قصيده ثقيله للإمام الكاظم عليه السلام
========

موعدي فوگ الجسر

الجمعه وي شمس الضهر

شيعتي الييييوم
شيعتي الييييوم

========

اليوم ينفك باب رحمه
وتنتهي هاي القيود

الضلت اعلى الجسم طابع علحقد يبقن شهود

دربي باچر بلرصافه علجسر ينثر ورود

ولو مسره الدرب هذا
ينتهي صوب اللحود

موعدي مو بلفجر
الجمعه وي شمس الضهر

شيعتي اليييوم
شيعتي اليييوم

()()()()()()()

قيمو احزان ومأتم خلي تندب ناعيه

وشيلو نعشي للمقابر والبيارغ عاليه

ذكرو مصابي ومحنتي ونار سمّي الساريه

والسلاسل والحديد وذاك سجن الطاغيه

خلص عمري ابهلشهر
الجمعه وي شمس الضهر

شيعتي اليييوم
شيعتي اليييوم

()()()()()()()

جروح شفت هوايه لاكن جرح واحد مزدحم

جرح جدي حسين وهله أبد ماضن يلتحم

عايش وياي بغربتي
بيه كل ليله انلچم

شيعه كل هذا الجراله ريت مو واقع حلم

قاسي وي جدي الدهر
الجمعه وي شمس الضهر

شيعتي اليييوم
شيعتي اليييوم

()()()()()()()

سجني ماينحمل چايد والجره ماينوصف

طاح لحم متوني منها السلسله ولحمي ترف

منين مادورن الغربه ابد ماعندي عرف

وابن شاهگ مايبالي بلسجن جدا صلف

الباغي خلاني احتضر
الجمعه وي شمس الضهر

شيعتي اليييوم
شيعتي اليييوم

()()()()()()()

سابع العتره يشيعه گضه ومات الوحده

ذبلوها سنين عمره ياحسافه اهل الرده

شنو ذنبه بلسجون البوب كلها مسدده

على القبله من يوجه
الوالي منهو الوسده

علجسر والي الفخر
الجمعه وي شمس الضهر

شيعتي اليييوم
شيعتي اليييوم

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018 ام