بما إن الصوره طالعة ترند
ف أحب احكي قصتها ....

السنة اللي فاتت روحنا نصلي التراويح ف الأزهر
وكان نفسي اصلي فيه جدا خاصة إني مش بروحه كتير
غزل اول ما شافت الزحام خافت وقعدت تعيط حتي وانا شيلاها
ولسه بحاول اسكتها
فواحدة قالتلي: حبيبتي اطلعي بيها بره انتي كده كده صلاتك مش مقبولة. "موقف عمري ما نسيته ولا هنساه" 💔
خدتها وطلعت اعيط انا وهي برا 🥹😂
واتأثرت نفسياً جدًا..عبدالرحمن اتصل في نص الصلاة يتطمن علينا قولتله إن غزل بتعيط وانا مستنية برا لحد ماهو يخلص صلاة، قالي هاجي اخد غزل انا هعرف اتعامل معاها
خدها ودخل يصلي بيها وهي سكتت في حضنه وبطلت عياط وعرف يصلي
وانا دخلت كملت صلاتي واتبسطت بشعور صلاة التراويح من غير نظرات أو كلمات من الناس..
يومها عبدالرحمن قالي إنه شاف ناس صورته وخلاهم يمسحوا الصور كلها

وبعد ما روحنا البيت اتفاجئنا بالصورة على صفحة الأزهر الشريف نفسه. ♥️