IT320 I تقنية المعلومات

السـلام عليكـم ورحمـة الله وبركاته.

بعض التوضيحات بخصوص مادة ال It ل السيم هدا :

- نبدوا بالمحاضرات :

- حضور المحاضرات مش اجباري لكن ضروري للإستفادة و الامتحان سواء النصفي او الفاينل حيكون من شرح دكاترة المادة ومن الشيتات الخاصة بالمادة.

-الدكتور مانع التسجيل و التصوير و اي حد يسجل او يصور بغير اذن حياخد فيه الدكتور اجراء بالخصوص .

- الدكاترة طالبين كراسة شخصية تسجل فيها ملاحظاتك مع الدكتور وللمراجعة منها في الطعون .

- اما بخصوص الامتحانات وتوزيع الدرجات :

- الامتحان النصفي عليه 30 درجة و بيكون عبارة عن تطبيق عملي لـ:
Powerpoint و Word
بحيث توزيع الدرجات يكون :

15 درجة PowerPoint
15 درجة Word

- موعد الامتحان النصفي حيتحدد بعد ما ناخدوا المقررين هاذم .

-الامتحان النهائي عليه 70 درجة ويكون شامل لجزئية النظري ( كلام الدكاترة و الشيتات ) + تطبيق عملي ، وتوزيع الدرجات حيكون :

40 درجة لجزئية النظري ( power point + Word + شيتات النظري و شرح الدكاترة )
30 درجة للـ Excel بيكون تطبيق عملي

ملاحظات بخصوص الامتحان :

-اول شي لازم لازم لازم يكون عندك حساب في منظومة المادة قبل الامتحان النصفي و الفاينل ووضحت طريقة انشاء حساب ( هنا ).

- تاني شي ممنوع منعًا باتًا الدخول بالساعات الذكية Smartwatch و ممنوع استعمال التلفون داخل الامتحان لأي سبب كان .

-بالنسبة للتصحيح :

كل دكتور بيصحح وفق شرحه هوا فقط ، يعني لو مجموعتك مع دكتور محمد امتحانك حيكون تبع الدكتور محمد و حطبق زي مقالك الدكتور محمد فالمحاضرة و العكس صحيح.

-بالنسبة لمسألة الدرجات ، زي ما وضحنا أن حيكون في مراجعة لكن بالزايدة و النقصان ، يعني لو كنت ناقص بالفعل بتاخذ درجاتك، أما لو كانوا زايدينك فبتنقص الدرجات هادي. (والتصحيح بيكون بناء على كراسة كل طالب وعطاء الدكتور خلال المحاضرات). .

- بالنسبة لموضوع القوائم :

بما ان التنزيل قاعد قائم ، اي حد تنزله المادة متأخر او نازلتله وعنده تعارض يمشي يعدل مجموعته قبل الامتحان النصفي .


وموفقين مُسددين جميعاً .