مریض عشقه اِی دیلبر ، طبیب مهربان ایستر
علیل درد هیجرانم ، کونول آرام جان ایستر

یاماندیر آیریلیق دردی ، گـیـرفـتـار اولمویان بیلمز
عذابی کیمسیه موشکول ، یـوخــاری بیر توان ایستر

اینانماز سئوگی لر هرگز ، رقیبین عشقینی گویا
دوغورچو عاشیقه البت ، بـو یـول دا امتحان ایستر

سوزوم ده عاجیزم هیهات ، دیلیم قاصیردی گوفتـاره
توکنمز عشقیمه لایق ، دیلیم ده خـوش بیان ایستر

اورک ده یغمیشام سیرّری نَـجـَور افشا ائـدیــــــــم جانا
بو واضح دیر بئله سیرّره ، یقین خلوت مکان ایستر