قصيدة مولاي ابا الفضل العباس ص


طاح عباس اوراه كلشي وكع
هينة كلهه بس خدر زينب طلع
طاح عباس _ طاح عباس



طاح عباس و كسر ظهر الحنين
وضحكت الشمات يسمعهه الحسين
هوسو ضل وحدة و ماله معين
حسين مهظوم و فطر كلبة الونين

عباس _ حسين اجاك بطولة رد محني شجاه
عباس _ صفك ومضاحك زلم تمشي وراه

حيرة ابجي عله الحسين وحالتة
لو انوحن عله الطاحت رايتة
طاح عباس _ طاح عباس



حسين المن راجع وعباس مات
وداعتك يدوهنن عكبة البنات
انت مو تدري البنات مدللات
باجر بيا هيمة ما كتلة نبات

عباس _ ليش نايم واني اجيت بشاربك
عباس _ الغربة بأجر تسحك عالعتابك

مدوهنة خلافك اضل ابلاية راي
وين ما امشي الشمر الكاه وراي
طاح عباس _ طاح عباس



ساعة وحسين العدة تكطعة وذر
و جسمة يوصل بالحوافر للنهر
سمع صوتي وكام مت عيني وعثر
صاح زينب عذري اخوج الما كدر

عباس _ اثنينكم عفتوهه زينب حايرة
عباس _ هاي اجتني الخيل تصهل غايرة

كاعدة رقية وتطفي بالحرك
واني ادفع خيلهم لا تنسحك
طاح عباس _ طاح عباس



دوهنتني الوادم الما شايفة
عمري ما متعودة اطرن طايفة
شتموني وهاي اهون سالفة
ترضه ما ترضاهه زينب خايفة

عباس _ كوم ردهه الناس اذت زينب
عباس _ والشمر طب للخيم ضل ينهب

فرهدوهه الخيمة ما خلو اثر
حتة مهد الطفل عبدالله انكسر
طاح عباس _ طاح عباس



كلهه تشكي لزينب والمن تصير
المالة بالوادم عرف باجر يحير
عمري مو مالت هزل كلش جبير
ركبوني و ما عرف وين المسير

عباس _ كوة صعدني العليل اعله الهزل
عباس _ و بركبتي وركبة الناكة الحبل

الناكة من تجفل يأذيني الحبل
هذا حالي شلون جا حال الطفل
طاح عباس _ طاح عباس



وكت زينب تمشي ويه وآدم غرب
موش ليلة ويوم ويهون الدرب
اربعين ابين شتمات و ضرب
و طبت الديوان تكسرلي الكلب

عباس _ الما مكابلتك تكابل كافر
عباس _ يادوة الينفع لكسر الخاطر

يضرب براسك وديرن عيني
رجع ضل يضرب برأس حسيني
طاح عباس _ طاح عباس


خادم خدام زينب صلوات الله وسلامه عليها
حميد كاظم الشمري