بديهن من ريف جايات
دخلو عمامي بالستقبال وعمي جواد ونسوان هم كلمن سوت شله وكعدن يسوالفن واني محتاره بجهال سلمى

عماتهم راحن حمودي اتعلم عليه ميبجي ابن سمر
ساكت بحضني

صارت ساعه 11 دخلو الجدوره مال العشه كمت اني وزهراء مرت سجاد ونور و بت عمتي سهام اتعصبت بشال وسدينه الباب ونجلف

ماخلصنه له لساعه 1 باليل بقيت اغسل بالحوش
كله صخام وتمن يبووو اشيل واغسل
صاحوو اجوي الجنازه بسرعه الميت الصونده فاتن البنات تلكنهن النسوان الجوه ويبجن سماح حضنتني وبجينه
وج تهاني دفت امي ورجعت
تهاني :: الله يرحمها ويصبرج ياروحي
سمر :: ولج يمه بيت فرغ علينه اشلوووون خليتج وجيت
طلع عمي الشيخ حضننه بناته ويبجن وهوه يصبر عليهن
دخل حمزة كعد ع كرسي بالحديقه
دخلن البنات بقيت انشف الحوش دخل رافد خزرنه خزره وكعت الماسحه من ايدي

ادنه عليه ولج عدلي شالج لا والعباس ادفنج
تهاني :: والله عدل شبيك
رافد :: ووووين عدل بيااا حال احتار بيج اني
تهاني :: شكووو والله عدل شوف هل عدلته بعد شكوو
رافد :: دنجي وشوووفي العدل شيطلع بله ولج انتبهي على تصرفاتج وع روحج ودشداشتج نكعانه امشي فوتي

تهاني :: ولحوش غير انشفه
رافد :: فوتي جوه لا انشف دمج يلااا
تهاني :: ياااا خليت وفتت دموعي اصب

رافد :: رحت دفت امي واني اكابر على روحي مالازم اضعف كدام اخوي واخواتي بحاجتي همه قبل ممتوفى امي جنت يمها الصبح طلبت اشوفني دخلتلها اني وابوي وتحجي وسوالف كالت راسي يوجعني كلش

حتى عيوني مااشوف بيهن
كال الدكتور من ورا الضغط بس يخف ترتاح وحجيه مطمنه ابد وصتني على سماح وسمر وسلمى حتى على تهاني وادير بالي عليهن

طلبت من ابوي ميرجع سماح محمد دنج عليها ابن خالي عمه اوعدج سماح الي وادير بالي عليها اطمئني عليها
ابوي بقه ساكت وخالي محمد كال الابوي بس تخلص شغلتها اخذها منك ابو رافد

شفناها صوفرت كلش دكتور كال اطلعو
هستونه طلعنه صفر الجهاز خاولو وياها طلع الدكتور كال الضغط سبب عدها انفجار بالراس
وهنا اسودت ادنيا بعيوني حمزة يصرخ ويبجي وابوي حاضنه ويبجي

رجعت للبيت اخذت الشهاده ودخلنه امي اللبيت وطلعنه ندفنها وابد مبينت دمعتي الاحد واني كلبي الي يبجي
هاي امي والدنيا والبيها وعيوني ونظرها اول ماادخل تتلكاني ووتعرف اذا موجوع قبل مااحجي

اشلون ياربي الطريق كله ساكت واحس احجي وياها
واعاتبها ليش عافتنا
رجعت خاوي من تعب وظهري اذاني كلش
طبيت لكيت تهاني مدنجه وتمسح وطالع صدرها تخبلت احجي وياها ترد بفهاوه ردت اذب حركت كلبي بيهاا

كعدت برا يم حمزة ودموعنا اصب مااكدرت بعد اكتم
حمزة :: خويه اشلون افوت ماالكاهاا
اشلون يارافد منووو بعد اداهر وياه والكم هاي صديقتي امي اشلون حطيت التراب عليهااااا

طلعو كلهم الولد على ثغيب حمزة وحجه
حظنته والك خويه انت قوي اشلون اصبر على اخواتك
كافي اترحملهاا

الشيخ جواد :: ولكم كافي كلبي خلص لا سون هيج
حمزة :: يابه امي عافتنه اشلون نتحمل انت تتحمل لووو اخواتي اني اشلووون اتحمل مااكدر
يابووووويه

عم محمود ::: حمزة كافي ابني حقك الام عزيزه بعد راحت وهاي ارادت ربك
حمزة :: ونعم بالله
رافد :: كوم وياي يلا
صعدنه فوك بغرفتي وصوت اصريخ اخواتي فوك واسمعه احنه زلم وماتنكدر اذا مانبجي اشلون هنا

تهاني :: اتخربطت سماح خطيه بس صحت اجه عمي ومحمد ذبو عليها مي وصحوها بس تبجي وتصرخ
سماح :: اريد امي والله اريدهاااا

حمزة :: خويه هاي سماح راح اتموت اشلون بيها
محمد :: كومي غسلي وجهج يلا كافي شوفي اصار بيج ابوج راح يصير بي شي من وراجن
رافد :: سماااح
عمه فوزيه :: كومي سماح اخوج يصيحج
تهاني :: كومي سماح يلا حبيبتي
اخذت الملابس اشرهم صعدت وياها فاتت هيه الغرفة رافد

رافد :: شبيج خويه كافي والله ميصير هيج
سماح : موبيدي والله اشلون اتعود على غيابها
حمزة :: نتعود الازم ميصير تبجين وتشبين روحها بكبرها خويه
تهاني :: خلصت فتت يمهم شفتها كاعده بصف رافد وحمزة وحاضنينها وتحد يصبر ع ثاني راح انزل اسويلكم عشه

رافد :: اي سوي تره بعدهم محد ماكل منهم
تهاني :: صبينا جوه سلمى وسمر عمو كعد يمهن يتعشن وانتو راح اصعده هنا

نزلت حضرت الصينيه وصبيت وصعته دشداشتي مبلله من جوه بس حلوه من امشي احس بروده على رجليه تدخل وطويله شويه خليت الاكل يله اتعشو
حمزة :: يلا سماح اكلي
صعدت عمه فوزيه يلا تهاني يمه اتعشي وياهم لا غده ولا عشه انتي

رافد :: ليش مااكلتي
تهاني :: والله مااشتهي شفته يخزرني يبوو هذا شبي
ادنيت ع صينيه بس اكت تشريب ويايهم
محد اكل اصلا بس كم لكمه نزلت الصينيه كملت الفاتحه وخلصت البنات يرحن ويجن علينه رافد مو نفسه هوه عصبي نار وحمزة على طول برا البيت وعمي وحده ويقرء قران ويصلي مرات اشوفه يطلب الصبر من رب العالمين ودمعه بعيونه مبين حبه العمتي

سماح رفعت دعوه وطلكت ابن خالها جاب سيد وعقد عليها بدون لا حفله ولا شي

حمزة سافر القطر ه