نعي للسيده زينب عليها السلام
طور الملائي
=========


يمه بهداي بهداي
يمغسله الشفجات بهداي

وبصبت الماي
لاتلچميها ابصبت الماي

وجروحها هواي
تراهي تون وجروحها هواي

...........😭

ماهو محلها
ياموتتچ ماهو محلها

يمه من اهلها
وتريد دفان من اهلها

بساع وعجلها
والموت اجه بساع وعجلها

...........😭

واسمعت ونها
تحت التراب اسمعت ونها

اخواني چنها
صاحت اريد اخواني چنها

يمه وسدر عنها
دفنها المچيري وسدر عنها

.............😭

مشبوحة العين
صوب الدرب مشبوحة العين

وتنادي الحسين
تصيح الكمر وتنادي الحسين

بس علمرحلين
كل البچي بس علمرحلين

.............😭

يحضرون اختهم
رادتهم ايحضرون اختهم

والشوف منهم
والعين تشبع شوف منهم

يمه رايدتهم
وكت المنيه رايدتهم

............😭

ياهو اليشيله
يخوتي النعش ياهو اليشيله

خويه العديله
وياهو اليقرالي العديله

دمعي اسيله
وعلى المشو دمعي اسيله

..............😭

حملو كلهم
ماضل ولي حملو كلهم

يمه نسو چنهم
والعشرة اخوتي نسو چنهم

ياهو اليگلهم
روحي گضت ياهو اليگلهم

..............😭

اعتب عليهم
غصبن تراني اعتب عليهم

الغيره بيهم
بعدهم اخوتي الغيره بيهم

لا مو بديهم
الفرگه جبر لا موبديهم

...............😭

حلوين الأطباع
كلهم كرم حلوين الاطباع

بلحومه اسباع
بلموزمه وبلحومه اسباع

يايمه ماضاع
والتعب بيهم يمه ماضاع

...............😭

بديار غربه
روحي گضت بديار غربه

والحال صعبه
محد نشد والحال صعبه

يشكي الربه
گلبي يون يشكي لربه

=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018