#ئاو
ئەی هاژەهاژی ڕووناکی!.
ئەی نووری ئاو!.
بە ڕێ و بانی عەشقا وەرە و
ڕوو بکەرە ئەم دەڤەرە و
لە مسەرەوە و لەو سەرەوە
سەرتاپامان بدەرە بە شەپۆلانت و
هەڵمانکێشە لە بێگەردیی بەفراوانت و
چون گژوگیا و بەردی کەنار جۆگەکانت
جەستە و ڕۆحی ڕق گرتوومان
پاکژ... پاکژ
بە یەکەوە بشۆرەوە!.
ئاوی هەتاو
ئەی تیشکی تەڕی چاوی خوا!
هەر لە بەردەم نیگاتەوە
بماندەرە دەست ساڵاوی تەماشات و
دەست خۆشەویستیی ڕەهات و
بە لێزمە و ڕێژنەوە
داکە بەسەر هەمووماندا و
وەک زناری بەر تاڤگەت
ئەم نەخشەیە
لەو هەموو ژەنگی تۆڵەیە و
لەو هەموو چڵکی گوناهە
پاک کەرەوە!
ئاو.. ئاو.. ئاو.. ئاو!.
🎀 @Sherko_bekas
شێرکۆ بێکەس
#هەست_و_نەست
.
ئەی هاژەهاژی ڕووناکی!.
ئەی نووری ئاو!.
بە ڕێ و بانی عەشقا وەرە و
ڕوو بکەرە ئەم دەڤەرە و
لە مسەرەوە و لەو سەرەوە
سەرتاپامان بدەرە بە شەپۆلانت و
هەڵمانکێشە لە بێگەردیی بەفراوانت و
چون گژوگیا و بەردی کەنار جۆگەکانت
جەستە و ڕۆحی ڕق گرتوومان
پاکژ... پاکژ
بە یەکەوە بشۆرەوە!.
ئاوی هەتاو
ئەی تیشکی تەڕی چاوی خوا!
هەر لە بەردەم نیگاتەوە
بماندەرە دەست ساڵاوی تەماشات و
دەست خۆشەویستیی ڕەهات و
بە لێزمە و ڕێژنەوە
داکە بەسەر هەمووماندا و
وەک زناری بەر تاڤگەت
ئەم نەخشەیە
لەو هەموو ژەنگی تۆڵەیە و
لەو هەموو چڵکی گوناهە
پاک کەرەوە!
ئاو.. ئاو.. ئاو.. ئاو!.
🎀 @Sherko_bekas
شێرکۆ بێکەس
#هەست_و_نەست
.