م تخلصي بكون رجعت

طيب

وهو طالع قلت ليه: سياف؟!
نعم؟
بالنسبة لموضوع عمار...انا هعمل الإنت بتقول عليه

ان شاء الله يحصل خير

تمام ان شاء الله خير،خلي بالك من نفسك

حاضر

يوم زي دة مفروض يكون مميز بالنسبة لينا او على الأقل هادي وبعيد عن المشاكل،كنت منتظرة بفارغ الصبر نرجع البيت واعمل كيك واجهز كبايتين الشاي بتاعتنا وارتب القعدة واخليه يحكي لي عمل شنو واقنع امجد اخوي كيف لما وافق وغير رأيه كدة،بس كل الحاساه حالياً انه قلبي قابضني وم مرتاح،م قادرة اقرأ افكاره ولا يمكن عشان انا م فاهمة شخصيته اساساً،هو متضايق ولا لأ؟
زعلان ولا غضبان وكابت غضبه؟ ولا احساسه شنو م قادرة افكر ،هو مثال حي للراجل الما بظهر مشاعره عشان تقدري تصنفيه وتفهميه،بس بخليك تشوفي افعاله في الوقت المناسبة لكل موقف

رجع بعد اكتر من ساعة من الزمن ،بعد م إتعشينا قال لي جيبي تلفونك وتعالي..

جبته و مديته ليه قال لي :قولي ليه انك موافقة

بقيت اعاين ليه بإستنكار

خليه يديك تفاصيل المطلوب منك شنو بالضبط ووين حيكون المؤتمر بتاعه وكدة

يعني انت موافق ؟

فكرت ولقيت انه ماف حل نقدر نرجع بيه لين غير الخطوة دي طالما جاتنا في مكانا

ملامحي كان بيعلوها الإستغراب بس قلت ليه:طيب حاضر
فتحت المحادثة بتاعة عمار وكتبت ليه زي م قال هو

After 24hours :

Los angels Airport :