قصيدة مولاي علي الاكبر ص


الاكبر اول زلزله
نزلت بطف كربله
سجدت كباله الزلم
والحرب توة حله



طبهم . ليث الموزمة
الغيرة . بروحة محزمة
القائد من الجندي يطلب حل يريد

حيله . رايد يالربع
خايف . راسي الينكطع
راح افر من الحرب فر العبيد

من اليكدر اله . جن زلزلة . وطر الكتايب
ايتفنن من يطب . وسط الحرب . ليث الحرايب
الفرس تركب زلم . خله الشهم . حال الاجانب

ساعة الاكبر غضب
سوة تل من الركب
هذا واقع مو حلم
والحرب توة حله



بالحومة - سوة العجب
كدامة - اطيح الركب
حته ملك الموت ما لحك عليه

بضرباته - يقرأ الحمد
جن حيدر - كبال ابن ود
بضربه وحدة الفارس ايموت بئديه

علي بهيئة علي - وضربه علي - طيح عكلهم
صرخ بيهم مدد - ماضل عدد - ذلت زلمهم
طفح بيه العزم - هاشم زلم - من يكدر الهم

هاشمي وماله كفو
كباله ما يوكف عدو
للحرب عاكد عزم
والحرب توة حله



الحومة - ظلمه من الظلم
طبهه - بنورة الطلسم
شمس نازل بالحرب وكت النزال

من عيوني - طاحت زلم
نضراتة - نار وسلم
بسيفة وعيونه علي طب للنزال

ابو عيون الشهل - بيهن كحل - من الله صاير
الكتائب والزلم - بكيفه الشهم -
ما يبقة حاير
بنه بروس العدة - تل وحدة - وبجة العساكر

محد اكبالة وكف
الاكبر بزينب حلف
ما ثبت يمه جدم
والحرب توة حله



من عمه - ماخذ عزم
بالحومة - ماكو سلم
بكر ابن غانم اخذ راسه بأديه

ركضهم - طول وعرض
خلاهه _ تغوص الارض
حيدري ومن حيدري شيكدر عليه

سؤال اهل الكفر - من طب يكر - ياهو الاجانه
السبع للكنطرة - لو حيدرة - رد من زمانة
كضت نص الزلم - من الشهم - للحومة اجانة

الحومة سكتت من نزل
جن علي بيوم الجمل
تورثة بقوة وعلم
والحرب توة حله


خادم خدام زينب صلوات الله وسلامه عليه
حميد كاظم الشمري